Maaya Sakamoto ပါဝင်သော ဇာတ်ကားများ

Anime သမိုင်းလောကရဲ့ ဂန္တဝင် Cyberpunk စီးရီးကြီးတစ်ခုကို ခေတ်သစ်အမြင် နည်းပညာတွေနဲ့ ပြန်မွမ်းမံ Reboot ထားတဲ့ စီးရီးလေး စတင်ထုတ်လွင့်လာခဲ့ပါပြီ။ Dandadan တို့လို စီးရီးကောင်းမျိုးကို ထုတ်လုပ်ပေးထားတဲ့ Science SARU က ပြန်ကိုင်ပေးထားတာပဲဖြစ်လို့ ဘယ်လိုတွေ ထူးခြားနေဦးမလဲ စောင့်ကြည့်သွားရမှာပါ။ ဒီကောင်လေးက အစပိုင်းကြည့်ကြည့်လိုက်တာ ၂၀၂၆ အသစ်ထွက်ဆိုပေမဲ့ ရှေးမူမပြတ်အောင်လည်း ရှေးစတိုင်လိုမျိုး ဆွဲပေးထားတာလေးတွေ မြင်ရလို့ တော်တော်မိုက်တယ်။ ဇာတ်လမ်းကလည်း မူရင်း Manga အတိုင်းပဲ သွားပေးမယ်လို့ ကြားထားတာဖြစ်လို့ အဆင်ပြေလောက်မှာပါ။ ဇာတ်လမ်းလေး ပြောရမယ်ဆို ၂၀၄၀ ပြည့်လွန်နှစ်တွေရဲ့ နည်းပညာအမြင့်မားဆုံး ခေတ်ကြီးမှာ လူသားတွေဟာ သူတို့ရဲ့ ဦးနှောက် (Ghost) တွေကို ကွန်ရက်နဲ့ ချိတ်ဆက်ပြီး (Cyberbrains) ခန္ဓာကိုယ်တွေကို စက်ရုပ်အဖြစ် ပြောင်းလဲနေထိုင်လာကြပါပြီ။ အဲဒီမှာ MC ဖြစ်တဲ့ Major Motoko Kusanagi ဆိုတာ အထူးတပ်သားတွေနဲ့ အလွတ်တန်း အကြမ်းစားတိုက်ခိုက်ရေးတပ်ဖွဲ့ကို ဦးဆောင်နေသူတစ်ယောက်။ အဲဒါကို ပြည်ထဲရေးဝန်ကြီး မြင်ပြီးသဘောကျသွားတော့ သူတို့ကို အစိုးရလက်အောက်ခံ အထူးတပ်ဖွဲ့အဖြစ် ဖွဲ့စည်းစေဖို့ စည်းရုံးကမ်းလှမ်းခဲ့တယ်။ အဲဒီမှာတင် Shell Squad ဒါမှမဟုတ် Public Security Section 9 ဆိုတဲ့ အထူးတပ်ဖွဲ့ကြီး ဖြစ်လာပြီး ဆိုက်ဘာမှုခင်းတွေ နိုင်ငံတကာ အကြမ်းဖက်ကိစ္စတွေကို ဖြေရှင်းရင်း နောက်ကွယ်က ကြိုးကိုင်နေတဲ့ “Puppet Master” ကို စုံစမ်းသိရှိလာပြီး ဘာတွေဆက်ဖြစ်လာမလဲဆိုတာကို Cyberpunk စတိုင် အလန်းစား ကြည့်ရမှာပဲ ဖြစ်ပါတယ်...။ Sci-fi စကားလုံးတွေ၊ နည်းပညာဆိုင်ရာ အခေါ်အဝေါ်တွေ အစကတည်းက တရစပ်ပါဝင်လို့ ဒီ Franchise ကို အခုမှ စကြည့်မယ့်သူအသစ်တွေအတွက်တော့ နည်းနည်းကြည့်ရခက်ခဲနိုင်ပေမဲ့ တဖြည်းဖြည်း ကြည့်ရင်း မိုက်သွားမှာဖြစ်လို့ ဆက်လက်ရှုစားဖို့ ဖိတ်ခေါ်လိုက်ရပါတယ်ဗျာ..။

အသစ်ထွက်ရှိလာတဲ့ စိတ်ကူးယဉ် Sci-fi Anime ရုပ်ရှင်လေး ဖြစ်ပါတယ်။ Shiori ဆိုတဲ့ အထက်တန်းကျောင်းသူကောင်မလေးက လိုင်းပေါ်မှာ ဆယ်လီလေးတစ်ယောက် ဖြစ်ချင်ပေမဲ့လည်း အရှက်အကြောက်ကြီးလွန်းတာကြောင့် အာရုံစိုက်ခံရခြင်း မရှိသူလေးပါ။ ဆန့်ကျင်ဖက်အနေနဲ့ သူ့ဘော်ဒါကောင်မလေးကတော့ ပေါ်ပင်လေးပေါ့လေ။ တစ်ရက် နှစ်ဦးသားလေ့ကျင့်နေကြတုန်း Shiori တစ်ယောက် လှေကားပေါ်ကနေ အရှက်တကွဲ ပြုတ်ကျပါလေရော။ ပြုတ်ကျတာက အရေးမကြီးပေမဲ့ အဲဒီ ဗီဒီယိုကြီးက လိုင်းပေါ်ရောက်သွားပြီး ပေါက်သွားတဲ့အခါကျ လူတွေကြားထဲ အရှက်ကွဲပြီး နေရခက်လာတဲ့ Shiori တစ်ယောက် မည်သို့မည်ပုံရယ်မသိပဲ ထူးဆန်းစွာနဲ့ စမတ်ဖုန်းကမ္ဘာထဲမှာ ရောက်ပြီး ပိတ်မိသွားပါတော့တယ်။ အဲဒီအချိန်မှာ သူ့နေရာကိုလည်း သူနဲ့ တစ်ပုံစံတည်းတူတဲ့ Shiori ဆိုတာက ဝင်နေရာယူထားပြီး မွှေနေတဲ့အချိန် စမတ်ဖုန်းကမ္ဘာထဲက Shiori တစ်ယောက် အဲဒီမှာ Emoji Sticker လေးတစ်ကောင်နဲ့ ခင်မင်ပြီး လက်တွေ့လောကထဲကို ဘယ်လိုပြန်ရောက်အောင် ကြိုးပမ်းသွားမလဲ၊ ဒီစမတ်ဖုန်းကမ္ဘာဆိုတာကလည်း တကယ်တမ်း ဘာကြီးလဲ စသဖြင့် စိတ်ဝင်စားစရာလေးတွေနဲ့ တင်ဆက်ဖော်ကျူးထားတဲ့ Anime ကားလေး ဖြစ်တာမို့ အားပေးလိုက်ဖို့ ဖိတ်ခေါ်လိုက်ပါရစေဗျာ...။ File size… 1.8 GB / 1 GB Quality… Web-DL 1080p / 720p Format… mp4 Duration…. 1h 55m Genre ..... Anime, Fantasy, Sci-fi Subtitle…. Myanmar Subtitle (Hard Sub)

