Rajesh Sharma ပါဝင်သော ဇာတ်ကားများ

Aryabhatt Ka Zero (2025) သုညဘ၀မှသည် IMDb(7.4/10) ဘဝမှာ အရာရာ အစကနေ ပြန်စရမလိုလို ကိုယ့်ကိုယ်ကို ယုံကြည်မှုတွေ ဆုံးရှုံးနေချိန်လိုမျိုး ကြုံဖူးလား။ အဲဒီလို ခံစားချက်မျိုးနဲ့ လူငယ်တစ်ယောက်ရဲ့ ဘဝခရီးလမ်းကို ဟာသလေးတွေရော ရသခံစားချက်တွေနဲ့ပါ ပုံဖော်ထားတဲ့ ဇာတ်ကားကောင်းလေး တစ်ကားကိုတင်ဆက်ပေးလိုက်ပါတယ်။ဘက်ဂူး ဟာအချစ်ရေးမှာလည်း ကျရှုံး ဘဝကလည်း ရေရေရာရာမရှိ၊ လူတွေက ဒီကောင်တော့ ဘာမှန်းကို မသိတာ အလကားလူပဲ လို့ ဝိုင်းမြင်ကြတဲ့ လူ့ဘောင်မှာတော့ သုည လို့ သတ်မှတ်ခံထားရတဲ့ လူငယ်တစ်ယောက်ပေါ့။ဒါပေမဲ့ တစ်နေ့မှာတော့ဘက်ဂူး ဟာကြံ့ခိုင်မှု၊ မျှော်လင့်ချက်နဲ့ ကိုယ့်ကိုယ်ကို ပြန်လည်ရှာဖွေတွေ့ရှိမယ့် မထင်မှတ်ထားတဲ့ ခရီးလမ်းတစ်ခုကို စတင်လိုက်ပါတော့တယ်။ ချစ်ရသူတွေရဲ့ ခိုင်မာတဲ့ အားပေးမှု၊ ကိုယ့်ကိုယ်ကို ယုံကြည်ရဲတဲ့ သတ္တိတို့နဲ့အတူ သူဟာ လူရာမဝင်တဲ့ လူတစ်ယောက်ကနေ စိတ်အားထက်သန်စရာ ဟီးရိုးတစ်ယောက်အဖြစ် တဖြည်းဖြည်းပြောင်းလဲလာပုံတွေကို ကြည့်ရှုခံစားရမှာပဲဖြစ်ပါတယ်။ File size… 2 GB / 1 GB Quality…WEB DL 1080p HEVC/ 720p Format…mkv/ mp4 Duration…. 1h 51m Subtitle….Myanmar Subtitle (Hard Sub)

Bhoot Bangla 2026 သရဲခြောက်တဲ့ စံအိမ်ကြီး IMDb 6 အားလုံးစောင့်မျှော်နေကြတဲ့ အာရှေးကူမားရဲ့ ရုံတင်သရဲကားကြီး လာပါပြီ 1.2 billion INR ထိသုံးထားပြီး အားလုံးနဲ့မစိမ်းတဲ့ ဝါရင့်သရုပ်ဆောင်တွေနဲ့ ရိုက်ကူးထားတဲ့ ကားကောင်းလေးကို အတူကြည့်လိုက်ရအောင် လွန်ခဲ့တဲ့ နတ်ဘုရားတွေခေတ်တုန်းက နတ်ဘုရားနဲ့ မိစ္ဆာတို့ချစ်ကြိုက်မိပြီး ကိုယ်ဝန်ရခဲ့ပါတယ် ဒီသွေးနှောကလေးကို နတ်ဘုရားတွေရော မိစ္ဆာတွေကပါ လက်ခံဖို့ ငြင်းခဲ့ကြပေမဲ့ မိစ္ဆာမလေးက မရရအောင် ဖွားမြင်ခဲ့တယ် ဒီလိုနဲ့ နတ်ဘုရားတွေက လက်ထဲကနေ ထွက်ပြေးရင်း သားလေးကို မန်ဂါဗန်ဆိုတဲ့တောထဲမှာ ဖွက်ထားခဲ့တယ် ဒီကလေးက အမှောင်ထဲမှာ ကြီးပြင်းလာရင်းနဲ့ အယောင်ဆောင်နတ်ဘုရားမတစ်ပါးကို ချစ်ကြိုက်မိသွားခဲ့ပြီး လုပ်ကြံခံလိုက်ရတော့ ခန္ဓာကိုယ်က ‌ေ_သဆုံးသွားပြီး ဝိညာဉ်ကတော့ ကလဲ့စားအတွက် လှည့်ပတ်သွားလာနေလေရဲ့ ထိမ်းမြားမင်္ဂလာပွဲမှာ လုပ်ကြံခံရတဲ့အတွက် ယနေ့ထိတိုင် သူ့ပိုင်နက်ထဲရောက်လာတဲ့ သတို့သမီးတွေကို လိုက်လံသတ်ဖြတ်နေတုန်းပါပဲ။ အာရှေးကူမားတို့က မန်ဂါဗန်တောအုပ်ရှေ့က အဘိုးဖြစ်သူရဲ့နန်းတော်ကြီးကို အမွေရကြောင်း အတည်ပြုချက် ရခဲ့တယ် ညီမအတွက် မင်္ဂလာခန်းမကလည်း အဆင်မပြေဖြစ်နေချိန်ဆိုတော့ ဒီနန်းတော်ကြီးမှာ မင်္ဂလာပွဲလုပ်မယ်ဆိုပြီး အဲဒီမြို့ကို သွားကြပါလေရော ဟိုရောက်တော့ အကြောင်းသိ နယ်ခံတွေ ဝိုင်းတားကြပေမဲ့ ဘာကိုမှ မယုံတဲ့အာရှေးတစ်ယောက် ဘယ်လို ပရလောကဆိုင်ရာတွေ တွေ့ကြုံသွားမလဲဆိုတာ အဖော်လေးနဲ့အတူ ကြည့်လိုက်ပါဦးနော် File size… 8.61 GB / 2.2 GB / 1.2 GB Quality…WEB DL 4K / 1080p HEVC/ 720p Format…mkv/ mp4 Duration….2h 43m Subtitle….Myanmar Subtitle (Hard Sub)

Bhabhiji Ghar Par Hain Fun On the Run (2026) ပြေးနိုင်မှလွတ်မယ် IMDb (7.5/10) သူ့မိန်းမကို ကိုယ်ကကြောင် ကိုယ့်မိန်းမကိုသူကကြောင်နဲ့ အားရင်အားသလို ဖွန်ကြောင်နေတတ်တဲ့ ဘာဘူတီ နဲ့ တီဝါရီ ဆိုတဲ့အိမ်နီးချင်းနှစ်ယောက်ရှိကြပါတယ်။တစ်‌နေ့တော့ သူတို့နှစ်ယောက်က သူတို့ဇနီးသည်ချောချောလေးတွေကို ခေါ်ပြီးခရီးတစ်ခုထွက်ခဲ့ကြပါတယ်။ဒါပေမဲ့လမ်းမှာ တစ်ယောက်တစ်ခန်းစီ အခန်းတွေလွတ်နေကြတဲ့ ကြောင်တောင်တောင် လူဆိုးညီအစ်ကိုနှစ်ယောက်နဲ့ ဆုံမိပါတော့တယ်။လူဆိုးညီအစ်ကိုနှစ်ယောက်က ဘာဘူတီနဲ့တီဝါရီတို့ရဲ့ ဇနီးချောချောလေးတွေကိုသဘောကျသွားပြီး သူတို့ကိုအပိုင်သိမ်းဖို့ကြံစည်တဲ့အခါမှာတော့ ဘာဘူတီနဲ့ တီဝါရီတို့က သူများမိန်းမကိုသာဖွန်ကြောင်တာ ကိုယ့်မိန်းမကိုပေးရမဲ့ အရေးကျဘယ်လိုတွေလွတ်အောင်ပြေးရင်း ဘယ်လိုအလွဲတွေနဲ့တွေ့ကြုံရမလဲဆိုတာကို ကြည့်ရှုခံစားရမှာပဲဖြစ်ပါတယ်။ File size… 2.03 GB / 1.04 GB Quality…WEB DL 1080p HEVC/ 720p Format…mkv/ mp4 Duration….2hr 16mins Subtitle….Myanmar Subtitle (Hard Sub)

Chithini_(2025) "ကိုယ်ဝန်ဆောင်တစ္ဆေ ချီသီနီ" IMDb - 5.1/10 ရှပ်ရှင်ရိုက်ကူးရေးတစ်ခုမှာ ကိုယ်ဝန်ဆောင်သည်တယောက် ကြိုး-ဆွဲချ-ေသတဲ့အခန်းကို ဒေသခံလည်းဖြစ် ကိုယ်ဝန်ဆောင်လည်းဖြစ်တဲ့ ချီသီနီတယောက် ဝင်သရုပ်ဆောင်ဖို့လုပ်ပါတယ်။ ဒါပေမဲ့ ချီသီနီ အသ-တ်ခံလိုက်ရပါတယ်။ -ေသဆုံးသွားပြီးတဲ့နောက် တောထဲမှာ ချီသီနီရဲ့ ခြောက်လှန့်မှုတွေကို လူတွေအများကြီး ကြုံတွေ့ဖူးကြတယ်လို့ ဆိုကြပါတယ်။ အဲဒီကိစ္စဖြစ်သွားခဲ့တာ ၂၃နှစ်ကြာပြီးတဲ့အချိန်။ တောပတ်လည်ဝိုင်းနေတဲ့ အဲဒီဒေသကိုပဲ ထူးခြားဆန်းပြားတဲ့ ကိစ္စတွေကို စီစဉ်တင်ဆက်တဲ့ နီရှာက အဖေဖြစ်သူ နေထိုင်ရာဒေသလည်းဖြစ်တာမို့ သူ့အစီအစဉ်အတွက် ရွေးချယ်လိုက်ပါတယ်။ နောက်ထပ်ရောက်လာတာကတော့ စခန်းမှူးအသစ် အယ်လန်။ သူတို့ရောက်တဲ့နေ့မှာပဲ ကိုယ်ဝန်ဆောင်သည်တယောက် သစ်ပင်မှာ ကြိုးဆွဲချ-ေသဆုံးနေတာကို တွေ့ပြီး ကိုယ်ဝန်ဆောင်တစ္ဆေ ချီသီနီ ပြန်သောင်းကျန်းနေပြီဆိုတဲ့ ကောလာဟလနဲ့အတူ ထူးခြားဆန်းပြားတဲ့ ဖြစ်ရပ်တွေ ဆက်တိုက်ဆိုသလို ဖြစ်လာတဲ့အခါမှာတော့...။ File size… 2.5 GB / 1.3 GB Quality…WEB DL 1080p HEVC/ 720p Format…mkv/ mp4 Duration….2h 26min Subtitle….Myanmar Subtitle (Hard Sub)

