လူကြည့်များသော ရုပ်ရှင်များ

ရှေးခေတ်ကအီဂျစ်လူမျိုးတွေက သေပြီးတဲ့အချိန်မှာ ‌တမလွန်ရောက်သွားတယ်လို့ ယုံကြည်နေကြတဲ့သူတွေပါ။ဒီကားလေးထဲမှာဆိုရင်တော့ တမလွန်မြို့ထဲမှာနေထိုင်ကြတဲ့မင်းသမီးနာ်လ်ဖာကို လက်ထပ်ဖို့အတွက် ကြင်ယာတော်ရွေးဖို့ အချစ်နတ်ဘုရားမရဲ့ဖီးနစ်ဌက်ကို ကြင်ယာတော်ရွေးခိုင်းရာကနေ အလွဲအလွဲအချော်ချော်ဖြစ်ခဲ့ရပြီး ရထားစစ်သည်တပ်က် ရွေးချယ်ခံခဲ့ရပါတော့တယ် ။အဲ့ဒီလိုနဲ့ သူတို့ကို လက်စွပ်တစ်ကွင်းထိန်းသိမ်းခိုင်းထားရာကနေ အဲ့ဒီလက်စွပ်ပျောက်သွားတဲ့အခါမှာတော့ မင်းသမီးနဲ့ရထားစစ်သည်တို့ ဘယ်လိုမျိုးတွေ ကြုံတွေ့ရပြီး လက်စွပ်ကို ရှာဖွေကြမလဲဆိုတာကိုတော့ ဒီကားလေးထဲမှာကြည့်လိုက်ကြပါဦးနော်။ဟာသအချစ်ဇာတ်ကားလေးမို့ အကြိုက်တွေ့စေမှာ အမှန်ပါပဲ။ ဇာတ်လမ်းအညွှန်းနဲ့ ဘာသာပြန်သူကတော့ Htet ဖြစ်ပါတယ်

သဘာဝလွန် သိပ္ပံရုပ်ရှင်တွေကို ကြိုက်နှစ်သက်သူတွေအတွက် ဒီတစ်ခေါက် တင်ဆက်ပေးမှာကတော့မင်းသားကြီး Vin Diesel အဓိက ပါဝင်ထားတဲ့ Riddick ဆိုတဲ့ ရုပ်ရှင်ပဲဖြစ်ပါတယ် ဇာတ်လမ်းရဲ့ အစပိုင်းမှာတော့ Lord Marshal(Vin Diesel) ဟာ လက်အောက်လူတွေရဲ့ ထောင်ချောက်ဆင်ခြင်းကိုခံခဲ့ရပြီး ထူးဆန်းတဲ့ ဂြိုဟ်တစ်ခုကို ရောက်လာခဲ့ပါတယ် ထူးဆန်းတဲ့ သားရဲတွေ ကျက်စားတဲ့ဒီဂြိုဟ်မှာ အသက်ရှင်ဖို့အတွက် သူဟာ အခက်အခဲတွေ ကြုံရပြီးတဲ့နောက် သူ့ကိုလိုက်ရှာတဲ့ ကြေးစားနှစ်ဖွဲ့နဲ့ ထိပ်တိုက်ရင်ဆိုင်ဖို့ဖြစ်လာခဲ့ပါတယ်။ဒီနှစ်ဖွဲ့ကို ရင်ဆိုင်ဖို့ သူ့ရဲ့ စွမ်းရည်ကို ဘယ်လိုအသုံးချမလဲ။သူ့အပေါ် မကောင်းကြံတဲ့သူတွေကို ဘယ်လိုလက်စားချေမလဲဆိုတာကို သွေးသံရဲရဲ ဇာတ်ဝင်ခန်းတွေနဲ့ အတူ ရင်ဖိုစွာ ရှုစားရမှာပါ ဇာတ်လမ်းအညွှန်းနဲ့ ဘာသာပြန်သူကတော့ Wutyee ဖြစ်ပါတယ်

ဂျွန်နဲ့ရေချယ်က ပထဆုံးသားဦးလေး အီလိုင် မွေးဖွားလာလို့ သိပ်ကိုဝမ်းသာနေကြတယ်။ ကလေးကိုလည်း သိပ်ချစ်ကြတာပေါ့။ သားဦးမိဘတို့ ထုံးစံအတိုင်းကလေးနဲ့တော့ သိပ်ပြီးအသားမကျသေးတော့ ကလေးက အမြဲတမ်းငိုနေတော့တာပေါ့။ ဒါကြောင့် ဂျွန်တို့လင်မယားက ဘယ်လိုအဖြေရှာရမလဲမသိဖြစ်နေကြတယ်။ အဲဒီအချိန်မှာပဲ ရေချယ့်အမေက သူတို့ဆီကို ရေချယ်အစ်မရဲ့ပစ္စည်းတချို့ပို့ပေးလိုက်တယ်။ အဲဒီထဲမှာ သားချော့တေးစာအုပ်လည်း ပါလာခဲ့တယ်။ ကလေးငိုလွန်းလို့ ဘယ်လိုလုပ်ရမှန်းအဖြေရှာမရဖြစ်နေတဲ့ရေချယ်က သူ့သား​လေးအီလိုင်ကို အဲဒီစာအုပ်ထဲက သားချော့တေးနဲ့ချော့သိပ်လိုက်တော့တယ်။ အံသြစရာကောင်းပုံက အဲဒီအချိန်ကစလို့ အီလိုင်က လုံးဝမငိုတော့ဘူး။ အဲဒါနဲ့သူတို့လင်မယားလည်း အရမ်းကိုပျော်ရွှင်သွားတော့တာပေါ့။ ဒါပေမဲ့ မကြာခင်မှာ သူတို့လင်မယားက ကြောက်စရာကောင်းတဲ့အဘွားကြီးကို သူတို့အိမ်ရဲ့နေရာတိုင်းမှာ တွေ့လာရတဲ့အခါ..........။ ဇာတ်လမ်းအညွှန်းနဲ့ ဘာသာပြန်သူကတော့ Marip Pan ဖြစ်ပါတယ်