One Piece: Heroines ဆိုတာဘာလဲဆိုတော့ ပင်မဇာတ်ကြောင်းနဲ့ မသက်ဆိုင်ပဲ OP ထဲက အမျိုးသမီးဇာတ်ကောင်တွေရဲ့ Spin-off ဇာတ်လမ်းလေးတွေပဲ ဖြစ်ပါတယ်။ စာရေးဆရာမ Jun Esaka က ရေးသားခဲ့ပြီး Light Novel အဖြစ် OP မဂ္ဂဇင်းမှာ ဖော်ပြခဲ့တာမျိုးပါ။ ဇာတ်ကောင်တွေအနေနဲ့ဆို OP အဖွဲ့ဝင် Nami တို့ Robin တို့အပြင် Princess Vivi တို့ Perona တို့ Boa Hancock နဲ့ တခြားမိန်းကလေးဇာတ်ကောင်တွေရဲ့ အကြောင်းအရာတွေကို ရေးသားထားတာပါ။ သူကတော့ ပင်မဇာတ်လမ်းလို တိုက်ခိုက်ရေးဘာညာတွေအစား မိန်းကလေးတွေရဲ့ ပင်ကိုယ်စရိုက်တွေ သံယောဇဉ်တွေ စိတ်ကူးစိတ်သန်းတွေ တစ်နေ့တာ ဖြတ်သန်းမှုလေးတွေလိုမျိုး Vibe ကို ဦးစားပေး မြင်ရမှာပါ။ အဲဒါကို ပရိသတ်အားပေးမှုနှုန်းများသွားတော့ အခုကျ Anime Special အနေနဲ့ ထုတ်ပေးလာပြီပဲ ဖြစ်ပါတယ်။ စထွက်လာတဲ့အပိုင်းကတော့ ရေလမ်းကြောင်းပြ ဆရာမကြီး Nami ရဲ့အကြောင်းလေးပါ။ ဒီအပိုင်းထဲမှာ‌တော့ သူ့ရတနာတွေ အခိုးခံလိုက်ရတာ သူစီးနေတဲ့ဖိနပ်က မကောင်းလို့ဆိုပြီး အဲဒီဒီဇိုင်နာဆိုင်ကို သွားပြီး ကွန်ပလိန်းတက်ပါတယ်။ အဲဒီမှာတင် ဆိုင်ပိုင်ရှင်က သူ့ရတနာတွေကို ခိုးထားတာကို သိလိုက်ပြီး သူ့ကို မော်ဒယ်လျှောက်ဖို့ ကမ်းလှမ်းလိုက်တဲ့အချိန် လက်ခံလိုက်ပြီး ရတနာတွေကို ဘယ်လိုပြန်ခိုးသွားမလဲ နောက်ပြီး အဆင်ပြေတဲ့ဖိနပ်ကိုရော ရှာတွေ့ပါ့မလားဆိုတာ ထူးထူးခြားခြား ရှုထောင့်လေးကနေ ကြည့်ရှုခံစားရမှာပါ...။

Look Back (2024) ~ IMDb - 8.1/10, RT - 100%, MyAnimeList - 8.8/10, Meta - 87% ~ “Chainsaw Man” ရဲ့ Manga Artist ဖြစ်သူ Tatsuki Fujimoto ရေးဆွဲထားပြီး Anime Movie အဖြစ် ထွက်လာခဲ့တဲ့ “Look Back” ကို တင်ဆက်ပေးလိုက်ပါတယ်။ မူလတန်းကျောင်းသူ အာယူမူဖူဂျီနို (Ayumu Fujino) ဟာ ကျောင်းတွင်းသတင်းစာမှာ တစ်မျက်နှာလေးကွက်မန်းဂလို့ခေါ်တဲ့ Yonkoma ကိုရေးဆွဲလေ့ရှိသူပါ။ သူ့သူငယ်ချင်းတွေကလည်း သူ့လက်ရာတွေကိုချီးကျူးကြပြီး မန်းဂဆရာ (Manga Artist) လုပ်သင့်တယ်လို့အကြံပေးကြတယ်။ တစ်နေ့ ကျောင်းလာမတက်ဘဲ အိမ်တွင်းပုန်းဖြစ်သူ ကရိုမိုတို (Kyomoto) ဆိုတဲ့ ကျောင်းသူတစ်ယောက်ရဲ့ Yonkoma က သူ့ Yonkoma နဲ့ယှဉ်ပြီးပါလာလို့ ကရိုမိုတိုရဲ့လက်ရာကအများကြီးပိုသာနေတာကို တွေ့လိုက်ရတယ်။ ဖူဂျီနိုလည်း မနာလိုစိတ်ဝင်သွားပြီး သူ့ထက်သာအောင်လုပ်မယ်ဆိုပြီး မန်းဂဆွဲတဲ့ဘက်ကို ဇောက်ချလုပ်ပေမဲ့လည်း မူလတန်းဆဋ္ဌမနှစ်ရောက်တဲ့အထိ သူဘယ်လိုပဲကြိုးစားကြိုးစား ကရိုမိုတိုရဲ့လက်ရာကို မမီမှန်းသိလိုက်ရတော့ လမ်းခုလပ်မှာ မန်းဂဆွဲတာကိုရပ်လိုက်တော့တယ်။ အဲဒီလိုနဲ့ မူလတန်းကျောင်းပြီးသွားတဲ့အချိန်ရောက်တော့ ဖူဂျီနိုတစ်ယောက် ကရိုမိုတိုရဲ့မူလတန်းအောင်လက်မှတ်ကို ဆရာဖြစ်သူခိုင်းလို့ သွားပေးရတဲ့နေ့ကစပြီး သူတို့နှစ်ယောက်ရဲ့ဆက်ဆံရေးက ကောင်းမွန်တဲ့ဆက်ဆံရေးဖြစ်သွားမလား ဆိုးဝါးတဲ့ဆက်ဆံရေးဖြစ်သွားမလဲဆိုတာ ပိတ်ကားထက်မှာ ဆက်လက်ရှုစားလိုက်ပါခင်ဗျာ။ “Look Back” Manga ကို ၂၀၂၁ ခုနှစ်မှာ Tatsuki Fujimoto က ရေးဆွဲပြီး Shuheisha ရဲ့ Shonen Jump+ မှာ One-Shot Manga (တစ်ထိုင်တည်းဖတ် သို့ တစ်အုပ်တည်းအပြီးမန်းဂ) အဖြစ်ထုတ်ဝေခဲ့ပါတယ်။ Studio Durian ကနေထုတ်လုပ်ပြီး Kiyotaka Oshiyama (Chainsaw Man, Devilman Crybaby) တာဝန်ယူရိုက်ကူးထားတဲ့ “Look Back” Anime Movie ကိုတော့ ဒီနှစ် ဇွန်လမှာရုံတင်ခဲ့ပြီးနောက် ဒီလအတွင်းမှာ Amazon Prime Video ကနေ ပြသခဲ့ပါတယ်။ Look Back ကို Manga ရော Movie ရော ဖတ်ပြီး ကြည့်ပြီးသူအနေနဲ့ အမြင်ကိုပြောပြပါဆိုရင်တော့... Fujimoto-sensei ရဲ့လက်ရာကို ဖတ်ဖူးသူတွေ သိကြမှာပါ။ အပြောထက် အပြကိုဉီးစားပေးလေ့ရှိပါတယ်။ ဒီ Look Back မှာလည်း အပြောနည်းနည်း အပြများများနဲ့ ဇာတ်လမ်းကိုတည်ဆောက်သွားခဲ့တာပါ။ အဲဒါကို ဒါရိုက်တာက Manga ထဲက Panel တွေအတိုင်း တစ်ကွက်ချင်းစီ ပိုင်ပိုင်နိုင်နိုင် လှလှပပ Adapt လုပ်ပြသွားတာက ချီးကျူးစရာကောင်းပါတယ်။ နောက်ပြီး တစ်ကားလုံးမှာ ရုပ်ရှင်အနုပညာ (Hollywood, Manga, Anime) နဲ့ဆိုင်တဲ့ Reference တွေကို မသိမသာရော သိသိသာသာရော ဖော်ပြထားတာမို့လို့ Easter Egg ရှာသလို ရှာကြည့်လိုက်ပါ။ ဒီ Look Back ထဲက Shark Kick ဆိုတာ Chainsaw Man ကို အစအဆုံး Reference လုပ်ထားတာပါ (ကြည့်ရင်သိပါလိမ့်မယ်)။ Look Back ဇာတ်လမ်းတည်ထားတဲ့ခုနှစ်က Movie ထဲမှာမပါပေမဲ့ Manga ထဲမှာတော့ ၂၀၀၆ ခုနှစ်နဲ့ ၂၀၁၆ ခုနှစ် ဆိုပြီး ဖော်ပြထားပါတယ်။ Look Back က စာရေးသူအတွက်တော့ မျှော်လင့်ထားတာနဲ့ကွက်တိဖြစ်သွားပြီး အကြိုက်တွေ့မိခဲ့လို့ Fujimoto-sensei ရဲ့ နောက်ထပ် One-Shot Manga တွေဖြစ်တဲ့ Goodbye, Eri (2022) နဲ့ Just Listen to the Song (2022) ကို Anime Movie အဖြစ် ကြည့်ချင်သွားပါပြီ။ Anime ကို ခဏလေးနဲ့လည်းမကြည့်ချင်ဘူး၊ အကြာကြီးလည်းမကြည့်ချင်ဘူး၊ စိတ်ဝင်စားစရာလည်းကောင်းရမယ်၊ ခေါင်းမစားတစားလည်းဖြစ်ချင်တယ်၊ ခံစားချက်တစ်ခုခုလည်းရသွားချင်တယ်ဆိုရင် ဒီ ၅၈ မိနစ်စာရှိတဲ့ Look Back ကကွက်တိပါပဲ။ (ဒီဇာတ်ကားနဲ့အညွှန်းကို AK မှ ပြန်ဆို ရေးသားထားပါတယ်) Size - 830MB, 400MB Quality -1080p, 720p IMDb Rating - 8.1/10 Format - mp4 Duration - 58Min Genre - Anime, Coming-of-Age, Hand-Drawn Animation, Shōnen, Animation, Drama Subtitle - Myanmar Subtitle (Hardsub) Translated by AK Encoded by Y

ဒီရက်ထဲမှာ အသစ်ထွက်ရှိလာတဲ့ Ranking of King အသစ်ကို CM Fan တွေ အတွက် တင်ပေးလိုက်ပါတယ် ဒီအပိုင်းတွေမှာတော့ာ ဘော့ဂျီ ဟာ Season 1မှာ ဆရာ ဒက်စ်ပါ ဆီ ပညာသင်ဆဲကာလက အဖြစ်အပျက်များကို အထူးအပိုင်းတွေ အနေနဲ့ ထွက်ရှိလာတာ ဖြစ်ပါတယ် Season 1 မကြည့်ရသေးရင် Season 1 ကိုလဲ CM မှာ တင်ပေးထားတာ ဖြစ်လို့ အရင်ကြည့်လို့ရပါတယ် Genres: Animation, Action, Adventure Duration: 23 mins Episodes: 10 Original Network: Tokyo MX File Size: 1080p (300 MB) Translated by Dr Nyan Encoded by Thit San Khant

Kaina of the Great Snow Sea : Star Sage (2023) IMDB : 6.5/10, MyAnimeList : 7/10 ဒီဇာတ်ကားလေးကတော့ စစ်ပွဲအပြီးမှာ ကပ်ဘေးကြောင့် သောက်သုံးရေရှားပါးလာတဲ့တိုင်းပြည်အတွက် ပြည်သူတွေဘယ်လိုအခက်အခဲရောက်ရလဲ ဘယ်လိုဖြေရှင်းကြမလဲဆိုတာကို တွေ့မြင်ရမှာဖြစ်ပြီး Sci-fi ဆန်ဆန်လေးနဲ့ Action ခန်းလေးတွေပါ ပါဝင်တဲ့ စိတ်ဝင်စားစရာကောင်းတဲ့ Anime Movie လေးဖြစ်ပါတယ်ရှင့်။ ဇာတ်လမ်းလေးရဲ့ အကျဉ်းချုပ်ကတော့ Kaina လို့ခေါ်တဲ့‌ကောင်လေးနဲ့ Ririha လို့ခေါ်တဲ့ အတ္တလန်တိုင်းပြည်ရဲ့မင်းသမီးလေးဟာ စစ်ပွဲကြီးအပြီးနဲ့ ကပ်ဘေးကြောင့် တိုင်းပြည်မှာ သောက်သုံးရေရှားပါးလာခဲ့တယ်။ ဒီလိုနဲ့ ဒဏ္ဍာရီထဲမှာ ကြားခဲ့ရတဲ့ ပတ်လည်ထိပ်ဖျားအပင်ကြီးမှာ သောက်သုံးရေတွေမြောက်များစွာရှိတယ်လို့ ကြားသိခဲ့ရတဲ့အတွက် Ririha နဲ့ Kaina တို့ဟာ လူစုဖွဲ့ပြီး အဲ့ဒီအပင်ကြီးကိုရှာဖို့ ခရီးထွက်ကြပါတော့တယ်။ ဒါပေမဲ့ Kaina တို့ မထင်မှတ်လိုက်တာက ဒီထွက်လာတဲ့ ခရီးလမ်းမှာ သူတို့နေထိုင်တဲ့ကမ္ဘာကြီးရဲ့လျှို့ဝှက်ချက်နဲ့ ဘာလို့နှင်းတွေဟာအမြဲကျနေပြီး ထိပ်ဖျားအပင်ကြီးကိုမှီခိုနေရမလဲဆိုတာကို သိရှိသွားရမှာဖြစ်ပါတယ်။ ဒီလို adventure အပြည့်နဲ့ စိတ်ဝင်စားစရာကောင်းတဲ့ Kaina တို့ရဲ့ ခရီးစဉ်ကို အားလုံးပဲအတူတူစိတ်ဝင်တစားကြည့်ရှုလိုက်ကြရအောင်လားနော်....