Badass Ravi Kumar (2026) ငါဟဲ့ရာဗီကူးမား ၂၀၁၄ က ထွက်ရှိခဲ့တဲ့ The Xpose ဇာတ်ကားရဲ့ spin-off အဖြစ်ထွက်ရှိလာတဲ့ရုပ်ရှင်ကို တင်ဆက်ပေးလိုက်ပါတယ်။ ဒီရုပ်ရှင်ဟာ ဘောလိဝုဒ်ရွှေခေတ်ဖြစ်ခဲ့တဲ့ ၈၀ ခုနှစ်တွေက အက်ရှင်ကားတွေရဲ့ ပုံစံအတိုင်း ရည်ရွယ်ချက်ရှိရှိ ပိုပိုကဲကဲ တင်ဆက်ထားတဲ့ ဂီတအက်ရှင်ဒရာနာမာ ပုံစံမျိုး ဖြစ်ပါတယ်။ ကိုယ့်ကိုယ်ကိုယ် စူပါဟီးရိုးလို့ခံယူထားတဲ့ ဇာတ်လိုက်ကျော် ရာဗီကူးမားဟာ အိန္ဒိယရဲ့ ထိပ်တန်းလျှို့ဝှက်ချက်တွေနဲ့ ဒုံးကျည်ကုဒ်တွေ ပါဝင်တဲ့ လျှို့ဝှက်ဖလင်လိပ်ကို ပြန်လည်ရယူဖို့ တာဝန်ပေးခြင်း ခံရပါတယ်။ ဒီဖလင်လိပ်ကို အကဝါသနာပါတဲ့ ဒုစရိုက်ဂိုဏ်းချုပ် ကာလို့စ်က လက်ဝယ်ပိုင်ဆိုင်ထားတာပါ။ ရာဗီကူးမားဟာ မက်စကပ် မြို့အထိ လိုက်လံပြီး လူဆိုးဂိုဏ်း ၁၀ ခုထက်မကကို တစ်ယောက်တည်း ရင်ဆိုင်ကာ နိုင်ငံတော်လုံခြုံရေးအတွက် အလွန်အမင်း စွန့်စားခန်းဖွင့်ပုံတွေကို ဒီရုပ်ရှင်ထဲမှာ မြင်ကြရမှာ ဖြစ်ပါတယ်။​ File size… 3.32 GB / 1.64 GB Quality…1080p HEVC/ 720p Format…mkv/ mp4 Duration....2h 26m Subtitle….Myanmar Subtitle (Hard Sub)

Thelivu Sahitham (2025)(အသိပညာ) ဒီတစ်ခါတင်ဆက်ပေးမယ့် ဇာတ်လမ်းလေးက မာလာယာလမ်စကားပြောကားလေးဖြစ်ပြီးလူငယ်တွေကြားမှာ မူးယစ်ဆေးဝါးကိုစွဲလမ်းပြီး ဖြစ်ပေါ်လာတဲ့ အကျိုးဆက်တွေခံစားရပုံကိုရိုက်ပြထားပါတယ်။ ဇာတ်လမ်းအစ - မြို့တစ်မြို့မှာ ပွဲတော်ကြီးတစ်ကိုခမ်းခမ်းနားနား ကျင်းပမယ့်အကြောင်းကို လိုက်လံနိုးဆော်နေပြီး လူတကာကလည်း အဲဒီပွဲတော် အတွက် စိတ်လှုပ်ရှားပြီးဆင်နွှဲဖို့ပြင်ဆင်နေကြပါတယ်။ အဲဒီအချိန်မှာလည်း ပွဲတော်ကိုဗန်းပြပြီး လုပ်စားကြမယ့် မူးယစ်ဆေးရာဇာတွေလည်းရှိနေပြီး အဲဒီအစီစဉ်ကို ရိပ်မိတဲ့ တခြားမြို့ကရဲအရာရှိတစ်ဦးလည်း ရှိနေပါတယ်။ အဲဒီလိုနဲ့ ရဲတွေနဲ့ အနေနဲ့ ဆေးစွဲနေတဲ့လူငယ်တွေကို ဘယ်လိုကယ်တင်ပြီး မူးယစ်ရာဇာတွေကိုလည်း ဖမ်းဆီးမလဲဆိုတာ ဆက်လက်ရှု့ပေးကြပါဦးခင်ဗျာ။ File size… 1.44 GB / 779 MB Quality…WEB DL 1080p HEVC/ 720p Format…mkv/ mp4 Duration….01:41:47 Subtitle….Myanmar Subtitle (Hard Sub)

Sarzameen (2025) "လွန်ဆွဲပွဲ" နာမည်ကြီးသရုပ်ဆောင်တွေ မြိုင်မြိုင်ဆိုင်ဆိုင်ပါ၀င်ထားတဲ့ ဟင်ဒီစကားပြော သည်းထိတ်ရင်ဖို-ဒရာမာ ဇာတ်လမ်းကောင်း တစ်ပုဒ်နဲ့မိတ်ဆက်ပေးချင်ပါတယ်။ ဇာတ်လမ်းမှာ မလေယာလမ်းနာမည်ကြီးမင်းသားချော ပရီသ်ဗီရာ့ဂ်ျဆူကူမာရန်၊ ဟင်ဒီမင်းသမီးကြီး ကာဂျိုးနဲ့ (ဆေ့ဖ်အလီခန်းရဲ့သား) အီဘရာဟမ်အာလီခန်းတို့ ပါ၀င်ထားတာမို့ ဘောလိဝုဒ်ရုပ်ရှင်ချစ်သူတို့ မလွတ်တမ်းကြည့်သင့်တဲ့ ဇာတ်လမ်းတစ်ပုဒ်ပါ။ ဇာတ်လမ်းထဲမှာတော့ ဗီဂျေးဟာ အရည်အချင်းပြည့်၀ပြီး အကြမ်းဖက်သမားတွေကိုရဲရဲဝံ့ဝံ့နှိမ်နင်းလာတဲ့ စစ်တပ်အရာရှိကြီးတစ်ဦးပါ။ ဒါပေမဲ့ သူ့မှာရှ်တဲ့ တစ်ဦးတည်းသောသားဖြစ်သူ ဟာမန်ကတော့ ဖခင်နဲ့လုံး၀မတူဘဲ အရမ်းကြောက်တတ်တဲ့ ကောင်လေးတစ်ယောက် ဖြစ်ခဲ့ပါတယ်။ အကြမ်းသမားတွေကိုနှိမ်နင်းနေသူဖြစ်တာကြောင့် ရန်သူတွေ ပတ်လည်ဝိုင်းနေတဲ့ ဗီဂျေးတစ်ယောက် တစ်နေ့မှာ သားဖြစ်သူနဲ့ ခြိမ်းခြောက်တာကို ခံရတဲ့အခါ... အရမ်းကြောက်တတ်တဲ့ ဟာမန်တစ်ယောက် ဘာတွေကြုံတွေ့ရမလဲ ဘယ်လိုအန္တရာယ်တွေရင်ဆိုင်ရဦးမလဲ၊ သူတို့မိသားစု ရှေ့ဆက်ဘာဖြစ်မလဲ ဆိုတာတွေကို သည်းထိတ်ရင်ဖိုဇာတ်၀င်ခန်းတွေနဲ့အတူ ဒရာမာပါနှောပြီး ကြည့်ရှုကြရမှာ ဖြစ်ပါတယ်။ (ဒီဇာတ်လမ်းအတွက် အညွှန်းနဲ့ဘာသာပြန်တွေကတော့ Cym ~ ToMo ~ KKKZ ~ V ~ Alex ဖြစ်ပါတယ်။) File size… 2 GB / 1 GB Quality…WEB DL 1080p HEVC/ 720p Format…mkv/ mp4 Duration….2h 17min Subtitle….Myanmar Subtitle (Hard Sub) Encoder….YK Translated by Cym ~ ToMo ~ KKKZ ~ V ~ Alex

