လူကြည့်များသော ရုပ်ရှင်များ

ဒီဇာတ်လမ်းလေးကတော့ ခရီးသွားရင်း သေဆုံးသွားတဲ့ အဖေဖြစ်သူရဲ့အလောင်းကို အလောင်းချင်းလွဲရာကနေ ပြန်ယူဖို့အတွက်သွားတဲ့ ခရီးစဉ်တစ်ယောက်ကို ရိုက်ကူးထားတဲ့ကားလေးပဲဖြစ်ပါတယ်။ ဓာတ်ပုံဆရာဖြစ်ချင်တဲ့ဆန္ဒကို ဖြစ်ခွင့်မပေးခဲ့တဲ့ အဖေဖြစ်သူရဲ့အကြောင်းရင်းကို နားလည်လာတဲ့အချိန်မှာတော့ အရာအားလုံး နောက်ကျသွားပြီဖြစ်တဲ့ အဗီနာ့ဂ်ျ။ သူငယ်ချင်းအဖေအလောင်းကို သယ်ယူဖို့ ကူညီပေးမယ့် ရှာခက်က ကား‌မောင်းပြီး လိုက်ပို့ပေးခဲ့ပါတယ်။ အလောင်းချင်းမှားလာတဲ့ အဖွားရဲ့ မြေးမလေးတန်ညာနဲ့ သူငယ်ချင်းနှစ်ယောက်ကော အဆင်ပြေပါ့မလား။ ဒီကားလေးထဲမှာတော့ မိခင်ဖခင်တို့ရဲ့ သားသမီးအပေါ်ထားရှိတဲ့ ချစ်မေတ္တာတွေအပြင် လူငယ်တွေရဲ့ ငယ်ဂုဏ်အကြောင်းကို ရိုက်ထူးထားတာဖြစ်တဲ့အတွက် ကြည်နူးနှစ်သက်မှုအပြည့်နဲ့ကြည့်ရှူရမယ့်ဇာတ်လမ်းလေးပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

မ္ဘာကျော်မင်းသားကြီးတစ်ယောက်ဖြစ်ပြီး သူသရုပ်ဆောင်ထားတဲ့ဇာတ်ကားတိုင်းကကြည့်လို့ကောင်းတဲ့သရုပ်ဆောင်တစ်ယောက်ဖြစ်တဲ့မော်ဂန်ဖရီးမန်းရဲ့ရုပ်ရှင်ကားအသစ်ထွက်ရှိလာခဲ့ပါပြီ။ဒီဇာတ်ကားထဲမှာမြို့တစ်မြို့က ကလေးတွေကထူးဆန်းစွာသေဆုံးနေခဲ့ပါတယ်။သေဆုံးမှုတွေကလဲရိုးရိုးသေဆုံးတာမဟုတ်ပဲရက်ရက်စက်စက်ကိုယ်လက်အင်္ဂါတွေခုတ်ထစ်ခံရပြီးမှသေဆုံးခဲ့တာဖြစ်ပါတယ်။ဒီလိုနဲ့ဒီအမှုကိုစုံထောက်ကြီးဘွိုက်တို့ရဲ့ဌာနကစုံစမ်းခဲ့ကြပါတယ်။စုံစမ်းရင်းနဲ့သိလာရတာကဒီလိုကလေးတွေရက်ရက်စက်စက်အသတ်ခံနေရတာကဒီမြို့လေးမှာတင်မကပဲဥရောပတစ်ခွင်လုံးမှာဖြစ်နေပါတော့တယ်။အဲ့ဒီလိုလူသတ်မှုတွေရဲ့နောက်ကွယ်မှာဘယ်လိုအကြောင်းအရာတွေရှိနေမလဲဆိုတာကိုကြည့်ရှူရမဲ့ဇာတ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

One Piece ရဲ့နောက်ဆုံးထွက်ထားတဲ့ Movie ဖြစ်တဲ့ One Piece Film Red ပဲဖြစ်ပါတယ်။ဒီကားထဲမှာတော့လူဖီတို့အဖွဲ့သားတွေနဲ့တခြားလူတွေအများကြီးက လူဖီရဲ့ငယ်သူငယ်ချင်းဖြစ်တဲ့အုတရဲ့ဖျော်ဖြေပွဲကိုရောက်နေကြပါတယ်။အုတကအခုအချိန်မှာတစ်ကမ္ဘာလုံးအနှံ့မှာဒိတ်ဒိတ်ကြဲအောင်မြင်နေတဲ့အဆိုတော်တစ်ယောက်ဖြစ်ပြီးသူ့အသံကိုလူကြီးလူငယ်ကလေးမရွေးအကုန်သဘောကျကြပါတယ်။ဒီလိုနဲ့ဖျော်ဖြေပွဲကနည်းနည်းကြာလာတဲ့အခါမှာအုတကပုံမှန်မဟုတ်တော့ပဲဒီဖျော်ဖြေပွဲမှာတစ်သက်လုံးနေရမဲ့အကြောင်းတွေ ပင်လယ်ဓားပြတွေကိုမုန်းတဲ့အကြောင်းတွေထပြောလာပါတော့တယ်။ဒီလိုနဲ့မူမမှန်တော့လို့ထွက်သွားဖို့လုပ်တဲ့အချိန်မှာအဲ့ဒီနေရာကနေဘယ်သူမှထွက်သွားလို့မရပဲဖြစ်နေပါတော့တယ်။အုတတစ်ယောက်မှာဘယ်လိုအကြံတွေရှိနေပြီး လူဖီတို့နဲ့တခြားသူတွေကရောဒီနေရာကထွက်သွားလို့ရပါ့မလားဆိုတာကိုကြည့်ရှုရမဲ့ကားလေးပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