ပထမဦးဆုံးအနေနဲ့ Made in Abyss ရဲ့ Watch order လေးပြောပြပါ့မယ် - Season 1 (13 Eps) or Movie 1,2 - Made in Abyss Movie 3: Dawn of the Deep Soul - Season 2 (12 Eps) - ခု ရုံတင်နေတဲ့ Made in Abyss Movie 4: Awakening Mystery တို့ ဖြစ်ပါတယ်။ ဒါပေမဲ့ Movie 1 - Journey's Dawn က Season 1 Ep 1 to 8 ကို ကာဗာလုပ်ထားပြီး Movie 2 - Wandering Twilight က Ep 9 to 13 ကို ကာဗာလုပ်ထားတဲ့ Recap Movie တွေ ဖြစ်တာမို့ ဒီ Movie 1 & 2 ကို ကြည့်လိုက်ရင် S1 ကြည့်တာနဲ့ အတူတူပဲ ဖြစ်ပါတယ်..။ ကဲ Made in Abyss အကြောင်းလေးကို ကြည့်မယ့်သူတွေအတွက် ရှင်းပြပါရစေ... စပြောချင်တာကတော့ ရုပ်ထွက်လေးတွေက Cute ပြီး ချစ်စရာကောင်းပေမဲ့လည်း ဇာတ်လမ်းနဲ့ ပြကွက်တွေကတော့ ကလေးကြည့် မဟုတ်ပါဘူး Deep & Dark ဖြစ်ပါတယ် သွေးထွက်သံယိုအကြမ်းဖက်တာတွေပါတယ် ကလေးသူငယ်တွေ ဆင်းရဲဒုက္ခတွေပါပါတယ် သူ ဇာတ်အိမ်တည်ထားတာက ဟိုးအရင်ကတည်းက Abyss လို့ခေါ်တဲ့ တွင်းနက်ကြီးတစ်ခုပေါ်ပေါက်လာခဲ့တယ် အဲဒီထဲမှာ အလွှာတွေအထပ်ထပ်တည်ရှိပြီး ထူးခြားဆန်းကြယ်တဲ့ ရှေးဟောင်းပစ္စည်းတွေလည်းရှိတယ် သတ္တဝါအဆန်းပေါင်းစုံလည်းရှိတယ် အောက်ဆုံးကိုလည်း ဘယ်သူကမှ မရောက်ဖူးပဲ ဒီ Abyss ထဲကို စူးစမ်းလေ့လာကြတဲ့ ဂူရှာဖွေသူတွေဆိုတာလည်း သက်သက်ရှိကြတာပေါ့ အဲဒီ ဂူရှာဖွေသူတွေကို အတွေ့အကြုံနဲ့ ပညာအလိုက် ဝီစီအရောင်လေးတွေနဲ့လည်း ခွဲထားကြပါတယ် ခေါင်းလောင်း - ဝီစီနီ - ဝီစီပြာ - ဝီစီလမင်း - ဝီစီနက် ပြီးတော့ ဝီစီဖြူတွေကတော့ ဆရာကြီးတွေ ဒီ Abyss ဆိုတာကလည်း ဆင်းချင်တိုင်း ဆင်းမရဘူး ဘာလို့လဲဆိုတော့ ဆင်းလိုက်တဲ့အလွှာပေါ်မူတည်ပြီး ပြန်တက်လာရင် Abyss ကျိန်စာလို့ခေါ်တဲ့ ဘေးထွက်ဆိုးကျိုးတွေကို ခံစားရပါသေးတယ် မူးဝေအော့အန် သွေးတွေထွက်တာမျိုးအပြင် လူစိတ်ပျောက်ပြီး မကောင်းဆိုးရွားဖြစ်တာမျိုးတွေပါ တအားနက်တဲ့အလွှာက (အလွန်ဆုံး ၆ လွှာ) ပြန်တက်လာရင် လူပါသေနိုင်လောက်တဲ့ထိ ဆိုးရွားတာမျိုးပေါ့လေ ကဲ Abyss အကြောင်း ရှင်းပြပြီးပြီဆိုတော့ ဇာတ်လမ်းလေးကို ပြောပြမယ်... ဒီ တွင်းနက်ကြီး Abyss အပေါ်က မြို့လေးရဲ့ မိဘမဲ့ဂေဟာလေးမှာ Riko လို့ခေါ်တဲ့ ဝီစီနီအဆင့် စူးစမ်းရှာဖွေသူ ကလေးမလေးတစ်ယောက်ရှိတယ်။ သူ့အမေ Lyza ဆိုတာက ဒဏ္ဍာရီလာ ဝီစီဖြူကြီးတစ်ယောက် တစ်ရက် ပထမအလွှာလေးမှာတင် Riko တစ်ယောက် ဟိုရှာ ဒီရှာလုပ်နေတုန်း အကောင်ကြီးတစ်ကောင် လိုက်သတ်တာခံနေရတဲ့အချိန် ထူးဆန်းပြီး မှတ်ဉာဏ်ပျောက်နေတဲ့ စက်တစ်ပိုင်း လူတစ်ပိုင်းကောင်လေး Reg က ကယ်ပေးလိုက်ပါတယ် အဲဒါတွေအပြင် Abyss အောက်ခြေက မြေအောက်ကမ္ဘာထဲကနေ စာတိုလေးတစ်ခုကလည်း Riko ဘဝကို အပြောင်းလဲကြီး ပြောင်းလဲပေးလိုက်ပါတော့တယ် အဲဒါက ဘာလဲဆိုတော့.. "မြေအောက်ကမ္ဘာ ချောက်နက်ကြီးရဲ့အောက်ဆုံးကနေ စောင့်နေတယ်" ဆိုပြီး မိခင်ဖြစ်သူက ရေးသားထားတယ်လို့ ယုံကြည်တဲ့ Riko ဟာ အမေကို လိုက်လံရှာဖွေဖို့ဆိုပြီး စက်ရုပ်ဘော်ဒါလေး Reg နဲ့အတူတူ Abyss အောက်ဆုံးထဲကို ဆင်းကြမယ့် စွန့်စားခန်းခရီးကြီး ဖြစ်ပါတယ်။ ၁၀ နှစ်ကျော် ကလေးလေး ၂ ယောက်တည်း လူကြီးတွေတောင် ဆင်းသွားကြရင် တော်ရုံတန်ရုံ အသက်ပျောက်သွားကြတဲ့ တွင်းနက်ကြီးထဲကို ဘယ်လိုတွေ ဖြတ်သန်းသွားကြမလဲ ဘယ်လို ထူးခြားဆန်းကြယ်မှုတွေ ရက်စက်မှုတွေကို ကြုံတွေ့ရမလဲ အောက်ဆုံးထိ ရောက်သွားမလား ဘာဖြစ်မှာလဲဆိုတာကို စိတ်ဝင်တစား ကြည့်ရှုရမှာပါ...။ File size…    2 GB / 1.1 GB Quality… Blu-ray 1080p / 720p Format… mp4 Duration…. 1h 45m Genre ..... Anime, Dark Fantasy, Folk Horror Subtitle…. Myanmar Subtitle (Hard Sub)