Azadi 2025(လွတ်လပ်ခြင်း) ဇာတ်လမ်းအကျဉ်း Azadi ဟာ ဒါရိုက်တာ ဂျိုဂျော့စ်က ရိုက်ကူးထားတာဖြစ်ပြီး မလာယာလံပြည်နယ်ရုပ်ရှင်တစ်ခုပါ။ စရင်းနက်ဘာစီ၊ လဲယ်၊ ဗန်နီဗစ်ဝါနာ နဲ့ ရာဗီးနား ရာဗီ တို့ ပါဝင်ထားပါတယ်။ ဇာတ်လမ်းမှာ ကိုယ်ဝန်ဆောင်ထောင်သား ဂန်ဂါ က အမျိုးသားမိရာဂူးရဲ့အကူအညီနဲ့ ဆေးရုံမှ ထွက်ပြေးဖို့ကြိုးစားတဲ့အကြောင်းပါ။ ဇာတ်လမ်းဟာ၂၀၂၅ မေမှာ ပြသပြီး စိတ်လှုပ်ရှားစရာ အက်ရှင်နဲ့ အနုပညာမြောက်မှုတွေပါဝင်ပါတယ်။ ဂန်ဂါ ကို မွေးဖွားဖို့ ဆေးရုံတင်ထားတုန်းမှာ ရာဂူး က ၂၄ နာရီအတွင်း ထွက်ပြေးစီစဉ်ထားပါတယ်။ အခက်အခဲတွေကြားမှာ ရန်သူတွေ တားဆီးဖို့ ကြိုးစားကြပါတယ်။ တရားမျှတမှု၊ မိသားစုနဲ့ စိတ်ဓာတ်နဲ့ အသက်ရှင်သန်ရခြင်းရဲ့ အကြောင်းတရားကို ပြသထားပါတယ်။ ကြည့်သူတွေကို စိတ်လှုပ်ရှားစေပြီး စိတ်ဓာတ်ခွန်အားတွေလည်းပေးစွမ်းနိုင်ပါတယ်ခင်ဗျာ။ Azadi ကြည့်ရင် စိတ်လှုပ်ရှားမှုနဲ့ မျှော်လင့်ချက်စသည့် ခံစားချက်များကိုရရှိမှာပါ။ အက်ရှင်ခန်းတွေက စိတ်ဝင်စားစရာအရမ်းကောင်းပြီး ဇာတ်ကောင်တွေကလည်း ပီပြင်လွန်းလှပြီးတော့ လွတ်လပ်ရေးအတွက် တိုက်ပွဲဝင်တဲ့ စိတ်ဓာတ် ကိုမြင်သာအောင်ရိုက်ပြထားနိုင်ပါတယ်။ အက်ရှင်ကောင်းကောင်းနဲ့ ရသအစုံလင်ကြိုက်သူဆိုရင်တော့ ဒီကားလေးကအကြိုက်တွေ့စေမှာပဲဖြစ်ပါတယ်။ အညွှန်းနဲ့ ဘာသာပြန်ကိုတော့ CM Bollywood Teamမှတင်ဆက်ထားပါတယ်။ File size…2 GB / 1 GB Quality…WEB DL 1080p HEVC/ 720p Format…mkv/ mp4 Duration….2h 9min Subtitle….Myanmar Subtitle (Hard Sub) Encoder….YK Translated by CM Bollywood Team

Ponman (2025) "ရွှေပြဿနာ" မလေယာလမ် ဟာသဇာတ်လမ်းလေးတစ်ပုဒ်ကို တင်ဆက်ပေးလိုက်ရပါတယ် ထိမ်းမြားလက်ထပ်တဲ့အခါ သတို့သမီးမိသားစုက သတို့သားမိသားစုကို အသွင်းပစ္စည်းပေးရတဲ့အိန္ဒိယဓလေ့ကို သိကြမှာပါ ဒီဇာတ်လမ်းလေးထဲမှာ စတီဖီရဲ့အမေက စတီဖီကို အိမ်ထောင်ချပေးဖို့အတွက် သတို့သားဘက်က တောင်းဆိုလာတဲ့ ရွှေပမာဏကိုပေးဖို့ သဘောတူညီလိုက်ရာကနေ တကယ်တမ်း ပေးဖို့အခက်အခဲရှိလာရာမှာ ဘယ်လိုရရာနည်းလမ်းနဲ့ ရှာဖွေသွားမလဲ နောက်ဆက်တွဲပြဿနာတွေ အလွဲလေးတွေဖြစ်ကြပုံကို ရှုစားရမှာပါ အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ် File size…2.9 GB / 1.3 GB Quality…WEB DL 1080p HEVC / 720p Format…mkv/mp4 Duration….2h 5min Subtitle….Myanmar Subtitle (Hard Sub) Encoder….YK Translated by CM Bollywood Team

Swipe Crime (2024) 'အမှား' Drishyam (2015)မှာ အမြင်ကပ်စရာဇာတ်ရုပ်နဲ့ပါဝင်ခဲ့တဲ့ မင်းသား ရီရှက်ဘ်ချာဒါပါဝင်ထားတဲ့ စိတ်ဝင်စားစရာ မှုခင်းစီးရီးကို တင်ဆက်ပေးလိုက်ပါတယ်။ ဂါယန်ရှက်တီအင်ဂျင်နီယာတက္ကသိုလ်ကြီးရဲ့ စာသင်နှစ်အသစ်စတာနဲ့ ဇာတ်လမ်းစထားပါတယ်။ ဗစ်ကရမ်က စာမေးပွဲကျတာကြောင့် ပြန်တက်ရတဲ့ နောက်ဆုံးနှစ်ကျောင်းသားတစ်ယောက်။ အားလုံးက သူ့ကို အစ်ကိုကြီးဗစ်ကရမ်လို့ခေါ်ကြတယ်။ ဗစ်ကရမ်နဲ့အရင်းနီးဆုံးသူငယ်ချင်းတစ်ယောက် ခြိမ်းခြောက်အကျပ်ကိုင်ခံရမှုကြောင့် အသက်အန္တရာယ်ထိခိုက်ရချိန်...။ ဗီဒန်တို့ ပထမနှစ်ကျောင်းသားအုပ်စုလည်း ဒိတ်တင်းအက်ပ်တစ်ခုနဲ့ ပတ်သက်မိချိန်မှာတော့။ လူငယ်လူရွယ်တွေ အမှားမှန်းမသိဘဲ ဆက်မှားကြပုံ၊ မှားမှန်းသိသိကြီးနဲ့ မိုက်တွင်းနက်ကြပုံ၊ ရုန်းထွက်အဖြေရှာဖို့ကြိုးစားကြပုံအဖုံဖုံကို အပိုင်းရှစ်ပိုင်းနဲ့ ပုံဖော်ထားတာမို့ ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ CM Bollywood Teamဖြစ်ပါတယ်။) File Size – 1GB (Appx;)@Episode Quality – 1080p WEB DL Duration – 45 minute (@Episode) Total Episodes: 8Eps Subtitle – Myanmar Hardsub Format – Mp4 Genre : Drama ~Crime ~Thriller Translator – CM Bollywood Team Encoder – YK

Bhool Bhulaiyaa 3 (2024) "၀င်္ကပါ" IMDb - 5.1/10 အရှေးကူးမားစခဲ့တဲ့ ထိတ်လန့်ခြောက်ခြားဖွယ်ရာ ဟာသရုပ်ရှင်ကြီးရဲ့ သုံးကားမြောက်အသစ်စက်စက်ကို တင်ဆက်ပေးလိုက်ပါတယ်။ ဒီရုပ်ရှင်မှာတော့ နှစ်ကားမြောက်ရုပ်ရှင်က မင်းသားချောကာသစ်နဲ့ မင်းသမီးတရီပတီဒင်မ်ရီတို့ ပါဝင်ထားပါတယ်။ အပနှင်တဲ့ ပယောဂဆရာကြီးဘာဘာအဖြစ် လူတွေကို လိမ်စားနေတဲ့ ရူဟန်တစ်ယောက် ဒီတစ်ခါကြုံရမှာက ရော့တ်ခတ်တိုင်းပြည်က နန်းတော်ကြီးမှာရှိတဲ့ သရဲပါ။ ငြင်းလို့မရတဲ့ အကြောင်းပြချက်တွေနဲ့ နန်းတော်ကြီးဆီလိုက်သွားတဲ့အခါမှာ သွားတိုက်ဆေးတစ်ဘူးကို တစ်နှစ်သုံး၊ နွားကို နို့ပြန်တိုက်ပြီး ကိုယ်ရံတော်ကို ပြန်စောင့်ရှောက်နေကြတဲ့ တော်ဝင်မိသားစုကြီးနဲ့ ကြုံရဆုံရပါတယ်။ ဘယ်လိုအလွဲတွေနဲ့ ရယ်ရမောရပြီး ဘယ်လိုတွေ ခြောက်လှန့်မလဲဆိုတာကို ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ CM Bollywood Team ဖြစ်ပါတယ်။) File size… 3 GB / 1.56 GB Quality…WEB DL 1080p HEVC/ 720p Format…mkv/ mp4 Duration….2h 38m Subtitle….Myanmar Subtitle (Hard Sub) Encoder….YK Translated by CM Bollywood Team

Dhonima 2024 ဒိုနီမာ ယစ်ထုတ်ကြီး‌ယောက်ျားနဲ့ရထားတဲ့ ဒါနမ်တစ်ယောက်ကတော့ အားကိုးမရဘဲ ကိုယ်တိုင်ရုန်းကန်ရင်း မိသားစုကိုထောက်ပံ့နေရသူပေါ့။ ဖြစ်ချင်တော့ သားလေးကလည်း နားမှာချို့ယွင်းချက်ဖြစ်နေတော့ ခွဲစိတ်ဖို့ ငွေကလည်း လိုနေပြန်တာပေါ့။ ဒါပေမဲ့ အဖေဖြစ်သူက အိမ်တွင်းရေးကိစ္စနဲ့ပတ်သက်လို့ ဘာမှစိတ်မဝင်စား တာဝန်မယူလေတော့ စားဝတ်နေရေးက ပိုပိုကြပ်တည်းလာ‌တာပေါ့။ ဒါပေမဲ့ ဒီလိုကြပ်တည်းနေတဲ့ကြားက ဒါနမ်တစ်ယောက် အမှိုက်ပုံထဲကနေ ခွေးပေါက်လေးတစ်ကောင်ကို သနားလို့ဆိုပြီး သားလေးလည်းအဖော်ရအောင် ကောက်ပြီးမွေးစားလိုက်ပါတော့တယ်။ အဲဒီခွေးကလေးကတော့ ဒိုနီမာဆိုတဲ့ ဂိုးဒင်းရီထရီဗာအမလေးပါပဲ။ သိပ်လိမ္မာတဲ့ ဒိုနီမာလေးက တစ်အိမ်လုံးရဲ့အချစ်တော်ဖြစ်ပြီး မိသားစုတစ်ပိုင်းဖြစ်လာချိန်ကျမှ ယစ်ထုတ်ကြီးအဖေက ဒီခွေးလေးကို အကြွေးဆပ်ဖို့ရောင်းစားလိုက်တဲ့အခါ.... (အညွှန်းနဲ့ဘာသာပြန်ကတော့ CM Bollywood Team မှပဲဖြစ်ပါတယ်) File size… 1.4 GB / 784 MB Quality…WEB DL 1080p HEVC/ 720p Format…mkv/ mp4 Duration….1h 47m Subtitle….Myanmar Subtitle (Hard Sub) Encoder….YK Translated by CM Bollywood Team

