လူကြည့်များသော ရုပ်ရှင်များ

အက်ရှင်ကြိုက်တဲ့ ကြည့်ရှုသူတွေအတွက် ဒီတစ်ခေါက်ကြည့်ရှုရမယ့် ဇာတ်လမ်းတွဲလေးကတော့ ထူးဆန်းစွာသတ်ဖြတ်ခံရမှု နောက်ကွယ်က အကြောင်းရင်းတွေကို ကြည့်ရှူရမှာပဲဖြစ်ပါတယ်။ မတရားမှုကို လက်ပိုက်မကြည့်နိုင်တဲ့ ဗီထရီနဲ့ လူနာတွေအပေါ် စာနာစိတ်မရှိတဲ့ ဒေါက်တာမားရန်။ ရုပ်ချင်းခွဲမရအောင်တူနေတဲ့ သူတို့နှစ်ဦးဆီမှာ ဗီထရီရဲ့ ကစားကွက်တွေကနေတစ်ဆင့် ‌မားရန်ပေါ် ဒုက္ခရောက်စေခဲ့တဲ့ အချိန်မှာတော့ သူတို့နှစ်ဦးတွေ့သွားပြီး ဘာတွေဖြစ်လာမလဲ ။ ဒီကားလေးထဲမှာတော့ တကယ်လိုအပ်တဲ့အရာကို ဦးစွာလုပ်သင့်ကြောင်းနဲ့ မိသားစုတိုက်ပွဲမဟုတ်တဲ့ အများအတွက် တိုက်ခိုက်ပေးတဲ့ တိုက်ပွဲကိုကြည့်ရှု့ရမယ့်အပြင် ပုံမှန်ကြည့်နေကျ ရဲဌာနကြားကပြဿနာ‌ေတွမဟုတ်ဘဲ ဆေးဝါးအခမဲ့ကုသခွင့်ရဖို့အတွက် တိုက်ခိုက်သွားတာတွေကို ကြည့်ရှုရမှာပဲ ဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ဇာတ်လမ်းအကျဉ်းလေးကတော့ ပေါလ်ကတ်ဒ်လာဆိုသူဟာ အကြမ်းဖက်ရန်ကာကွယ်ရေး ကြိုတင်ပြင်ဆင်မှုနဲ့ ဓားဓားခံကယ်ဆယ်ရေး ကျွမ်းကျင်ပညာရှင်ဖြစ်ပါတယ်။ သူဟာဒီထရွိုက်မြို့ကိုလာပြီး မြို့ရဲ့S.W.A.Tအဖွဲ့ကို လေ့ကျင့်ပေးရပါတော့တယ်။ အဲ့လိုလေ့ကျင့်ရေးဆင်းနေကြရင်း ဓားဓာခံတစ်ယောက်သတ်သေတာကို မတားလိုက်နိုင်တာကနေ ဓားဓာခံဖြစ်သူရဲ့ ရည်းစားဖြစ်သူမှ လက်စားချေချင်းကိုခံရပါတော့တယ်။ ၁၀နှစ်တာသက်တမ်းမှာ ဓားဓာခံတစ်ယောက်မှမဆုံးရှုံးဖူးတဲ့ ပေါလ်ကတ်ဒ်လာတစ်ယောက် ပထမဆုံးအကြိမ်ဆုံးရှုံးလိုက်ရတဲ့အခါမှာလဲ ဘယ်လိုပြဿနာတွေတက်မလဲဆိုတာကိုတော့ ဇာတ်လမ်းလေးကိုကြည့်ရှုပေးကြပါအုံး.... ဇာတ်လမ်းအညွှန်းနဲ့ ဘာသာပြန်သူကတော့ innocentsheep ဖြစ်ပါတယ်

ကမ္ဘာကြီးမှာ စစ်ရာဇ၀တ်မှုတွေ ကျူးလွန်နေကြတဲ့ စစ်ဗိုလ်ချုပ်တွေ လက်တစ်လုံးခြားလုပ်တဲ့ နိုင်ငံရေးသမားတွေ ရှိနေကြတာ ဒီနေ့ထိပါပဲ။ ဒီကားမှာတော့ Soul catcher ဆိုတဲ့ ဓာတုလက်နက်ကိုသုံးပြီး အကြမ်းဖက်လုပ်ရပ်တွေ လုပ်ချင်ကြတဲ့ ပိုလန်နဲ့အာဖရိကက ခေါင်းဆောင်တွေကို ရှင်းလင်းပုံကို ရိုက်ကူးထားပါတယ်။ Soul catcher ဆိုတဲ့အတိုင်း ဒီလက်နက်က လူတွေရဲ့စိတ်ဝိညာဉ်ကို ဖမ်းပြီး ကယောက်ကယက်ဖြစ်အောင် သောင်းကျန်းအောင်လုပ်ပစ်တာပါ။ ဒါကိုတီထွင်တဲ့ပါမောက္ခက အစပိုင်းမှာ ကင်ဆာကုသဖို့ရည်ရွယ်ခဲ့တာဆိုပေမယ့် လွဲချော်သွားပြီး စွမ်းအားမြင့်လက်နက်ဖြစ်သွားပါတယ်။ ဒါကိုသိတဲ့စစ်ခေါင်းဆောင် ယူစစ်က ပါမောက္ခကိုဖမ်းထားပြီး လက်နက်ကို အာဖရိကစစ်ခေါင်းဆောင်ဆီ ရောင်းစားဖို့ကြံရွယ်ပါတယ်။ သူတို့အရောင်းအ၀ယ်လုပ်တာကို ဖေးတို့ စစ်သားဟောင်းတစ်စုက တားဆီးသုတ်သင်ဖို့ ပိုလန်၀န်ကြီးဆီကနေ မစ်ရှင်ပေးခံရပါတယ်။ ခက်ခက်ခဲခဲနဲ့ မစ်ရှင်အောင်မြင်ပြီးကာမှ ထင်ထားသလို လက်နက်ကိုဖျက်ဆီးပစ်တာမဟုတ်ဘဲ နိုင်ငံရေးသမား၀န်ကြီးက လှည့်စားတာဖြစ်နေတဲ့အခါ ဖေးတို့အဖွဲ့ ဆက်ရင်ဆိုင်ရပုံကို အားပေးကြည့်ကြပါဦး။ ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်