ပထမဦးဆုံးအနေနဲ့ Made in Abyss ရဲ့ Watch order လေးပြောပြပါ့မယ် - Season 1 (13 Eps) or Movie 1,2 - Made in Abyss Movie 3: Dawn of the Deep Soul - Season 2 (12 Eps) - ခု ရုံတင်နေတဲ့ Made in Abyss Movie 4: Awakening Mystery တို့ ဖြစ်ပါတယ်။ ဒါပေမဲ့ Movie 1 - Journey's Dawn က Season 1 Ep 1 to 8 ကို ကာဗာလုပ်ထားပြီး Movie 2 - Wandering Twilight က Ep 9 to 13 ကို ကာဗာလုပ်ထားတဲ့ Recap Movie တွေ ဖြစ်တာမို့ ဒီ Movie 1 & 2 ကို ကြည့်လိုက်ရင် S1 ကြည့်တာနဲ့ အတူတူပဲ ဖြစ်ပါတယ်..။ ကဲ Made in Abyss အကြောင်းလေးကို ကြည့်မယ့်သူတွေအတွက် ရှင်းပြပါရစေ... စပြောချင်တာကတော့ ရုပ်ထွက်လေးတွေက Cute ပြီး ချစ်စရာကောင်းပေမဲ့လည်း ဇာတ်လမ်းနဲ့ ပြကွက်တွေကတော့ ကလေးကြည့် မဟုတ်ပါဘူး Deep & Dark ဖြစ်ပါတယ် သွေးထွက်သံယိုအကြမ်းဖက်တာတွေပါတယ် ကလေးသူငယ်တွေ ဆင်းရဲဒုက္ခတွေပါပါတယ် သူ ဇာတ်အိမ်တည်ထားတာက ဟိုးအရင်ကတည်းက Abyss လို့ခေါ်တဲ့ တွင်းနက်ကြီးတစ်ခုပေါ်ပေါက်လာခဲ့တယ် အဲဒီထဲမှာ အလွှာတွေအထပ်ထပ်တည်ရှိပြီး ထူးခြားဆန်းကြယ်တဲ့ ရှေးဟောင်းပစ္စည်းတွေလည်းရှိတယ် သတ္တဝါအဆန်းပေါင်းစုံလည်းရှိတယ် အောက်ဆုံးကိုလည်း ဘယ်သူကမှ မရောက်ဖူးပဲ ဒီ Abyss ထဲကို စူးစမ်းလေ့လာကြတဲ့ ဂူရှာဖွေသူတွေဆိုတာလည်း သက်သက်ရှိကြတာပေါ့ အဲဒီ ဂူရှာဖွေသူတွေကို အတွေ့အကြုံနဲ့ ပညာအလိုက် ဝီစီအရောင်လေးတွေနဲ့လည်း ခွဲထားကြပါတယ် ခေါင်းလောင်း - ဝီစီနီ - ဝီစီပြာ - ဝီစီလမင်း - ဝီစီနက် ပြီးတော့ ဝီစီဖြူတွေကတော့ ဆရာကြီးတွေ ဒီ Abyss ဆိုတာကလည်း ဆင်းချင်တိုင်း ဆင်းမရဘူး ဘာလို့လဲဆိုတော့ ဆင်းလိုက်တဲ့အလွှာပေါ်မူတည်ပြီး ပြန်တက်လာရင် Abyss ကျိန်စာလို့ခေါ်တဲ့ ဘေးထွက်ဆိုးကျိုးတွေကို ခံစားရပါသေးတယ် မူးဝေအော့အန် သွေးတွေထွက်တာမျိုးအပြင် လူစိတ်ပျောက်ပြီး မကောင်းဆိုးရွားဖြစ်တာမျိုးတွေပါ တအားနက်တဲ့အလွှာက (အလွန်ဆုံး ၆ လွှာ) ပြန်တက်လာရင် လူပါသေနိုင်လောက်တဲ့ထိ ဆိုးရွားတာမျိုးပေါ့လေ ကဲ Abyss အကြောင်း ရှင်းပြပြီးပြီဆိုတော့ ဇာတ်လမ်းလေးကို ပြောပြမယ်... ဒီ တွင်းနက်ကြီး Abyss အပေါ်က မြို့လေးရဲ့ မိဘမဲ့ဂေဟာလေးမှာ Riko လို့ခေါ်တဲ့ ဝီစီနီအဆင့် စူးစမ်းရှာဖွေသူ ကလေးမလေးတစ်ယောက်ရှိတယ်။ သူ့အမေ Lyza ဆိုတာက ဒဏ္ဍာရီလာ ဝီစီဖြူကြီးတစ်ယောက် တစ်ရက် ပထမအလွှာလေးမှာတင် Riko တစ်ယောက် ဟိုရှာ ဒီရှာလုပ်နေတုန်း အကောင်ကြီးတစ်ကောင် လိုက်သတ်တာခံနေရတဲ့အချိန် ထူးဆန်းပြီး မှတ်ဉာဏ်ပျောက်နေတဲ့ စက်တစ်ပိုင်း လူတစ်ပိုင်းကောင်လေး Reg က ကယ်ပေးလိုက်ပါတယ် အဲဒါတွေအပြင် Abyss အောက်ခြေက မြေအောက်ကမ္ဘာထဲကနေ စာတိုလေးတစ်ခုကလည်း Riko ဘဝကို အပြောင်းလဲကြီး ပြောင်းလဲပေးလိုက်ပါတော့တယ် အဲဒါက ဘာလဲဆိုတော့.. "မြေအောက်ကမ္ဘာ ချောက်နက်ကြီးရဲ့အောက်ဆုံးကနေ စောင့်နေတယ်" ဆိုပြီး မိခင်ဖြစ်သူက ရေးသားထားတယ်လို့ ယုံကြည်တဲ့ Riko ဟာ အမေကို လိုက်လံရှာဖွေဖို့ဆိုပြီး စက်ရုပ်ဘော်ဒါလေး Reg နဲ့အတူတူ Abyss အောက်ဆုံးထဲကို ဆင်းကြမယ့် စွန့်စားခန်းခရီးကြီး ဖြစ်ပါတယ်။ ၁၀ နှစ်ကျော် ကလေးလေး ၂ ယောက်တည်း လူကြီးတွေတောင် ဆင်းသွားကြရင် တော်ရုံတန်ရုံ အသက်ပျောက်သွားကြတဲ့ တွင်းနက်ကြီးထဲကို ဘယ်လိုတွေ ဖြတ်သန်းသွားကြမလဲ ဘယ်လို ထူးခြားဆန်းကြယ်မှုတွေ ရက်စက်မှုတွေကို ကြုံတွေ့ရမလဲ အောက်ဆုံးထိ ရောက်သွားမလား ဘာဖြစ်မှာလဲဆိုတာကို စိတ်ဝင်တစား ကြည့်ရှုရမှာပါ...