IMDb 6.5/10 Rotten tomato 64% မာဟန်ဒရာဆိုတဲ့​ကောင်လေးခရစ်ကတ်ကစားသမားနဲ့ ဆရာဝန်မလေး မာဟီမာတို့ကို သူတို့ရဲ့မိဘ​တွေလက်ထက်ဖို့စီစဥ်ကြရာက​နေ ဇာတ်လမ်း​​လေးကိုအစပျိုးပဲဖြစ်ပါတယ်။ ခရစ်ကတ်အရှုံးသမား​လေးနဲ့ဆရာဝန်မ​လေးတို့မှာ မာဟီဆိုတဲ့နာမည်​ပြောင်တူ​နေကြတာက​နေ အချင်းချင်းနီးစပ်လာကြပါ​တော့တယ်။ ဒီလိုနဲ့ပဲတစ်​နေ့မှာ​တော့ မာဟီမာတစ်​ယောက် ​ ခရစ်ကတ်နဲ့​ဘောလုံးကိုရိုက်လိုက်တာကို မာဟန်ဒရာမြင်သွားပြီး​နောက်မှာ ပါရမီပါလာတာကိုသတိထားမိပြီး သူ့မိန်းမကို ခရစ်ကတ်ကစားသမားတစ်​ယောက်ဖြစ်လာ​အောင် သင်​ပေးဖို့ကြိုးစားလာပါ​တော့တယ်။ မာဟီမာကလဲဆရာဝန်ဘဝကိုစွန့်လွှတ်ပြီး သူဝါသနာပါတဲ့ ခရစ်ကတ်ကစားတာကို စိတ်နှစ်ဖို့လုပ်လာတဲ့အခါမှာ လင်မယားနှစ်​ယောက်အတူတူလက်တွဲပြီး ပြိုင်ပွဲ​တွေကိုရင်ဆိုင်​ကျော်ဖြတ်ကြပါ​တော့တယ်။ အညွှန်းနဲ့ဘာသာပြန်က​တော့ CM Bollywood team ပဲဖြစ်ပါတယ်။ File size… 2.06GB / 1GB  Quality…WEB DL 1080p / 720p Format…mp4 Duration….2h 19m Subtitle….Myanmar Subtitle (Hard Sub) Encoder….YK Translated by CM Bollywood team

Wild Wild Punjab (2024) IMDb-5.7/10 ဘော်ဒါမကောင်း သူကောင်းမဖြစ် ခွီလဲခွီ ဘော်ဒါကိုလဲ ပြန်သတိရစေနိုင်မယ့် netflixက ပူပူနွေးနွေးထွက်ရှိထားတဲ့ ဘော်လိဝုဒ်အခွီဟာသကားလေးကို တင်ဆက်ပေးချင်ပါတယ် အသဲကွဲလို့ သတ်သေမလို့ပါဆို ဘေးကနေ ထိုင်မြှောက်ပေးတဲ့ သူငယ်ချင်းမျိုး ရှိလား အိမ်မပိုင်လို့ ပြဿနာတက်နေပါတယ်ဆို အိမ်မပိုင်တဲ့ကောင်ကိုမှ ဝိုင်းဒုက္ခပေးတဲ့ သူငယ်ချင်းမျိုး ပိုင်ဆိုင်ထားလား မကောင်းတာလုပ်မယ်ဆို နှစ်ခါခေါ်စရာမလို အရောက်ပို့ပေးမယ့် သူငယ်ချင်းမျိုးရော တွေ့ဖူးလား သေလောက်အောင် ချမ်းသာနေပါစေ ကျပ်မပြည့်တဲ့ဘော်ဒါရော ကြုံဖူးကြလား ဘာတွေဘယ်လိုပဲဖြစ်နေပါစေ အခက်အခဲကြုံလာတဲ့အခါ ကိုယ့်ဘက်မှာ ရှိနေပေးကြမှာက ဒီစောင်ရူးဘော်ဒါတွေပါပဲ ဒီကားလေးမှာတော့ သူငယ်ချင်း ၄ ယောက် ဂယက်ထကြတာကို ကြည့်ရှုရမှာပါ ဘဝဖိအားတွေခံရတဲ့အခါ, ဘယ်အရာကမှ ကိုယ့်ကိုမပျော်ရွှင်စေတော့တဲ့အခါ ငယ်တုန်းက ဂယက်အတူတူထခဲ့ကြတဲ့ သူငယ်ချင်းတွေအကြောင်း ပြန်တမ်းတတာကလည်း ထွက်ပေါက်လေးတစ်ခု ဖြစ်နိုင်ပါတယ် အဲဒီထွက်ပေါက်လေးကို ရရှိဖို့ CM Bollywood Team မှ ဘာသာပြန် တင်ဆက်ပေးလိုက်ပါပြီနော် (အညွန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ်) File size… 2.5GB / 1.23GB Quality…WEB DL 1080p / 720p Format…mp4 Duration….1h 49m Subtitle….Myanmar Subtitle (Hard Sub) Encoder….YK Translated by CM Bollywood Team

Crew (2024) "မဒီသုံးဖော်" IMDb - 6.4/10 တဘူး၊ ကရီးနား၊ ကရီတီးဆိုတဲ့ အသီးသီးတောက်ပခဲ့ကြပြီး တောက်ပနေတုန်းဖြစ်တဲ့ အိန္ဒိယရဲ့စတားမင်းသမီး သုံးယောက်တွဲထားတဲ့ရုပ်ရှင်ကို တင်ဆက်ပေးလိုက်ပါတယ်။ The Great Indian Kapil Showရဲ့ အစီအစဉ်မှူး ကာပီလ်နဲ့ နာမည်ကျော်ပန်ချာပီအဆိုတော်သရုပ်ဆောင် ဒေလ်ဂျိဒိုဆန်တို့လည်း ပါဝင်အားဖြည့်ထားပါသေးတယ်။ ရုံတင်ငွေ ၁၅၆ ကုဋေရထားပြီး ပေါ့ပေါးပါးပါး ကြည့်ရမယ့် ရွှေခိုးသယ်တဲ့ ဟာသရုပ်ရှင်လေးပါ။ အိပ်မက်ကိုယ်စီနဲ့ လေယာဥ်မယ်သုံးယောက်၊ ဝါသနာအလုပ်ကို လုပ်နေရပေမယ့် လေကြောင်းလိုင်းက လစာမပေးတော့တာ ခြောက်လကြာသွားတယ်။ လေကြောင်းလိုင်း ဒေဝါလီခံလိုက်ရတာ သိလိုက်ရတော့ စည်းမျဥ်းတွေကို စွန့်ပယ်ပြီး ဖြတ်လမ်းလိုက်ဖို့ လေဒီသုံးယောက်သား ရွေးချယ်လိုက်ရတဲ့အခါမှာ ရွှေခိုးသယ်နေကျ သူတို့ HR ဆရာကြီးရဲ့ လျှို့ဝှက်ချက်ကို အသုံးချပြီး သူတို့သုံးယောက်ကို တာဝန်ပေးဖို့ အပေးအယူလုပ်ကာ ဘယ်သို့ဘယ်ပုံ ဆက်ပြီး စွန့်စားခန်းထွက်ကြပုံကို ... ဒီရုပ်ရှင်ထဲမှာ ကြည့်ရှုခံစားကြရမှာပါ။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size… 1.9GB / 900MB Quality…WEB DL 1080p / 720p Format…mp4 Duration….1h 58m Subtitle….Myanmar Subtitle (Hard Sub) Encoder….YK Translated by CM Bollywood Team

Christopher 2023 (IMDb 6.8/10) အိန္ဒိယရဲကားကောင်းကောင်းလေးကိုမျှော်နေကြတဲ့ ပရိသတ်ကြီးအတွက် မင်းသားကြီးမမ်မွတ်တီးရဲ့ နောက်ဆုံးထွက် ရဲကားအလန်းလေးနဲ့ မိတ်ဆက်ပေးပါရစေ အိန္ဒိယနိုင်ငံမှာ သိတဲ့အတိုင်း ဘာအမှုပဲဖြစ်ဖြစ် မုဒိမ်းကျင့်လူသတ်ရင်တောင် ငွေနဲ့မီးငြိမ်းသလို အမှုတွေပျောက်သွားအောင် လူအားငွေအားနဲ့ လုပ်နိုင်တာကို သိကြမှာပါ ဒီကိစ္စကို ရဲမှူးခရစ္စတိုဖာဖြေရှင်းတဲ့နည်းလမ်းကတော့ ရိုးရှင်းပါတယ် ဘယ်တရားရုံးမှပို့မနေပဲနဲ့ တရားခံတွေကို သူ့သေနတ်နဲ့ပဲ ကိစ္စတုံးပေးတာပါ ဆိုရှယ်မီဒီယာ ပြည်သူလူထုအားလုံးအတွက် ခရစ္စတိုဖာက ဟီးရိုးပါ ဒါပေမဲ့ မျှတတဲ့ဒီမိုကရေစီစစနစ်တစ်ခုမှာ တရားစီရင်ရေးမဏ္ဍိုင်ဆိုတာ မရှိလို့မရပါဘူး အဲ့ဒါကြောင့် အထက်ဌာနကနေ ခရစ္စတိုဖာကို စုံစမ်းစစ်ဆေးဖို့အတွက် အမျိုးသမီးအရာရှိတစ်ဦးကို တာဝန်ပေးအပ်လိုက်ပါတော့တယ် ခရစ္စတိုဖာရဲ့ မီးစတစ်ဖက်ရေမှုတ်တစ်ဖက် မှန်ကန်မျှတပေမဲ့ မညှာတာတတ်တဲ့ စရိုက်ကို အတိတ်ကစတူးဖော်ကြည့်မိတဲ့အခါ........ ဒီဇာတ်ကားလေးဟာ ဇာတ်လမ်းလေးက မြင်နေကျဆိုပေမဲ့ ဆက်ပြီးကြည့်ချင်လောက်အောင် လှည့်ကွက်လေးတွေကို သူ့နေရာနဲ့သူပါထားပြီး မင်းသားကြီးမမ်မွတ်တီးရဲ့ အိုဗာတွေသိပ်မပါ ရင့်ကျက်တဲ့ပုံစံနဲ့မို့ ကြည့်ရရှုရတာ စိတ်ဝင်စားဖို့ကောင်းပြီး မှုခင်းဒရာမာ ရဲအက်ရှင်ကြည့်ချင်တဲ့သူတွေအတွက် ဇာတ်အိမ်ကောင်းကောင်း သရုပ်ဆောင်ကောင်းကောင်း ဒီကားလေးကို လက်မလွှတ်ကြဖို့ လက်တို့ပေးပါရစေ File size…2.25GB / 1.1GB Quality…1080p True WEB DL /720p Format…mp4 Duration….2h 30m Subtitle….Myanmar Subtitle (Hard Sub) Encoder….YK Translated by Sai Thu Rein~ Zwe Yan Paing~ Khin Khin