ဆယ်ကျော်သက်တစ်ယောက်ရဲ့ အချစ်မှာရူးသွပ်မှုကဘယ်အတိုင်းအတာထိသွားနိုင်ပါသလဲ အချစ်အတွက်ဆိုစည်းဘောင်တွေကျော်လွန်ရဲတဲ့အထိ ရူးသွပ်နိုင်လောက်အောင်ကို အန္တရာယ်များတယ်ဆိုတာဒီကားထဲမှာလက်တွေ့ကြည့်ရှူ့ရမှာဖြစ်ပါတယ် ၁၉နှစ်အရွယ်ဟက်ကာလေးဗီဗစ်ခ်ဟာ သူ့ထက်အသက်ကြီးတဲ့ဖက်ရှင်မဂ္ဂဇင်းအယ်ဒီတာဆမ်ကို ရူးသွပ်စွာချစ်မိသွားရာကနေ စလာတဲ့ဇာတ်လမ်းလေးတစ်ပုဒ်ဖြစ်ပါတယ် သူချစ်ရတဲ့"မ"ရဲ့အသုံးချပြီးနောက် စွန့်ပစ်ခြင်းကိုခံလိုက်ရတဲ့ဗီဗစ်ခ်ဟာ ဟက်ကာပီပီ ဆမ်ရဲ့ဘဝကိုဟက်တာတစ်ခုတည်းနဲ့ဗြောင်းဆန်အောင် စတင်မွှေနှောက်ပါတော့တယ် အချစ်ကြီးပြီးရူးသွပ်နေတဲ့ ဗီဗစ်ခ်ရဲ့လက်ထဲကနေဆမ်တစ်ယောက်လွှတ်မြောက်နိုင်အောင် ဘယ်လိုလုပ်မလဲ ဗီဗစ်ခ်လိုထက်မြက်တဲ့ဟက်ကာတစ်ယောက်ရဲ့ လက်ထဲကနေဆမ်တစ်ယောက်သူ့ရဲ့အရှက်ကွဲမှုတွေကိုပြန်အဖက်ဆယ်နိုင်ပါ့မလားဆိုတာ ရင်ခုန်စွာကြည့်ရှု့ရမှာဖြစ်ပါတယ် ဒီကားရဲ့အညွှန်းရေးတာနဲ့ဘာသာပြန်သူကတော့ Khin Khinဖြစ်ပါတယ်

Radioflash ဆိုတဲ့ ဖြစ်စဉ်ကို အခြေတည်ပြီး ရိုက်ကူးထားတာပါ။ သူက နျူကလိယဗုံးကို ဖောက်ခွဲတဲ့အခါ radio receiver ကနေထုတ်တဲ့ လျှပ်စစ်သံလိုက်ခုန်နှုန်းကို ခေါ်တာပါတဲ့။ ဒီကာစထဲမှာတော့ ဒါ ဘာအတွက်ဖြစ်တယ် ဘာကြောင့်လဲဆိုတာ မပါပါဘူး။ ရိစ့်စ်တို့ သားအဖနေတဲ့ မြို့မှာ ဒီလိုဖြစ်စဉ်ပေါ်ပေါက်လာပြီး တစ်မြို့လုံး မီးအမှောင်ကျသွားပါတယ်။ မြို့သားတွေ ဘာဖြစ်မှန်းမသိကြပေမယ့် ရိ့စ်စ်က အဘိုးရဲ့စာအုပ်တွေ ဖတ်ပြီး ဒါ radioflash ဆိုတာသိသွားပါတယ်။ Power outage ကြောင့် ဖုန်းလိုင်းတွေ အင်တာနက်လိုင်းတွေ တစ်ခုမှ မရတော့တဲ့အခါ ရိစ့်စ်က အဘိုးဖြစ်သူကို ရေဒီယိုလှိုင်းနဲ့ ဆက်သွယ်ကြည့်ပါတယ်။ အဘိုးက ဒီဖြစ်စဉ်ကို သိထားပြီး ပြတ်တောက်နေတဲ့အချိန်အတွင်း ဒုက္ခရောက်တော့မှာသိတဲ့အတွက် ရိစ့်စ်တို့သားအဖကို သူနေတဲ့နေရာဆီ ချက်ချင်းလာခိုင်းပါတော့တယ်။ တစ်မြို့လုံး panic buying တွေဖြစ်လာပြီး ဆိုင်တွေလည်း ပိတ်ကုန်တဲ့အခါ ရိစ့်စ်တို့လည်း မြို့ကနေ အမြန် ထွက်ခွာလာကြပါတယ်။ အမြန်လမ်းမှာလည်း ကားတွေဆိုင်ကယ်တွေပြည့်နေပြီး အန္တရာယ်များလာတဲ့အတွက် သူတို့သားအဖက ဖြတ်လမ်းကနေသွားဖို့ရွေးလိုက်ပါတယ်။ သူတို့သားအဖ လမ်းမှာ ဘယ်လိုအန္တရာယ်တွေ ရင်ဆိုင်ရဉီးမလဲ အဘိုးဆီကိုရော ချောချောမွေ့မွေ့ရောက်နိုင်ပါ့မလား တခြားဘယ်လိုအရာတွေနဲ့ ကြုံတွေ့ရမလဲဆိုတာ စိတ်၀င်တစားကြည့်ရမှာဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်

ရိုးသားတဲ့ဒေသခံမန်နေဂျာ ပါရက်က မူးယစ်ဆေးဝါးရောင်းဝယ်သူအဖြစ် သံသယရှိခံရပြီး ထောင်ကျခဲ့ပါတယ်။ ဒီအခြေအနေမျိုးမှာမှ သက်တွေအထောက်တွေကလည်း အပြစ်ရှိကြောင်း ခိုင်လုံနေတဲ့အခါမှာတော့ လွတ်မြောက်ဖို့ လမ်းမရှိခဲ့ပါဘူး။ အဲ့က တစ်ဆင့်ထောင်ထဲရောက်သွားပြီး ပြစ်မှုကျူးလွန်သူတွေနဲ့ တွေ့ဆုံဆက်ဆံရတဲ့အခါမှာတော့ ပါရက်ရဲ့ ကံကြမ္မာက ဘယ်လိုဆက်ဖြစ်သွားမလဲ။ သူက တကယ်ပဲ အပြစ်ရှိတဲ့သူလား ဒါမှမဟုတ် သူ့ရဲ့ရိုးသားမှုတွေက လူမိုက်တစ်ယောက်အဖြစ် လမ်းပြောင်းသွားမလားဆိုတာကို ကြည့်ရှူရပြီး လူတွေရဲ့ စရိုက်လက္ခဏာတွေကို သေချာကြည့်ရှုရမယ့် ဇာတ်လမ်းလေးပဲဖြစ်ပါတယ်။ ဒီဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ဒီတစ်ခါမိတ်ဆက်ပေးမှာကတော့ ရိုမန့်တစ်ဆန်ဆန် ကာတွန်းကားကောင်းလေးဖြစ်ပါတယ်။ ကိုယ့်နှလုံးသားထဲက ကြောက်ရွံ့မှုကို အောင်နိုင်ဖို့ တွန်းအားပေးတဲ့ ကားပါ။ အဓိကကတော့ အချစ်နဲ့ အနိုင်ယူတာပေါ့လေ။ မယ်ရီနက်ဆိုတဲ့ ကျောင်းသူလေးက introvert ဖြစ်ပြီး လူတွေကိုကြောက်ရွံ့တတ်ပါတယ် သူ့မှာ သူငယ်ချင်းအပေါင်းအသင်းလည်းမရှိပါဘူး။ အေဒရီရန်ကတော့ မိခင်ဆုံးသွားတည်းက ဖခင်ရဲ့နွေးထွေးမှုမရတော့ဘဲ အထီးကျန်နေတဲ့ကောင်လေးပါ။ ထူးခြားတဲ့ ကံတရားကြောင့် သူတို့၂ယောက်ဆုံပြီး ကမ္ဘာကြီးကို ကယ်တင်ဖို့ဖြစ်လာတဲ့အခါ.... မယ်ရီနက်တို့ကမ္ဘာမှာ ကြောက်ရွံ့မှုကို ဒေါသအမှောင်စွမ်းအားအဖြစ်ပြောင်းလဲပေးနိုင်တဲ့ လိပ်ပြာနက် နတ်ဆိုးရှိပါတယ်။ သူ့ကိုအနိုင်ယူနိုင်တာ လေဒီဘက်နဲ့ ကြောင်နက်ဆိုတဲ့ miraculous နှစ်ခုပါ။ ဒါပေမယ့် ၂ခုပေါင်းမှ ပိုသန်မာပြီး အနိုင်ရနိုင်တာပါ။ အေဒရီရန်ရဲ့ဖခင်က ဆုံးသွားတဲ့ဇနီးကို ပြန်ခေါ်ဖို့ အမှောင်စွမ်းအားကို ဆင့်ခေါ်တဲ့အခါ.... မယ်ရီနက်တို့ ၂ယောက်က ကယ်တင်ဖို့ရွေးချယ်ခံရပြီး အမှောင်စွမ်းအားနဲ့ရင်ဆိုင်ပုံ ကြောက်ရွံ့မှုကို တွန်းလှန်ပုံတွေကို ပဲရစ်မြို့ရဲ့လှပတဲ့ မြင်ကွင်းတွေနဲ့အတူ ခံစားလိုက်ကြပါဦး။ ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်