။ File size…    2.2 GB / 1.2 GB Quality… Blu-ray 1080p / 720p Format… mp4 Duration…. 1h 58m Genre ..... Anime, Dark Fantasy, Folk Horror Subtitle…. Myanmar Subtitle (Hard Sub)

IMDb - 6.4/10 Rotten Tomatoes - 54% MyAnimeList - 7.4/10 ဒီကားကတော့ Terminator, Avatar, Titanic, Alienဇာတ်ကားတွေရဲ့ဟောလီဝုဒ်ဒါရိုက်တာကြီး James Cameronကိုယ်တိုင်အရမ်းကြိုက်ပါတယ်လို့ချီးကျူးခံရပေမယ့် မြန်မာနိုင်ငံမှာတော့ လူမသိသူမသိကပ်ကျော်နေတဲ့ဇာတ်ကားပါ။ ဒီကားရဲ့အဓိကဇာတ်ကောင်တွေထဲကတယောက်ဖြစ်တဲ့ Captain Harlockဆိုတာဟာ animeလောကရဲ့ရွှေခေတ်ဖြစ်တဲ့ 1980ဝန်းကျင်လောက် မှာ နာမည်ကြီးခဲ့တဲ့ဇာတ်ကောင်ပါ။ ဆိုတော့ကာ ရွှေခေတ်က နာမည်ကြီးဇာတ်ကောင်ရဲ့ဇာတ်လမ်းကို 3D animationနဲ့ထုတ်တယ်ဆိုတော့ 1980လောက်က ထွက်တဲ့ဇာတ်လမ်းတွဲတွေကို ကြည့်ဖို့လိုမလားဆိုပြီးမေးလာခဲ့ရင်တော့ မလိုဘူးလို့ပဲပြောပါရစေ။ ဒီကားဟာ အရင်ဇာတ်လမ်းတွဲတွေကိုrebootပြန်ရိုက်တာပြောလို့ရသလို Captain Harlockရဲ့နောက်ခံဇာတ်ကြောင်းကို ပြသတဲ့ ဇာတ်ဝင်ခန်းတွေလည်းပါတဲ့အတွက် ဒီကားတကားထဲကြည့်ရုံနဲ့လုံလောက်ပါတယ်။ ဇာတ်လမ်းအကျဉ်းကိုပြောရရင်တော့ ဟိုရှေးရှေးတုန်းကလို့ပြောရမလား လာမယ့်အနာဂတ်မှာလို့ပြောရမလား အဲ့ဒီအချိန်မှာ လူသားဦးရေအရမ်းများပြားလာတဲ့အတွက် ကမ္ဘာပေါ်ကအရင်းအမြစ်တွေမလောက်မငှဖြစ်လာလို့ လူသားတွေဟာ အာကာသထဲထွက်ပြီး နေထိုင်လို့ရမယ့်‌နယ်မြေသစ်တွေကို ရှာဖွေခဲ့ပါတယ်။ နှစ်ပေါင်းများစွာကြာအောင်ရှာခဲ့ပေမယ့် ကမ္ဘာကြီးလိုနေဖို့သင့်တော်တဲ့ဂြိုဟ်မျိုး ရှာမတွေ့တဲ့အတွက် မိခင်ကမ္ဘာကြီးဆီပ‌ဲ ပြန်လာဖို့လုပ်ခဲ့ကြပါတယ်။ အဲ့လိုအလုအယက် ပြန်လာဖို့လုပ်ရင်းကနေ စစ်ကြီးတခုပါထဖြစ်ခဲ့တဲ့အတွက် ဗဟိုအစိုးရကိုဖွဲ့စည်းပြီး ကမ္ဘာမြေကိုမြင့်မြတ်နယ်မြေအဖြစ်ကြေညာခဲ့ကာ ဘယ်သူ့ကိုမှခြေချခွင့်မပေးခြင်းဖြင့် စစ်ကြီးကိုရပိတန့် သွားအောင်လုပ်ခဲ့ပါတယ်။ အဲ့ဒီနောက်မှာတော့ အာကာသဓါးပြကြီး ကပ္ပတိန်Harlockဆိုတဲ့လူရုတ်တရက်ပေါ်လာခဲ့ကာ ဗဟိုအစိုးရကိုပုန်ကန်ပါတော့တယ်။ - အဲ့ဒီကပ္ပတိန်Harlockဆိုတဲ့လူကိုဘယ်သူလဲ - ဗဟိုအစိုးရကိုဘာလို့ပုန်ကန်ဖို့လုပ်နေရတာလဲ - ဗဟိုအစိုးရမှာရော လျှို့ဝှက်ချက်တွေရှိနေလားဆိုတာကို ကိုယ်တိုင်ပဲ ဆက်လက်ကြည့်ရှုလိုက်ကြပါ Translated and Reviewed by Dr.Nyan Encoded by YK Quality : 1080p and 720p Duration : 1h 55mins FIle Size ; 1.6GB and 845MB Subtitles : Myanmar (Hardsub)