Antony 2023 (အသည်းနုတဲ့လူကြမ်းကြီး) Action/ Drama/ Family IMDb 8/10 ဇာတ်လမ်းအစမှာ အန်တိုနီဆိုတဲ့လူတစ်ယောက်ဟာ ဇေဗီယာရဲ့ခြေထောက်ကို ဓားနဲ့ အညှာအတာမရှိ ခုတ်နေခဲ့ပါတယ်။ ဇေဗီယာသေသွားပြီးတဲ့နောက်မှာ ဇနီးဖြစ်သူဂျက်စီနဲ့ သမီးဖြစ်သူ အန်းမာရီယာကျန်ရစ်ခဲ့ပါတယ်။ အန်တိုနီလည်း ဒီအမှုနဲ့ ထိန်းသိမ်းခံလိုက်ရပါတယ်။ တကယ်တော့ အန်တိုနီဟာ ဇေဗီယာရဲ့အပြစ်အတွက် ပညာပေးလိုက်ရုံသာဖြစ်ပြီး သေစေဖို့ မရည်ရွယ်ခဲ့ပါဘူး။ အန်တိုနီက လူမိုက်ဖြစ်ပေမယ့် အမှန်တရားရဲ့ဘက်တော်သားတစ်ယောက်အဖြစ် ရပ်တည်နေတဲ့သူပါ။ အန်တိုနီလွတ်မြောက်လာတဲ့အခါမှာ ဇေဗီယာရဲ့ကျန်ရစ်ခဲ့တဲ့မိသားစုကို တာဝန်ယူပေးဖို့ ဆုံးဖြတ်လိုက်ပါတယ်။ ဒါပေမဲ့အမှုကမပြီးသေးတဲ့အတွက် အန်တိုနီဘာတွေထပ်ပြီး ရင်ဆိုင်ရဦးမလဲ။ အန်တိုနီရဲ့လုပ်ရပ်တွေကိုရော အားလုံးက နားလည်လာနိုင်မလားဆိုတာကို ဆက်လက်ကြည့်ရှုကြရမှာဖြစ်ပါတယ်။ (အညွှန်းနဲ့ဘာသာပြန်တွေကတော့ CM BOLLYWOOD TEAM ပဲဖြစ်ပါတယ်။) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size…2.44GB / 1.14GB  Quality…WEB DL 1080p /720p Format…mp4 Duration….2h 27m Subtitle….Myanmar Subtitle (Hard Sub) Encoder….YK Translated by CM Bollywood Team

IMDb - 6.6/10 အင်္ဂလိပ်တွေ အုပ်စိုးတဲ့ခတ်တုန်းက ခိုသာဆိုတဲ့ မြို့လေးဟာ ရာဇဝတ်ကာင်တွေကို သေဒဏ်ပေးပြီးရင် မြေမြှုပ်ပစ်တဲ့ နေရာတစ်ခုဖြစ်ပါတယ် ခေတ်အဆက်‌‌ဆက်ပြောင်းလာပြီးတဲ့နောက်မှာတော့ ခိုသာဆိုတဲ့နေရာဟာ မြို့သေးသေးလေးဖြစ်လာခဲ့ပါတယ် ခိုသာဆိုတဲ့မြို့လေးမှာတော့ အရမ်းကို တော်ပါတယ်ဆိုတဲ့ ရဲတွေ အရာရှိတွေတောင်မှ ပြန်ပြေးရလောက်အောင်အထိကို အင်အားကြီးမားတဲ့ ဂိုဏ်းတစ်ခု ရှိနေပါတယ် အဲဒီဂိုဏ်းရဲ့ ခေါင်းဆောင်ဖြစ်သူကတော့ ကန်နန်လို့ ခေါ်ပါတယ် ။ ကန်နန်တို့ဂိုဏ်းဟာ လူငယ်တွေကို လမ်းမှား မရောက်ရောက်အောင်လုပ်ဖို့အတွက် မူးယစ်ဆေးတွေကိုလည်း ရောင်းဝယ်နေကြပြီး အဲဒီမြို့မှာ ရှိတဲ့ ရဲဝန်ထမ်းတွေကိုလည်း သူတို့ရဲ့ အားနည်းချက်ကို သုံးပြီး ချုပ်ကိုင်ထားပါတယ် ဒီဂိုဏ်းကို နှိမ်နင်းဖို့အတွက် အင်စပက်တာ ရှာဟူး ကို ခိုသာမြို့ကို စေလွှတ်လိုက်တဲ့နောက်မှာတော့ အင်စပက်တာကြီးက ဒီဂိုဏ်းကို ဖြိုခွင်းဖို့အတွက် ဘယ်လိုနည်းလမ်းတွေ သုံးမလဲ..... ဇာတ်လမ်းရဲ့ နာမည်အရ King of Kotha ဆိုတဲ့ နေရာကိုရော ဘယ်သူက ပိုင်ဆိုင်သွားမလဲဆိုတာကို ကြမ်းကြမ်းတမ်းတမ်းဇာတ်ဝင်ခန်းတွေနဲ့အတူ ကြည့်ရှုရမှာပဲ ဖြစ်ပါတယ် (ဒီဇာတ်လမ်းရဲ့ အညွှန်းနဲ့ ဘာသာပြန်က‌တော့ ToMo, Zwe, Alex, BpL, Dee တို့ပဲ ဖြစ်ပါတယ်) File size…7.4GB / 3.03GB / 1.29GB Quality…4k SDR HEVC  / 1080p WEB DL / 720p Format…mp4 Duration….2h 54m Subtitle….Myanmar Subtitle (Hard Sub) Encoder….YK Translated by ToMo, Zwe, Alex, BpL, Dee

ချန်မရန်ရဲ့ Naayak (2013)ရုပ်ရှင်ကို ရိုက်ကူးခဲ့တဲ့ ဒါရိုက်တာ V. V. Vinayakရိုက်ကူးထားတဲ့ အက်ရှင်ဇာတ်ကားကို Prime Videoကထုတ်လွှင့်ခဲ့ပြီဖြစ်လို့ ဘာသာပြန်တင်ဆက်ပေးလိုက်ပါတယ်။ ချာထရာပတ်သီဆိုတာ မြန်မာလိုဆို ဧကရာဇ်မင်းပေါ့။ ရှီဗာကို လူထုက ချာထရာပတ်သီဆိုပြီး ကင်ပွန်းတပ်ကြတယ်။ နိုင်ငံရေးထဲမှာပါဝင်ပြီး လူထုကိုဒုက္ခပေးနေတဲ့ လူဆိုးဂိုဏ်းခေါင်းဆောင်တွေကို ပြန်လည်တိုက်ခိုက်ပေးတဲ့အတွက်ပေါ့။ ရှီဗာက ပါကစ္စတန်ဘက်ကနေ ထွက်ပြေးလာခဲ့တဲ့ ဒုက္ခသည်တစ်ဦး။ ထွက်ပြေးရင်း ပျောက်ဆုံးနေခဲ့တဲ့ အမေဖြစ်သူနဲ့ ညီလေးကို လိုက်ပြီးရှာနေခဲ့သူ။ ဆပ်ပ်နာဆိုတဲ့ အရာရှိအမျိုးသမီးလေးနဲ့ တွေ့ဆုံခဲ့ပြီး ဆပ်ပ်နာက ရှီဗာရဲ့အမေနဲ့ညီလေးကို ကူရှာပေးရင်း နှစ်ဦးသားချစ်ခင်စုံမက်ခဲ့တယ်။ ဒီလို လူပျောက်ရှာနေတဲ့ကြားထဲကမှ မွေးစားအဖေဖြစ်သူရဲ့ သားအရင်းအာရှို့ခ်ရဲ့ အငြိုးထားရန်လိုခြင်းကိုလည်း ခံနေရပြန်တယ်။ အာရှို့ခ်က ရှီဗာရဲ့ရန်သူတွေနဲ့ ပူးပေါင်းပြီး ရှီဗာကို ဒုက္ခပေးဖို့ကြံလာတဲ့အခါ...။ ရှီဗာတစ်ယောက် ပျောက်ဆုံးနေတဲ့ အမေနဲ့ညီလေးကို ရှာတွေ့ပြီး ချစ်ရသူနဲ့အတူတူ ပျော်ရွှင်စွာနေနိုင်သွားမလားဆိုတာ...။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size…3.4GB /1.5GB  Quality…1080p WEB DL /720p Format…mp4 Duration….2h 4m Subtitle….Myanmar Subtitle (Hard Sub) Encoder….YK Translated by CM Bollywood Team