ဒီဇာတ်ကားလေးက မင်းသား Park Seo-joon ၊ မင်းသမီး IU တို့အပြင် တခြားနာမည်ကြီး သရုပ်ဆောင်များစွာ ပါဝင်ထားတဲ့ Comedy, Drama, Sport အမျိုးအစား ဇာတ်လမ်းလေးဖြစ်ပါတယ်။ ဇာတ်လမ်းအကျဉ်းကတော့ ဘောလုံးကစားသမားယွန်းဟုံးဒယ်ဟာ အရမ်းကြိုးစားပေမယ့် သူထင်သလောက် မအောင်မြင်တဲ့အတွက် အရာရာကို စိတ်တိုင်းမကျဖြစ်နေသူပါ။ တစ်နေ့ဘောလုံးအသင်း အင်တာဗျူးမှာ သတင်းထောက်တစ်ယောက်ရဲ့မဆင်မခြင်မေးမြန်းမှုကြောင့်တစ်ခုကြောင့် ယွန်းဟုံးဒယ်တစ်ယောက် စိတ်မထိန်းနိုင်ဖြစ်သွားရာကကိုယ်ထိလက်ရောက်ကျူးလွန်မိသွားပါတယ်။ အဲဒီအချိန်ကစပြီး ယွန်းဟုံးဒယ်ဟာဘောလုံးလောကနေအနားယူပြီး အနုပညာလောကထဲကိုဝင်ဖို့ ဆုံးဖြတ်လိုက်ပါတယ်။ ပီဒီဆိုမင်းဟာ မှတ်တမ်းရုပ်ရှင်ရိုက်ကူးနေသူဖြစ်ပြီး သူ့ရဲ့ဝါသနာ၊ သူ့ရဲ့အိပ်မက်တွေကိုကြိုးစားရုန်းကန်ပြီး အကောင်အထည်ဖော်နေတဲ့သူပေါ့။ ဒီလိုနဲ့ ယွန်းဟုံးဒယ်ဟာ ပီဒီဆိုမင်းရဲ့ဘောလုံးမှတ်တမ်းရုပ်ရှင်မှာ ပါဝင်ဖို့ဖြစ်လာပါတော့တယ်။ မှတ်တမ်းရုပ်ရှင်စရိုက်တဲ့နေ့မှာပဲ ယွန်းဟုံးဒယ်က လူငယ်ကစားသမားတွေမဟုတ်ပဲ အိမ်ခြေရာမဲ့သက်ကြီးပိုင်းတွေနဲ့ဖွဲ့စည်းထားတဲ့ဘောလုံးအသင်းကို လေ့ကျင့်ပေးဖို့ဖြစ်လာပါတော့တယ်။ အဲဒီတော့ ယွန်းဟုံးဒယ်ဟာ သူ့ရဲ့စိတ်မရှည်တတ်တဲ့ပုံစံနဲ့ ဘောလုံးအသင်းကို ဘယ်လိုလေ့ကျင့်ပေးမလဲ။ ဘာအခက်အခဲတွေကြုံရမလဲ။ ပီဒီဆိုမင်းကတော့ သူ့ရဲ့မှတ်တမ်းရုပ်ရှင်ကို ပြီးဆုံးအောင်ရိုက်ကူးပြီး သူ့အိပ်မက်တွေကို အကောင်အထည်ဖော်နိုင်မလားဆိုတာကို စိတ်ဝင်တစား

ဒီတစ်ခေါက်မှာတော့သရဲကားကြိုက်နှစ်သက်သူတွေကို အကြိုက်တွေ့စေမယ့်1920 Evil Returnsကိုတင်ဆက်ပေးလိုက်ပါတယ် ချစ်ရသူဆုံးပါးသွားတာကြောင့် ပူဆွေးနေတဲ့ကဗျာဆရာဂျာဒေ့ဗ်ဟာမြစ်ကမ်းပါးမှာ လာတင်နေတဲ့မိန်းကလေးကိုကူညီကယ်ဆယ်ခဲ့ရာမှ အံ့ဩစရာတွေကိုတစ်ခုပြီးတစ်ခု စတင်တွေ့ကြုံလာရပါတော့တယ် သူကူညီခဲ့တဲ့မိန်းကလေးဟာ သူနဲ့ဘယ်လိုပတ်သက်နေမလဲ သူတို့ကိုလိုက်နှောင့်ယှက်နေတဲ့မကောင်းဆိုးဝါးရဲ့ သရုပ်မှန်ကရောဘာလဲဆိုတာ ရင်ခုန်စိတ်လှုပ်ရှားစွာကြည့်ရှု့ရမှာပါ 18+အနည်းငယ်ပါတာမို့မိသားစုနဲ့ ကြည့်ရှု့ဖို့မသင့်တော်ပါ... ဒီကားရဲ့အညွှန်းနဲ့ဘာသာပြန်သူကတော့ Khin Khinဖြစ်ပါတယ်

ဒီဇာတ်လမ်းလေးထဲမှာတော့ ရဲဆိုတဲ့ ဂုဏ်ပုဒ်အတိုင်း တာဝန်ကျေပွန်အောင် ထမ်းဆောင်ဖို့ ကြိုးစားနေတဲ့ ရဲမှူးစင်ဂဟမ်ရဲ့လုပ်ဆောင်ပုံတွေကို ကြည့်ရှုသွားရမှာပဲဖြစ်ပါတယ်။ ခရီးသွားနှင့်ဟိုတယ်လုပ်ငန်းနဲ့ ဆောက်လုပ်ရေးလုပ်ငန်းကို ဗန်းပြပြီး မကောင်းမှု ဒုစရိုက်တွေ ကျူးလွန်နေတဲ့ လူမိုက်ခေါင်းဆောင် ဂျိုင်ကန့်။ ဒါ့အပြင်သူက ရိုးသားတဲ့ ရဲတွေကို လာဘ်စားတဲ့ ရဲတွေဖြစ်အောင်ပြောင်းလဲပစ်ခဲ့ပြီး သူ့ကြောင့် ‌ထူးချွန်တဲ့ ရဲတစ်ဦး ဆုံးရှုံးခဲ့ရပါတယ်။ ဒီလိုမကောင်းမှုတွေကို တိုက်ဖျက်ပြီး ဂျိုင်ကန့်တစ်ယောက် ရဲဆိုတဲ့ တာဝန်မှာ တရားမျှတမှုအပြင် စည်းလုံးခြင်းဟာ အောင်နိုင်ခြင်းဆိုတဲ့ အချက်ကို ထောက်ပြပေးသွားတာကို ရှူစားရမှာပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ဒီဇာတ်ကားလေးကတော့ ၂၀၀၀ ခုနှစ်တုန်းကတိုကျိုမှာအလုပ်လာလုပ်ရင်းနဲ့ပျောက်ဆုံးသွားခဲ့တဲ့လူစီဘလက်မန်းဆိုတဲ့ကောင်မလေးရဲ့အမှုကို Documentary အနေနဲ့ပြန်ရိုက်ထားတာပဲဖြစ်ပါတယ်။ဒီအမှုကအရမ်းကြီးလွန်းလို့ဂျပန်တစ်နိုင်ငံလုံးမှာပါနာမည်ကြီးသွားခဲ့တာပါ။ဖြစ်စဉ်ကတော့ဗြိတိန်ကနေပြီးတော့ဂျပန်မှာနိုက်ကလပ်မယ်အဖြစ်အလုပ်လုပ်နေတဲ့လူစီဆိုတဲ့ကောင်မလေးက ၂၀၀၀ ခုနှစ် ဇူလိုင် ၁ ရက်နေ့မှာပျောက်ဆုံးသွားခဲ့ပြီးနောက်မှာတိုကျိုရဲဌာနကသူမရဲ့အဖေဖြစ်သူကိုဖုန်းဆက်အကြောင်းကြားခဲ့ပါတယ်။ဒီလိုနဲ့သူ့အဖေလဲဂျပန်ကိုချက်ချင်းလိုက်သွားခဲ့ပြီးတော့သူ့သမီးကိုရှာဖို့အတွက်ဂျပန်ကရဲတွေနဲ့ပူးပေါင်းပြီးကြိုးစားခဲ့ပါတော့တယ်။ဒါပေမယ့်လဲထုံးစံအတိုင်းရဲတွေရဲ့သမီးဖြစ်သူကိုရှာဖွေပုံကိုအားမလိုအားမရဖြစ်နေတဲ့လူစီရဲ့အဖေဖြစ်သူကမီဒီယာတွေကိုအသုံးချပြီးသမီးဖြစ်သူကိုရှာဖွေရာမှာပိုထိရောက်အောင်ကြိုးစားခဲ့ပါတော့တယ်။မီဒီယာတွေအပြင်ကိုမှဗြိတိန်ဝန်ကြီးချုပ် ဂျပန်ဝန်ကြီးချုပ်တို့ပါပါလာတဲ့အတွက်ဒီအမှုကဟိုးလေးတကျော်ကျော်ဖြစ်သွားပြီးလူတိုင်းရဲ့ပါးစပ်ဖျားမှာပြောလာကြပါတော့တယ်။ဒီလိုနဲ့ရဲတွေနဲ့အဖေဖြစ်သူလဲကိုယ့်နည်းကိုယ့်ဟန်နဲ့စုံစမ်းကြပြီးနောက်ဆုံးမှာတော့တရားခံဖြစ်သူကိုရှာတွေ့သွားမလားဆိုတာကိုစိတ်ဝင်စားစရာအနေနဲ့ကြည့်ရမဲ့ဂျပန်နိုင်ငံကဖြစ်ရပ်မှန်နာမည်ကြီးအမှုတစ်ခုပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

ပြီးပြည့်စုံခြင်းဆိုတာကိုလူတိုင်းမက်မောကြတယ် လိုချင်ကြတယ် ကိုယ့်ကိုကြည့်လိုက်တာနဲ့ဘယ်အရာမှာမဆိုတော်တယ် ကောင်းမွန်တယ် ပစ္စည်းအကောင်းစားတွေပဲသုံးတယ် စိတ်ထားကောင်းတယ် ဖော်ရွေတယ်စတဲ့ပုံရိပ်ကောင်းတွေကို လူတိုင်းမက်မောကြတာဓမ္မတာပါပဲ ဒီတစ်ခေါက်မှာတော့အရင်အပတ်ကမှ ထွက်ရှိလာတဲ့Bawaalဆိုတဲ့ဇာတ်ကားကောင်းလေးကို တင်ဆက်ပေးလိုက်ပါတယ် အာဂျုးဟာကောင်းမွန်တဲ့ပုံရိပ်တစ်ခုကို ရဖို့လူတွေအမြင်မှာ ထင်ပေါ်နေဖို့အတွက် သူ့ဘဝကိုမုသားတွေနဲ့တည်ဆောက်ထားတဲ့သမိုင်းဆရာတစ်ဦးဖြစ်ပါတယ် အဲ့လိုနဲ့ပဲအဖက်ဖက်ကပြည့်စုံနေတာကိုကြိုက်တဲ့ အာဂျုးကပညာတတ်ဇနီးချောလေးနီရှာနဲ့ လက်ထပ်ခဲ့ကြပါတယ် သို့ပေမဲ့နီရှာဟာ မွေးရာပါရောဂါတစ်ခုကြောင့် လက်ထပ်ပြီးကာမှအာဂျုးနဲ့အိမ်ထောင်ရေး အဆင်မပြေပဲဖြစ်နေခဲ့ပါတယ် အာဂျုးဟာလည်းကျောင်းမှာစာသင်ရင်း လွှတ်တော်အမတ်ရဲ့သားဖြစ်သူကို ပါးရိုက်မိလိုက်ရာမှသူတစ်သက်လုံး ထိန်းသိမ်းလာတဲ့ပုံရိပ်ကောင်းကို ပျက်စီးလုနီးပါးဖြစ်သွားပါတော့တယ် ဒီပြဿနာကိုသူဘယ်လိုဖြေရှင်းမလဲ သူ့ပုံရိပ်ကိုအဖက်ဆယ်နိုင်မှာလားဆိုတာတွေကို ဘဝပညာပေးစာသားတွေနဲ့ အများကြီးကြည့်ရှု့ရမှာဖြစ်ပါတယ် စိတ်ဓာတ်ကျနေသူတွေ တခြားသူတွေဘဝကိုကိုယ့်ဘဝနဲ့ နှိုင်းယှဉ်ပြီးစိတ်ညစ်နေသူတွေ ကြည့်သင့်တဲ့စိတ်ခွန်အားပေးကားကောင်းလေးလည်းဖြစ်ပါတယ်.... ဒီကားရဲ့အညွှန်းနဲ့ဘာသာပြန်သူကတော့ Khin Khinဖြစ်ပါတယ်