ကာဇမ ဂျင်၊ ခဇုယနဲ့ မီရှီမာ ဟဲဟချိတို့ သားအဖ၊ မြေးအဘိုးသုံးယောက်ရဲ့ အားပြိုင်မှုကြားမှာ ဟဲဟချိရဲ့ စမ်းသပ်မှုကနေ အသက်ရှင်ကျန်ခဲ့တဲ့ ကျောင်းသားတစ်ယောက်ဟာ အရေးပါတဲ့သူ ဖြစ်လာပါတယ်။ ဂျင်နဲ့ ခဇုယတို့က ရည်ရွယ်ချက်ကိုယ်စီနဲ့ သူလျှိုတွေ လွှတ်ပြီး အဲဒီကျောင်းသားကို လိုက်ရှာကြတယ်။ ကျိုတိုမြို့က ကျောင်းတစ်ကျောင်းမှာ သူ့ကို ရှာတွေ့ပြီး အနီးကပ်ထောက်လှမ်းကြရာက သူတို့မထင်ထားတဲ့ ကစားပွဲတစ်ခုထဲ ဝင်မိနေကြောင်း သိလာရပါတယ်။ ဒီကျောင်းသားကို သူတို့ဘာကြောင့် လိုချင်ကြတာလဲ၊ နောက်ကွယ်မှာ ဘယ်လိုလှည့်ကွက်တွေ ရှိနေသလဲဆိုတာကို တိုက်ခိုက်ခန်းတွေနဲ့အတူ ဆက်ဖော်ပြသွားပါတယ်။ ၂၀၁၁ ခုနှစ်ထွက် ဒီအက်ရှင်သိပ္ပံစိတ်ကူးယဉ်အန်နီမေးရှင်းဟာ Bandai Namco ရဲ့ Tekken တိုက်ခိုက်ရေးဂိမ်းကို အခြေခံထားတာပါ။ Tekken က Street Fighter နဲ့ KOF တို့လိုပဲ ဂိမ်းတွဲတွေနဲ့ အန်နီမေးရှင်းတွေ ထွက်ရှိထားတဲ့ စီးရီးတစ်ခုဖြစ်ပြီး ဒီဇာတ်ကားမှာတော့ Final Fantasy စတိုင် အန်နီမေးရှင်းပုံစံနဲ့ ပြင်းထန်တဲ့ တိုက်ခိုက်ခန်းတွေကို အသုံးပြုထားပါတယ်။

Final Fantasy VII: Advent Children (2005) IMDb - 7.2/10 Final Fantasy VII (Movie) ဟာ 2005 ခုနှစ်မှာထွက်ရှိခဲ့ပြီး IMDb rating 7.2 ရရှိထားတဲ့ Animation ရုပ်ရှင်ကားကောင်းတစ်ကားဖြစ်ပါတယ်။ မူရင်း video game ဖြစ်ပြီး movie အဖြစ်ပြန်လည်ရိုက်ကူးထားတာဖြစ်ပါတယ် နောက်ဆုံးတိုက်ပွဲပြီးဆုံးပြီးနောက် နှစ်နှစ်အကြာ ကမ္ဘာကြီးတစ်ခုလုံးပြန်လည်တည်ငြိမ်လာတဲ့အချိန်မှာ နောက်ထပ်အန္တရာယ်တစ်ခုနဲ့ ကြုံတွေ့ရပါတော့တယ် လူတွေအားလုံးဟာလဲကမ္ဘာမြေကပ်လို့ခေါ်တဲ့ရောဂါတစ်မျိုးဖြစ်ပွားနေပြီး ကြေးစားစစ်သည်တစ်ဦးဖြစ်တဲ့ ကလောက်ဒ့်ဟာ ကုမ္ပဏီဥက္ကဠ ရုပ်ဖ့် နဲ့တွေ့ပြီး ရုပ်ဖ့်က ဂျီနိုဗာဆဲလ်ကိုလိုက်ရှာနေတဲ့ လူသုံးယောက်ကို တားဆီးဖို့အကူညီတောင်းရာမှာ ငြင်းဆန်ပြီးပြန်လာခဲ့ပါတယ် သူပြန်လာချိန်မှာတော့ သူနဲ့အတူနေထိုင်တဲ့ ရောဂါခံစားနေရတဲ့ မိဘမဲ့ကလေးငယ်တွေကို ဖမ်းခေါ်သွားကြတာကိုသိလိုက်ရပါတယ် တစ်ကိုယ်တည်းနေတတ်တဲ့ ကလောက်ဒ့်မှာလဲ ရောဂါခံစားနေရပြီး သူငယ်ချင်းတွေကိုတောင်မပြောပြခဲ့ပါဘူး ဒါပေမဲ့ သူကလေးတွေကို ကယ်တင်ဖို့ကြိုးစားရင်း ဂျီနိုဗာဆဲလ်ကို ရှာဖွေနေတဲ့ လူသုံးယောက်ကို ကလောက်ဒ့် နဲ့ သူ့သူငယ်ချင်းတွေ ကနောက်တစ်ကြိမ် ပြန်လည်တိုက်ခိုက်ကြရပါတော့တယ် Video game ကနေ movie အဖြစ်ထွက်လာတဲ့အတွက် fighting scenes တွေကလဲအမိုက်စားတွေမို့ ကြိုက်ကြမှာပါ။ (ဇာတ်လမ်းအညွှန်းနဲ့ဘာသာပြန်ရေးသားပေးသူကတော့ CM Team မှ Ko Myo Myint Maung(ငတုံးမျိုးကို) ပဲဖြစ်ပါတယ်။) File Size : 8.23 GB, 2.26 GB, 1.84 GB Quality : Blu-Ray HEVC 4K / 1080p / 720p Running Time : 1hr 41min Format : Mkv and Mp4 Audio : AAC Genre : Animation, Adventure, Comedy Subtitle : Myanmar Subtitle (Hard Sub) Translated by : Ko Myo Myint Maung Encode by : Thit San Khant

AI တွေဆိုတာဟာ အခုလိုခေတ်မှ ခေတ်စားလာတယ်ဆိုပေမယ့် ဒီ Ghost In The Shell ဆိုတဲ့ Anime ကားထဲမှာတော့ 1995 ခုနှစ်လောက်ထဲက စိတ်ကူးဉာဏ်ကွန့်မြူးပြီ ဒီ Anime ကို ဖန်တီးသူတွေက ပုံဖော်ခဲ့ကြတာပါ. ဇာတ်လမ်းအကြောင်းကိုပြောရရင်တော့ ရုပ်သေးဆရာဆိုတဲ့ AI က အစိုးရအဖွဲ့က လူကြီးတွေကို သူတို့စမ်းသပ်ထားတဲ့ တစ္ဆေဆိုတဲ့ ခန္ဓာကိုယ်တွေကိုသုံးပြီး ချိမ်းခြောက်အကျပ်ကိုင်တဲ့ ဇာတ်အိမ်မျိုးကို တည်ထားပါတယ်. ဒီဇာတ်လမ်းရဲ့ အဓိကဇာတ်ကောင်က မိုတိုကို ကူဆာနာဂီဆိုတဲ့ အမျိုးသမီး ဗိုလ်မှူူးတစ်ယောက်ဖြစ်ပြီး သူကိုယ်တိုင်ကလည်း စက်ရုပ်တစ်ပိုင်း