Minus 31: The Nagpur Files(2023) IMDb - 7.2/10 အမှန်တရားအတွက်ဆို အဆိုးတွေဘယ်လောက်ပဲကြုံရပါစေ ဘယ်အရာကမှ တားဆီးလို့မရဘဲ ရင်ဆိုင်တိုက်ခိုက်မယ့် အရာရှိအမျိုးသမီးတစ်ယောက်အကြောင်းပေါ့။ မင်းသမီးချော ရူချာအီနမ်ဒါ အရာရှိမလေးအဖြစ်သရုပ်ဆောင်ထားပါတယ်။ တစ်ကမ္ဘာလုံးကို ဒုက္ခပေးတဲ့ကိုဗစ်ကပ်ဆိုးကြီးရဲ့ ဒုတိယလှိုင်းဖြစ်နေတဲ့အချိန်မှာပေါ့။ တံတားအောက်မှာ လာစွန့်ပစ်သွားတဲ့အလောင်းတစ်လောင်း။ အဲဒီအလောင်းကို စစ်ကြည့်တဲ့အချိန်မှာတော့ နိုင်ငံရေးအသိုင်းအဝိုင်းနဲ့ နီးစပ်တဲ့ သူဌေးတစ်ယောက်ဖြစ်နေရော။ ဒီအမှုကို ကိုင်ရတာက ရဲမေ ပရက်ရှာ။သူ့မှာ မိသားစုပြဿနာနဲ့လုံးပမ်းနေရတာတဖက်။ ကိုဗစ်ဆိုတာတကယ်မရှိဘူး အစိုးရဖန်တီးထားတဲ့ နိုင်ငံရေးလှည့်ကွက်ဆိုတဲ့ ပြည်သူတွေကို လိုက်ဖြေရှင်းနေရတာတစ်ဖက်နဲ့ အမြဲတမ်း စိတ်တိုနေရတယ်။ ဒီလိုပြဿနာတွေကြားထဲမှာပဲ လက်သည်မပေါ်တဲ့ အများစိတ်ဝင်စားနေတဲ့ လူသတ်မှုကို ဖော်ထုတ်နိုင်မှာလားဆိုတာ ဇာတ်လမ်းဇာတ်အိမ်ကောင်းကောင်းနဲ့ရိုက်ကူးတင်ဆက်ထားတာမို့ ဘာသာပြန်တက်ဆက်ပေးလိုက်ရပါတယ်။ (အညွှန်းနဲ့ဘာသာပြန်ကတော့ CM Bollywood Team တို့ပဲဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…2GB / 845MB Quality…WEB DL 1080p / 720p Format…mp4 Duration….2h 14m Subtitle….Myanmar Subtitle (Hard Sub) Encoder….YK Translated by CM Bollywood Team

Mission Raniganj (2023) IMDb-7.7/10 မင်းသားကြီး အရှေးကူးမားရဲ့ OMG 2(2023)ထွက်ရှိခဲ့ပြီးတဲ့နောက်မှာ နောက်ထပ်ရုံတင်ကားကြီး တစ်ကား ထပ်မံထွက်ရှိလာခဲ့ပါပြီ။ ဒီရုပ်ရှင်ကတော့ ၁၉၈၉ခုနှစ်နို၏ဝင်ဘာ ၁၃ ရက်နေ့မှာ အနောက်ဘင်္ဂလားပြည်နယ်မှာ ဖြစ်ပွားခဲ့တဲ့ ကျောက်မီးသွေးမိုင်းတွင်းပြိုကျရာမှာ ပိတ်မိခဲ့သူ မိုင်းလုပ်သား ၆၅ယောက်ကို ကယ်တင်ခဲ့တဲ့ ဂျာစ်ဝန့်ဆင်းဂ်ဂေးလ်လို့ ခေါ်တဲ့ အင်ဂျင်နီယာတစ်ယောက်အကြောင်းကို အခြေခံရိုက်ကူးတင်ဆက်ထားတာပါ။ ဇာတ်ကားလေးကတော့ ဖြစ်ရပ်မှန်အခြေပြုထုံးစံ လူတွေရဲ့အတ္တတွေကို ခြယ်မှုန်းပြထားပြီး အဖွဲ့အစည်းတစ်ခုမှာ ကိုယ့်တာဝန်ကိုယ်မကျေကြပဲ ဟိုကအချောင်ခိုလိုက် ဒီကမျက်ကွယ်ပြုလိုက်နဲ့ နောက်ဆုံး သောက်ပြသနာတက်မှ အဖေကယ်ပါ အမေကယ်ပါဖြစ်ပြီး ခံစားရတဲ့သူတွေကတော့ အပြစ်မဲ့တဲ့ အသက်ပိုင်ရှင်တွေပါပဲ။ ချာနိုဘိုင်း,The Dam, စသည်ဖြင့် သဘာဝဘေးအန္တရာယ် ဒါမှမဟုတ် သောက်တလွဲတွေထလုပ်မိလို့ အသက်နဲ့ရင်းအလုပ်လုပ်ရတဲ့ လုပ်သားတွေရဲ့ အန္တရာယ်နဲ့ရင်ဆိုင်ရပုံတွေကို ရိုက်ကူးပြသခဲ့တဲ့ဇာတ်ကားတွေလိုပဲ အခုဇာတ်ကားမှာတော့ မင်းသားကြီး အာရှေးကူးမားက အစွမ်းပြထားပါတယ်။ အားရှေးကူးမားဟာ ခုလို သူရဲကောင်းဆန်ဆန် ဇာတ်လမ်းတွေ အတ္တပတ္တိဇာတ်လမ်းတွေက ဇာတ်ကောင်တွေနဲ့ လိုက်ဖက်မှုရှိတာကိုတော့ ဝန်ခံပါရစေ။ အဲ့မူရင်းလူတွေကို မသိဖူးမမြင်ဖူးပေမဲ့ သူတို့ဒါမျိုးလုပ်ခဲ့ပါလားဆိုတဲ့ Vibe ကိုတော့ အာရှေးကူးမားက ပေါ်လွင်အောင် သရုပ်ဆောင်နိုင်ခဲ့ပါတယ် အဲ့ဒီတော့ ဖြစ်ရပ်မှန်အခြေပြုဇာတ်ကား ဇာတ်လမ်းကြီးလဲကြိုသိတယ်ဆိုပေမဲ့ ကြားထဲမှာ တလွဲပေါင်းသောင်းခြောက်ထောင်နဲ့ လူပေါင်းစုံ စရိုက်ပေါင်းစုံ အကောင်းအဆိုး ရသစုံစွာ ခံစားရမှာပဲဖြစ်လို့ ခုလို Genre ကိုမျှော်နေတဲ့ ပရိသတ်အတွက် တင်ဆက်ပေးလိုက်ရပါတယ်..... အညွှန်းနဲ့ဘာသာပြန်ကတော့ CM Bollywood Team ကပဲ ဖြစ်ပါတယ် ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size...2.56GB / 1.2GB Quality…1080p WEB DL /720p Format…mp4 Duration….2h 14m Subtitle….Myanmar Subtitle (Hard Sub) Encoder….YK Translated by CM Bollywood Team

မိသားစုတွေ၊ မိတ်ဆွေအပေါင်းအသင်းတွေနဲ့ ဘုရားဖူးခရီးက ပြန်လာတဲ့လမ်းမှာ အမျိုးသားတစ်ယောက်က ကားကို ရပ်ခိုင်းလိုက်ပါတယ်။ ကားပေါ်က တခြားလူအားလုံး အိပ်ပျော်နေချိန်မှာ သူက ကားပေါ်ကနေ ဆင်းသွားတယ်။ အချိန်အတော်ကြာတဲ့အထိ ပြန်မလာတော့မှ အတူပါလာသူတွေက လိုက်ရှာကြပါတယ်။ ပြန်တွေ့တဲ့အခါမှာတော့ သူဟာ တခြားရွာက လူတစ်ယောက်လို ဖြစ်နေပြီး ခရီးအတူသွားခဲ့သူတွေကို လုံးဝမမှတ်မိတော့ဘူး။ မာလယာလမ်လူမျိုးဖြစ်တဲ့သူက လမ်းခုလတ်က တမီလ်ရွာလေးမှာ နေထိုင်သူတစ်ယောက်လို ဖြစ်နေပါတယ်။ အရင်က တမီလ်ဘာသာစကားကို မနှစ်မြို့ခဲ့ပေမယ့် အခုတော့ တမီလ်လို ချောချောမွေ့မွေ့ ပြောနေတော့တယ်။ မမ်မူးတီး ပါဝင်ထားတဲ့ ဒီဇာတ်လမ်းမှာ ကားပေါ်က ဆင်းသွားပြီးနောက် သူ့မှာ ဘာဖြစ်သွားခဲ့တာလဲ၊ ဘာကြောင့် ဒီလိုပြောင်းလဲသွားရတာလဲဆိုတာကို ဆက်အဖြေရှာရပါတယ်။

ဆာဂျီမိုဟာ ရည်မှန်းချက်မရှိဘဲ ပျင်းပျင်းရိရိ နေထိုင်နေတဲ့ အမျိုးသမီးငယ်တစ်ယောက်ပါ။ သူငယ်ချင်းတွေက အိမ်ထောင်ကျကုန်ပြီဖြစ်ပေမယ့် သူကတော့ စေ့စပ်ထားတာ တစ်ခါပျက်ခဲ့ဖူးပြီး အခုထိ တစ်ယောက်တည်း ဖြစ်နေတုန်းပါ။ ဒါကြောင့် ရပ်ထဲရွာထဲမှာ အပျိုဟိုင်းကြီးဆိုပြီး စနောက်လှောင်ပြောင်ခံနေရပါတယ်။ အဲဒီစကားတွေကို မခံနိုင်တော့တဲ့ ဆာဂျီမိုက ဘုရားကျောင်းကို မကြာခဏသွားပြီး ညည်းညူလေ့ရှိတယ်။ တစ်နေ့တော့ သူ့ညည်းညူသံတွေကို အကြိမ်ကြိမ်ကြားနေရတဲ့ အရှင်က ရုပ်တုထဲကနေ အပြင်ထွက်လာပါတယ်။ အဲဒီတွေ့ဆုံမှုကစပြီး ဆာဂျီမိုရဲ့ဘဝလည်း ပြောင်းလဲလာတယ်။ ဒါပေမယ့် သူပျော်ရွှင်နေရတဲ့အချိန်မှာပဲ ဘုရားကျောင်းက ရုပ်တုဟာ ထူးထူးဆန်းဆန်း ပျောက်သွားပါတယ်။ အရှင်နဲ့ သူ ထပ်တွေ့နိုင်ပါဦးမလား၊ ရုပ်တုထဲက ထွက်လာတဲ့ အရှင့်နောက်ကွယ်မှာ ဘယ်လိုပဟေဠိတွေ ရှိနေလဲဆိုတာကို ဆက်ပြထားပါတယ်။ Kunchacko Boban နဲ့ Nivetha Thomas တို့ ပါဝင်သရုပ်ဆောင်ထားတဲ့ စိတ်ကူးယဉ်ဟာသဇာတ်ကားပါ။