ဒီဇာတ်ကားလေးက တစ်ချိန်တုန်းကနာမည်ကြီးခဲ့တဲ့ အချစ်လှေကားထစ်လေးများ ဇာတ်လမ်းတွဲက ထိုက်ဝါလို့သိကြတဲ့ မင်းသားကြီး Hyeon-jun Shin ပါဝင်ထားတဲ့ Action, Adventure အမျိုးအစား ဇာတ်လမ်းလေးဖြစ်ပါတယ်။ စစ်ပွဲကြောင့် ဂျိုဆွန်းတိုင်းပြည်ကြီးဘက်ပေါင်းစုံ ယိုယွင်းပျက်စီးနေတဲ့အချိန်၊ နေရာတိုင်းမှာ လုယက်မှုတွေ၊ လူသတ်မှုတွေ၊ ဘိန်းရောင်းဝယ်မှုတွေလုပ်နေတဲ့အချိန် အရမ်းကိုဆိုးရွားလှတဲ့ခေတ်ကာလကြီးပေါ့။ ငွေရှိတဲ့သူတွေက လုပ်ကြံသတ်ဖြတ်ရေးသမားတွေကိုငှားပြီး သူတို့ရဲ့ပြိုင်ဘက်တွေကို ရှင်းပစ်ကြတယ်။ အီနန်ဆိုတာ ဂျိုဆွန်းရဲ့အတော်ဆုံးလုပ်ကြံသတ်ဖြတ်ရေးသမားလို့နာမည်ကြီးသလို သူ့ကိုလာအပ်တဲ့အလုပ်တိုင်းကိုလည်း အမြဲပြီးဆုံးအောင်လုပ်တဲ့သူပေါ့။ ဒါပေမဲ့ အီနန်မှာ ရောဂါတစ်ခုပေါ်လာခဲ့တယ်။ ဆေးဆရာနဲ့သွားပြပေမယ့် အရမ်းရှားပါးတဲ့ မာဟွမ်ချိုဆေးပင်နဲ့ကုသမှပျောက်ကင်းနိုင်မယ်လို့သိလိုက်ရတော့ အီနန်ဟာ မာဟွမ်ချိုဆေးပင်ကိုရှာဖို့ ဂျန်လင်တောင်ကိုထွက်လာခဲ့ပါတော့တယ်။ အီနန်က သူ့ရောဂါအကြောင်းကို ဘယ်သူ့ကိုမှမပြောပဲ လျှို့ဝှက်ထားဖို့ ဆေးဆရာကိုမှာခဲ့ပေမယ့် ပေါက်ကြားသွားခဲ့ပြီး တခြားလုပ်ကြံသတ်ဖြတ်ရေးသမားတွေက အီနန်ရဲ့နောက်ကို အသည်းအသန်လိုက်လာပါတော့တယ်။ အဲဒီတော့ အီနန်ဟာ သူ့ရောဂါကိုပျောက်ကင်းသွားအောင်ကုသနိုင်မလား။ သူ့နောက်ကိုလိုက်နေတဲ့လုပ်ကြံသတ်ဖြတ်သူတွေကိုရော ပြန်လည် ရင်ဆိုင်နိုင်ပါ့မလားဆိုတာကို စိတ်ဝင်တစားကြည့်ရှုခံစားရမယ့် ဇာတ်ကားကောင်းလေး တစ်ကားဖ

Storyline အပြည့်အစုံနဲ့ရင်သပ်ရှူမောစွာ ကြည့်ရှုရမယ့် 1920 Tollywood Movie လေးဖြစ်ပြီး Horror Movie ကြိုက်တတ်တဲ့သူတွေအတွက်တော့ မလွတ်တမ်းကြည့်ရှုသင့်တဲ့ဇာတ်လမ်းလေးပဲဖြစ်ပါတယ်။ ဇာတ်လမ်းအကျဉ်းကတော့ ဘာသာရေးမတူတဲ့အချစ်ကို ခွဲဖို့ကြိုးစားနေတဲ့ မိသားစုကြောင့် မိသားစုကော ဘာသာရေးကော အားလုံးကိုစွန့်လွှတ်ပစ်ခဲ့ပြီး ချစ်ရသူလီဆာ့လက်ကို ရဲရဲဆုပ်ကိုင်ခဲ့တဲ့ ဗိသုကာဆရာ အာဂျွန်။ အချစ်ကို ဦးစားပေးခဲ့ကြသူ သူတို့နှစ်ဦးအတွက် တစ်နေ့မှာတော့ စံအိမ်ဟောင်းကြီးကို ဖြိုချပြီး ဟိုတယ်ဆောက်ဖို့ စီစဉ်ရတဲ့ စီမံကိန်းကြီးတစ်ခု ကျရောက်လာခဲ့ပါတယ်။ အဲ့လိုနဲ့ပဲ ဗိသုကာဆရာတွေ တစ်ယောက်ပြီးတစ်ယောက်သေခဲ့တဲ့ စံအိမ်ကြီးကို ရောက်သွားတဲ့အခါမှာတော့ ဘာသာမဲ့အာဂျွန်တစ်ယောက် နဲ့ ချစ်ဇနီးလီဆာတို့ ဘယ်လိုမျိုး ရင်ဆိုင်ရမလဲ ဆိုတာကို အံ့ဩမှုအပြည့်နဲ့ကြည့်ရှုရမှာပဲ ဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ဒီတစ်ခေါက်မှာတော့ရည်းစားဟောင်းတွေဖြစ်တဲ့ နာမည်ကြီးမင်းသားဆယ်လ်မာခန်းနဲ့ကတ်ထရီနာတို့သရုပ်ဆောင်ထားတဲ့ "Bharat"ဆိုတဲ့အက်ရှင်ဒရာမာလေးကို တင်ဆက်ပေးလိုက်ပါတယ် ၁၉၄၇တုန်းကဖြစ်ခဲ့တဲ့အိန္ဒိယနဲ့ပါကစ္စတန် နှစ်ပိုင်းကွဲတာကိုအခြေခံပြီး ဘားရတ်ဆိုတဲ့ရင်နင့်စရာအမျိုးသားတစ်ဦးရဲ့ ဘဝဖြတ်သန်းပုံတွေကိုစိတ်ဝင်စားစွာ ကြည့်ရှု့ရမှာဖြစ်ပါတယ် အဓိကရုဏ်းဖြစ်ရာကနေအဖေနဲ့ညီမဖြစ်သူနဲ့ ကွဲသွားတဲ့၈နှစ်သားဘားရတ်ဟာ အဖေဖြစ်သူကိုပေးထားတဲ့ကတိကြောင့်သူ့ဘဝတစ်ခုလုံး ပင်ပန်းစွာအလုပ်ကြိုးစားပြီးအမေနဲ့မောင်နှမလေးနှစ်ယောက်ကို စောင့်ရှောက်ပေးခဲ့ပါတယ် သူ့အဖေနဲ့ပျောက်ဆုံးနေတဲ့ညီမလေးကိုရော သူပြန်ရှာတွေ့မှာလား ဘားရတ်တစ်ယောက်သူကြုံရတဲ့သေဘေးနဲ့နီးတဲ့ အခက်အခဲတွေကိုဘယ်လိုဖြေရှင်းမလဲဆိုတာ ရင်ခုန်စွာကြည့်ရှု့ရမှာပါ ကတိဆိုတာပေးရုံနဲ့တင်မပြီးသွားဘူး တည်တတ်ဖို့လည်းလိုသေးတယ်ဆိုတာ ဒီကားလေးထဲမှာသင်ယူရဦးမှာပါ ကြည့်ပြီးသွားရင် ရင်ထဲခံစားချက်လေးတစ်ခုကျန်ရစ်ခဲ့မှာတော့ သေချာပါတယ်... ဒီဇာတ်ကားရဲ့အညွှန်းနဲ့ဘာသာပြန်သူက Khin Khinဖြစ်ပါတယ်