မာတင်က ဥပဒေကို လေးစားလိုက်နာတဲ့ ရဲအရာရှိတစ်ယောက်ပါ။ တစ်နေ့တော့ သူကတခြားဌာနကို ပြောင်းရွှေ့တာဝန်ထမ်းဆောင်ရပါတယ်။ အဲဒီဌာနကို ရောက်ရောက်ချင်း သူလုပ်ရတာက တခြားရဲသုံးယောက်နဲ့အတူ ညဘက်ကြီးကို ထောင်သား ၆ ယောက်ကို ထောင်ပြောင်းဖို့ လိုက်ပို့ရတာပဲ။ အဲဒါနဲ့ပဲ သူတို့တွေ ထောင်သားတွေကို ထောင်ကားပေါ်တင်ပြီး ခေါ်လာကြတယ်။ မြူတွေကလည်းထူ ညဘက်ကြီးလည်း ဖြစ်ပြန်တော့ သူတို့လမ်းကိုတောင် ကောင်းကောင်းမမြင်ရတော့ဘဲ တခြားရဲတွေနဲ့ အဆက်အသွယ်ပြတ်သွားတယ်။ အဲဒီအချိန်မှာပဲ သူတို့ကား ထိုးရပ်သွားတော့တယ်။ မြူတွေလည်းထူ တောလမ်းကလည်းဖြစ် ကားကလည်းပျက် တင်လာတာကလည်း အဆိုးအပေလူမိုက်တွေဆိုတော့ ဘာဆက်ဖြစ်မလဲဆိုတာ ဇာတ်ကားကို ဆက်မကြည့်ဘဲနဲ့တောင် အဖြေသိနေပြီလို့ တွေးလိုက်မိရင်တော့ သေချာပေါက် မှားသွားပါပြီ။ ဆိုတော့ ဘာတွေဖြစ်မလဲဆိုတာ သိချင်ရင် ဇာတ်လမ်းကိုသာ ဆက်ကြည့်လိုက်ပါ။ ဇာတ်လမ်းအညွှန်းနဲ့ ဘာသာပြန်သူကတော့ Marip Pan ဖြစ်ပါတယ်

မိဘဆိုတာကိုယ့်အပေါ်မှာဘယ်လောက်တင်းကြပ်သည်ဖြစ်စေချုပ်ချယ်သည်ဖြစ်စေ ဒါတွေကကိုယ့်ကိုလုံခြုံစေချင်လို့ပဲဖြစ်ပါတယ်။ဒါပေမယ့်ဒီခေတ်လူငယ်အများစုကတော့ဒါကိုနားမလည်ကြပါဘူး။ဒီဇာတ်ကားမှာလဲဂျွန်ကသူ့အမေကသူ့ကိုချုပ်ချယ်လွန်းတဲ့အတွက်နေရခက်နေတဲ့သူတစ်ယောက်ဖြစ်ပါတယ်။အခုလဲသူ့အမေကခရီးသွားခါနီးသူ့ကိုမှာစရာရှိတာတွေတစ်ဖွဖွမှာပြီးကလေးထိန်းနဲ့ထားခဲ့ဖို့စီစဉ်နေတဲ့အတွက်ဂျွန်တစ်ယောက်တော်တော်စိတ်ညစ်နေပါတယ်။ဒီလိုနဲ့အရေးပေါ်ဖြစ်လာရင်သုံးဖို့ထားခဲ့တဲ့ပိုက်ဆံတွေကိုပါတီပေးလိုက်ပါတော့တယ်။သူ့အမေပြန်လာမဲ့နေ့လေဆိပ်မှာသွားကြိုတဲ့အခါမှာအမေဖြစ်သူကပြန်မလာခဲ့ပါဘူး။ဘာအဆက်အသွယ်မှလဲမရတဲ့အတွက်သူ့အမေကပျောက်ဆုံးနေတာကိုသိခဲ့ရပါတယ်။ဒီလိုနဲ့ဂျွန်တစ်ယောက်ကွန်ပြူတာရှေ့မှာထိုင်ရင်းသူ့အမေကိုပြန်တွေ့ရဖို့အတွက်ကြိုးစားရင်းနဲ့သူတို့သားအမိနှစ်ယောက်တစ်ယောက်နဲ့တစ်ယောက်ပြန်တွေ့သွားကြမလားဆိုတာကိုကြည့်ရမဲ့ဇာတ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့‌ Eazy ဖြစ်ပါတယ်

Warning ~~~ ၁၈ယောက်ထက်ပိုပြီးစုကြည့်ရတဲ့အခန်းတွေ များတာကြောင့် မိသားစုနဲ့ကြည့်ဖို့တော့အကြံမပေးပါဘူးခင်ဗျာ။ ဒီဇာတ်လမ်းမှာတော့ Edmarဆိုတဲ့ကောင်လေးက အသက်ပြည့်တဲ့အထိအမေလုပ်စာကိုထိုင်စားပြီး ပေါ့ပျက်ပျက်နေတဲ့ကောင်လေးတစ်ယောက်ဖြစ်ပါတယ်။ တစ်နေ့ကြတော့ ရေပိုက်ပြင်ဖို့သွားရင်း တူမရီးနှစ်ယောက်ရဲ့အိမ်နားရောက်ပြီး ပုရိသပီပီရေချိုးခန်းထဲကိုချောင်းကြည့်မိလိုက်ပါတယ်။ အဲဒီလိုနဲ့အချောင်းလွန်ရင်း ရေချိုးနေတဲ့ Karismaဆိုတဲ့ကောင်မလေးကမိသွားပြီး ဆွဲစားတာခံလိုက်ရပါတော့တယ်။ နောက်ပိုင်းမှာ Edmarသိထားတဲ့ဉီးလေးနဲ့တူမတို့နှစ်ယောက်က သွေးမတော်သားမစပ်ပဲKarismaကိုမွေးစားထားတာကိုသိလိုက်ရပါတယ် အခုမှသ့အတွက်ပထမဆုံး မိန်းကလေးတစ်ယောက်ရဲ့အညှိ့ဓာတ်တွေအောက် ကျဆုံးသွားတဲ့Edmarကဘယ်လိုရှေ့ဆက်ကြုံလာမလဲ Karismaရဲ့အကြီးမားဆုံးသောလျှို့ဝှက်ချက်ကိုသိလိုက်ရချိန်မှာတော့ Edmarဘယ်လိုမျိုးဆက်ဖြေရှင်းရမလဲဆိုတာကြည့်ကြရမှာဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Tissue ဖြစ်ပါတယ်

လူသားတွေရဲ့ဘဝထဲကအရေးကြီးဆုံးအရာတွေထဲမှာရေကလဲတစ်ခုအပါအဝင်ဖြစ်ပါတယ်။ယခုလက်ရှိအချိန်မှာတောင်မှရေကိုဝလင်စွာမသောက်သုံးရတဲ့ရေရှားပါးတဲ့နေရာဒေသတွေအများကြီးရှိနေပါသေးတယ်။အဲ့လိုပဲဒီကားထဲမှာလဲအနာဂတ်မှာရေရှားပါးလာတဲ့နေရာတစ်ခုကိုအဓိကထားရိုက်ကူးထားပါတယ်။ရှိတဲ့ရေအနည်းငယ်ကိုပြည်သူတွေကခိုးဆိုးလုယက်မှုတွေမဖြစ်အောင်စစ်အာဏာရှင်တစ်ယောက်ကသိမ်းပိုက်ထားပါတယ်။နိုရီယာဆိုတဲ့ကောင်မလေးတစ်ယောက်ကသူမအဖေထားခဲ့တဲ့အမွေပစ္စည်းတွေကနေတစ်ဆင့်ရေအရင်းအမြစ်ရှိမဲ့နေရာတွေကိုသိခဲ့ရပါတယ်။ဒီလိုနဲ့ပြည်သူတွေကိုဒီနေရာတွေအကြောင်းချပြဖို့ကြိုးစားတဲ့အခါမှာရေကိုပိုင်ရင်အာဏာပိုင်တယ်လို့လက်ခံထားတဲ့အာဏာရှင်တွေကတားဆီးဖို့ကြိုးစားကြတာကိုတွေ့မြင်ရမှာပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

ဒီဇာတ်တစ်ခေါက် တင်ဆက်ပေးမယ့် ဇာတ်ကားလေးကတော့ တရုတ်သိုင်းကားအမျိုးအစားဖြစ်တဲ့ The Brocade Mouse Royal Cat Nine Deep Blood Wolf ဆိုတဲ့ ဇာတ်ကားလေးပဲဖြစ်ပါတယ်။ ဇာတ်လမ်းလေးထဲမှာ မြို့တော်ကို စောင့်ရှောက်ဖို့ တာဝန်ခန့်အပ်ခံထားရတဲ့ ကျန်ကျောင်းနဲ့ ဘိုင်ယုထောင်တို့က ကြောင်နဲ့ကြွက်လို မသင့်မြတ်ကြပေမယ့် မင်းကြီးကို လုပ်ကြံမယ့် ဝံပု‌လွေအဖွဲ့ ‌သောင်းကျန်းလာတဲ့အချိန်မှာတော့ နှစ်ဦးသား အတူပူးပေါင်းပြီး နောက်ကွယ်က ကြိုးကိုင်သူများကို ကြိုးစားဖော်ထုတ်ကြပါတော့တယ်။ ဒီတော့ ဝံပုလွေအဖွဲ့ရဲ့ ကြိုးကိုင်သူက ဘယ်သူလဲ ဘယ်လို ရည်ရွယ်ချက်ကြောင့် ဒီလိုတွေ လုပ်နေရလဲဆိုတာ ဒီဇာတ်ကားလေးမှာ စိတ်ဝင်စားဖွယ် ကြည့်ရှုရမယ့် Fantasy နဲ့ Comedy ရောထားတဲ့ ဇာတ်ကားကောင်းလေးပဲ ဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

မိုက်လို့ခေါ်တဲ့လူဟာ အရင်က အကသမားတစ်ယောက်ပါ။ လောလောဆယ်မှာတော့ အဖျော်ဆရာအနေနဲ့ အလုပ်ဝင်လုပ်နေခဲ့ပါတယ်။ တစ်နေ့ သူအဖျော်ဆရာလုပ်ပေးရတဲ့ နေရာကနေ မထင်မှတ်ထားတာတစ်ခုဖြစ်ခဲ့ပါတယ်။ အဲ့ဒါကတော့ သူဌေးမကြီးက သူ့ရဲ့အကတွေကို စမ်းမြည်းကြည့်ချင်တာပါပဲ။ မိုက်ရဲ့ ကကွက်တွေကို နှစ်ခြိုက်သွားတဲ့ သူဌေးမကြီးက မိုက်ကို လန်ဒန်ကို လိုက်လာခဲ့ဖို့ခေါ်ပါတော့တယ်။ လန်ဒန်မှာ မိုက်တစ်ယောက် ဘယ်လိုတွေ ရုန်းကန်ရမလဲဆိုတာကို ဒီဇာတ်ကားထဲမှာ ကြည့်ရမှာပဲဖြစ်ပါတယ်။ အကတွေက နည်းနည်းတော့ကြမ်းလို့ မိသားစုနဲ့အတူတော့ မကြည့်သင့်ပါဘူး။ ဇာတ်လမ်းဘာသာပြန်ဆိုပြီး အညွှန်းရေးသားသူကတော့ Morph ဖြစ်ပါတယ်

Imdb 6.9/10ရထားပြီး Rotten tomatoesမှာ 67%ရထားတဲ့ဒီမှုခင်းစုံထောက် ရုပ်ရှင်ဟာ ကြည့်ဖို့အတွက် ထွေထွေထူးထူးတိုက်တွန်းစရာလိုတော့မယ်မထင်ပါဘူး။ ဖြစ်ရပ်မှန်ကိုအခြေခံရိုက်ကူးထားတဲ့ဒီရုပ်ရှင်မှာ နိုဝင်ဘာ ၁၃ရက်ကနေစပြီးငါးရက်အတွင်း ပြင်သစ်နိုင်ငံရဲ့ ရဲတွေစုံထောက်တွေစစ်တပ် အပါအဝင်တစ်နိုင်ငံလုံးဟာ သောကြာနေ့ညမှာ လူပေါင်း၁၃၁ယောက်ကိုအကြမ်းဖက်သမားတွေ သတ်ဖြတ်ခဲ့တဲ့ဖြစ်ရပ်ကြောင့် ပူဆွေးဝမ်းနည်းဒေါသထွက်ခဲ့ကြပါတယ်။ ဒီဖြစ်ရပ်ရဲ့နောက်ကွယ်မှာရှိနေတဲ့ ပဲ့ကိုင်ရှင်တွေကဘယ်သူတွေလဲ ဆိုတာကို စုံထောက်တွေစုံစမ်းရှာဖွေတာတွေ စစ်ဆင်ရေးလုပ်တာတွေကို စိတ်ဝင်တစားကြည့်ရှုရမှာပါ။ အကြမ်းဖက်မှုတွေရဲ့နောက်ကွယ်က ဘာသာရေးအစွန်းရောက်မှုတွေ နိုင်ငံရေးတွေအပြင် လူတွေရဲ့ခါးသီးလှတဲ့ အမုန်းတရားတွေအာဃာတတွေကိုလည်း ဒီရုပ်ရှင်ဟာ ကွက်ကွက်ကွင်းကွင်း ဖော်ပြသွားနိုင်တယ်ပဲပြောရမှာပါ။ မှုခင်းစုံထောက်ဇာတ်လမ်းတွဲတွေကိုကြိုက်နှစ်သက်ကြတဲ့ ပရိသတ်ကြီးအဖို့တော့ ဒီရုပ်ရှင်ဟာလက်မလွှတ်ပဲကြည့်ရမယ့်ဇာတ်ကားကောင်းတစ်ကားပဲဖြစ်ပါတယ်။ Director Cédric Jimenez ကရိုက်ကူးထားပြီး ပါဝင်ထားတဲ့သရုပ်ဆောင်တွေဟာလည်း သဘာဝဆန်ပြီး ဇာတ်လမ်းထဲမျောပါသွားစေနိုင်လောက်တဲ့ ရိုက်ချက်တွေနဲ့အတူ ဒီဇာတ်လမ်းလေးကိုလက်မလွှတ်တမ်း ကြည့်ရှုဖို့ပြောရင်းနဲ့ပဲ တင်ဆက်ပေးလိုက်ရပါတယ်ဗျာ ဇာတ်လမ်းအညွှန်းနဲ့ ဘာသာပြန်သူကတော့ Tissue ဖြစ်ပါတယ်

ကိုယ့်မှာအသက်ရှင်ဖို့အချိန်အနည်းငယ်ပဲကျန်တော့တယ်လို့သိလိုက်ရရင်ခင်ဗျားဘာလုပ်မလဲ။ဒီကားထဲမှာတော့မစ္စတာဝီလီယမ်ဆိုတဲ့လူထုလုပ်ငန်းဆိုတဲ့ပြည်သူလူထုတွေရဲ့တောင်းဆိုမှုကိုစစ်ဆေးပြီးတော့အထက်ကိုတင်ပြရတဲ့ဌာနတစ်ခုရဲ့အကြီးအကဲဖြစ်တဲ့လူရဲ့ဘဝကိုရိုက်ကူးပြထားတာပဲဖြစ်ပါတယ်။သူကစကားလဲနည်းသလိုပျော်ရွှင်တတ်တဲ့လူတစ်ယောက်လည်းမဟုတ်ပါဘူး။အမြဲတမ်းသူ့ဆီကိုရောက်လာတဲ့အလုပ်တွေကိုချောင်ထိုးထားတတ်တဲ့လူတစ်ယောက်ပဲဖြစ်ပါတယ်။ဒါပေမယ့်တစ်နေ့မှာတော့သူ့မှာကင်ဆာရောဂါရှိနေပြီးအသက်ရှင်သန်ဖို့အချိန်အနည်းငယ်ပဲကျန်တော့တယ်ဆိုတာကိုသိလိုက်ရတဲ့အခါသူ့ဘဝကြီးကပြောင်းလဲသွားခဲ့ပါတယ်။ပျော်ရွှင်မှုတွေကိုပြန်လည်ရှာဖွေရင်းသူ့ဘဝရဲ့နောက်ဆုံးအချိန်တွေကိုအများရဲ့အမှတ်ရမှုကိုခံရတဲ့လူတစ်ယောက်အဖြစ်ဘယ်လိုဖြတ်သန်းသွားမယ်ဆိုတာကိုကြည့်ရှုရမဲ့ဇာတ်ကားတစ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

အထီးကျန်နေတဲ့ မိုင်ယာရဲ့ဘဝက လီယာဆိုတဲ့ဂျူးမလေးနဲ့ အမှတ်မထင်တွေ့ဆုံပြီး ​ပြန်လည်အသက်ဝင်လာခဲ့တယ်။ သူတို့နှစ်ယောက်လုံး မြင်မြင်ချင်း ချစ်မိသွားကြတယ်ဆိုပေမယ့် လေးနက်ခိုင်မာတဲ့အချစ်နဲ့ ချစ်မိသွားတော့ မိုင်ယာက လီယာ့အမေနဲ့ လိုက်တွေ့ပါတော့တယ်။ လီယာ့အမေက ဘာသာရေးအယူသည်းတဲ့မိသားစုက မွေးဖွားလာတာ မဟုတ်ပေမယ့် သူ့ယောကျာ်းကြောင့် ဘာသာရေးအယူသည်းတဲ့သူဖြစ်လာခဲ့တယ်။ မိုင်ယာကတော့ထူးဆန်းတဲအပြုအမူတွေနဲ့ လီယာ့အမေက သူ့သမီးကိုအန္တရာယ်ဖြစ်အောင် လုပ်နေတယ်လို့ထင်ပြီး လီယာ့ကိုကယ်ဖို့ကြိုးစားရင်းနဲ့ တကယ့်အဖြစ်အမှန်ကို သိလိုက်ရတဲ့အခါ...... ဇာတ်လမ်းအညွှန်းနဲ့ ဘာသာပြန်သူကတော့ Marip Pan ဖြစ်ပါတယ်

ယခုတစ်ဖန်တင်ဆက်ပေးချင်တာကတော့ ၂၀၀၁ခုနှစ်ထွက် ရှာရွတ်ခန်းရဲ့ သမိုင်းက‌ားကောင်းလေးတစ်ကားဖြစ်ပါတယ်။ ဇာတ်ကားနာမည်က အသောက ။ အသောကဆိုတဲ့အတိုင်း အသောကမင်းရဲ့ဘဝဇာတ်ကြောင်းကို ပုံဖော်တင်ဆက်ပေးထားတာပါ။ ကံကြမ္မာအရ ဘုရင်ဖြစ်ရမယ့်ကံပါလာတဲ့ အသောက။ ကံပါတဲ့အတွက်ကြောင့် နောင်တော်ဖြစ်သူတွေက ကြည့်မရသလို၊ ဖခမည်းတော်ကြီးကလည်း နန်းလုဘက်အဖြစ်မြင်တယ်။ ညီအစ်ကိုတွေ နန်းလုကြတယ်ပေါ့။ အသောကက ခဏခဏလုပ်ကြံခံရတာမို့ မယ်တော်ဖြစ်သူက စိုးရိမ်ပြီး ဒီတိုင်းပြည်မှာမနေဘဲ ထွက်သွားဖို့ပြောတယ်။ အဲဒီလိုနဲ့ထွက်လာတော့ ကောရာဝကီဆိုတဲ့ မင်းသမီးတစ်ပါးနဲ့တွေ့တယ်။ ဘာဆက်ဖြစ်မလဲဆိုတာတော့ ကြည့်ရှူလိုက်ကြပါဦး။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ ac ဖြစ်ပါတယ်။

အနှစ်၄၀ကြာ ငြိမ်းချမ်းမှုကိုခံစားခဲ့ရတဲ့ကျောက်တိုင်းပြည်ဟာ အနောက်ဘက်ပိုင်းက လူရိုင်းမျိုးနွယ်စုတစ်ခုရဲ့ခြိမ်းခြောက်မှုအောက်ကို ရောက်လာခဲ့ကြပါတယ်။ ကျောက်တိုင်းပြည်နဲ့ လူရိုင်းမျိုးနွယ်စုတို့ဟာ ၈နှစ်ကြာစစ်ပွဲဖြစ်လာခဲ့ပြီး လူရိုင်းမျိုးနွယ်စုဘုရင်ဟာ ကျောက်တိုင်းပြည်ကိုအနိုင်ရအောင် နတ်ဆိုးရဲ့စွမ်းအားကိုသုံးလိုက်ပါတယ်။ သူကိုယ်တိုင်လည်း နတ်ဆိုးတစ်ကောင်လိုဖြစ်လာပြီး ရက်စက်ကြမ်းကြုတ်လာပါတယ်။ ဒီအခါမှာ ကျောက်တိုင်းပြည်ရဲ့နတ်ဆိုးနှိမ်နင်းရေးဌာနက အတော်ဆုံးစစ်သည်တွေကိုရွေးချယ်ပြီး အနောက်ဘက်ဆီကို ခရီးနှင်ကြပါတော့တယ်။ အရည်အချင်းပြည့်ဝတဲ့နတ်ဆိုးနှိမ်နင်းရေးစစ်သည်တွေနဲ့ သွေးဆာနေတဲ့နတ်ဆိုးဘုရင်တို့ကြား ဘယ်လိုတိုက်ပွဲတွေဖြစ်လာမလဲ။ လူရိုင်းမျိုးနွယ်စုဘုရင်ရဲ့ခန္ဓာကိုယ်ထဲကနတ်ဆိုးကိုရော စစ်သည််တွေနှိမ်နင်းနိုင်ပါ့မလား။ ဒီဇာတ်လမ်းရဲ့ အညွှန်းနဲ့ ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

မိသားစုတွေကြားမှာ စီးပွာ‌းရေးဆန်ဆန် စံနှုန်းတွေ သတ်မှတ်ပြီး မိသားစုဝင်အချင်းချင်း ယှဉ်ပြိုင်ခိုင်းလိုက်တဲ့အခါမှာ သွေးကွဲသွားပြီး သူ့ထက်ငါ သာလိုရေးအကြံနဲ့ မိသားစုအိမ်ဟာ နွေးထွေးရာကနေ ပိုက်ဆံချမ်းသာပြီး နွေးထွေးမှု မရှိတဲ့ အကျဉ်းထောင်လိုဖြစ်လာခဲ့ပါတယ်။ စီးပွားရေးလုပ်ငန်းတွေမှာ ပြိုင်ဘက်မရှိ အောင်မြင်နေပေမယ့်လည်း အိမ်အတွင်းမှာလစ်ဟာနေတဲ့ ချစ်မေတ္တာတွေကြောင့် အပြင်ရန်သူတွေက အလွယ်တကူ ကြားဝင်သွေးခွဲခြင်းကို ခံခဲ့ရပါတယ်။ အဲ့လို ပြိုလဲသွားတဲ့အချိန် မိဘတွေ စိတ်ချမ်းသာဖို့ကို ဦးစားပေးတဲ့ မာစတာဗီဂျေးတစ်ယောက် ဒီမိသားစုကို ဘယ်လိုမျိုး စည်းလုံးလာအောင်၊ ချစ်မေတ္တာနားလည်မှုတွေနဲ့ ပြည့်ဝအောင် ဘယ်လိုမျိုး လုပ်ဆောင်ပေးမလဲဆိုတာ အပြင် ရန်သူတွေကိုကော ဘယ်လို ချေမှုန်းမလဲ ဆိုတာ ကြည့်ရှုရမှာပဲဖြစ်ပါတယ်။ ဒီကားလေးကို ကြည့်ခြင်းဖြင့် မိဘနဲ့သားသမီးကြား ညီအစ်ကိုတွေကြားမှာရှိတဲ့ နားလည်မှုလွဲတာတွေကို ဖြေရှင်းပေးနိုင်တဲ့အတွက် မိသားစုစုံစုံလင်လင်နဲ့ ကြည့်ရှုသင့်တဲ့ ဇာတ်လမ်းလေးပဲ ဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ဂျပန်နိုင်ငံကနေ ၂၀၂၂မှာထွက်ရှိလာတဲ့ Psycho ဇာတ်ကားကောင်လေးး တစ်ကားနဲ့မိတ်ဆက်ပေးပါရစေ။ ဇာတ်လမ်းအစမှာတော့ Higashiyama Harutoလို့ခေါ်တဲ့ ၃၄နှစ်အရွယ် ခပ်ချောချော ဂျပန်သမိုင်းဆရာတစ်ယောက်က Nitakaအထက်တန်းကျောင်းကိုအစားထိုးဆရာအနေနဲ့ရောက်ရှိလာပါတယ်။ ရောက်လာလာချင်းမှာပဲ သူ့ရဲ့ရုပ်ရည်သွင်ပြင်နဲ့ ပေါင်းသင်းရလွယ်တဲ့ အကျင့်စာရိတ္တကြောင့် ကျောင်းသူအများစုဆီကနေ အာရုံစိုက်မှုကိုတန်းပြီးရရှိခဲ့တယ် ဒါပေမယ့် သူ့မှာ "Autassassinphilia" လို့ခေါ်ပြီး ဘယ်သူ့ကိုမှပြောလို့မရတဲ့လိုချင်တပ်မက်မှုတစ်ခုရှိတယ် အသတ်ခံချင်တဲ့စိတ်ပေါ့။ အဲ့တာကိုဖုံးကွယ်ပြီး သူ့ဘဝတစ်လျှောက်လုံးကိုသာမန်လူအနေနဲ့နေထိုင်ခဲ့ပြီး ကျောင်းကိုရောက်လာတဲ့အချိန်မှာတော့ Maho,Aoi,Kyoko,Aika လို့ခေါ်ကြတဲ့ခပ်ငယ်ငယ် ချစ်စရာကောင်မလေး ၄ယောက်စီကိုရည်ရွယ်ချက်ရှိရှိချဉ်းကပ်ပြီး ဘယ်သူ့ဆီကနေအသတ်ခံချင်ဆုံး ဆန္ဒက သူ့မှာရှိနေမလဲ မကြာခင်ကျရောက်တော့မယ့် နိုဝင်ဘာ၈ရက်နေ့၊ကျောင်းပွဲတော်နေ့ အတန်းရဲ့ပြဇာတ်ဖျော်ဖြေရတော့မယ့်အချိန်မှာ Harutoရဲ့ ဆန္ဒတွေက ဖြစ်မြောက်သွားမလား ဘယ်သူကသူ့လိုအင်ဆန္ဒတွေကိုဖြည့်ဆည်းပေးသွားမလဲ သူ့အကြံတွေဖြစ်မြောက်သွားမှာလား ဆိုတာကိုစိတ်ဝင်တစားကြည့်ရှုရမှာဖြစ်ပါတယ် ဇာတ်လမ်းအလှည့်အပြောင်းတွေနဲ့ မင်းသမီး မင်းသားချောချောလေးတွေကို မျက်စိအစာကျွေးနိုင်မှာဖြစ်ပြီး တစ်ယောက်တည်း အေးအေးဆေးဆေးလေး ကြည့်ရှုသင့်တဲ့ ဇာတ်ကားလေးဖြစ်တာကြောင့် အချိန်မဆိုင်းပဲ ကြည့်ရ

ဇာတ်လမ်းအစမှာတော့ မိသားစုတစ်ခု အိမ်တစ်ခုကိုပြောင်းလာကြပါတယ်။ အိမ်လို့ဆိုနေပေမဲ့ သန့်ရှင်းရေးတွေလုပ်ထားတာမျိုး ဘာတစ်ခုမှကိုမရှိတာပါ။ အဲ့ဒီအိမ်ကလည်း ဈေးတန်းမှာအနိမ့်ဆုံးဆိုတော့ သူတို့မိသားစုလည်းသူတို့နဲ့ကိုက်မယ့်အိမ်ကို ရွေးချယ်လိုက်တာပါ။ အဲ့ဒီအိမ်ထဲမှာ သရဲတစ်ကောင်လည်းရှိပါတယ်။ ဘယ်လိုကနေ ဘယ်လိုအိမ်ကြီးထဲကို ရောက်လာမှန်း သူ့ကိုယ်သူတောင်မသိပါဘူး။ အဲ့ဒီသရဲနဲ့ အဲ့ဒီမိသားစုနဲ့ ဘယ်လိုတွေတောင် ပြောင်းဆန်မလဲဆိုတာကို ဒီဇာတ်ကားထဲမှာ မြင်တွေ့ရမှာပါ။ အူတက်အောင် ရယ်ချင်ရင်တော့ ဒီကွန်မန်ဒီကားလေးက ကြည့်ကိုကြည့်သင့်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Morph ဖြစ်ပါတယ်

The Rock နဲ့ဇာတ်ကားတော်တော်များများမှာအတူတူသရုပ်ဆောင်ဖူးတဲ့သူ့ရဲ့သူငယ်ချင်းဖြစ်သလိုတွဲဖက်လဲဖြစ်တဲ့လူကောင်သေးသေးလေးနဲ့ကယ်ဗင်ဟာ့တ်ကိုတော့မသိတဲ့လူမရှိလောက်ဘူးထင်ပါတယ်။သူ့ကိုလူတိုင်းကရယ်စရာကောင်းတဲ့လူတစ်ယောက်အနေနဲ့ပဲမြင်ကြပါတယ်။ဒီကားထဲမှာတော့သူကိုယ်တိုင်ကလူတွေသူ့ကိုအဲ့လိုရယ်စရာကောင်းတဲ့လူတစ်ယောက်အဖြစ်နဲ့ပဲမြင်နေကြတာကိုစိတ်ကုန်လာပြီးတော့ သူကိုယ်တိုင်အက်ရှင်ကားတစ်ကားရဲ့ခေါင်းဆောင်မင်းသားဖြစ်ချင်လာပါတယ်။ဒီလိုနဲ့သူ့ကိုဒါရိုက်တာတစ်ယောက်ကဆက်သွယ်လာခဲ့ပါတယ်။ဒါပေမယ့်သူရိုက်မဲ့အက်ရှင်ကားထဲမှာပါဖို့ဆိုရင်ကယ်ဗင်တစ်ယောက်အနေနဲ့လေ့ကျင့်ဖို့လိုနေသေးပါတယ်။ဒီလိုနဲ့ဒါရိုက်တာပြောတဲ့အက်ရှင်စတားကျောင်းကိုသွားတက်ခဲ့ပါတယ်။ဒါပေမယ့်အဲ့ဒီကျောင်းကသူထင်ထားတာနဲ့တစ်စက်မှမတူပဲထိတ်လန့်ဖွယ်ရာလျှို့ဝှက်ချက်တွေနဲ့ပြည့်နှက်နေခဲ့ပါတယ်။ဒီလိုနဲ့ကယ်ဗင်တစ်ယောက်ကျောင်းကိုပြီးအောင်တက်ပြီးသူဖြစ်ချင်တဲ့အက်ရှင်စတားတစ်ယောက်ဖြစ်လာနိုင်ပါ့မလားဆိုတာကိုထုံးစံအတိုင်းရယ်စရာလေးတွေနှောပြီးကြည့်ရမဲ့ဇာတ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

ဒီကားလေးထဲမှာဆိုရင်တော့ ကာမစိတ်ကြီးတဲ့ကောင်မလေးတစ်ယောက်အကြောင်းပေါ့။လာရာ့စ်ဆိုတဲ့ကောင်မလေးက စာရေးသူတစ်ယောက်ပါ။သူဟာညစ်ညမ်းဇာတ်လမ်းတွေရေးသားသူတစ်ယောက်လည်းဖြစ်ပါတယ် ။ စာတော်သူတစ်ယောက်လည်းဖြစ်ပါတယ် ။သူကဒေ့ဗစ်ဆိုတဲ့ကောင်လေးကိုလည်းသဘောကျနေတဲ့သူလည်းဖြစ်ပါတယ် ။တစ်နေ့မှာ လာ့ရာစ်တို့ ကွန်ပျူတာအတန်းသင်ရင်း လာရာ့စ်တစ်ယောက် ညစ်ညမ်းဇာတ်လမ်းတွေရေးသားနေခဲ့ပါတယ်။အတန်းချိန်ပြီးတော့ စက်ကိုပြန်ပိတ်လာရာကနေ မပိတ်မိဘဲနဲ့ လာရာ့စ်ရေးတဲ့ညစ်ညမ်းဇာတ်လမ်းက လိုင်းပေါ်နာမည်ကြီးသွားပါတော့တယ်။အဲ့လိုနဲ့ သူသဘောကျတဲ့ ဒေ့ဗစ်နဲ့ဘယ်လိုရင်ဆိုင်မလဲ။လာရာ့စ်တစ်ယောက် လိုင်းပေါ်ကအရာကို ဘယ်လိုတွေဖုံးကွယ်ထားမလဲ နောက်ဆုံး သူကျောင်းကနေနှင်ထုတ်ခံမှာလားဆိုတာကိုတော့ ဒီကားလေးထဲမှာ ကြည့်ရှုလိုက်ကြပါဦးနော်။ဇာတ်ဝင်ခန်းအချို့က 18+လေးတွေပါတာမို့အသက်မပြည့်သူများ ကြည့်ရှုဖို့မသင့်တော်ပါဘူး။ ဇာတ်လမ်းအညွှန်းနဲ့ ဘာသာပြန်သူကတော့ Htet ဖြစ်ပါတယ်