ရာဒီကာက ခေတ်ဆန်ပြီး ပျော်ပျော်နေတတ်တဲ့ အလုပ်သင်ဂျာနယ်လစ်တစ်ယောက်ပါ။ သူရေးဖို့ ကြိုးစားနေတဲ့ဆောင်းပါးက မိုးပျံလမ်းပေါ်မှာ ဘလောက်တုံးတွေကို ဖယ်ပြီး စည်းကမ်းမဲ့ ဂငယ်ကွေ့ကွေ့သူတွေကြောင့် မတော်တဆမှုတွေ ဖြစ်ခဲ့တဲ့အကြောင်းပါ။ အဲဒီအတွက် ဒီလိုကွေ့ခဲ့သူတွေကို စုံစမ်းပြီး အင်တာဗျူးဖို့ လိုက်ရှာနေပါတယ်။ ဒါပေမယ့် သူအင်တာဗျူးဖို့ စာအုပ်ထဲမှာ ရေးမှတ်ထားသူတိုင်း အကြောင်းရင်းရှာမရဘဲ သေဆုံးကုန်ကြတယ်။ အင်တာဗျူးစာရင်းတစ်ခုကနေ သေဆုံးသူတွေရဲ့စာရင်းလို ဖြစ်လာတဲ့အခါ ရဲတွေကလည်း သံသယဝင်ပြီး စုံစမ်းလာကြပါတယ်။ ရာဒီကာ စာရင်းသွင်းထားသူတွေ ဘာကြောင့် သေဆုံးနေရတာလဲ။ ကံကြမ္မာရဲ့ တိုက်ဆိုင်မှုလား၊ တစ်ယောက်ယောက်က နောက်ကွယ်ကနေ ကြိုးကိုင်နေတာလားဆိုတဲ့ မေးခွန်းတွေကြားမှာ လျှို့ဝှက်ချက်တွေကို ဆက်ရှာရတော့မှာပါ။ Aashim Gulati နဲ့ Alaya F တို့ ပါဝင်ထားတဲ့ သဘာဝလွန်သည်းထိတ်ရင်ဖိုဇာတ်ကားဖြစ်ပြီး ဒီသေဆုံးမှုတွေရဲ့အဖြေကို ဇာတ်လမ်းအလှည့်အပြောင်းတွေနဲ့ ဖော်ပြထားပါတယ်။

ကုန်းမြေရှစ်ခု ဆုံတဲ့နယ်မြေတစ်ခုကို သူခိုးနှစ်ယောက် ရောက်လာတဲ့ ရှေးပုံပြင်နဲ့ ဇာတ်လမ်းကို စထားပါတယ်။ သူတို့က ဘုရားကျောင်းထဲက ရတနာပစ္စည်းတွေကို ခိုးရောင်းပြီး ပေါပေါများများ သုံးဖြုန်းနေကြရာက အတားအဆီးတွေကို ဖယ်ရှားပေးတယ်လို့ ဆိုကြတဲ့ မဟာပိန္နဲရဲ့ ဆင်းတုကိုပါ မျက်စိကျသွားကြတယ်။ ဆင်းတုကို ခိုးလာပေမယ့် ဘယ်ဆိုင်ကမှ မဝယ်ရဲကြတော့ မူလနေရာကို ပြန်ထားဖို့ကိစ္စနဲ့ သူတို့နှစ်ယောက် ရန်ဖြစ်ကြပါတယ်။ နောက်ဆုံး တစ်ယောက်က အုန်းပင်အမြင့်ကြီးပေါ်မှာ ဘယ်သူမှ မမြင်အောင် ဖွက်ထားလိုက်တယ်။ ဆယ်စုနှစ်တွေကြာအောင် နေပူမုန်တိုင်းဒဏ်တွေကြား လူမသိဘဲ ရှိနေခဲ့တဲ့ ဆင်းတုအကြောင်းကနေ ဆက်သွားတဲ့ ဇာတ်ကားပါ။ ဇာတ်လမ်းထဲက ပါဗသမ်ဟာ ဆင်းတုတွေ လိုက်စုတတ်တဲ့ အမျိုးသမီးတစ်ယောက် ဖြစ်ပါတယ်။ ကြိုက်တဲ့ဆင်းတုတွေ့ရင် အိမ်အထိ လိုက်ဝယ်တတ်ပြီး ဒီတစ်ခါ သူလိုချင်နေတာက မိသားစုဘုရားကျောင်းတစ်ခုထဲက မဟာပိန္နဲဆင်းတုပါ။ တစ်ဖက်က ငွေဘယ်လောက်ပေးပေး မရောင်းဘူးဆိုပေမယ့် ပါဗသမ်ကလည်း လိုချင်တာမရမချင်း အိမ်ပြန်တတ်သူ မဟုတ်ဘူး။ ဆင်းတုကို ခိုးယူမယ့်အကြောင်းနဲ့အတူ ဒီနှစ်ဖက်ကြား ဘယ်လိုတွေ ဆက်ဖြစ်လာမလဲဆိုတာကို ပြထားပါတယ်။

Good Bad Girl 2022 6.3/10 IMDb ဒီတစ်ခါမိတ်ဆက်ပေးချင်တာကတော့အိန္ဒိယစီးရီးအသစ်လေးတစ်ခုပါ.... လူ့ဘဝဆိုတာ ရှင်သန်ဖို့လွယ်ကူလား ခက်ခဲလား... ခက်ခဲတယ်လို့ပဲလူတိုင်းကပြောကြမှာပါ... ဒါဆိုဟုတ်ပြီ လူ့ဘဝကိုရုန်းကန်ရှင်သန်ဖို့အတွက်ကိုယ်ကလူတွေအကြောင်းကိုနားလည်နေရမယ် ပါးရည်နပ်ရည်ရှိရမယ်... ဒါတင်မဟုတ်သေးပါဘူး...အခြေအနေနဲ့အချိန်အခါကိုလိုက်ပြီး မီးစင်ကြည့်ကတတ်ရပါတယ်.. ဒါတွေအားလုံးကို ကိုယ်ဖြတ်သန်းရတဲ့ဘဝကပဲသင်ပေးသွားကြတာ ဟုတ်... ? အခုဒီစီးရီးထဲမှာတော့ ရှေ့နေမလေး မာယားအဟူဂျား (Samridhi Dewan) ရဲ့သူ့ဘဝကိုသူဘယ်လိုရှင်သန်အောင် ဉာဏ်သုံးလဲဆိုတာတွေ့ရမှာပါ...သူက သူလိုချင်တာတစ်ခုကို ဘယ်နည်းလမ်းနဲ့မဆို မရ ရအောင်လုပ်တတ်တဲ့သူ။ ကလေးဘဝထဲက အမွှေစိန်မလေး... ကောလိပ်ကျောင်းသူဘဝရောက်တော့လဲ ပိုက်ဆံကိုအိမ်ကသိပ်မတတ်နိုင်လို့သူပိုက်ဆံဘယ်လိုရအောင်ရှာလဲဆိုတာ ဟာသလေးတွေနှောထားလို့ ရယ်မောကြရဦးမှာပါ... ရှေ့နေတစ်ယောက်ဖြစ်လာတော့လဲ ရုံးမှာလုပ်ဖော်ကိုင်ဖက်တွေ..ရှင်းဖို့ခက်တဲ့အမှုတွေကိုသူမရ ရအောင်ဘယ်လိုဖော်ထုတ်လဲဆိုတာတွေကိုတွေ့မြင်ရမှာပါ ဘယ်လိုပဲတစ်ကိုယ်ကောင်းဆန်တယ် မိန်းမဆိုးလေးတစ်ယောက်ပါလို့ပဲသတ်မှတ်သတ်မှတ်သူ့အနေနဲ့တော့ဒါဟာ သူ့ဘဝကိုသူSurviveလုပ်တာပါပဲ။ သူ အခက်အခဲတွေကိုဘယ်လိုဖြေရှင်းလဲ... သူ့ဘဝကိုဘယ်လိုကြိုးစားရှင်သန်လဲ သူလိုချင်တဲ့အရာကိုဘယ်လိုမရရအောင်ယူလဲ ဆိုတာကိုရသစုံအောင်ဖန်တီးရိုက်ကူးထားတာမို့ ပရိသတ်ကြီးကပဲစောင့်မျှော်ကြည့်ရှုပေးကြပါဦး... Quality : 1080p Total Episodes : 9Eps Format : mp4 Genres :Comedy , Drama Duration : 35min Subtitle : Myanmar Subtitle ( Hardsub ) Translated by Taylor ~Go - O ~ Thet Ko ~ OeliuJ Encoded by YK

ထာကူရ်မျိုးရိုးရဲ့ ချွေးမတစ်ယောက်ဟာ အောက်လမ်းမှော်ပညာတွေ တတ်မြောက်ထားပြီး သူ့အတ္တကြောင့် မကျွတ်မလွတ်နိုင်ဘဲ စံအိမ်ကြီးထဲမှာ ချိတ်ပိတ်ခံထားရပါတယ်။ မင်းသားနဲ့မင်းသမီးက မထင်မှတ်ဘဲ သူ့ကို လွှတ်ပေးမိတဲ့အခါ ဆယ့်ရှစ်နှစ်ကြာ လက်စားချေလိုစိတ်နဲ့ လောင်ကျွမ်းနေတဲ့ မကောင်းဆိုးဝါး လွတ်လာပါတော့တယ်။ သူက ဒီမိသားစုကို ဘယ်လိုလက်စားချေလာမလဲ။ ၂၀၀၇ ခုနှစ်က ပထမဇာတ်ကားမှာ အက်ရှေးကူမား ပါဝင်ခဲ့ပြီး ဒီဒုတိယဇာတ်ကားမှာတော့ ကာသစ်နဲ့ ကီယာရာတို့ ပါဝင်ထားပါတယ်။ တဘူးက အမြွှာညီအစ်မနှစ်ယောက်အဖြစ် နှစ်ကိုယ်ခွဲသရုပ်ဆောင်ထားတယ်။ ထိတ်လန့်စရာဖြစ်ရပ်တွေနဲ့အတူ ဟာသတွေ၊ မထင်မှတ်ထားတဲ့ လှည့်ကွက်တွေလည်း ပါဝင်ပါတယ်။