ကပ်ပတိန်ရိုလန်တို့စူးစမ်းရှာဖွေတဲ့အဖွဲ့ဟာ မြောက်၀င်ရိုးစွန်းကိုလေ့လာစူးစမ်းဖို့ ထွက်သွားရင်းပျောက်‌ဆုံးသွားတဲ့ မိတ်ဆွေ ကပ်ပတိန်စတိုင်နာကို ကယ်တင်ဖို့ ခရီးထွက်ခဲ့ကြပါတယ်။ အဖွဲ့သားတွေ ဆောင်းမရောက်ခင် ၀င်ရိုးစွန်းကို ရောက်အောင်သွားဖို့ကြိုးစားပေမယ့် အချိန်မီမရောက်နိုင်ဘဲ သောင်တင်နေပါတယ်။ ပါလာတဲ့ရိက္ခာတွေ ပစ္စည်းတွေပြတ်လပ်သွားမှာပါ စိုးရိမ်စရာဖြစ်လာပါတယ်။ ၀င်ရိုးစွန်းဒေသနဲ့ပတ်သက်ပြီး နှံ့စပ်သူဆရာက အဘက်ဘက်က အန္တရာယ်များတဲ့အတွက် ဆက်မသွားတော့ဖို့တားခဲ့ပေမယ့် ရိုလန်က မိတ်ဆွေဖြစ်သူကိုကယ်တင်ရမှာဖြစ်တဲ့အတွက် လက်မလျှော့ခဲ့ပါဘူး။ ဒီကြားထဲ သင်္ဘောပေါ်မှာ မသိအောင်ခိုးလိုက်လာတဲ့မိန်းမတစ်ယောက်ကိုလည်း အဖွဲ့သားတစ်ယောက်က ဝှက်ထားတာကို သိသွားခဲ့ပါတယ်။ အဲ့အမျိုးသမီးက ပျောက်သွားတဲ့ သူ့မိသားစု၀င်ကိုရှာဖွေဖို့ ခိုးစီးလာတာပါ။ စတိုင်နာတို့ပျောက်သွားတဲ့နေရာနား ရောက်တဲ့အခါမှာတော့ သင်္ဘောပေါ်ကို ကြောက်စရာသတ္တဝါကြီးတွေရောက်လာပြီး အဖွဲ့သားတွေကို သတ်ဖြတ်စားသောက်ကြပါတော့တယ်။ ရိုလန်တို့လည်း လက်နက်တွေသယ်ပြီး ရေခဲတောင်တွေထဲကို ထွက်ပြေးရပါတယ်။ တောင်ပေါ်က ဂူတစ်ခုထဲမှာစခန်းချဖို့ ပြင်ဆင်ရင်း အကောင်ကြီးတွေနဲ့လည်း ရင်ဆိုင်တိုက်ခိုက်ရပါတယ်။ ကံအားလျော်စွာနဲ့ ရလန်က သူ့မိတ်ဆွေ စတိုင်နာကို ဂူထဲမှာ ရှာတွေ့ခဲ့ပါတယ်။ နောက်မှသိရတာကတော့ စတိုင်နာက ၀င်ရိုးစွန်းကိုရှာဖွေဖို့ထွက်လာတာမဟုတ်ဘဲ စာအုပ်တစ်အုပ်ကြောင့်ရောက်လာတာပါ။ သူ့ရဲ့ရည်ရွယ

အက်ဒီပယ်လ်မာဟာ ထောင်ထဲက စောင့်ကြည့်ကာလနဲ့ ကြိုထွက်လာပြီးတော့ မွေးရပ်မြေကို ပြန်လာခဲ့ပါတယ်၊အဘွားဖြစ်သူနဲ့ အတူတူနေထိုင်ရင် အိမ်နီးချင်းကလေးတစ်ယောက်ဖြစ်တဲ့ ဆမ်ကို စောင့်ရှောက်ဖို့ ဖြစ်လာတာပေါ့။ ဆမ်လေးကို စောင့်ရှောက်ပေးရင် သူ့ဘဝလည်း ဘယ်လို ဘယ်ပုံပြောင်းလဲသွားလဲဆိုတာကို ကြည့်ရှုရမှာပဲ ဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ cat ဖြစ်ပါတယ်

11 ရာစု Scandinavia တွင် မျက်နှာဒဏ်ရာဟောင်းကြောင့် One Eye (Mads Mikkelsen) ဟု အမည်ပေးထားသော သူက ကျွန်အဖြစ် အကျဉ်းချခံထားရပါတယ်။ တစ်နေ့မှာတော့ အကျဉ်းချခံထားရာကနေ လွတ်မြောက်လာရာမှ ဂျေရုဆလင်ကို ဦးတည်သွားနေတဲ့လူတစ်စုနဲ့တွေ့ပါတော့တယ်။ အဲ့ဒီလိုနဲ့ကျွန်းတစ်ခုကိုရောက်လာပြီး ဘာတွေဆက်ဖြစ်ကြမလဲဆိုတာကိုတော့ ဒီကားလေးထဲမှာ ကြည့်ရှုလိုက်ကြပါဦးနော်။ ကြည့်ရှုဖို့မသင့်တော်တဲ့ဇာတ်ဝင်ခန်းများပါနေတဲ့အတွက် ကလေးသူငယ်များကြည့်ရှုရန်မသင့်တော်ပါ။ ဇာတ်လမ်းအညွှန်းနဲ့ ဘာသာပြန်သူကတော့ Htet ဖြစ်ပါတယ်