လူတစ်ပိုင်းခန္ဓာကိုယ်ဖြစ်တဲ့အပြင် အထူးပြုလုပ်ထားတဲ့ နည်းပညာတွေကို ပိုင်ဆိုင်ထားတဲ့ အေးဂျင့်တစ်ယောက်ပါ. သူတို့ လိုက်နေရတဲ့ လူက အင်တာနက်ကွန်ရက်ထဲကို လိုသလို သွားလာနိုင်ပြီး သူ့ရဲ့ထိန်းချုပ်မှုအောက်မှာ ရှိတဲ့လူတွေကို စိတ်ရှိတိုင်း ခိုင်းစေလို့ရနေပေမယ့် အဲဒီ့ ရုပ်သေးဆရာလို့ခေါ်တဲ့ AI ဟာ ဘယ်လိုကိစ္စရပ်မျိုးတွေမှာ ပါဝင်ပတ်သက်နေမလဲဆိုတာကို ကြည့်ရှုရမှာပါ. ဒါ့အပြင် ဒီ Anime ကားကို 2017 ခုနှစ်မှာ ကျွန်တော်တို့အားလုံးရဲ့ မမဖြစ်တဲ့ Scarlett Johansson က Live Action အနေနဲ့လည်း ပြန်လည်ရိုက်ကူးထားပါသေးတယ်. အညွှန်းနဲ့ ဘာသာပြန်ကိုတော့ Jo Joe မှရေးသားပြန်ဆိုထားပါတယ် File size…(1.4 GB)/(704 MB) Quality….Webrip 1080p / 720p Format…mp4 Duration….01:22:00 Genre... Action, Animation, Science Fiction Subtitle….Myanmar Subtitle (Hardsub) Encoder….Mr. Anderson Translated by Jo Joe

Gunbuster (1988) IMDB - 7.7/10, MyAnimeList - 7.8/10 ဒီ Classic Sci-fi Anime စီးရီးအကြောင်းကို စပြောရမယ်ဆိုရင်တော့ ဒီကောင်ဟာ နာမည်ကျော် Neon Genesis Evangelion ရဲ့ ဒါရိုက်တာဖြစ်သူ Hideaki Anno ရဲ့ ပွဲဦးထွက်လက်ရာတစ်ခုပဲ ဖြစ်ပါတယ်။ နောက်ပြီး သူ့ရဲ့ထူးခြားချက်ကတော့ အဲဒီခေတ်ခါအချိန်ကတည်းက Insteller ထဲမှာ မြင်တွေ့ရသလိုမျိုး အာကာသမှာ မိနစ်ပိုင်းဆိုပေမဲ့ ကမ္ဘာပေါ်မှာ နှစ်ချီကြာသွားတဲ့ အာကာသ-ကမ္ဘာ အချိန်ကွာခြားမှု သိပ္ပံသီအိုရီကို သုံးပြထားတာပဲ ဖြစ်ပါတယ်။ 80 ကာလစီးရီး ဖြစ်ပေမဲ့လည်း ခုထက်ထိ Animation တွေက ကြည့်ကောင်းနေဆဲဆိုလည်း မမှားပါဘူး။ ထပ်တိုးအနေနဲ့ ထူးထူးခြားခြား နောက်ဆုံးအပိုင်းကို အဖြူအမည်းကာလာနဲ့ တင်ဆက်သွားတာက Anime လောကရဲ့ အကောင်းဆုံးဇာတ်သိမ်းတစ်ခုလို့တောင် ညွန်းဆိုကြပါတယ်။ ဒီတော့ ဇာတ်လမ်းအကျဉ်းလေး ပြောရမယ်ဆိုရင် Noriko ဆိုတဲ့ကောင်မလေးဟာ ဆုံးပါးသွားတဲ့ အာကာသယာဉ်ပျံ ကပ္ပတိန်ဖခင်ဖြစ်သူကြောင့် အာကာသထဲကို ခရီးထွက်ဖို့ စိတ်အားထက်သန်နေသူလေး ဖြစ်ပါတယ်။ အာကာသထဲက သတ္တဝါတွေနဲ့ စစ်ဖြစ်နေတဲ့ ကမ္ဘာအတွက် စက်ရုပ်အကြီးကြီးတွေဖြစ်တဲ့ Gunbuster ကို လူဝင် ပိုင်းလော့ခ်အနေနဲ့မောင်းပြီး တန်ပြန်တိုက်ခိုက်နေရတဲ့ကာလပေါ့။ အဲဒီမှာ Noriko က သင်တန်းသူလေးအနေနဲ့ အရည်အချင်းမရှိဘူးလို့ ကိုယ့်ကိုကိုယ်ခံယူပြီး စိတ်ဓာတ်ကျနေပေမဲ့လည်း သူနဲ့ ဆန့်ကျင်ဖက်ဖြစ်တဲ့ ပိုင်းလော့ခ်တစ်ယောက်နဲ့အတူ စစ်ပွဲထဲမှာ Gunbuster ပိုင်းလော့ခ်အနေနဲ့ ရွေးချယ်ခံလိုက်ရတဲ့အခါမှာတော့ ဘယ်လိုမျိုးတွေ ဆက်ဖြစ်လာမလဲဆိုတာကို ကြည့်ရှုခံစားရမှာပါ...။ ဒီစီးရီးလေးက Sci-fi အက်ရှင်သီးသန့်တင်မကပဲ အချိန်ကွာခြားမှုပြဿနာကြောင့် စိတ်ပိုင်းဆိုင်ရာ ဝေဒနာတွေ ဘယ်လိုကြုံတွေ့ရတယ်တို့ အကြောက်အလန့်ကြီးတဲ့ ဇာတ်လိုက်မလေးက ဘယ်လိုမျိုး ကယ်တင်ရှင်ဖြစ်လာမလဲတို့ လူသားတွေရဲ့ အသက်ရှင်လိုစိတ်တို့ စသဖြင့် ကောင်းကောင်းကြီး ပုံဖော်ထားတာဆိုရင်လည်း မှားမယ်မထင်လို့ ကြည့်ရှုဖို့ ဖိတ်ခေါ်လိုက်ပါရစေဗျာ။ (တစ်ခုသတိချပ်လိုတာကတော့ ဒီစီးရီးထဲမှာ လိင်ပိုင်းဆိုင်ရာဇာတ်ကွက်များ မပါဝင်ပေမဲ့လည်း ပွင့်လင်းမြင်သာတဲ့ ဇာတ်ဝင်ခန်းလေးတွေ ပါသေးတာမို့ မိသားစု/ကလေးများနဲ့ ကြည့်ရှုမယ်ဆို သတိချပ်စေလိုပါကြောင်း)