ဒီတစ်ခေါက်မှာကတော့ Horrorနဲ့Thrillerကို ကြိုက်နှစ်သက်သူတွေ ကြည့်သင့်တဲ့အိန္ဒိယဇာတ်ကားကောင်းလေး တစ်ကားဖြစ်ပါတယ် မနာလိုမှုနဲ့အတ္တမာနကနေ မြစ်ဖျားခံလာတဲ့ရုပ်ရှင်နယ်ပယ်ကြားက ဇာတ်လမ်းလေးတစ်ပုဒ်နဲ့အစချီရမှာဖြစ်ပါတယ် မင်းသမီးရှာနာယာဟာ မင်းသမီးအသစ်ဖြစ်တဲ့ဆန်ဂျနားကို မနာလိုမုန်းတီးကာ အောက်လမ်းနဲ့ပြုစားပါတော့တယ် ရှာနာယာရဲ့လက်ချက်နဲ့ ဆန်ဂျနားဟာ မကောင်းဆိုးဝါးဝိညာည်တစ်ကောင်ရဲ့ လိုက်ခြောက်လှန့်တာကို ခံရတဲ့အခါမှာတော့ ဘာတွေဖြစ်လာမလဲ ဆန်ဂျနားတစ်ယောက် ကျောဖြတ်နိုင်ပါ့မလား နောက်ကွယ်ကလူကိုရော ရှာတွေ့ပါ့မလားဆိုတာ သည်းထိတ်စွာကြည့်ရှု့ရမှာပါ 18+အနည်းငယ်ပါတာမို့ မိသားစုနဲ့ကြည့်ဖို့တော့ သတိထားစေလိုပါတယ် အညွှန်းနဲ့ဘာသာပြန်သူကတော့ Khin Khinဖြစ်ပါတယ်

ဒီဇာတ်လမ်းလေးထဲမှာတော့ လျှို့ဝှက်ဆန်းပြားမှုတွေ ကြည့်ရှုရမှာပဲ ဖြစ်ပါတယ်။ ဖက်ရှင်ရှိုးပွဲက နန္ဒီတာနဲ့ သူ့ချစ်သူကောင်လေးဖြစ်တဲ့ ယက်ရှ်။ ယက်ရှ်ကတော့ လောကကြီး တိုးတတ်ဖို့အတွက် ခေတ်နောက်ပြန်ဆွဲစေတဲ့ တစ္ဆေသရဲတွေ အယူသည်းခြင်းတွေဟာ တကယ်မရှိဘူးလို့ လက်ခံယုံကြည်ထားပြီး တစ်နိုင်ငံလုံးကို အယူသည်းခြင်းဝါဒီပျောက်အောင် ကြိုးစားနေတဲ့ Zeeသတင်းချန်နယ်ပိုင်ရှင်ပဲဖြစ်ပါတယ်။ ဒါပေမဲ့လည်း ချစ်သူနန္ဒီတာဆီမှာ လက်တွေ့မကျတဲ့ ထူးခြားဆန်းပြားဖြစ်ရပ်တွေ ဖြစ်တည်လာခဲ့ပါတယ်။ နန္ဒီဆီ မကောင်းတဲ့အရာကျရောက်တော့မယ့် အချိန်တိုင်း လာရောက်ကယ်တင်ပေးတဲ့ ပရင့်ဗီ။ ဒါဆို သူတို့ သုံးဦးကြားက ဆက်တိုက်ဖြစ်ပေါ်လာမယ့် ပဋိပက္ခတွေရဲ့တရားခံ သရဲတစ္ဆေဆိုတာ တကယ်ရှိရဲ့လား ဒါမှမဟုတ် စိတ်ထင်တဲ့အရာသက်သက်ပဲဖြစ်နေမလားဆိုတာကို ကြည့်ရှုရမယ့် ရှုပ်ထွေးမှုဇာတ်လမ်းလေးပဲဖြစ်ပါတယ်။ *ကြောက်တတ်သူများ ကြည့်ရန်မသင့်တော်ပါ* ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

"ချစ်မိသွားဖို့ဆိုတာက လွယ်ပါတယ် အချစ်အတိုင်းကိုက်ညီအောင်နေနိုင်ဖို့ကတော့ သိပ်ခက်တယ် " ဆိုတဲ့ အချစ်အတွက်ယှဉ်ပြိုင်မှုတွေကို ကြည့်ရှုရမယ့် Horror Movie လေးတစ်ကားပဲဖြစ်ပါတယ်။ အူတီမြို့က သရဲစံအိမ်ကြီးကြောင့် ပျော်ပွဲစားထွက်လာတဲ့ ကောလိပ်ကျောင်းသားထဲက ကျောင်းသူလေးတစ်ယောက်သေဆုံးခဲ့ရပါတယ်။ အဲ့ရက်မှာပဲ မွန်ဘိုင်းမှာ မတော်တဆမှုဖြစ်ခဲ့တဲ့ ကောင်မလေးက ဘာဒဏ်ရာမှ မရဘဲ လွတ်မြောက်လာခဲ့ပါတယ်။ ဒါပေမဲ့ နောက်ပိုင်းမှာတော့ အဲ့ကောင်မလေးက အူတီကို သွားဖို့ သူ့ခင်ပွန်းကို တောင်းဆိုခဲ့ပါတယ်။ ဒါပေမဲ့ သူတို့နေတဲ့အိမ်က တောထဲက ဝိညာဉ်ရှိနေတဲ့ စံအိမ်ဖြစ်နေတဲ့အခါမှာတော့ ဘယ်လို ခြောက်ခြားမှုတွေကို ဆက်ဖြစ်လာမလဲ..ဆိုတာကို ထိတ်လန့်မှုအပြည့်နဲ့ကြည့်ရမယ့် ဇာတ်လမ်းလေးပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ဒီဇာတ်ကားလေးက၂၀၂၂ခုနှစ်မှာ ထွက်ရှိခဲ့တဲ့ Drama, Horror အမျိုးအစားဖြစ်ပါတယ်။ ဇာတ်လမ်းလေးကတော့ ကလေးမွေးပြီး ၂၁ရက်မပြည့်ခင် အပြင်လူကိုအိမ်ထဲခေါ်လို့မရသလို အိမ်ကလူတွေကလည်း နာရေးအခမ်းအနားတွေသွားတာမျိုးမလုပ်ရတဲ့အပြင် အဲဒါတွေကို မလိုက်နာရင်ကလေးအတွက် အန္တရာယ်ဖြစ်စေလိမ့်မယ်ဆိုတဲ့ Seire ဆိုတဲ့ အယူအဆလေး တစ်ခုကို အခြေခံထားတာပါ။ ဝူဂျင်းရဲ့ယောက္ခမကြီးဟာ အယူသီးသူဖြစ်ပေမယ့် ဝူဂျင်းကတော့ အဲဒါတွေကို လုံးဝ အယုံမကြည်မရှိပါဘူး။ ဒီလိုနဲ့ တစ်နေ့မှာတော့ ဝူဂျင်းရဲ့ဖုန်းထဲကို နာရေးဖိတ်ကြားစာတစ်ခုရောက်လာခဲ့ပါတယ်။ ကွယ်လွန်သွားသူကတော့ ဝူဂျင်းနဲ့၆နှစ်လောက်တွဲခဲ့ဖူးတဲ့ ရည်းစားဟောင်းပါ။ အဲဒီတော့ ဝူဂျင်းဟာ သူ့မိန်းမကမသွားပါနဲ့ဆိုပြီး အတန်တန်တားနေတဲ့ကြားက နာရေးအခမ်းအနားကိုသွားရောက်ခဲ့ပါတယ်။ အဲဒီနာရေးကနေပြန်လာတဲ့ညမှာပဲ ဝူဂျင်းတို့မိသားစုမှာ ထူးဆန်းတာတွေတစ်ခုပြီးတစ်ခုကြုံရပါတော့တယ်။ ရင်တထိတ်ထိတ်နဲ့ကြည့်ရှုရမယ့်ဇာတ်ကားလေးဖြစ်လို့ သဲထိတ်ရင်ဖိုဇာတ်လမ်းတွေကြိုက်နှစ်သက်သူတွေအဖို့ မဖြစ်မနေကြည့်သင့်တဲ့ဇာတ်ကားလေးတစ်ကားဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ MCEC ဖြစ်ပါတယ်

ကိုယ်နိုးထလာတဲ့အချိန်မှာအကျဉ်းခန်းထဲရောက်နေပြီးကိုယ်ဘယ်သူမှန်းမသိဘယ်ကလာမှန်းမသိတဲ့အပြင်အပြင်ကိုကြည့်လိုက်တဲ့အခါမှာလဲစက်ရုပ်တွေကလူတွေကိုသတ် လူအချင်းချင်းလဲသတ်ဖြတ်နေကြတဲ့အရာတွေကိုကြုံဖူးပါသလား။ဒီကားထဲကမင်းသားကတော့ဒါကိုကြုံဖူးခဲ့ပါတယ်။သူ့နာမည်တောင်သူမမှတ်မိတော့တဲ့အချိန်မှာနေရာတိုင်းမှာထိတ်လန့်စရာအဖြစ်အပျက်တွေကအပြည့်ပါပဲ။သူ့အတွက်ရင်အေးစရာဆိုလို့သူအဖမ်းခံထားရတဲ့အခန်းရဲ့ဘေးကနာဒီယာဆိုတဲ့ဒေါက်တာမလေးပဲရှိပါတယ်။အဖြစ်အပျက်တွေကိုခေါင်းအေးအေးထားပြီးမစဉ်းစားရသေးခင်မှာတင်သူတို့နှစ်ယောက်တိုက်ခိုက်သတ်ဖြတ်ပြီးလုံခြုံမဲ့နေရာကိုသွားဖို့အတွက်ခရီးနှင်နေကြပါပြီ။သူတို့ကြုံတွေ့နေရတဲ့အရာတွေထဲမှာအဆိုးဝါးဆုံးအရာကတော့စက်ရုပ်ကြီးတွေနဲ့ဂြိုလ်သားယာဉ်ပျံတွေလိုမျိုးလူတွေကိုစုပ်ယူတတ်တဲ့ယာဉ်ပျံကြီးပဲဖြစ်ပါတယ်။အဲ့ဒီအပြင်ကိုမှသူတို့ရောက်နေတာကလဲအာဖရိကကစစ်ဖြစ်နေတဲ့နေရာဆိုတော့လူတွေနဲ့လဲရင်ဆိုင်ရပါသေးတယ်။ဒီလိုနဲ့သူတို့နှစ်ယောက်အခက်အခဲတွေကိုအတူတူကျော်ဖြတ်ရင်းစက်ရုပ်တွေကိုဘယ်လိုရင်ဆိုင်သွားကြမလဲ။သူတို့အတွက်လုံခြုံတဲ့နေရာကိုရောအတူတူရောက်သွားနိုင်ပါ့မလားဆိုတာကိုကြည့်ရှုရမဲ့ဇာတ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

Survival ရုပ်ရှင်တွေကိုကြိုက်နှစ်သက်သူတွေအတွက် Bird Box Barcelona လို့ခေါ်တဲ့ဇာတ်ကားတစ်ကားနဲ့မိတ်ဆက်ပေးချင်ပါတယ်။ဒီကားထဲမှာတော့ပုံမှန်မြင်ဖူးနေကျကားတွေထဲကလို ဇွန်ဘီတွေ မကောင်းဆိုးဝါးကြီးတွေ သဘာဝဘေးအန္တရာယ်တွေမဟုတ်ပဲနဲ့ဒီထက်ပိုထူးဆန်းတဲ့အရာတွေကိုမြင်ရမှာပဲဖြစ်ပါတယ်။အဲ့ဒီအရာတွေကိုကြည့်လိုက်တဲ့လူတိုင်းကစိတ်ပြောင်းလဲသွားပြီးကိုယ့်ကိုယ်ကိုယ်သတ်သေကြပါတော့တယ်။အဲ့ဒါကြောင့်မလို့လူတိုင်းအိမ်ထဲနဲ့လုံခြုံတဲ့နေရာတွေမှာပဲနေရပြီးအပြင်သွားတဲ့အခါမှာမျက်လုံးကိုတစ်ခုခုနဲ့ဖုံးပြီးသွားရပါတယ်။ဒီကားထဲမှာတော့အဓိကဇာတ်ဆောင်ကတော့ဆီဘက်ရှန်ဆိုတဲ့လူတစ်ယောက်ဖြစ်ပြီးဒီအဖြစ်အပျက်ကြောင့်ပဲသူ့ရဲ့သမီးနဲ့ဇနီးကိုဆုံးရှုံးထားရတာပဲဖြစ်ပါတယ်။ဒါပေမယ့်သူကသူ့မိသားစုနဲ့ပြန်ဆုံစည်းနိုင်မယ်လို့ယုံကြည်ပြီးတော့ဝိဉာဉ်တွေကိုလှည့်ဖြားပြီးတော့လိုက်စုဆောင်းပါတော့တယ်။ပုံမှန်မြင်နေကျကားတွေနဲ့မတူပဲတစ်မူထူးခြားနေတဲ့အတွက်ကြည့်လို့ကောင်းမဲ့ဇာတ်ကားလေးပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

7-star Hotelsတွေက နာမည်ကြီးစားဖိုမှူးတွေလို အဆင့်ရှိပေမဲ့ မိသားစုအတွက် အိမ်မှာပဲနေပြီး ထမင်းဟင်းချက်ပေးနေရတဲ့ အမျိုးသမီးတစ်ချို့။ ဟင်းချက်တယ်ဆိုတာ အနုပညာတစ်မျိုးဖြစ်ပြီး အဲ့အနုပညာကိုအသုံးချပြီး ကိုယ်လိုချင်တာကို ရယူလို့ရပါတယ်။ ဒီဇာတ်လမ်းလေးထဲမှာတော့ တာလာဆိုတဲ့ အိမ်ရှင်မတစ်ယောက်က တက္ကသိုလ်တက်စဉ်ကတည်းက " ကိုယ့်ဘဝမှာ မှတ်ကျောက်တစ်ခု တည်ဆောက်ချင်ခဲ့တဲ့သူပါ" ဒါပေမဲ့လည်း အိမ်ထောင်သက်ဆယ်နှစ်ကျော်တဲ့အထိ အဲ့အတွက် ဘာလုပ်ရမယ်မှန်းမသိခဲ့ပါဘူး။ တစ်နေ့မှာတော့ ယောက်ျားဖြစ်သူအတွက် သားသတ်လွတ်ဟင်းတွေကို အသားပါသလိုအရသာရှိအောင်ချက်ပေးဖို့ ကြိုးစားရင်း လက်ရာတွေ တိုးတတ်လာခဲ့ပါတယ်။ အဲ့ကတစ်ဆင့် လက်ထပ်ဖို့အရွယ်ရောက်တဲ့ကောင်မလေးတွေကို ဟင်းချက်သင်ပေးရင်း သူ့ရဲ့ လုပ်ချင်‌ေနခဲ့တဲ့ မှတ်ကျောက်တည်ဆောက်နည်းကို တွေ့ရှိသွားခဲ့ပါတယ်။ ဒါဆို ဒီလျှောက်လှမ်းမှာ မိသားစုဝတ္တရားတွေနဲ့ ခင်ပွန်းဖြစ်သူရဲ့ အထောက်အပံ့ကော ရရှိနိုင်ပါ့မလားဆိုတာကို ကြည့်ရှုရမယ့်အပြင် ရည်မှန်းချက်နောက်ကို လိုက်တဲ့အခါမှာ ဘယ်အရာတွေက ကိုယ့်အတွက် အားနည်းချက် အားသာချက်ဖြစ်နိုင်လဲဆိုတာကို ကြည့်ရှု့ခံစားရမှာပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ဒေ့ဗ်ဆိုတဲ့ အိန္ဒိယအထူးအေးဂျင့်တစ်ယောက်ဟာ ထူးချွန်ထက်မြတ်ပြီးဘယ်လိုပြဿနာကြုံကြုံပါးနပ်စွာ ဖြေရှင်းနိုင်သူတစ်ဦးဖြစ်ပါတယ်။ တစ်နေ့မှာတော့ ပါကစ္စတန်စစ်တပ်ဘက်ကိုခိုးဝင်ရင်း ပါကစ္စတန်က အိန္ဒိယကိုလေကြောင်းမှဝင်စီးကာ တိုက်ခိုက်ဖို့ပြင်ဆင်နေကြောင်း သိခဲ့ရပါတယ်။ အချိန် ဆယ်ရက်သာကျ‌န်တော့တဲ့အခါမှစစ်ဆင်ရေး လုပ်ဖို့ကြိုးစားရတဲ့အခါ ဒေ့ဗ်တစ်ယောက်တကယ်ပဲဒီစစ်ပွဲဖြစ်မဲ့ကိစ္စကိုအချိန်မီဖြေရှင်းနိုင်ပါ့မလား။ ဒါမှမဟုတ် ပါကစ္စတန်ဘက်ကပဲအနိုင်ရသွားမလား။ အိန္ဒိယနဲ့ပါကစ္စတန်ကြားကအခြေအနေတွေကို ဇာတ်အိမ်ခိုင်ခိုင်နဲ့ဖြစ်ရပ်မှန်ပါ ရောနှောရိုက်ကူးထားတာမို့ လက်မလွတ်တမ်းစောင့်ကြည့်နိုင်ဖို့ အခုလိုညွှန်းပေးလိုက်ရပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Zen ဖြစ်ပါတယ်။

ဆယ်ကျော်သက်လူငယ်စုံတွဲ ( ၂) တွဲ ဟာ Migizi ရေတံခွန်ကို အလည်သွားကြတယ်။ အဲဒီရေတံခွန်ကတော်တော်ကြီးကိုမြင့်ပြီး ရေစီးလည်းသန်တယ်။ သူတိုအဖွဲ အဲဒီရေတံခွန်ထိပ်ကိုရောက်တဲ့အခါ သူတိုသူငယ်ချင်း ဗင်းစ်က ရေတံခွန်ထဲကိုပြုတ်ကျသွားခဲ့တယ်။ သူတိုအဖွဲလည်း ဗင်းစ်ကို ရေတံခွန်အောက်မှာလိုက်ရှာရင်း ကိုကိန်းတွေသယ်လာတဲ့ လေယာဥ်ပျက်တစ်စီးကို တွေ့လိုက်ရတယ်။ အဲဲဒီတောထဲမှာပဲ ကိုကိန်းလိုက်ရှာနေတဲ့ လူဆိုးအဖွဲကလည်းရှိနေတော့ သူတိုအဖွဲတွေ လူဆိုးတွေလက်ထဲက လွတ်မြောက်အောင်ပြေးနိုင်ပါ့မလားဆိုတာကို ဆက်လက်ကြည့်ရှုခံစားကြည့်လိုက်ပါ။ ဇာတ်လမ်းအညွှန်းနဲ့ ဘာသာပြန်သူကတော့ marip pan ဖြစ်ပါတယ်