စပိုင်ကားတွေထဲမှာမှ ထူးထူးခြားခြားဧည့်သည်သရုပ်ဆောင် 50 Cent ပါဝင်ထားတဲ့ဟာသစပိုင်ကားလေးပဲဖြစ်ပါတယ်။အဲ့ဒီအပြင်ကိုမှဇာတ်ဆောင်မင်းသားအဖြစ်အက်ရှင်မင်းသားကြီး Jason Statham တစ်ယောက်လဲပါပါသေးတယ်။ဇာတ်လမ်းအကျဉ်းချုပ်လေးကတော့အတော်တကာ့အတော်ဆုံးစပိုင်နဲ့အတူအလုပ်တွဲလုပ်နေတဲ့ကူးပါးဆိုတဲ့အမျိုးသမီးတစ်ယောက်ရှိပါတယ်။သူကတော့မြင်ဖူးနေကျစပိုင်ကားတွေထဲကလိုပဲကွန်ပြူတာနဲ့အနောက်ကနေပံ့ပိုးကူညီပေးနေတဲ့သူပဲဖြစ်ပါတယ်။တစ်နေ့မှာတော့သူ့တွဲဖက်စပိုင်ကနယူးကလီးယားဗုံးတစ်လုံးကိုပြန်ယူဖို့စစ်ဆင်ရေးလုပ်ရင်းနဲ့အသတ်ခံလိုက်ရပါတယ်။ဌာနရဲ့စပိုင်တွေရဲ့အချက်အလက်တွေကလဲအကုန်ပေါက်ကြားကုန်တော့သူတို့မှာရှိတဲ့စပိုင်တွေကိုလွှတ်ဖို့ကမဖြစ်နိုင်တော့ပါဘူး။ဒီလိုနဲ့ကူးပါးတစ်ယောက်သူ့ရဲ့လုပ်ဖော်ကိုင်ဖက်အတွက်လက်စားချေဖို့အတွက်ဒီစစ်ဆင်ရေးကိုထမ်းဆောင်ရင်းနဲ့ရယ်မောစရာအလွဲတွေကိုကြည့်ရှူရမှာပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

အိန္ဒိယတပ်ဖွဲ့ဝင်ဟောင်းတစ်ယောက် ဂျင်မ်ဟာ သူ့ဇနီးဖြစ်သူနဲ့ မမွေးဖွားရသေးတဲ့ ဇနီးရဲ့ဗိုက်ထဲကကလေးရဲ့ အသက်ကို ကယ်တင်မပေးခဲ့တဲ့အတွက် နိုင်ငံအပေါ်ကို စိတ်ဆိုးကာ ပါကစ္စတန်နိုင်ငံအိုင်အက်စ်အိုင်အဖွဲ့ထဲကို ဗိုလ်မှူးကွာဒါရဲ့ကမ်းလှမ်းချက်ကို လက်ခံပြီး ဝင်ရောက်ခဲ့ပါတယ်။ ရေကျောက်ရောဂါကို သန္ဓေပြောင်းပြီး COVID-19ထက် လူသေမှုနှုန်းပိုမြန်တဲ့ရောဂါကို ဖန်တီးပြီး သူ့ရဲ့မကျေနပ်ချက်တွေကို လက်စားချေမယ့်လူတွေရှိတဲ့နေရာကို ပို့တဲ့အခါမှာတော့.... အိန္ဒိယနိုင်ငံရဲ့ RAWကိုယ်စားလှယ် ပါသမ်တစ်ယောက် ဘယ်လိုမျိုး ကာကွယ်မလဲ။ စွန့်စားခန်းနဲ့ စစ်ဆင်ရေးတွေကြားက ပါသမ်ရဲ့ အချစ်အပေါ် ယုံကြည်မှုကကော ပါသမ်အတွက် အဆင်ပြေနိုင်ပါ့မလား။ လက်စားချေမယ်ဆိုတဲ့ ဂျင်မ်ရဲ့လက်ထဲကနေ လူပေါင်းများစွာရဲ့ အသက်ကို ဘယ်လိုကယ်တင်မလဲ ။ ဘယ်သူတွေကကော အသက်စွန့်ကြရမလဲ ဆိုတာကို ကြည့်ရှူရပြီး အက်ရှင်ဇာတ်လမ်းကြိုက်တဲ့သူတွေအတွက် အဆင်ပြေမယ့် ဇာတ်လမ်းလေးပဲဖြစ်ပါတယ်။။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

2022 ကထွက်ရှိထားခဲ့တဲ့ Kingdom 2 Far Away ဆိုတဲ့ ရုပ်ရှင်ဇာတ်ကားလေးကတော့ ဂျပန်နိုင်ငံရဲ့ နယ်မြေကျူးကျော်မှုတွေကြားက စစ်ပွဲတွေကို အခြေခံပြီး ရိုက်ကူးထားတဲ့ ရုပ်ရှင်ဇာတ်ကားလေးပဲ ဖြစ်ပါတယ်။ သာမန် ကျွန်တစ်ယောက်ဖြစ်ပေမယ့် စစ်ရေးစစ်ရာမှာ သူမတူတဲ့ အရည်အချင်း‌တွေနဲ့ သတ္တိတွေရှိပြီး ဗိုလ်ချုပ်ဖြစ်ဖို့ကို အမြဲအိပ်မက်မက်နေတဲ့ Shin ဆိုတဲ့ ကောင်လေးတစ်ယောက်၊ နယ်မြေကျူးကျော်မှုတွေနဲ့ မပြီး‌ဆုံးနိုင်တဲ့ စစ်ပွဲတွေကြား ခြေလျင်တပ်အနေနဲ့ ပါဝင်ခဲ့တဲ့နောက်မှာတော့ လူအင်အားအနည်းအများနဲ့ မဆိုင်ဘဲ စည်းလုံးညီညွတ်ပြီး အရည်အချင်းကသာ အဓိက ဖြစ်ကြောင်း သက်သေထူနိုင်ခဲ့ပြီး အဖွဲ့သားအချင်းချင်း သံယောဇဉ်တွေ နဲ့ ကူညီရိုင်းပင်းကြပြီး ဘယ်လို အခက်အခဲတွေကို ကျော်လွှားကြမလဲ။ ဗိုလ်ချုပ် အချင်းချင်း မနာလိုယှဉ်ပြိုင်မုန်းတီးမှုတွေကရော ဘယ်လို အဆုံးသတ်သွားမလဲ။ Shin တစ်ယောက် အမြဲတမ်း အိပ်မက်မက်ခဲ့ရတဲ့ စစ်ဗိုလ်ချုပ် တစ်ယောက်ရော ဖြစ်နိုင်ပါ့မလား ဆိုဝာာတော့ ဇာတ်ကားလေးထဲမှာပဲ ကြည့်ရှုရမှာဖြစ်ပါတယ်။ စစ်ရေးစစ်ရာသဘောတွေနဲ့ action အမျိုးအစား ဇာတ်လမ်းတွေ ကြိုက်နှစ်သက်တဲ့ သူတွေအတွက် လက်မလွှတ်တမ်း ကြည့်ရှုသင့်တဲ့ ဇာတ်ကားကောင်းလေးပဲ ဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

ကယ်လီဝီဗာဆိုတဲ့ ကောင်မလေးက ပြန်ပေးဆွဲခံလိုက်ရပါတယ်၊ သူဟာ လူမှုကွန်ရက်မှာ နာမည်ကြီးတဲ့ Influencer တစ်ယောက်ပါ။ ပြန်ပေးဆွဲသူက သူ့ကို လွတ်မြောက်အောင် လုပ်နိုင်ဖို့ စိန်ခေါ်မှုတွေ ပေးခဲ့ပါတယ်၊ ဒီလိုစိန်ခေါ်မှုတွေကို လုပ်ဆောင်ရင် သူတစ်ယောက်တည်း အတွက်သာမဟုတ်ဘဲ တခြားကောင်မလေးတွေအတွက်ပါ တိုက်ခိုက်ပေးဖို့အထိ ဖြစ်လာတော့တာပေါ့။ နောက်ဆုံးမှာ ဘာတွေဆက်ဖြစ်မလဲဆိုတာကို ကြည့်ရှုခံစားပေးကြပါဦး။ ဇာတ်လမ်းအညွှန်းနဲ့ ဘာသာပြန်သူကတော့ cat ဖြစ်ပါတယ်

ဒီကားလေးကတော့ ၂၀၀၈ခုနှစ်က ထွက်ရှိခဲ့တဲ့ ဟာသ ဒရာမာကားလေးပါ။ ဂျင်ယော့က ပြည့်စုံတဲ့မိသားစုကဆင်းသက်လာတဲ့ တစ်ဦးတည်းသောသားတစ်ယောက်ပါ။ အစစအရာရာ ပြီးပြည့်စုံပေမဲ့ ငယ်စဉ်ကလေးဘဝမှာ ပြန်ပေးဆွဲခံခဲ့ရတဲ့ စိတ်ဒဏ်ရာကြောင့် ဘဝက တစ်ခုခုလိုအပ်နေသလို ခံစားခဲ့ရတယ်။ သူပြန်ပေးဆွဲခံခဲ့ရတဲ့ အဖြစ်အပျက်ကို ဘာတစ်ခုမှမမှတ်မိတဲ့အတွက် တရားခံကိုလည်း မဖမ်းနိုင်ခဲ့ပါဘူး။ ဒါပေမဲ့ သူမှတ်မိတာတစ်ခုဆိုလို့ ပြန်ပေးသမားက သူ့ကို ကိတ်မုန့်တွေပဲ ဝယ်ကျွေးခဲ့တယ်ဆိုတာပါပဲ။ ဒီတော့ သူ့ဘဝက အခုလိုဖြစ်နေတာ အဲ့ဒီမေ့သွားတဲ့မှတ်ဉာဏ်တွေကြောင့်များလားဆိုပြီး တွေးမိလာတော့တယ်။ ဒီလိုနဲ့ ကိတ်မုန့်ကြိုက်တဲ့ ပြန်ပေးသမားကို မျှားခေါ်ဖို့ Antique ဆိုတဲ့ ကိတ်မုန့်ဆိုင်လေးဖွင့်ခဲ့တယ်။ သူ့ဆိုင်မှာ မုန့်ဖုတ်ဆရာအဖြစ် အထက်တန်းတုန်းက သူ့ကို ဖွင့်ပြောခဲ့တဲ့ လိင်တူသဘောကျသူ သူငယ်ချင်းကို ခန့်ထားလိုက်တယ်။ အဲ့ဒီသူငယ်ချင်းကလည်း သူ့ပြဿနာနဲ့သူပါ။ နောက်ပိုင်းမှာ လက်ဝှေ့ချန်ပီယံဟောင်းတစ်ယောက်နဲ့၊ သူ့ရဲ့သက်တော်စောင့်ပါ ဆိုင်ကိုရောက်လာခဲ့တယ်။ ပြဿနာကိုယ်စီနဲ့ သူတို့တွေ ကိတ်မုန့်ဆိုင်ကို ဘယ်လို စီမံခန့်ခွဲကြမှာလဲ၊ ဂျင်ယော့ကရော ပျောက်နေတဲ့မှတ်ဉာဏ်တွေ ပြန်ရမှာလား၊ သူ့ကို ပြန်ပေးဆွဲခဲ့တဲ့သူကရော ဘယ်သူလဲ၊ မုန့်ဆိုင်နဲ့ ဘယ်လိုဆက်စပ်မိမှာလဲဆိုတာကို ဟာသလေးနှောပြီး ရိုက်ကူးပုံဖော်ထားတဲ့ Antique ဆိုတဲ့ ဇာတ်လမ်းလေးကို M Sub Movie မှာ ကြည့်ရှုနိုင်ပါပြီ။ ဇာတ်လမ်းအညွှန်းနဲ

ထောင်ထဲကနေ စောင့်ကြည့်ကာလနဲ့ လွတ်မြောက်လာတဲ့ ဂေဘရီရယ်ရက်ဆဲလ်က အပြင်ရောက်ပြီးတော့ ဓားပြမှုတစ်ခုကို ဆက်လုပ်ခဲ့ပါတယ်။ အဲ့ဒီမှာပဲ အမှားအယွင်းတစ်ခုကြောင့် အစောင့်တစ်ယောက်ကို သတ်မိပြီး အက်ဖ်ဘီအိုင်က သူတို့ကို လိုက်ဖမ်းနေတာပေါ့။ သမီးလေးနဲ့ ဘဝအသစ်စဖို့အတွက် နောက်ဆုံးအလုပ်ကို လက်ခံလိုက်ရင်း ထင်ထားသလို မဖြစ်တာတွေကို ကြည့်ရမှာပဲ ဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ cat ဖြစ်ပါတယ်

ပိုက်ဆံမတတ်နိုင်တဲ့ ကလေးတွေဘက်က ရပ်တည်ပြီး ကလေးတွေကို ပိုက်ဆံမရှိရင် ပညာမတတ်ဘူးဆိုတဲ့ကြောက်စိတ်ကနေ ရုန်းထွက်နိုင်အောင် ကူညီပေးတဲ့ ဆရာ ဘာလူ။ ပညာရေးကို အသုံးချကာ စီပွားရေးအဖြစ်ပြောင်းလဲပြီး မရှိဆင်းရဲသားတွေကို ပညာမတတ်အောင်ကြိုးစားနေတဲ့ ကိုယ်ပိုင်ကျောင်းတစ်ချိုရဲ့ မကောင်းမှုတွေကို ရိုက်ကူးထားတဲ့ ဇာတ်လမ်းလေးပဲ ဖြစ်ပါတယ်။ သိုသော်လည်း အောင်မြင်မှုတိုင်းမှာ အခက်အခဲဆိုတာ ရှိစမြဲဖြစ်တဲ့အတွက် ဆရာဘာလူရဲ့ကြိုးပမ်းမှုလမ်းကြောင်းမှာ ဘယ်လို အခက်အခဲတွေပေါ်ပေါက်လာမလဲ။ ကလေးတွေရဲ့ ဦးဆောင်လမ်းပြအဖြစ် ဘယ်လိုကြိုးစားမလဲ ။ ဒါတင်မကဘဲ ကလေးတွေရဲ့ ကြိုးစားမှုကို ကြည့်ရှူရင်း အလွယ်တကူ လက်မလျှော့လိုက်ဖို ကြိုးစားရင် ဘာမဆိုလက်တွေ့ တကယ်ဖြစ်လာနိုင်တယ်ဆိုတဲ့အချက်ကို ကြည့်ရှူခံစားရမှာပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ဇာတ်လမ်းကို CIA အဖွဲ့ရဲ့ ဓားစာခံ ကယ်တင်ရေး မစ်ရှင်တစ်ခုနဲ့ စဖွင့်ထားပါတယ်..မစ်ရှင်အပြီးမှာတော့ CIA အေးဂျင့် ကိတ်တို့ရှာနေတဲ့ ဓားစာခံကိုမတွေ့ခဲ့ရဘဲ အိမ်ရဲ့နံရံနောက်မှာ မြှုတ်ထားတဲ့ အလောင်းအများအပြားကိုသာတွေ့ခဲ့ရပါတယ်..ကိစ္စကဒါနဲ့တင်ပြီးမသွားသေးဘဲ အိမ်ထဲမှာ ထောင်ထားခဲ့တဲ့ စနစ်တံဗုံးကြောင့် အေးဂျင့်နှစ်ယောက်ပါ အသက်ပေးခဲ့ရပါတယ်..လိုက်လံစုံစမ်းတဲ့အခါမှတော့ အမေရိကန်ကော မက္ကစီကိုဘက်ကပါ အသည်းအသန်အလိုရှိနေတဲ့ မူးယစ်ရာဇာတစ်ယောက်ရဲ့ လက်ချက်ဖြစ်နေတာကို သိရပါတော့တယ်..ဒီလိုနဲ့ ကိတ်တစ်ယောက်လည်း CIA ကနေ အခြားအဖွဲ့တွေနဲ့ ပူးပေါင်းပြီး မူးယစ်ခေါင်းဆောင်ကိုလိုက်ဖမ်းမဲ့ အစီအစဉ်ထဲကို ရွေးချယ်ခံဖို့ ဖြစ်လာပါတော့တယ်..ကိတ်တစ်ယောက် ကိုနဲ့အစိမ်းသက်သက်ဖြစ်နေတဲ့နယ်ပယ်မှာ ဘယ်လိုအခက်အခဲတွေ့မလဲ လိုချင်နေတဲ့ မူးယစ်ခေါင်းဆောင်ကိုရော ဖမ်းမိမလား? ဆက်လက်ကြည့်ရှူခံစားလိုက်ပါဦးခင်ဗျာ ဇာတ်လမ်းအညွှန်းနဲ့ ဘာသာပြန်သူကတော့ Breeze ဖြစ်ပါတယ်

ဒီရုပ်ရှင်ကတော့ IMDb 7.7 ရထားပြီးတော့ ၁၉၇၀ ဝန်းကျင် အီရန်တော်လှန်ရေးမှာ အမေရိကန်သံရုံးကဝန်ထမ်းခြောက်ယောက်ကို ကယ်ထုတ်ခဲ့ရတဲ့ ဖြစ်ရပ်မှန်ဇာတ်လမ်းကိုအခြေခံရိုက်ကူးထားတာဖြစ်ပါတယ်။ ၁၉၇၉ မှာ အီရန်နိုင်ငံတွင်း တော်လှန်ရေးဖြစ်ပြီးအမေရိကန်နိုင်ငံက ခိုလှုံခွင့်ပေးထားတဲ့ အီရန်ဘုရင်ဟောင်းကို ပြန်လွှဲပေးဖို့အတွက် အမေရိကန်သံရုံးရှေ့မှာ ဆန္ဒပြမှုတွေဖြစ်လာခဲ့ပါတယ်။ အမေရိကန်ကို ဖိအားပေးတဲ့အနေနဲ့သံရုံးကိုဝင်စီးပြီး သံရုံးဝန်ထမ်းတွေကို ဓားစာခံအဖြစ်ဖမ်းဆီးထားတော့သံရုံးဝန်ထမ်းခြောက်ယောက်က လွတ်မြောက်သွားခဲ့ပါတယ်။ အဲဒီသံရုံးဝန်ထမ်းခြောက်ယောက်ကိုအီရန်ကနေ ကယ်ထုတ်ဖို့ စီအိုင်အေကလူတွေ ကြိုးစားကြပုံကို ရိုက်ကူးထားတာဖြစ်ပါတယ်။ဖြစ်ရပ်မှန်ကို အခြေခံထားတာဖြစ်လို့ စိတ်ဝင်တစားနဲ့ ကြည့်ရှုရမှာပါ။ ဇာတ်လမ်းအညွှန်းနဲ့ ဘာသာပြန်သူကတော့ Nway Oo ဖြစ်ပါတယ်

သာယာတဲ့ မိသားစုလေးတစ်ခုနဲ့အတူ ဘဝကို ရိုးရှင်းစွာ ဖြတ်သန်းချင်တဲ့ စင်ဒီ ဆိုတဲ့ မိန်းကလေးတစ်ယောက်.. ချစ်ရသူ ခင်ပွန်း မတော်တဆဖြစ်ကာ ကွယ်လွန်သွားပြီး နောက်ပိုင်းမှာတော့ စင်ဒီရဲ့ ဘဝတစ်ဆစ်အချိုးအကွေ့ဖြစ်လာပါတော့တယ် သားဖြစ်သူရယ် အချစ်ဆုံးသူငယ်ချင်းဖြစ်သူလော်ရီနဲ့ လက်ကျန်ဘဝကို ပျော်ပျော်ရွှင်ရွှင်ဖြတ်သန်းနေရင်း ရန်ဒီဆိုတဲ့ သားတစ်ယောက်ဖခင်နဲ့ တွေ့ဆုံခဲ့ပါတော့တယ် ရန်ဒီနဲ့တွေ့ဆုံပြီးနောက်ပိုင်း စင်ဒီရဲ့ ဘဝကအပြောင်းလဲကြီး ပြောင်းလဲသွားခဲ့ပြီး.."A Rose For Her Grave ' ဆိုတဲ့ ဇာတ်ကားနာမည်အတိုင်းဘယ်လိုဝမ်းနည်းဖွယ်ရာဖြစ်ရပ်မျိုးကို ကြုံတွေ့ရမလဲဆိုတာကိုတော့ ဆက်လက်ကြည့်ရှူလိုက်ကြပါဦးခင်ဗျာ။ ဇာတ်လမ်းအညွှန်းနဲ့ ဘာသာပြန်သူကတော့ Phone Thetti Tun ဖြစ်ပါတယ်

ဇာတ်လမ်းလေးကတော့ ရူပီး၃ကုဋေပါလာတဲ့ ဘဏ်ကားကို ဓားပြတိုက်ဖို့ကြံကြတဲ့ကားပါ။ ဓားပြတိုက်တာက အဆင်ပြေပြေပြီးပါမလား။ ဘာတွေများကွယ်ဝှက်ထားသေးလဲ စိတ်ဝင်တစားကြည့်ရှူရမှာပါ။ တွေးစရာတွေအများကြီးပေးရင်း လူတွေရဲ့စရိုက်လက္ခဏာကို ကွက်ကွက်ကွင်းကွင်းမြင်အောင် ဖော်ပြပေးသွားတာမို့ ကြည့်ရင်နောင်တမရစေရဘူးဆိုတာ သေချာပါတယ်။ လူတွေရဲ့အတ္တ၊ လောဘ၊ မောဟတွေ ဖုံးလွှမ်းရင်း ဘဝတွေဘယ်လိုစုတ်ပြတ်သတ်သွားလဲဆိုတာ ကြည့်ရှူလိုက်ပါဦး။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ ac ဖြစ်ပါတယ်။

1872ခုနှစ်က မက်ဟာဂါ့ဟ်အိမ်ရှေ့ဘုရင်က ကျူးကျော်သူဗြိတိသျှတွေနဲ့ပေါင်းကာ ပန်ဒါးလူမျိုးတွေကို လှည့်စားပြီး ပန်ဒါးပေါင်း‌အယောက်(4500)ကို သတ်ဖြတ်ခဲ့ပါတယ်။ အဲ့အတွက်ကြောင့် ပန်ဒါးခေါင်းဆောင် ပရစ်ဗီတစ်ယောက် လူမျိုးအတွက် လက်စားချေနိုင်ဖို့အတွက် ကြိုးစားရင်း သားလေးမွေးတဲ့အရာ ရဲရင့်မှုနဲ့ ဦးတည်ချက်လို့ အမည်ရတဲ့ ဗီးရာဆိုပြီး အမည်တပ်ခဲ့ပါတယ်။ ဗီးရာအရွယ်ရောက်လာတဲ့အခါမှာတော့ ဗီးရာနဲ့ ပွန်းနရာကို စစ်ရေးနည်းဗျူဟာတွေ သင်ယူဖို့နဲ့ အသိဉာဏ်ကျယ်စေဖို့အတွက် လန်ဒန်ကို လွှတ်ကာ စစ်ပညာသင်ယူစေခဲ့ပါတယ်။ အဲ့အခါမှာတော့ တစ်ခါက ဆုံခဲ့ဖူးတဲ့ ကောင်မလေးယာရှိုနဲ့ ပြန်လည်တွေ့ဆုံခဲ့ရပေမဲ့လည်း ဗီးရာသဘောကျတဲ့မိန်းမပျိုလေးက ရန်သူ့တိုင်းပြည် မက်ဟာဂါ့ဟ်က မင်းသမီးလေးဖြစ်နေခဲ့ပါတယ်။ မင်းသမီးလေးအတွက် တစ်ဖက်က ဖခမည်းတော် တစ်ဖက်က ချစ်ရတဲ့သူကြား ရွေးချယ်စရာဖြစ်လာတဲ့အခါ ဘယ်အချက်ပေါ်မူတည်ပြီး ရွေးချယ်မလဲ ။အဲ့အပြင် အစ်ကိုတော် ဆုံးပါးသွားတဲ့အတွက် ထီးနန်းကိုပါ လက်ခံဖို့ အိမ်ရှေ့မင်းသမီးလေးအရိုက်အရာကိုပါ ဆက်ခံလိုက်ရတဲ့အခါမှာတော့ ကျင့်ဝတ်တွေပါ လက်ခံလာရမယ့်အချိန်မှာ ဘယ်လိုတွေဆက်ဖြစ်မလဲ ပန်ဒါးခေါင်းဆောင် ပရစ်ဗီကကော သူ့လူမျိုးအတွက် လက်စားချေပြီး နယ်ချဲ့နဲ့ သစ္စာဖောက်တွေကို နိုင်ငံကနေ နှင်ထုတ်နိုင်ပါ့မလား ဗီးရာကကော ဖခင်ဆန္ဒကိုဖြည့်ဆည်းနိုင်ပါ့မလား ဆိုတာကို ကြည့်ရှူရမယ့် ဇာတ်လမ်းလေးပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ

2017 မှာ ထွက်ခဲ့တဲ့ ဒီနိုင်ငံရေးအရှုပ်တော်ပုံကို အခြေခံထားတဲ့ ရုပ်ရှင်ဟာ ဒမ်မက်စကပ်စ် မြို့မှာ ဇာတ်အိမ်တည်ထားပါတယ်။ အစ္စရေးသူလျှိုတစ်ယောက်ဖြစ်တဲ့ အာရီ ဘန်စီယွန် ဟာ ဂျူးလူမျိုးမိသားစုကို ကယ်တင်ဖို့အတွက် ဒမ်မက်စကပ်စ် မြို့ကို သွားရမယ့် တာဝန်ကိုရရှိခဲ့ပါတယ်။ သားလေးကို ဆုံးရှုံးလိုက်ရပြီးတဲ့နောက် ကိုယ့်ဘဝကိုယ် ငြီးငွေ့လာခဲ့တဲ့နောက်မှာ တာဝန်ထမ်းဆောင်ရင်း အချစ်သစ်နဲ့ ကုစားဖို့ဖြစ်လာပါတယ်။ဒါပေမယ့်လည်း ဘယ်သူ့ကိုမှ ယုံကြည်လို့မရနိုင်တဲ့ အခြေအနေမှာ အစစ်အမှန်တွေကို သူရှာတွေ့ပါ့မလား။ နောက်ကွယ်က ခေါင်းဆောင်တွေရဲ့ ကြိုးကိုင်မှုတွေကို သူဘယ်လိုကြုံတွေ့ရမလဲဆိုတာကို မြှုပ်ကွက်တွေနဲ့အတူ ရှုစားရမှာပါ။ ဇာတ်လမ်းဘာသာပြန်ဆိုသူနဲ့ အညွှန်းရေးသားသူကတော့ Wuttyee ဖြစ်ပါတယ်

2021 ခုနှစ်ကထွက်ရှိခဲ့တဲ့ Hug Shark ဆိုတဲ့ဇာတ်ကားကတော့ IMDb 4.4 ရထားတဲ့တရုတ်ကားလေးတစ်ကားဖြစ်ပါတယ်။ ဇာတ်လမ်းအကျဉ်းကတော့ ယန်ရဲ့မွေးနေ့မှာ သူ့ချစ်သူတွန်မီကပင်လယ်အပျော်ခရီးထွက်ပြီး စပရိုက်တိုက်ဖို့လုပ်ပါတယ်။ ခရီးမှာ ယန်ရဲ့အစ်မ ဒေါက်တာရှင်းရယ်တွန်မီရဲ့နောက်ရည်းစား ဝင်ဒီရယ်ပါလာပြီးတော့ ပင်လယ်ထဲရောက်တဲ့အချိန်သမီးရည်းစားပြဿနာတွေ တက်နေတဲ့အချိန်မှာမှ ငါးမန်းကြီးကပေါ်လာပြီးဘာတွေဖြစ်လာမလဲဆိုတာကို သဲထိတ်ရင်ဖို ကြည့်ရှုရမှာပါ။ သွေးဆာနေတဲ့ငါးမန်းကြီးကိုဘယ်လိုရင်ဆိုင်ကြမလဲ၊ ဘယ်သူတွေက အသက်ဆက်ရှင်နိုင်မှာလဲဆိုတာကို ဇာတ်လမ်းထဲမှာပဲဆက်လက်ကြည့်ရှုကြပါ။ ဇာတ်လမ်းအညွှန်းနဲ့ ဘာသာပြန်သူကတော့ Nway Oo ဖြစ်ပါတယ်

တစ်ရက်မှာ ကယ်လမ်ဆိုတဲ့ကောင်လေးဆီ လူတစ်ယောက်ဖုန်းဆက်လာခဲ့ပြီး သူ့ကို ၁၅ မိနစ်အတွင်း လာတွေ့ဖို့ပြောခဲ့တယ်။ အဲဒီနောက် ကယ်လမ်ဆိုတဲ့ ကောင်လေးဟာ အစအနရှာမရအောင် ပျောက်သွားခဲ့တယ်။ အဲဒီအမှုကိုစုံထောက် ဂျွန်လူသာက တာဝန်ယူပြီးစုံစမ်းခဲ့တယ်။ အမှုကိုစုံစမ်းနေတုန်းမှာပဲ လူသာဟာ အရင်ကလုပ်ခဲ့တဲ့ လာဘ်ထိုးမှု၊ သံသယရှိသူကို ခြိမ်းခြောက်မှု၊ သက်သေခံပစ္စည်းဖျောက်ဖျက်မှုတွေကြောင့် ထောင်ဒဏ်နှစ်ရှည်ကျသွားခဲ့တယ်။ လူသာထောင်ထဲရောက်သွားတော့ ကယ်လမ်ရဲ့အမှုက ဘာမှတိုးတက်မှုရှိမလာတဲ့အပြင် ကွင်းဆက်လူသတ်သမားက လူသတ်မှုတွေကို စိတ်ကြိုက်ဖန်တီးနေတယ်။ အဲဒီသတင်းကိုသိလိုက်ရတဲ့ လူသာဟာ ထောင်ဖောက်ပြီး တရားခံကိုဖမ်းဖို့ကြိုးစားခဲ့တယ်။ လူသာတစ်ယောက် ထောင်ကနေထွက်ပြီး လူသတ်သမားကိုဖမ်းဖို့ကြိုးစားရင်း လူသတ်သမားအကြောင်းကို သိလိုက်ရတဲ့အခါ......။ ကွင်းဆက်လူသတ်သမားဇာတ်လမ်းကြိုက်တဲ့သူတွေအတွက်တော့ ကြည့်ကိုကြည့်သင့်တဲ့ ဇာတ်ကားပါ။ ဇာတ်လမ်းအညွှန်းနဲ့ ဘာသာပြန်သူကတော့ Marip Pan ဖြစ်ပါတယ်

တရုတ်သိုင်းကားတွေထဲမှာ Ip Man ဆိုရင်မသိတဲ့သူခပ်ရှားရှားပါပဲ။အခုလဲ Ip Man မင်းသားကြီးသရုပ်ဆောင်ထားတဲ့ Sakra ဆိုတဲ့ဇာတ်ကားတစ်ကားထပ်ထွက်လာခဲ့ပါပြီ။ဒီကားထဲမှာတော့သူဖုန်းစားဂိုဏ်းရဲ့ခေါင်းဆောင်ကီဖွန်နေရာကနေသရုပ်ဆောင်ထားတာပဲဖြစ်ပါတယ်။အဲ့ဒီအချိန်ကာလမှာသူတို့ရဲ့ဆွန်လူမျိုးတွေနဲ့ခီတန်လူမျိုးတွေဟာအရမ်းကိုပြင်းပြင်းထန်ထန်တိုက်ခိုက်ပြီးရန်သူတွေဖြစ်နေကြတဲ့အချိန်ဖြစ်ပါတယ်။အဲ့ဒီအချိန်မှာပဲသူဖုန်းစားဂိုဏ်းထဲကဒုသခင်တစ်ယောက်အသတ်ခံခဲ့ရပြီးကီဖွန်ဟာလဲခီတန်တစ်ယောက်ဖြစ်ကြောင်းပေါ်သွားခဲ့ပါတယ်။သူကခီတန်တစ်ယောက်ဖြစ်တယ်ဆိုတာကိုသူကိုယ်တိုင်မသိတဲ့အပြင်လူသတ်တာလဲသူပါဆိုပြီးစွပ်စွဲခံခဲ့ရပါတယ်။အဲ့ဒီနောက်မှာတော့ကီဖွန်ကိုသတ်ဖို့အတွက်ဆွန်မျိုးဆက်ကလူတွေအကုန်လုံးကကြိုးစားကြပါတော့တယ်။ကီဖွန်တစ်ယောက်သူမတရားစွပ်စွဲခံနေရတာတွေကိုဘယ်လိုရင်ဆိုင်မလဲ။ဘာတွေဆက်ဖြစ်မလဲဆိုတာကိုကြည့်ရှူရမဲ့ဇာတ်ကားတစ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်ဆိုသူကတော့ Eazy ဖြစ်ပါတယ်

ယခုတစ်ခါတင်ဆက်ပေးချင်တာကတော့ ၂၀၁၆ခုနှစ်ထွက် မေတ္တာဖွဲ့ဇာတ်ကားကောင်းလေးတစ်ကားပဲဖြစ်ပါတယ်။ ရှီဗာဆိုတဲ့ ဟိမဝန္တာတောင်တန်းတွေကို ချစ်မြတ်နိုးတဲ့ကောင်လေးတစ်ယောက်။ အလည်လာသူ တစ်ပြည်သူနဲ့ ချစ်ကျွမ်းဝင်ခဲ့တယ်။ အချိန်တန်ရင်သက်ဆိုင်ရာနေရာဆီပြန်ရမယ်ဆိုပေမယ့် ရှိနေတုန်းအချိန်လေးကို တစ်ဘဝစာသတ်မှတ်ပြီး ချစ်ခဲ့ကြတယ်။ ကံကြမ္မာက မမျှော်လင့်ဘဲ သူတို့ကို ရတနာလေးတစ်ခုပေးအပ်လာတယ်။ မိသားစုဘဝကိုတောင့်တမိတဲ့ရှီဗာအဖို့ သမီးလေးက ရတနာလေးတစ်ပါးလိုပဲ။ အမေဖြစ်သူကတော့ ကလေးမွေးပေးခဲ့ပြီး တစ်ချက်လှည့်မကြည့့်ဘဲ မွေးရပ်ကိုပြန်သွားတယ်။ အဖေနဲ့သမီးနှစ်ယောက်တည်း သာယာနေတဲ့ဘဝထဲကို မုန်တိုင်းတစ်ခုဝင်ရောက်လာတဲ့အခါ ဘယ်လိုဆက်ဖြစ်မလဲဆိုတာကိုတော့ ကြည့်ရှူလိုက်ကြပါဦး။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ ac ဖြစ်ပါတယ်။

ကျွမ်းကျင်အလွတ်စုံထောက်တစ်ယောက်ဖြစ်တဲ့ ဖိလစ်မာလော့ဆီကို တစ်ရက်မှာ ရွှေရောင်ဆံပင်ဖျော့နဲ့လှပကြော့ရှင်းပြီး ချမ်းသာတဲ့အမျိုးသမီးတစ်ယောက်ရောက်လာပါတယ်။ အကြောင်းကတော့ သူ့ရဲ့ပျောက်ဆုံးနေတဲ့ချစ်သူ နီကိုပီတာဆန်ကိုရှာဖို့အတွက်ပါ။ နီကိုပီတာဆန်က ရုပ်ရှင်ထုတ်လုပ်ရေးမှာအစစအရာရာတာဝန်ယူလုပ်ဆောင်ပေးရတဲ့သူပါ။ စုံထောက်မာလော့ လိုက်စုံစမ်းရာကနေသိလိုက်ရတာက နီကိုပီတာဆန်ဟာ လူချမ်းသာကလပ်တစ်ခုအရှေ့မှာ အရက်မူးပြီးလဲနေချိန် ခေါင်းကိုကားနဲ့တက်ကြိတ်ခံရပြီး သေဆုံးသွားတဲ့သူဖြစ်နေပါတယ်။ သေဆုံးသွားတဲ့လူတစ်ယောက်ကို အဲဒီအမျိုးသမီးက ဘာကြောင့်ရှာချင်နေရတာလဲ။ ဘယ်လိုအကြောင်းအရင်းတွေကြောင့် သေခဲ့ရတာလဲ။ ဒီလိုအရှုပ်အထွေးကြီးတစ်ခုထဲမှာ စုံထောက်မာလော့တစ်ယောက် ဘယ်လိုအမှုပတ်သွားမလဲဆိုတာ ဇာတ်လမ်းထဲမှာဆက်လက်ကြည့်ရှုလိုက်ပါ။ ဒီဇာတ်ကားရဲ့ အညွှန်းနဲ့ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။