အာဂျေးနဲ့ စမီးရ်ဟာ လစာနည်းနည်းနဲ့ အလုပ်လုပ်နေရတဲ့ အင်ဂျင်နီယာသူငယ်ချင်းနှစ်ယောက်ပါ။ အာဂျေးက လစာနည်းလို့ ဖခင်ရဲ့ ဆူပူမှုတွေကို ခံနေရပြီး ကိုယ်ပိုင်လုပ်ငန်းတစ်ခု ထူထောင်ချင်နေတယ်။ လုပ်ငန်းစဖို့ လိုအပ်တဲ့ငွေကို ရဖို့ တတ်နိုင်သမျှ ကြိုးစားပေမယ့် ငွေက မရဘဲ အစီအစဉ်တွေကလည်း တလွဲတွေချည်း ဖြစ်နေပါတယ်။ စမီးရ်ကတော့ ကုမ္ပဏီမှာ ရာထူးကောင်းရှိပေမယ့် ယောက္ခမလောင်း အထင်ကြီးလောက်တဲ့ အခြေအနေမျိုး မရောက်သေးလို့ ချမ်းသာတဲ့ ရည်းစားနဲ့ ဆက်ဆံရေးအဆင်မပြေဖြစ်နေရတယ်။ ရခဲတဲ့ ရာထူးတိုးအခွင့်အရေးကို မျှော်နေခဲ့ပေမယ့် နောက်ဆုံးမှာ သူ့အတွက်မဟုတ်ကြောင်း သိလိုက်ရပါတယ်။ အဆင်မပြေမှုတွေနဲ့ စိတ်ပျက်နေကြတဲ့ သူငယ်ချင်းနှစ်ယောက်ဟာ တခြားရွာတစ်ရွာမှာ ကိုယ့်ကိုယ်ကိုယ် သတ်သေကြမယ်လို့ တိုင်ပင်ပြီး ထွက်လာကြတယ်။ ဒါပေမဲ့ အဲဒီကြိုးပမ်းမှု မအောင်မြင်ဘဲ ရွာမှာပဲ ပိတ်မိသွားရာက သူတို့မမျှော်လင့်ထားတဲ့ အပြောင်းအလဲတွေနဲ့ ကြုံလာရပါတယ်။ ရွာသားတွေရဲ့ အဆင်မပြေဖြစ်နေတဲ့ဘဝတွေကို ဝင်ကူညီပေးဖို့ ဖြစ်လာပြီး လယ်သမားတွေ သေဆုံးရတဲ့ နောက်ကွယ်ကအကြောင်းရင်းကိုပါ လိုက်လံရှာဖွေဖြေရှင်းကြရတယ်။ အလုပ်အကိုင်နဲ့ ဘဝအခက်အခဲတွေကြားက သူတို့ရဲ့အဖြစ်အပျက်တွေကို ဟာသနှောပြီး ရိုက်ကူးထားတဲ့ ၂၀၂၂ ခုနှစ်ထွက် အန္ဒိယဒရာမာဇာတ်ကားပါ။

Maara (2021) ဇန်နဝါရီ ၈ ရက်နေ့က ထုတ်လွှင့်ပြသခဲ့တဲ့ တမယ်လ် ဇာတ်ကားကောင်းလေး တစ်ကားနဲ့ မိတ်ဆက်ပေးပါရစေ။ ကြည့်မိရင် ရင်ထဲမှာ မေတ္တာတရားရဲ့ ဆွတ်ပျံ့မှု ကြည်နူးမှု နွေးထွေးမှုတွေကို ခံစာရမှာ အမှန်ပါပဲ။ ကျွန်တော်တို့ပုံပြင်တွေကို ကြားဖူးကြပါတယ်။ နားထောင်ဖူးကြပါတယ်။ ပုံပြင်လေးတစ်ပုဒ်ကနေ တကယ့်ဇာတ်လမ်းလေးတစ်ပုဒ် ဖြစ်လာခဲ့တဲ့အချိန်မှာတော့ .... ပါရူး ဆိုတဲ့ ကလေးမလေးက ငယ်စဉ်ဘဝက ရထားတစ်စီးပေါ်မှာ စစ်သားလေးတစ်ယောက်နဲ့ သူ့ရဲ့ဝိဉာဉ် ငါးကလေး ဆိုတဲ့ ပုံပြင်လေးကို နားထောင်ခဲ့ရဖူးပါတယ်။ ပါရူးတစ်ယောက်က ပုံပြင်တွေကို စိတ်ဝင်စားတဲ့ မိန်းကလေးပါ။ သူ့အိမ်က နေရာချထားပေးဖို့ ပြင်ဆင်ပေမယ့် စိတ်မဝင်စားလို့ အိမ်ကနေ ထွက်လာရင်းနဲ့ ..... မာရာ ဆိုတဲ့ လူတစ်ယောက်ရဲ့ ပန်းချီကားလက်ရာတွေကို တွေ့ပြီး အဲဒီနောက်ကို တကောက်ကောက်လိုက်ရာကနေ တကယ့်ကို ဆွတ်ပျံ့ကြည်နူးဖို့ကောင်းတဲ့ ဇာတ်လမ်းလေးတစ်ပုဒ်ကို ရှာဖွေတွေ့ရှိခဲ့ပါတော့တယ် ..... ဘာဇာတ်လမ်းလေးလဲ ဆိုတာကတော့ ..... IMDb - 7.8/10 ရထားတဲ့ ဇာတ်ကားမို့ အများကြီး ပြောမနေတော့ပါဘူး။ File size… 2.1GB and 1GB Quality….WEB-DL 1080p and 720p Format…mp4 Duration…. 2hr 29min Subtitle….Myanmar Subtitle (Hardsub) Translator ..... August Encoder ..... August

ကြမ်းကြမ်းရမ်းရမ်း အိန္ဒိယရုပ်ရှင်တွေ ကြည့်ချင်တယ်။ ဒါပေမယ့် အိုဗာတင်းမဖျော်ပဲ လက်တွေ့ဆန်တဲ့ရိုက်ချက်တွေလည်း လိုချင်တယ်ဆိုပါစို့။ ဒါဆိုရင်တော့ လွမ်းခန်း၊ ဆွေးခန်း၊ ချစ်ခန်း၊ ကြိုက်ခန်းတွေမပါပဲ ရင်တထိထိတ်နဲ့ကြည့်ရမယ့် အက်ရှင်ကားကောင်းကို Channel Myanmar ကနေ ဘာသာပြန်တင်ဆက်ပေးလိုက်ပါတယ်ခင်ဗျာ။ ည ။ ညဟာ ပုံမှန်ထက် မှောင်မိုက်လာခဲ့။ သာမန်ညတွေမှာ အိပ်စက်အနားယူကြ၊ အလုပ်သွားကြနဲ့ လည်ပတ်နေခဲ့တဲ့ တစ်နှစ်တာ ရာသီစက်ဝန်းမှာ ဒီညဟာတော့ ပိုပျော်စရာကောင်းခဲ့။ နှစ်စဥ်ကျင်းပလေ့ရှိတဲ့ Aranjali ရဲ့ဘုရားပွဲနေ့ဖြစ်တာကြောင့်ပေါ့ဗျာ။ လူတွေဟာ ဝတ်ကောင်း၊ စားလှတွေဝတ် မီးရောင်စုံတွေ၊ စျေးဆိုင်တန်းလေးတွေ၊ ဂီတသံတွေညံစီနေတဲ့ ပွဲစျေးထဲ လည်ပတ်ရင်း ပျော်ရွှင်နေခဲ့ကြတာပေါ့။ ဒါပေမယ့် ဒီနှစ် Aranjali ဘုရားပွဲရဲ့အခြေအနေကတော့ ရီမောသံတွေအစား ဆဲဆိုသံတွေ ညံပြီး သွေးသံတရဲရဲပေါ့။ ဆင်တစ်ကောင်ရယ်၊ နံမည်ဆိုးနဲ့ကျော်ကြားတဲ့ ရာဇဝတ်သားလူမိုက်တွေရယ်၊ လက်ရဲဇက်ရဲလို့ဆိုရမယ့် လူငယ်တချို့ရယ်၊ ပြီးတော့ ပြဇာတ်အကတစ်ဖွဲ့ရယ် ရုန်းရင်းဆန်ခတ်ဖြစ်ခဲ့ကြတဲ့ညပေါ့။ ရဲကားသံတွေလည်း တဝီဝီ၊ ပြေးတဲ့လူကပြေးနဲ့ ဖရိုဖရဲအခြေအနေကို စိတ်လှုပ်ရှားဖို့ကောင်းအောင် ကြည့်ရမှာပါ။ ဒီကဘုရားပွဲတို့၊ ပျော်ပွဲရွှင်ပွဲတို့မှာဖြစ်လေ့ရှိတဲ့ ရန်ပွဲတွေလိုမျိုးပါပဲ။ ဒါပေမယ့် ထူးခြားတာက ဆင်တစ်ကောင်ကို ထည့်ရိုက်ထားတဲ့နေရာမှာ အိန္ဒိယတို့ရဲ့ အစဥ်အလာအတိုင်း ပါးစပ်အဟောင်းသား ရင်မောရမယ့်ရိုက်ချက်တွေပေါ့။ ဘုရားပွဲညတစ်ညရဲ့ ရန်ပွဲနောက်က မြုပ်ထားတဲ့ဇာတ်ကွက်တွေ၊ အက်ရှင်ကြမ်းကြမ်းတွေကို IMDb ရဲ့ rating 7.9 နဲ့အတူတူ ကြည့်ရှူရင်း အခုပဲတဝကြီးခံစားလိုက်ပါဗျာ။ File size… 2.4GB Quality…1080p True WEB DL Format…mp4 Duration….2h 2min Subtitle….Myanmar Subtitle (hard sub) Encoder….YK Translated by Shwe Pwint & Yunni & Haruko & HM

ပင်လယ်နားက ရာမာဒါပက်လီဆိုတဲ့ မွတ်စလင်ရွာနