Annisa Hertami ပါဝင်သော ဇာတ်ကားများ

Cerita Lila (2026) IMDb Rating (7.9) ဒီဇာတ်ကားလေးကတော့ အင်ဒိုနီးရှား သရဲကားကောင်းကောင်းလေးကို ကြည့်ချင်တဲ့သူတွေအတွက် အကြိုက်တွေ့စေမဲ့ ဟော်ရာဇာတ်ကားကောင်းလေးပဲဖြစ်ပါတယ်။ ဇာတ်လမ်းအကျဉ်းကတော့ တာရီဆိုတဲ့အမျိုးသမီးမှာ သမီးလေးတစ်ယောက်ရှိပြီးတော့ သူမဟာ တစ်ကိုယ်တည်းမိခင်ဖြစ်ကာ အိမ်ခြံမြေအကျိုးဆောင်အဖြစ် လုပ်ကိုင်နေသူ ဖြစ်ပါတယ်။ တာရီဟာ သူ့ယောက်ျားနဲ့ ကွာရှင်းဖို့ တရားရုံးတက်ပြီးတဲ့အချိန်မှာ ရှေ့နေငှားခတွေနဲ့ စုဆောင်းထားသမျှ ငွေတွေ အကုန်ကုန်သွားခဲ့ပြီး လချုပ်နဲ့ ငှားနေတဲ့အိမ်ကနေ ဆင်းရဖို့ ဖြစ်လာပါတော့တယ်။ တစ်ဖက်မှာလည်း တရားရုံးရက်ချိန်းတွေကြောင့် အလုပ်ခဏခဏ ပျက်ကွက်ပြီး အလုပ်ထုတ်ခံရမလို ဖြစ်တဲ့အတွက် သူဌေးကို တောင်းပန်ရာကနေ သူဌေးက နောက်ဆုံးအခွင့်အရေးအနေနဲ့ အိမ်တစ်လုံးကို ဈေးပေါပေါနဲ့ အရောင်းတင်ထားကြောင်း၊ အဲဒီအိမ်ကို တစ်ပတ်အတွင်း ရောင်းထွက်အောင် လုပ်နိုင်ရင် အလုပ်ပြန်ခန့်မှာဖြစ်ကြောင်း ပြောခဲ့ပါတယ်။ ဒီလိုနဲ့ တာရီနဲ့ သူ့သမီးဟာ တိုက်ခန်းကနေ ဆင်းရတဲ့အတွက် သူ့ကိုရောင်းခိုင်းထားတဲ့ အိမ်လေးမှာပဲ ခိုးနေပြီး တစ်ပတ်အတွင်း ရောင်းထွက်အောင် ရောင်းဖို့ ဖြစ်လာပါတော့တယ်။ ဒီတော့ သူဌေးက ဘာလို့ အဲဒီအိမ်ကို ဈေးပေါပေါနဲ့ ရောင်းခိုင်းတာလဲ၊ သူတို့သားအမိ အဲဒီမှာ ခိုးနေတဲ့အတောအတွင်း‌မှာရော ဘာတွေဖြစ်လာမလဲဆိုတာကို စိတ်ဝင်စားဖွယ်ရာ ကြည့်ရှုရမှာဖြစ်ပါတယ်။ File size… (1 GB) / (560 MB) Quality…. WEB-DL 1080p HEVC / 720p Format…. mkv/mp4 Genre…. Horror Duration…. 01:46:39 Subtitle…. Myanmar Subtitle (Hardsub)

Sengkolo: Petaka Satu Suro (2026) IMDb Rating (5.8) ဒီဇာတ်ကားလေးကတော့ ဟော်ရာဖန်တွေ အကြိုက်ဖြစ်မယ့် တကယ့်ကို ကြောက်စရာကောင်းပြီး ရင်တထိတ်ထိတ်နဲ့ ကြည့်ရမယ့် မလေးရှား သရဲကားကောင်းလေးပဲ ဖြစ်ပါတယ်။ ဇာတ်လမ်းအကျဉ်းကတော့ ရာဟာယုဆိုတဲ့ အမျိုးသမီးဟာ ရွာတစ်ရွာက လက်သည်ဆရာမဖြစ်ပြီးတော့ သူမမှာ ယောက်ျားနဲ့ သားလေးတစ်ယောက်ရှိပြီး လက်ရှိမှာ ကိုယ်ဝန်ထပ်လွယ်ထားရပါတယ်။ ယောက်ျားဖြစ်သူကတော့ ငါးဖမ်းသမားဖြစ်ပြီးတော့ တစ်နေ့မှာတော့ သားဖြစ်သူကို ပထမဆုံးအကြိမ်အဖြစ် ပင်လယ်ထဲကို ငါးဖမ်းခေါ်သွားခဲ့ပါတယ်။ ကံဆိုးချင်တော့ ပင်လယ်မှာ မုန်တိုင်းတိုက်ပြီး ရာယာယုဟာ ယောက်ျားရော သားရော ဆုံးရှုံးလိုက်ရပြီး ဗိုက်တစ်လုံးနဲ့ ကျန်ခဲ့ပါတယ်။ သူမဟာ ဗိုက်ထဲက ကလေးလေးအတွက် ကြိုးစားရှင်သန်ရင်း တကယ်တမ်း ကလေးမွေးလာတဲ့အခါမှာတော့ ကလေးက ပြာနှမ်းနေပြီး အသက်မရှိတော့ပါဘူး။ အဲဒီအချိန်မှာ သူမရဲ့ သူငယ်ချင်းဖြစ်သူ မာနီဆိုတဲ့ အမျိုးသမီးက တောထဲမှာ နေတဲ့ နတ်ဆရာမတစ်ဦးရှိကြောင်းပြောပြပြီး ကလေးတို့ သူ့ဆီ ချက်ချင်းခေါ်သွားခဲ့ပါတယ်။ သူမဟာ ကလေးကို ကယ်နိုင်ရင် ဘာမဆို လုပ်ပါ့မယ်လို့ ကတိပေးခဲ့ရာကနေ နတ်ဆရာမက အစီအရင်တစ်ခု ပြုလုပ်ပြီး ကလေးကို အသက်ကယ်နိုင်ခဲ့ပါတယ်။ ဒါပေမယ့် အဲဒီကလေးရဲ့အသက်တန်ဖိုးအတွက် ရာဟာယုက ဘာနဲ့ လဲလှယ်ခဲ့တာလဲ၊ သူမအနေနဲ့ရော သူ့ကလေး အသက်ရှည်အောင် ဘာတွေ လုပ်ရမလဲဆိုတာကို ကြောက်ကြောက်နဲ့ စိတ်ဝင်စားဖွယ်ရာ ကြည့်ရှုရမှာဖြစ်ပါတယ်။ File size… (910 MB) / (680 MB) Quality…. WEB-DL 1080p HEVC / 720p Format…. mkv/mp4 Genre…. Horror Duration…. 01:44:08 Subtitle…. Myanmar Subtitle (Hardsub)