1992ခုနှစ်က မီးအူးလို့ခေါ်တဲ့ကျွန်းစုဒေသတစ်ခုမှာ ရွာသားတွေဟာကိုယ်ဝန်ရှိနေတဲ့ရေသူမတစ်ကောင်ကို သတ်ခဲ့မိကြပါတယ်၊ဒီ့အတွက်ကြောင့် ရွာသားတစ်ချို့ဟာရေသူမရဲ့ကျွန်စာကိုမိပြီး သေဆုံးခဲ့ကြရပါတယ် ၊ ထိုကဲ့သ်ို့ကျိန်စာသင့် သေဆုံးတာကို တားဆီးဖို့အတွက် အမျိုးသမီးနတ်ဆရာတွေဟာ ရေသူမရဲ့ရုပ်အလောင်းကိုယူပြီး ဘုရားကျောင်းတည်ကာ ကိုးကွယ်ခဲ့ကြပြီး Kumanthong ဆိုတဲ့ရိုးရာကိုစတင်ခဲ့ကြပါတယ် ၊ နှစ်စဥ်နှစ်တိုင်း ကိုယ်ဝန်သည်အမျိုးသမီးတွေကို စတေးခံပြီးထိုရေသူမအား ယစ်ပူဇော်လေ့ရှိကြပါတယ် ၊ နှစ်ပေါင်းများစွာကြာပြီးနောက် ထိုလူမရှိတဲ့ကျွန်းပေါ်သို့ ခေတ်လူငယ်တစ်သိုက်ရောက်ရှိလာပြီး မလုပ်သင့်မလုပ်အပ်သည်များလုပ်မိကြရာမှ ထိုကျိန်စာကို ထပ်မံနိူးထလာစေခဲ့ပြီး အချင်းချင်းစိတ်ဝမ်းကွဲ လောဘကြီးမှုတွေကြောင့် ထိုကျွန်းပေါ်မှဘယ်လိုမျိုး အဆုံးသတ်ကြရမယ်ဆိုတာကို စိတ်ခြောက်ခြားဖွယ် ကြည့်ရူ့ခံစားရမယ့် Thriller ဇာတ်ကားကောင်းလေးတစ်ပုဒ်ပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Elpis ဖြစ်ပါတယ်

ဒီကားလေးကတော့ ၂၀၂၂တုန်းက ထွက်ခဲ့တဲ့ အက်ရှင်ဒရာမာကားလေးပါ။ ဟယ်လာရေငုပ်သင်္ဘော မြုပ်သွားပြီး တစ်နှစ်ပြည့်တဲ့ နှစ်ပတ်လည်နေ့မှာ အသက်ရှင်လွတ်မြောက်ခဲ့ပြီး သူရဲကောင်းအဖြစ် သတ်မှတ်ခံခဲ့ရတဲ့ ဒုကပ္ပတိန်ဟောင်း ဂန်ဒိုယောင်းဆီကို အမည်မသိဖုန်းတစ်ခု ဝင်လာခဲ့တယ်။ တစ်ဖက်လူက မြို့ထဲက လူစည်ကားတဲ့နေရာတွေမှာ ဗုံးတပ်ဆင်ထားကြောင်းပြောလာခဲ့တယ်။ အဲ့ဒီဗုံးတွေက ကြိမ်နှုန်း ၁၀၀ ဒက်စီဘယ်ကျော်တဲ့ အသံနဲ့တွေ့ရင် ပေါက်ကွဲမှာဖြစ်တဲ့ ထူးခြားတဲ့စနစ်နဲ့ ဗုံးတွေပါပဲ။ ဂန်ဒိုယောင်းလည်း အဲ့ဒီပေါက်ကွဲမှုတွေကို တားဆီးဖို့ ခဲရာခဲဆစ် ကြိုးစားခဲ့တယ်။ ဖောက်ခွဲရေးသမားက နောက်ဆုံးမှာ ဂန်ဒိုယောင်းရဲ့ ဇနီးနဲ့ သမီးကိုပါ ပစ်မှတ်ထားလာတဲ့အခါ... အဲ့ဒီဖောက်ခွဲရေးသမားက ဘယ်သူများဖြစ်မလဲ၊ ဘာကြောင့် ဂန်ဒိုယောင်းနဲ့ နီးစပ်သူတွေကို ပစ်မှတ်ထားရတာလဲ၊ ဂန်ဒိုယောင်းရဲ့ ဇနီးနဲ့ သမီးကရော ဘေးကင်းနိုင်ပါ့မလား ဆိုတာကို Decibel ဆိုတဲ့ ဇာတ်လမ်းလေးမှာ ရင်ခုန်စိတ်လှုပ်ရှားစွာ ခံစားကြည့်ရှုလို့ရပါပြီ။ ဇာတ်လမ်းအညွှန်းနဲ့ ဘာသာပြန်သူကတော့ June Rose ဖြစ်ပါတယ်

⚠️⚠️ သွေးထွက်သံယိုများဖြစ်ခြင်းများပါဝင်သောကြောင့် လန့်တတ်သူများ မကြည့်သင့်ပါ။ ဒီဇာတ်လမ်းလေးကတော့ ဗေးဒါနဲ့ ကာနာကာဆိုတဲ့ သားအဖနှစ်ယောက်ရဲ့လက်စားချေတဲ့ ဇာတ်လမ်းလေးပဲဖြစ်ပါတယ်ရှင်။ အလုပ်ကြမ်းသမားအဖြစ်ရောင်းစားပြီး စီးပွားရှာနေတဲ့ ဂျီရီရာ။ နတ်ဘုရားမကို ကိုးကွယ်ပြီး ဘုန်းတော်ကြီး ဖြစ်နေတဲ့သူ။ လူတွေနဲ့ အလှမ်းဝေးတဲ့နေရာမှာနေနေတဲ့သူနဲ့ ဓားပြမှုတွေနဲ့ ခိုးမှုတွေကို ကျူးလွန်နေတဲ့ ဘီးရာ။ လွန်ခဲ့တဲ့ ရှစ်နှစ်က စတင်ခဲ့တဲ့ နာကျင်မှုတွေရဲ့ တန်ဖိုးအဖြစ် သားအဖနှစ်ယောက် ဘယ်လိုမျိုး လက်တုန့် ပြန်ကြမလဲ။ သူတို့ ခံစားခံရတဲ့ အဖြစ်တွေကကော ဘာတွေဖြစ်မလဲ။ အဲ့အပြင် လိင်ပိုင်းဆိုင်ရာ စော်ကားခံရတဲ့အခါမှာ ဘယ်လိုမျိုး ဆောင်ရွက်သင့်လဲ။ " ယောက်ျားသားတစ်ယောက်ကတောင် မိန်းကလေးတွေကို ထိပါးရိပါးလုပ်ရဲတာ ၊ မိန်းကလေးဖြစ်သူက ဘာလို့ ပြန်ပြီး မသတ်ရဲရမှာလဲ" ဆိုတဲ့ အလိုမတူဘဲ စော်ကားခံရတဲ့ အခါမှာ ဘယ်လိုမျိုး ရဲရဲရင့်ရင့်လုပ်ဆောင်သင့်လဲ ဆိုတာတွေကို ကြည့်ရှု့ခံစားရမှာပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ဒီဇာတ်လမ်းလေးကတော့ ရိုက်စားလုပ်တဲ့ စီးပွားရေးလုပ်ငန်းတွေနဲ့ လူလတ်တန်းစားတွေ ခံကြရပုံကို ဖော်ပြထားတဲ့ ဇာတ်လမ်းလေးပဲ ဖြစ်ပါတယ်။ ဝန်ထမ်းတွေကို တစ်နှစ်တာ အကောင်းဆုံး အလုပ်သမားဆုနဲ့ ဆွဲဆောင်ပြီး ပြည်သူလူထုကို သဘောတူစာချုပ်ကို ဆုံးအောင် မဖတ်မခိုင်းဘဲ အရူးလုပ်ခိုင်းကာ သူတို့အိတ်ဖောင်းအောင် ကြံစည်နေတဲ့ ဘဏ်လုပ်ငန်းပိုင်ရှင်များ။ ဒီလုပ်ငန်းမှာ ရင်းနှီးမြှုပ်နှံရင် နှစ်နှစ်ကြာရင် အဲ့ငွေရဲ့ နှစ်ဆဖြစ်လာအောင်လုပ်ပေးမယ်ဆိုပြီး မက်လုံးပေးကာ အဆုံးမှာတော့ လုပ်ငန်းက ဒေဝါလီခံပါတယ်ဆိုတဲ့ အကြောင်းရင်းနဲ့ ပိုက်ဆံတွေကို လက်ဝါးကြီးအုပ်တဲ့သူများ၊ ချေးငွေထက် အတိုးပိုများစေတဲ့ အကြွေးဝယ်ကတ်တွေ၊ ဘဏ်ဝန်ဆောင်ခဆိုပြီး လစဉ်ဖြတ်ငွေတွေ။ အဲ့က ရလာတဲ့ ပိုက်ဆံ ရူပီးသန်းပေါင်းနှစ်သိန်းခွဲကို ခေတ်သစ်ရော်ဘင်ဟုဒ်လို့ တင်စားတဲ့ အမှောင်နတ်ဆိုးက ပြည်သူတွေဆီရောက်အောင် ဘဏ်ပိုင်ရှင်တွေ ဆီကနေ ဘယ်လိုမျိုး ပြန်လည်ယူဆောင်ပေးမလဲ၊ ပြည်သူတွေရဲ့ ‌လိုအင်ဆန္ဒတွေကို အသုံးချပြီး ဘဏ်လုပ်ငန်းတွေက ဘယ်လိုမျိုး အခွင့်ကောင်းယူလဲ ၊ ဘဏ်ဓားပြတိုက်သူတွေကကော တစ်ယောက်ထဲ ဖြစ်ပါ့မလား ဆိုတာတွေကို ကြည့်ရှုခံစားရမယ့် အက်ရှင်ဇာတ်လမ်းလေးတစ်ပုဒ်ပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ဒီဇာတ်လမ်းလေးကတော့ ဆပ်ကပ်အဖွဲ့ရဲ့ နောက်ဆုံးပြကွက်မှာ လျှပ်စီးဗို့အားများလွန်းတဲ့ နန်းကြိုးတွေကို ကိုင်ပြပြီး ပရိသတ်တွေရဲ့ အားပေးမှုကို ရယူထားတဲ့ ဆပ်ကပ်အဖွဲ့ဝင် ရွိုင်းဆိုတဲ့ ခေါင်းဆောင်ရဲ့ အကြောင်းလေးကို ရိုက်ကူးထားတာပဲဖြစ်ပါတယ်။ သွေးသားတော်စပ်မှုဟာ ထင်သလောက်အရေးမကြီးဘဲ သွန်သင်ဆုံးမမှုကသာ အရေးကြီးတယ်ဆိုတာကို လောကကြီးက လူတွေ သိအောင် ပြောပြချင်တဲ့ ဒေါက်တာတစ်ယောက်က မိဘမဲ့ဂေဟာကို ရောက်လာတဲ့ အမြွှာပူးအတွဲနှစ်တွဲကို မွေးစားမယ့်သူတွေပေါ်လာတဲ့အချိန်မှာ တစ်ယောက်စီနေရာ ပြောင်းပေးလိုက်ပါတယ်။ ဒါပေမယ့် နာမည်ကိုတော့ ရွိုင်း ၊ ရွိုင်းနဲ့ ဂျွိုင်း၊ ဂျွိုင်းဆိုပြီး နာမည်ဆင်တူပေးခဲ့ပါတယ်။ သူတို့လေးယောက် အရွယ်ရောက်လာတဲ့အချိန်မှာ အမှန်တရားကို မသိတဲ့အတွက်ကြောင့် တစ်လွဲတွေဖြစ်ကုန်ပါတယ်။ ဒီဘက်က ရွိုင်းက လျှပ်စီးတွေ မသက်ရောက်နိုင်ပေမယ့် ဟိုဘက်က ရွိုင်းကကော ဘယ်လိုတွေဖြစ်မလဲ သူတို့ရဲ့ သက်ဆိုင်ရာ ကောင်မလေးတွေနဲ့ကော ဘယ်လိုမျိုးရှုပ်မလဲ ၊ ဒေါက်တာရဲ့ လောကကြီးကို ထုတ်ပြချင်တဲ့ စမ်းသပ်ချက်ကကော အောင်မြင်ပါ့မလားဆိုတာကို ကြည့်ရမယ့်အပြင် မိဘမဲ့ဂေဟာက ကလေးတွေကို မွေးစားစေမယ့် စိတ်တွေပေါ်ပေါက်လာအောင် လမ်းညွှန်ပေးထားတဲ့ ဇာတ်လမ်းလေးပဲ ဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။