Last Chance To Save (2026) ၂၀၂၆ ခုနှစ် မတ်လမှာ ထွက်ရှိထားတဲ့ "Last Chance To Save" (မူရင်း အင်ဒိုနီးရှားခေါင်းစဉ်: Senin Harga Naik) ရုပ်ရှင်က အလုပ်အကိုင် ရည်မှန်းချက်နဲ့ မိသားစုသံယောဇဉ်ကြား ဗျာများရတဲ့ ရင်နင့်စရာ မိသားစု Drama ကားလေးပါ။ မူတီယာက ဆေးဝါးဗေဒတက်ထားပေမယ့် မိသားစုနဲ့ စကားများပြီး အိမ်ခြံမြေကုမ္ပဏီမှာ အရောင်းဝန်ထမ်း သွားလုပ်တဲ့ သမီးလတ်ပါ။ အမေဖြစ်သူ ရက်တ်နိုက သမီးဖြစ်သူရဲ့ အလုပ်ရွေးချယ်မှုကို သဘောမတူလို့ အကြီးအကျယ်ရန်ဖြစ်ပြီး ကျန်ခဲ့ပါတယ်။ သူ့မှာ "Mercusuar" ဆိုတဲ့ နာမည်ကြီး မုန့်တိုက်လေး ရှိပါတယ်။ မူတီယာက သူ့အလုပ်နဲ့ ပတ်သက်ပြီး အမေဖြစ်သူနဲ့ သဘောထားချင်း မတိုက်ဆိုင်တာကြောင့် "ကိုယ့်ခြေထောက်ပေါ်ကိုယ် ရပ်တည်ပြမယ်" ဆိုပြီး အိမ်ကနေ စိတ်ဆိုးမာန်ဆိုးနဲ့ ထွက်သွားခဲ့ရာကနေ ဇာတ်လမ်းစတာပါ။ သုံးနှစ်ကြာပြီးတဲ့နောက်... မူတီယာဟာ အလုပ်မှာ တော်လွန်းလို့ General Manager ရာထူးတိုးဖို့ အခွင့်အရေး ရလာပါတယ်။ ဒါပေမဲ့ ကုမ္ပဏီဘက်ကပေးတဲ့ ကန်ထရိုက်စည်းကမ်းချက်တစ်ခုက ခေါင်းခဲစရာ ဖြစ်လာတယ်။ အဲဒီစည်းကမ်းချက်က ဘာလဲဆိုတော့ ကုမ္ပဏီရဲ့ အိမ်ခြံမြေ တိုးချဲ့ရေးပရောဂျက်အတွက် မြေနေရာတစ်ခုကို ရှင်းလင်းရမှာဖြစ်ပြီး၊ အဲဒီမြေနေရာက တခြားမဟုတ်ဘဲ သူ့အမေပိုင်တဲ့မုန့်တိုက် ဖြစ်နေတာပါပဲ။ ရာထူးလည်း တိုးချင်၊ အမေ့မျက်နှာလည်း မကြည့်ရဲတဲ့ မူတီယာတစ်ယောက် မတတ်သာတဲ့အဆုံး ၃ နှစ်လုံးလုံး ခြေဦးမလှည့်ခဲ့တဲ့ အိမ်ကို ပြန်လာခဲ့ရပါတော့တယ်။ မူတီယာက သူ့အစ်ကိုအာမယ်လ်၊ ညီမတာ့ရှာတို့နဲ့ လျှို့ဝှက်ပူးပေါင်းပြီး အမေ့ရဲ့ စိတ်ကို ပျော့ပြောင်းလာအောင်၊ မုန့်တိုက်ကို ရောင်းပေးလာအောင် အမျိုးမျိုး စည်းရုံးကြပါတယ်။ ဒါပေမဲ့ အမေဖြစ်သူ ရက်တ်နိုအတွက်ကတော့ အဲဒီမုန့်တိုက်ဟာ ရိုးရိုးဆိုင်တစ်ဆိုင်တင် မဟုတ်ဘဲ တစ်မိသားစုလုံးရဲ့ အမှတ်တရတွေ၊ သူရုန်းကန်ခဲ့ရတဲ့ ဘဝတစ်ခုလုံး ရှိနေတဲ့နေရာ ဖြစ်နေတာပါ။ ဇာတ်လမ်းရဲ့ အဓိကအနှစ်သာရကတော့ မိသားစုတွေဟာ တစ်အိမ်ထဲမှာ အတူတူ ကြီးပြင်းလာကြပေမယ့် တစ်ယောက်နဲ့တစ်ယောက် အချစ်ကို ဖွင့်ဟမပြောတတ်ကြတဲ့အချက်၊ ပြီးတော့ အမေနဲ့ သမီးကြားက နားလည်မှုလွဲတာတွေကို စိတ်လှုပ်ရှားစရာရော၊ မျက်ရည်ကျစရာရော အလှည့်အပြောင်းတွေနဲ့ ရိုက်ပြသွားတာ ဖြစ်ပါတယ်။ အဆုံးသတ်ပိုင်းမှာတော့ မိသားစုဝင်တွေ ပြန်ဆုံစည်းပြီး အမေ့ရဲ့ မုန့်တိုက်လေးကို ကယ်တင်ဖို့၊ မိသားစုဆက်ဆံရေးကို ပြန်လည်ကုစားဖို့ ဘယ်လိုတွေ ရုန်းကန်ကြမလဲဆိုတာကို ရင်နင့်စရာ တွေ့မြင်ရမှာ ဖြစ်ပါတယ်။ File Size - 1.8 GB/ 683 MB Quality - NF WEB-DL 1080p/ 720p Duration - 1h 56m Format - mp4 Genre - Comedy, Drama Subtitle - Myanmar Subtitle (Hard Sub)

Dosa Musyrik (2024) အင်ဒိုနီးရှား သရဲကားတွေရဲ့ ထုံးစံအတိုင်း... အစ္စလာမ်ဘာသာရေး ရှုထောင့်ကနေ တားမြစ်ထားတဲ့ "မိစ္ဆာတွေကို ကိုးကွယ်ခြင်း၊ ကဝေအတတ်နဲ့ အောက်လမ်းနည်းလမ်းတွေ သုံးစွဲခြင်း" ရဲ့ ဆိုးကျိုးတွေကို ဘာသာရေးနောက်ခံနဲ့ ထိထိမိမိ ရိုက်ပြထားလို့ ပရိသတ်တွေအတွက် အထူးအကြိုက်တွေ့စေမှာပါ။ ဇာတ်လမ်းကတော့ အကြွေးတွေ အဆမတန် ဝိုင်းဝိုင်းလည်နေပြီး အသည်းအသန် ငွေလိုနေတဲ့ Nugie ဆိုတဲ့ လူငယ်တစ်ယောက်အကြောင်းကနေ စတင်ထားပါတယ်။ သူ့မှာ ရောဂါဝေဒနာကို အပြင်းအထန် ခံစားနေရပြီး ကာလရှည်ကြာ အိပ်ရာထဲလဲနေတဲ့ မိခင်အိုကြီးလည်း ရှိနေတာကြောင့် စိတ်သောကတွေရောက်နေသူဖြစ်ပါတယ်။ နောက်ဆုံးမှာတော့ နူဂီဟာ သူ့အမေရဲ့ ရောဂါကို ကုသပေးနိုင်ဖို့နဲ့ လမ်းစရှာဖို့အတွက် ကျေးရွာတွေကြားမှာ တန်ခိုးကြီးတယ်လို့ နာမည်ကြီးတဲ့ စုန်းကဝေ၊ အောက်လမ်းဆရာကြီး Mbah Narto ဆီကို သွားရောက်ခဲ့ပါတယ်။ ဒါပေမဲ့ အောက်လမ်းဆရာကြီးရဲ့ အိမ်ကို ရောက်တဲ့အခါမှာတော့ နူဂီဟာ ဆရာကြီးရဲ့ စည်းစိမ်ဥစ္စာတွေကို မြင်ပြီး လောဘဇော တက်လာပါတော့တယ်။ သူဟာ ဆရာကြီးဆီကနေ ငွေတွေကို ခိုးယူဖို့ ကြိုးစားခဲ့ပေမဲ့ အခွင့်မသာဘဲ... ဆရာကြီးရဲ့ သဘာဝလွန်လျှို့ဝှက် ဓားမြှောင်ကျောက်ရုပ်ကို ခိုးယူပြီး ပြန်လည်ရောင်းချဖို့ ဆုံးဖြတ်လိုက်ပါတော့တယ်။ ဒါပေမဲ့ အဲဒီလို ခိုးယူမိလိုက်တာဟာ ဘာသာရေးအရ ကြီးမားတဲ့ အပြစ်ကို ကျူးလွန်မိသလို ဖြစ်သွားပြီး... အဲ့ဒီရှေးဟောင်းဓားမြှောင်ထဲမှာ ရာစုနှစ်ချီ ပိတ်လှောင်ခံထားရတဲ့ မိစ္ဆာနတ်ဆိုး "Ni Larapati" ကို မသိလိုက်ဘဲ လွတ်မြောက်သွားစေခဲ့ပါတယ်။ အဲဒီအချိန်ကစပြီး နူဂီရဲ့ ဘဝထဲကို သွေးပျက်စရာ ကောင်းလှတဲ့ သဘာဝလွန် ခြောက်လှန့်မှုတွေ အစီအရီ ရောက်ရှိလာပါတော့တယ်။ ပိုပြီးဆိုးဝါးတာကတော့ နူဂီတစ်ယောက်တည်း ခြောက်လှန့်ခံရရုံတင်မကဘဲ... သူ့ရဲ့ မိသားစုနဲ့ သူ့ပတ်ဝန်းကျင်က အပြစ်မဲ့လူတွေပါ တစ်ယောက်ပြီးတစ်ယောက် သွေးပျက်စရာ ကောင်းလောက်အောင် အသက်ဆုံးရှုံးရပါတော့တယ်။ နူဂီတစ်ယောက် ဒီမိစ္ဆာမကြီးရဲ့ ရက်စက်လှတဲ့ ကျိန်စာတိုက်ပွဲကနေ ဘယ်လိုမျိုး ဘာသာရေး၊ တရားဓမ္မတွေနဲ့ ပြန်လည်တိုက်ဖျက်ပြီး အသက်ရှင်အောင် ရုန်းကန်မလဲဆိုတာကို ကြည့်ရှုရမှာ ဖြစ်ပါတယ်။

Jabang Mayit (2025) The Portrait of Nightmare ++++++++++++ The Portrait of Nightmare ဆိုတဲ့ဇာတ်ကားလေးကတော့ အင်ဒိုနီးရှာဒဏ္ဍာရီလာ ကိုယ်ဝန်သည်တွေရဲ့ ဗိုက်ထဲကကလေးတွေကို စားသုံးတဲ့ တီဟမ်ကိုသတ်ဖို့ကြိုးစားတာလေးကို ရိုက်ကူးထားတဲ့ Horror ဇာတ်ကားလေးတစ်ကားဖြစ်ပါတယ်။ ဇာတ်လမ်းအကျဥ်း အဓ္ဓမအပြုကျင့်ခံရပြီး ကိုယ်ဝန်ရခဲ့တဲ့ ဟူဂျန်ဆိုတဲ့တစ်ယောက်ဟာ သူ့ကလေးကိုထူးဆန်းစွာ ဆုံးရှုံးလိုက်ရပြီးနောက် သူ့ကိုအဲ့ဒီအရိပ်ဆိုးကခြောက်လန့်နေပါတယ်။သူ့ကိုအိပ်မက်ထဲမှာ အမြဲတွေ့နေရတဲ့ ဘာယုဆိုတဲ့ ပန်းချီတစ်ဦးနဲ့တွေခဲ့နဲ့ တွေ့ဆုံခဲ့ပြီး သူတို့နှစ်ဦးဟာ အိပ်မက်ကမ္ဘာမှာ ဆက်နွှယ်နေကြောင်းသိရှိလာပါတော့တယ် ။ အဲ့ဒီလိုနဲ့ သူတို့နှစ်ယောက်လဲ သူတို့ကိုအိပ်မက်ထဲမှာ ခြောက်လှန့်နေတဲ့ နတ်ဆိုးတစ်ကောင်ကို ဖယ်ရှားဖို့ကြိုးစားပြီး သူတို့နှစ်ဦးဆက်နွှယ်နေရတဲ့အကြောင်းအရင်းကရော ဘာဖြစ်မလဲဆိုတာ ဆက်လက်ကြည့်ရှုခံစားလိုက်ပါဗျာ။ File Size… (634MB) / (453MB) Quality… WEB-DL 1080p HEVC /720p Format…mkv / mp4 Duration…1h 24m Genre … Drama , Horror Subtitle….Myanmar Subtitle (Hard Sub)

It's Official... (2025) IMDb Rating (7.7) အဖေရုတ်တရက်ဆုံးသွားလို ပူဆွေးကြေကွဲနေရတဲ့ Marni တစ်ယောက် နောက်ထပ်အံ့ဩကြေကွဲစရာနဲ့ ရင်ဆိုင်ရပါတော့တယ်။ အဲဒါကတော့ Mar အဖေရဲ့ သေတမ်းစာထဲက နောက်ဆုံးဆန္ဒက သူ့ရဲ့အလောင်းရှေ့မှာ Mar ကို Marno ဆိုတဲ့ ကောင်လေးတစ်ယောက်နဲ့ လက်ထပ်ပေးဖိုပါပဲ။ Marno ဆိုတာက Mar အဖေ အကြွေးတွေအများကြီးတင်နေတဲ့သူ့သူငယ်ချင်းရဲ့ သားဖြစ်ပြီး Mar အဖေက အကြွေးကြေဖို သူ့သမီးကို Marno နဲ့ ပေးစားခဲ့တာပဲဖြစ်ပါတယ်။ ဒီထက်ပိုဆိုးစေတာကတော့ Mar မှာ Adi ဆိုတဲ့ ချစ်သူတစ်ယောက်ရှိနေတာပါပဲ။ ဒီလိုနဲ့ Mar တစ်ယောက် သူ့အဖေဆန္ဒအတိုင်း မိသားစုအကြွေးတွေကိုကယ်တင်ဖို မရင်းနှီးတဲ့သူနဲ့လက်ထပ်မလား ဒါမှမဟုတ် ချစ်သူအပေါ်မှာ သစ္စာစောင့်သိသွားမလားဆိုတာကိုတော့ ဒီဟာသဇာတ်လမ်းလေးထဲမှာ ဆက်လက်ကြည့်ရှုလိုရပါပြီ။ File size… (1.4 GB) / (780 MB) Quality…. WEB-DL 1080p HEVC / 720p Format…. mkv/mp4 Genre…. Comedy,Drama Duration…. 02:06:06 Subtitle…. Myanmar Subtitle (Hardsub)

Gowok: Javanese Kamasutra (2025) ++++++++++++++ အင်ဒိုနီးရှားသမိုင်းနောက်ခံ ဒရာမာကားလေးဖြစ်ပြီး ၁၉၆၀ပြည့်လွန်လောက်က ဂျာဗားကျွန်းရဲ့ ယဉ်ကျေးမှု လူ့အဖွဲအစည်းဆိုင်ရာ ရှုပ်ထွေးမှုတွေကို ရဲရဲဝံ့ဝံ့ ချပြထားတဲ့ ဇာတ်ကားလေးဖြစ်ပါတယ်။ ဒီဇာတ်လမ်းမှာတော့ ကာမသိဒ္ဓိကျမ်းမဟုတ်တဲ့ တရုတ်နိုင်ငံကနေ အမွေအနှစ်တွေ စီးဆင်းလာခဲ့တဲ့ "အက်တမ်ပရာဝေဆ"ဆိုတဲ့ ကျမ်းကြီးအကြောင်းက အဓိကပါပဲ။ ဒီကျမ်းကတော့ ကာမသိဒ္ဓိကျမ်းနဲ့မတူဘဲ သူက ချစ်တင်းနှောမဲ့အချိန်မှာ ခန္ဓာကိုယ်ကို သန့်စင်အောင်လုပ်ပြီး ဒီဂါထာကို ရွတ်လိုက်မယ်ဆိုရင် ပိုပြီးတော့ ဆန္ဒတွေပြည့်မြောက်တယ်လို အဆိုရှိပါတယ်။ ဒီကျမ်းကြီးရဲ့ လုပ်ဆောင်ချက်တွေကို သင်ပြပေးနေတဲ့ ဂိုဝက်ခ်ဆိုတဲ့ သူတွေရှိပါတယ်။ သူတိုဟာ အိမ်ထောင်မပြုခင် ကောင်လေးတွေကို ချစ်တင်းနှောရတဲ့ အရသာကို ကောင်းကောင်းကြီးသိသွားအောင် သင်ပြပေးရသူတွေပေါ့။ ဂျာယာဆိုတဲ့ တော်ဝင်မျိုးနွယ်ဝင်ကောင်လေးတစ်ယောက် အိမ်ထောင်မပြုခင်မှာ မိဘတွေက ဂိုဝက်ခ်ဆီမှာ ပညာသင်ကြားဖို စေလွှတ်လိုက်ရာကနေ ဂိုဝက်ခ်ရဲ့အမွေကိုဆက်ခံမဲ့ မွေးစားသမီးလေး တရီနဲ့ တွေ့ဆုံကာ ဒီဇာတ်လမ်းလေးဖြစ်ပေါ်လာခဲ့ပါတယ်။ တော်ဝင်မျိုးနွယ်ဝင်ကောင်လေးနဲ့ ဂိုဝက်ခ်ရဲ့ မွေးစားသမီးလေး တရီတို ဘယ်လိုဇာတ်လမ်းတွေ ဖြစ်လာမလဲ ....... ဂိုဝက်ခ်ကရော တော်ဝင်မျိုးနွယ်ကောင်လေးကို ချစ်တင်းနှောနည်းတွေကို ဘယ်လိုပုံစံမျိုးနဲ့ သင်ကြားပေးသွားမလဲ ဆိုတာကို ကြည့်ရှုခံစားရမှာဖြစ်ပါတယ်။ ချစ်တင်းနှောနည်းသင်ကြားပေးတဲ့ကားဖြစ်တာကြောင့် တစ်ယောက်တည်း စောင်ခြုံကြည့်ရင်တော့ ပိုအရသာရှိမှာ အမှန်ပါပဲ။ File Size… (1.41GB) / (892MB) Quality… WEB-DL 1080p HEVC /720p Format…mkv / mp4 Duration…2h 12m Genre …Drama , History , Romance , Thriller Subtitle….Myanmar Subtitle (Hard Sub)

Pembantaian Dukun Santet (2025) +++++++++++++++ ဟောလိုဝင်း ပွဲတော် နီးလာပြီမို့ Horror vibe ကောင်းကောင်းပေးနိုင်မယ့် ဇာတ်ကားကောင်းလေး တစ်ခုနဲ့ မိတ်ဆက်ပေးချင်ပါတယ်။ အင်ဒိုကားမို့လို့ ကြောက်စရာ မကောင်းမှာကိုတော့ ပူစရာ မလိုသလို Jump scare, Gore စုံစုံလင်လင်မြင်ရ ခံစားရမှာပါ။ ဒီဇာတ်ကားဟာ အပြင်မှာ အမှန်တကယ် ဖြစ်ပျက်ခဲ့တဲ့ အင်ဒိုနီးရှားနိုင်ငံ အရှေ့ဂျာဗား နယ်စပ်နယ်မြေတစ်ခုရဲ့ သမိုင်းဝင် အမည်းစက် ထင်ခဲ့တဲ့ ဖြစ်ရပ်ကို မှီငြမ်းပြီး ရိုက်ကူးထားတာလည်း ဖြစ်ပါတယ်။ ၁၉၉၀ ဝန်းကျင် သမ္မတ ဆူဟာရ်တို လက်ထက် နိုင်ငံတစ်ဝှမ်း စီးပွားပျက်ကပ် ဆိုက်ပြီး ကုန်ဈေးနှုန်း အဆမတန် မြင့်တက်မှုတွေ အလုပ်အကိုင်အခွင့်အလမ်း ယိုယွင်းမှုတွေနဲ့ နိုင်ငံရေး မတည်ငြိမ်မှုတွေ ဖြစ်ခဲ့တဲ့ အချိန်ကာလ အရှေ့ဂျာဗား ဘန်ယူဝန်ဂီဒေသဘက်မှာ လူအစုံလိုက် အပြုံလိုက် သတ်ဖြတ်မှုတွေ ဥပဒေမဲ့စွာ ဖြစ်ပျက်ခဲ့ပါတယ်။ သတ်ဖြတ်ခံရသူတွေဟာ ဒေသမှာ ပယောဂဆရာ ဒါမှမဟုတ် ရိုးရာတိုင်းရင်းဆေးကုသသူတွေ ဖြစ်ပြီးတော့ အောက်လမ်းပယောဂနဲ့ လူတွေကို ဒုက္ခရောက်အောင် လုပ်တယ်စွပ်စွဲခံရသူတွေ ဖြစ်ပါတယ်။ အဲဒီ ကျူးလွန်သတ်ဖြတ်မှုတွေဟာ ယနေ့ထိတိုင် ဘယ်သူမှ တာဝန်ယူဖြေရှင်းတာ မရှိခဲ့သလို အဲဒီအချိန်က နိုင်ငံရေးအာရုံ ပြောင်းလွှဲမှုအဖြစ်လည်း တစ်ချို့တွေက ရှုမြင်ကြဆဲ ဖြစ်ပါတယ်။ ဒီဇာတ်ကားအကျဉ်းပြောရရင် အစ္စလာမ်ဘာသာရေး ကျောင်းတစ်ခုမှာ အလုပ်လုပ်နေ တက်ရောက်နေကြတဲ့ ဘာသာရေးဆရာတွေနဲ့ ကျောင်းသားကျောင်းသူတွေ ထူးဆန်းစွာနဲ့ သေဆုံးမှုတွေ ဖြစ်လာပါတယ်။ အဲဒီထဲက ကျောင်းသားတစ်ယောက်ဖြစ်တဲ့ ဆန်ထရီယိုဟာ ဘာကြောင့် ဒီလိုတွေ ဖြစ်နေတာလဲဆိုတာ ဖော်ထုတ်ဖို့ ကြိုးစားနေချိန် တစ်ဖက်မှာ နေအိမ်က သူ့ရဲ့ ဖခင်ကပါ ပယောဂ စွပ်စွဲခံရပြီး သတ်ဖြတ်ခံလိုက်ရပါတယ်။ ကျောင်းမှာလည်း အခြေအနေတွေက ပိုပိုပြီး ဆိုးဝါးလာချိန်မှာ ဆန်ထရီယိုနဲ့ သူ့သူငယ်ချင်းတွေ ဘယ်လိုတားဆီးရပ်တန့်ဖို့ ကြိုးစားကြမလဲ ဆိုတာ……။ File Size… (886MB) / (588MB) Quality… WEB-DL 1080p HEVC /720p Format…mkv / mp4 Duration…1h 32m Genre … Horror , Thriller Subtitle….Myanmar Subtitle (Hard Sub)

Ambyar Mak Byar (2025) IMDb Rating (6.4) Jeru ဆိုတဲ့ လူငယ်ကောင်လေးတစ်ယောက်က Konco Seneng လို အမည်ရတဲ့ တေးဂီတအဖွဲရဲ့ ခေါင်းဆောင်ဖြစ်ပြီးတော့ နာမည်ကြီးတဲ့အဆိုတော်တစ်ယောက်ဖြစ်လာဖို အိပ်မက်မက်နေတဲ့သူတစ်ယောက်ပဲ ဖြစ်ပါတယ်။ ဒါပေမဲ့ Jeru နဲ့ တွဲနေတဲ့ချစ်သူ Bethari ကတော့ တော်ဝင်မျိုးနွယ် ဘုရင့်ရဲ့သမီးတော်ဖြစ်ပြီးတော့ ကွာခြားလွန်းတဲ့လူမှုအဆင့်အတန်းကြောင့် နှစ်ဖက်မိသားစုတွေက သဘောမတူကြပါဘူး။ အဲဒီမှာ Bethari ရဲ့ ဦးလေးဖြစ်သူက Jeru နဲ့ Bethari ကို ဖြတ်ဖိုအတွက် Jeru ရဲ့ ဂီတနဲ့ပတ်သက်တဲ့ အိပ်မက်တွေကိုပါ ဖျက်ဆီးလာချိန်မှာတော့ Jeru တစ်ယောက် သူ့ချစ်သူနဲ့ သူ့အိပ်မက်ကြား ဘာကိုရွေးချယ်မလဲဆိုတာ ဒီဇာတ်လမ်းထဲမှာ စိတ်ဝင်စားဖွယ်ဆက်လက်ကြည့်ရှုနိုင်ပါတယ်။ (အညွှန်းနဲ့ဘာသာပြန်ကတော့ Thwal Htoo Zin ဖြစ်ပါတယ်။) File size…(2.2 GB) / (1 GB) Quality….WEB-DL 1080p HEVC / 720p Format…. mkv/mp4 Genre….Comedy,Drama,Romance,Music Duration….01:55:47 Subtitle….Myanmar Subtitle (Hardsub) Encoder….Double K Translated by Thwal Htoo Zin

ဒီတစ်ခါအလှည့်ကျတာကတော့ Netflix မှ အင်ဒိုနီးရှား ကလေးကားလေးတစ်ခုပဲဖြစ်ပါတယ်။ ဒီလန်လို့အမည်ရတဲ့ကျောင်းသားလေးက အရှေ့တီမောမှာ ၂ နှစ်နီးပါးနေပြီးတဲ့နောက် အရင်မြို့ အရင်ကျောင်းကို ပြန်လာခဲ့ရပါတယ်။ အတန်းထဲမှာ အရင်က သူရဲ့ဆိုးဖော်တေဖက်ငယ်သူငယ်ချင်းတို့အပြင် မေလီယန် မယ်ရီအွိုင်းလို့ခေါ်တဲ့ ခပ်ချောချောတရုတ်မလေးတစ်ယောက်ကလည်း ကျောင်းသူသစ်အနေနဲ့ ရောက်ရှိလို့နေပါတယ်။ ဒီတော့ လူကြီးမကျ ကလေးမကတဲ့ ငဆိုး ငပေ ငတေ ငပွေလေး ဒီလန်တစ်ယောက် တရုတ်မလေးကို ဝေါ်အိုက်နီတွေဖြစ်ကာ အိမ်ထောင်စုဇယားထဲ မင်းပါးပါးနဲ့မားမားကိုထည့်ချင်လာပါတော့တယ်။ ကျောင်းသားကားပီပီ ကလေးလို ဆိုးလိုက်ဆော့လိုက် တရုတ်ဘုံကျောင်းက နဂါးဖြစ်ချင်နေတဲ့ အတန်းကြီးလူဆိုးကောင်တွေနဲ့ ရန်ဖြစ်လိုက်နဲ့ပဲ ဇာတ်လမ်းလေးကို သယ်လာတာမလို့ ပေါ့ပေါ့ပါးပါး အပျင်းပြေကြည့်ရှုချင်သူတွေအတွက် အချိန်ဖြုန်းစရာ ဇာတ်ကားကောင်းတစ်ခုအနေနဲ့ တင်ဆက်ပေးလိုက်ပါတယ်။ ဒီလန်တစ်ယောက် ကံကောင်းစေမယ့် တရုတ်ဘုံကျောင်းက နဂါးပဲဖြစ်မလား .. ပါးပါးနဲ့မားမားကိုပဲ အိမ်ထောင်စုဇယားထဲက ပြန်ထုတ်ပေးလိုက်ရမလား ဆိုတာကိုတော့ ဇာတ်လမ်းအဆုံးမှာ သိရပါလိမ့်မယ်ဗျ။ Filesize : 1.59 GB / 884 MB Quality : WEB-DL 1080p HEVC , 720p HEVC Format : mkv Genres : Drama, Romance, Family, Comedy Runtime : 1h 56 min Subtitle : Myanmar Subtitle ( Hardsub ) Translated & reviewed by CM Bollywood Team Encoded by LK

ဒီဇာတ်ကားကတော့ ကျောတချမ်းချမ်းနဲ့ စိတ်ဝင်စားဖွယ်ရာ ကြည့်ရှုရမယ့် အင်ဒိုနီးရှားနိုင်ငံသရဲကားဖြစ်ပါတယ်။ ဇာတ်လမ်းကတော့ ခေတ်နောက်ပြန်ဆွဲနိုင်စွမ်းရှိပြီး အတိတ်ကို အချိန်ခရီးသွားရင်း အဖြစ်အပျက်တွေကို မြင်နိုင်စွမ်းရှိတဲ့ Hao ဟာ မထင်မှတ်ဘဲ ပျောက်ဆုံးသွားတဲ့ ကျောင်းသူလေး Sari ကို ပြန်လည်ရှာတွေ့အောင် ကြိုးစားခဲ့ပါတယ်။ ကျောင်းတက်ရင်း ရုတ်တရက် ကျောင်းဝန်းထဲမှာ ပျောက်ဆုံး သွားတဲ့ Sari ကို ဟောင်က သူ့အစွမ်းအစနဲ့ရှာဖွေတဲ့အခါ ကျောင်းသူလေးကို ပြန်ပေးဆွဲသွားခဲ့တဲ့ သင်္ချိုင်းဖုံးမှာ ရစ်ပတ်နေတဲ့ ခေါင်းပြောင်တစ္ဆေကြီးပိုချောင်နဲ့ ထိပ်တိုက် တွေ့ခဲ့ပါတယ်။ ဟောင်ရဲ့လုပ်ရပ်တွေကို မနှစ်မြို့တဲ့ ခေါင်းပြောင်တစ္ဆေကြီး ပိုချောင်ဟာ ဟောင်နောက်ကိုလိုက်လာပြီး ဒုက္ခပေးဖို့ ကြိုးစားပါတော့တယ်။ ဒီအခါမှာတော့ ဟောင်နဲ့သူ့ကောင်မလေး ရီဒါတို့ကြားမှာ ရင်တုန်စရာ အဖြစ်အပျက်တွေက ဆက်တိုက် ဖြစ်ပျက်လာခဲ့ပြီး ဟောင်က ပိုချောင်ရဲ့အတိတ်ကို စူးစူးစိုက်စိုက် ကြည့်ရင်း သူ့ရဲ့ဇစ်မြစ်နဲ့ လျှို့ဝှက်ချက်တွေကို ရှာဖွေဖော်ထုတ် သွားမှာဖြစ်ပါတယ်။ ဆယ်နှစ်တကြိမ် လူတွေကိုဒုက္ခပေးနေတဲ့ ခေါင်းပြောင်တစ္ဆေကြီးကို ဟောင်တယောက် ဘယ်လိုပညာပေး သွားနိုင်မလဲဆိုတာ သဘာဝလွန်ဖြစ်ရပ်တွေ၊ သည်းထိတ် ရင်ဖိုစရာတွေနဲ့ အင်ဒိုနီးရှားရိုးရာပုံပြင်တွေကို ပေါင်းစပ်ပြီး ကြည့်ရှုခံစားကြရမှာဖြစ်ပါတယ်။ File size…1.26 GB / 487MB Quality…WEB-DL 1080p 5.1CH / 720p Format…mp4 Duration….1h 47m Genre ….. Horror Subtitle….Myanmar Subtitle (Hard Sub) Encoder….Min Wai Translated by Zaw Myint

Andragogy (2023) မျက်မှောက်ခေတ်မှာ မြင်ရတွေ့ရတဲ့ ပြဿနာတွေရဲ့ အရင်းအမြစ်တွေထဲတစ်ခုဖြစ်တဲ့ ဆိုရှယ်မီဒီယာတွေရဲ့ ဒုက္ခပေးပုံအဖုံဖုံကို ရိုက်ကူးထားတဲ့ ဇာတ်ကားလေးပါ။ မြှောက်ထိုးပင့်ကော်လုပ်တတ်တဲ့ မီဒီယာတွေကြောင့် လက်တွေ့ဘဝမှာ ဘယ်လောက်ထိ ရိုက်ခတ်မှုကြီးမားသလဲဆိုတာကို ကွက်ကွက်ကွင်းကွင်း မြင်ရစေပြီး အင်ဒိုနီးရှားဇာတ်ကားဆိုပေမယ့် ဇာတ်အိမ်ခိုင်ခန့်မှုက တော်တော်ကို ကောင်းမွန်တဲ့အနေအထားမှာရှိပါတယ်။ ပညာရေးစနစ်၊ မိသားရေးရာ ပြဿနာ စတဲ့ အရာတွေကို ဇာတ်အိမ်လုံးတစ်ခုတည်းမှာ အကုန်လုံးကို စုပြုံထည့်ပြီး ပြသထားတယ်ဆိုပေမယ့် သူ့နေရာနဲ့သူ အစပ်အဟပ်တည့်ပါတယ်။ ဇာတ်လမ်းအကျဉ်းကတော့ သာမန်ပြဿနာလေးတစ်ခုကို လိုင်းပေါ်တင်လိုက်ရာကနေ ပြဿနာက တဖြည်းဖြည်းနဲ့ ကြီးလာခဲ့ပြီး ဖြေရှင်းဖို့ ကြိုးစားခဲ့ပါတယ်။ လိုင်းပေါ်က နာမည်တအားကြီးနေတဲ့ အုန်းသီးကိတ်ဆိုင်မှာ ဆရာမ ပရာနီက ဝယ်ယူရင်း ကြားဖြတ်ဝင်တဲ့သူနဲ့ ရန်ဖြစ်မိခဲ့တာပါ။ ဒါပေမဲ့ အော်ကြီးဟစ်ကျယ်ဖြစ်နေတာက ဆရာမ ပရာနီဖြစ်တဲ့အတွက် လိုင်းပေါ်က လူတွေဟာ ဆရာမ ပရာနီကိုပဲ အပြစ်တင်ကြပါတယ်။ ဒါကြောင့် ဆရာမ ပရာနီရဲ့ ပတ်ဝန်းကျင်မှာ ပြဿနာအမျိုးမျိုးကို ရင်ဆိုင်လာရပါတယ်။ အဲဒီအတွက် ဖြေရှင်းချက် ဗီဒီယိုတစ်ခုကို ပရာနီက ပြန်တင်ပြီး ဖြေရှင်းခဲ့ပေမယ့် တစ်ဖက်လူကလည်း ပြန်လည်ဖြေရှင်းခဲ့တာကြောင့် သံသရာက မဆုံးနိုင်ဘဲ တိုင်ပတ်နေပါတယ်။ အဲဒီလိုကနေ ပိုပိုဆိုးလာပြီး မပြီးနိုင် မစီးနိုင်ဖြစ်နေတာကြောင့် ဆရာမ ပရာနီရဲ့ တခြားကိုယ်ရေးကိုယ်တာကိစ္စတွေပါ လိုင်းပေါ် ရောက်လာပါတယ်။ ဘယ်လိုရှင်းရှင်း မပြီးနိုင်တော့တာကြောင့် နောက်ဆုံးမှာ ဆရာမ ပရာနီတစ်ယောက် ဘယ်လိုဖြေရှင်းမလဲဆိုတာကို ပဟေဠိဆန်ဆန် ကြည့်ရမယ့် ဇာတ်လမ်းတစ်ပုဒ် ဖြစ်ပါတယ်။ အညွှန်း နဲ့ ဘာသာပြန်ကတော့ Khant Zaw Naing ပဲ ဖြစ်ပါတယ်။ Genre..... Drama Quality…. 1080p | 720p File size… 1.4GB | 738MB Format… mp4 Duration…. 1h 50min Subtitle…. Myanmar Subtitle (Hardsub) Translator ..... Khant Zaw Naing Encoder ..... Aaron

Anak Titipan Setan (2022) ဒီတစ်ခါမိတ်ဆက်​ပေးမှာက​တော့ ၂၀၂၂ မှာထွက်ရှိထားပြီး ဂျာရန်ပီနိုရန်နတ်ဆိုး (ခ) မြင်း​ခေါင်းနတ်ဆိုးအ​ကြောင်းကိုရိုက်ပြထားတဲ့ သည်းထိတ်ရင်ဖို အင်ဒိုနီးရှားကား​ခေး Anak Titipan Setan ဆိုတဲ့ကား​လေးနဲ့ပဲဖြစ်ပါတယ် ဇာတ်လမ်းအညွှန်း မိခင်ဆာရီတစ်​ယောက် ဘာ​အ​ကြောင်းပြချက်မှမရှိပဲ သားဖြစ်သူ ဇီကာကို ဆုံးရှုံးသွားတဲ့အပြင် ​ယောကျာ်းဖြစ်သူကပါ သတ်​သေသွားတာ​ကြောင့် သူ့ဘဝကို စိတ်ကုန်​နေတုန်း ​ယောက္ခမဖြစ်သူ နတ်ဆိုးဂျာရန်ပီနိုရန်နဲ့ အ​ပေးအယူလုပ်ထားတာကို သိရှိသွားပါတယ် ​​မိမိဥစ္စာချမ်းသာဖို့အတွက် နတ်ဆိုးဆီ ၁၀နှစ်တစ်ခါ မိမိ​သွေးသားကို ယဇ်ပူ​ဇော်ဆက်သမယ်ဆိုတဲ့ ကတိနဲ့ သ​ဘောတူခဲ့တဲ့ ​ယောက္ခမအ​ကြောင်းကိုသိသွားပြီး​နောက် ဆာရီတစ်​ယောက် ​​ယဇ်ပူ​ဇော်ပသလို့မရ​အောင်​နှောင့်ယှက်ပါ​တော့တယ် ​ပေးခဲ့တဲ့ ကတိကိုမတည်တဲ့ ​ဆာ့ရီယောက္ခမ နတ်ဆိုးရဲ့ အသက်နှုတ်ခြင်းကိုခံရပြီး​နောက် အငယ်ဆုံးသမီးဖြစ်သူ ပူထရီ အိမ်ကိုပြန်​ရောက်လာပါ​တော့တယ် ပူထရီတစ်​ယောက် အိမ်ပြန်​ရောက်ပြီး​နောက် ဘယ်လိုဖ့စ်ရပ်​တွေဆက်ဖြစ်လဲ ဘယ်လိုသည်းထိတ်ရင်ဖို​ကြောက်မက်ဖွယ်ရာ​တွေကိုရင်ဆိုင်ရမလဲဆိုတာ​တွေကို ရင်တထိတ်ထိတ်နဲ့ကြည့်ရှုမယ့်​ကား​​ကောင်း​လေးတစ်ကားဖြစ်ပါတယ် ( ဘာသာပြန်ပြီး အညွှန်းရေးသားထာသူကတော့ DB ပါ ) File size_(600MB) Quality_ 720p Format_mp4 Duration_01:48:00 Genre_ Subtitle_Myanmar Subtitle (Hardsub) Encoder_a hao Translated by DB

Check the Store Next Door 2 (2022) Comedy, Drama, Romance ရုပ်ရှင်ကောင်းကောင်းလေးနဲ့ chill ချင်တယ်ဆိုရင်တော့ ဒီကားလေးကို ကြည့်လိုက်ပါ။ IMDb rating 7.6 ရရှိထားတဲ့ အင်ဒိုနီးရှား ရုပ်ရှင်တစ်ကားဖြစ်ပါတယ်။ ဇာတ်လမ်းအကျဉ်းကတော့ နာတာလီဆိုတဲ့ ကောင်မလေးဟာ ဘာလီမှာ ကားဘီးပေါက်နေရင်း အာဝင်ဆိုတဲ့ ကောင်လေးတစ်ယောက်နဲ့ ဆုံဖြစ်ပါတယ်။ အာဝင်လည်း ဘီးပေါက်နေတဲ့ နာတာလီ့ကို ကူညီပေးရင်း သူတို့ နှစ်ယောက် ရင်းနှီးသွားခဲ့ပါတယ်။ ဒီလိုကနေ သူတို့ ချစ်သူတွေဖြစ်သွားကြပြီး ၂ နှစ်လောက် လက်တွဲလာခဲ့ကြပါတယ်။ အဲဒီနောက် သူတို့လည်း လက်ထပ်ပြီးကြတော့ ဘဝတစ်ခုကို ထူထောင်ဖို့ လုပ်ကြပါတယ်။ သို့သော် သာမန်လူတန်းစား အာဝင်တို့မိသားစုနဲ့ လူချမ်းသာ နာတာလီတို့ မိသားစုကြား မတူညီတာတွေ များကြသလို၊ စိတ်ဒဏ်ရာကိုယ်စီတွေနဲ့မို့ အချစ်တစ်ခု ဆက်ပြီး ရှင်သန်ဖို့ရာ ရုန်းကန်ကြရပါတော့တယ်။ Drama အမျိုးအစားဖြစ်တာမို့ အများကြီး ညွှန်းမနေတော့ပါဘူး။ ဇာတ်လမ်းအချိုးအကွေ့တွေကို ဝမ်းသာတစ်လှည့် ဝမ်းနည်း တစ်လှည့်နဲ့ ကြည့်ရှုလိုက်ပါဦး။ အညွှန်းနဲ့ဘာသာပြန်ကတော့ Leonard Lin ပဲဖြစ်ပါတယ် Genre..... Comedy, Drama, Family Quality…. 1080p | 720p File size… 1.11GB | 620MB Format… mp4 Duration…. 1h Subtitle…. Myanmar Subtitle (Hardsub) Translator ..... Leonard Lin Encoder ..... Aaron

စာရေးဆရာမ နာရာဟာ ကိုယ်တိုင်ကြုံခဲ့တဲ့ သရဲအကြောင်းကို ရေးလိုက်ရာက သူ့စာအုပ် အောင်မြင်သွားပြီး နှစ်အတော်ကြာ ရောင်းအားအကောင်းဆုံးစာရင်းထဲ ပါနေခဲ့ပါတယ်။ နာရာကိုယ်တိုင်က လေးနက်တဲ့စာပေကို ရေးချင်ပေမယ့် ထုတ်ဝေသူက သရဲအကြောင်းပဲ ဆက်ရေးစေချင်နေတယ်။ ဒီလိုနဲ့ သရဲတစ္ဆေဆိုတာကိုတောင် စိတ်ကုန်လာတဲ့အချိန်မှာ သူနဲ့ပတ်သက်သူတစ်ယောက် မမျှော်လင့်ဘဲ သေဆုံးသွားပါတယ်။ အဲဒီကိစ္စကြောင့် နာရာဟာ သူစိတ်ပျက်နေတဲ့ သရဲတွေနဲ့ မဖြစ်မနေ ပြန်ဆက်ဆံရတော့တယ်။ မတတ်သာလို့ ဆက်ဆံနေရင်း သူမဖြစ်စေချင်တဲ့ ကိစ္စတွေနဲ့ ထပ်ကြုံလာရပါတယ်။ ၂၀၁၉ ခုနှစ်ထွက် Ghost Writer ရဲ့ နောက်ဆက်တွဲဖြစ်ပြီး ပထမကားနဲ့ ဆက်စပ်ပေမယ့် သီးခြားကြည့်လို့လည်း ရပါတယ်။ ခြောက်ခြားစရာတွေနဲ့အတူ ဟာသ၊ ကြည်နူးစရာ၊ ဝမ်းနည်းစရာနဲ့ သင်ခန်းစာယူစရာတွေကို ရောစပ်ထားတဲ့ အင်ဒိုနီးရှား သရဲဒရာမာဇာတ်ကားပါ။

Lampor: The Flying Casket (2019) IMDb Rating (5.3) ဒီမှာခေတ်အဆက်ဆက်ရေပန်းစားခဲ့တဲ့ ပါးစပ်ပြောရာဇဝင်တွေထဲဇာတ်လိုက်တစ်ယောက်ဖြစ်တဲ့သုသာန်စောင့်မဖဲဝါဟာ ခေါင်းတလားကြီးထမ်းပြီး သူ့သားကောင်ရဲ့အိမ်ရှေ့မှာပစ်ချလိုက်ရင် အဲ့ဒီအိမ်က တစ်ယောက်သေတတ်တယ်ဆိုတဲ့ဇာတ်လမ်းလိုပဲ အင်ဒိုနီးရှားနိုင်ငံ ဂျာဗားအလယ်ပိုင်းမှာလည်း ခပ်ဆင်ဆင်ဒဏ္ဍာရီတစ်ခုရှိပါတယ်။ အဲ့ဒါကတော့ လမ်ပေါ်လို့ခေါ်တဲ့အခေါင်းပျံကြီးပါပဲ။ သူတို့အယူအဆအရတော့ အဲ့ဒီအခေါင်းပျံကို တောင်ပင်လယ်နတ်ဘုရားမ Nyi Roro Kidul ရဲ့လက်အောက်ခံသေမင်းတမန်တွေက ထမ်းပိုးလာပြီး အပြစ်ရှိသူတွေကိုလိုက်လံဖမ်းဆီးတတ်တယ်လို့ယုံကြည်ကြပါတယ်။ လမ်းပေါ်ဖမ်းဆီးသွားတာကိုခံရတဲ့သားကောင်တွေဟာ နောက်တစ်နေ့မှာ အလောင်းပြန်တွေ့ရင်တွေ့၊ မဟုတ်ရင် ရူးသွားတတ်ကြတယ်လို့ဆိုကြပါတယ်။ ဒီဇာတ်လမ်းမှာတော့ အက်ဒ်ဝင်နဲ့ နက်တာဆိုတဲ့ ဇနီးမောင်နှံဟာ နက်တာ့မိခင်ဖြစ်သူရဲ့နောက်ဆုံးအမှာစကားကိုဖခင်ဖြစ်သူဆီ အရောက်ပါးဖို့ရွာပြန်လာကြချိန်မှာ သူတို့ဖခင်ကြီးက ရုတ်တရက်နှလုံးဖောက်ပြီးသေဆုံးသွားတာနဲ့ကြုံရပါတယ်။ အဲ့ဒီအချိန်မှာပဲ သူတို့ရွာမှာ လမ်ပေါ် ပြန်ပြီးသောင်းကျန်းနေတဲ့အတွက် တစ်ရွာလုံးထိတ်လန့်ခြောက်ခြားနေတာကိုပါ သိလိုက်ရသလို ရွာသားတွေကလည်း လမ်ပေါ်ပြန်ရောက်လာတာကို နက်တာရဲ့အပြစ်လိုလိုစွပ်စွဲနေကြပါတယ်။ အက်ဒ်ဝင်ကတော့ အစပိုင်းမှာအယုံအကြည်မရှိခဲ့ပေမယ့် သူကိုယ်တိုင် နဖူးတွေ့ဒူးတွေ့ကြုံလိုက်ရသလို နက်တာ့ဖခင် သေဆုံးမှုရဲ့နောက်ကွယ်က ပဟေဠိတွေထူးခြားဆန်းကြယ်မှုတွေကို တစ်စတစ်စ ရိပ်စားမိလာခဲ့ပြီးနောက်..။ ဂျာဗားအလယ်ပိုင်း လန်ပေါ်ဒဏ္ဍာရီကိုအခြေခံပြီး Jump scare တွေ သွေးထွက်သံယိုတွေကိုအားမကိုးပဲဇာတ်လမ်းဇာတ်အိမ်ခိုင်ခိုင်ခံ့ခံ့၊ ခန့်မှန်းမရတဲ့လှည့်ကွက်တွေအပြည့်နဲ့ရှုစားရမယ့် ဇာတ်ကားကောင်းတစ်ကားဖြစ်ပါတယ်။ File size… (1 GB) / (730 MB) Quality…. WEB-DL 1080p HEVC / 720p Format…. mkv/mp4 Genre…. Drama,Horror Duration…. 01:35:20 Subtitle…. Myanmar Subtitle (Hardsub)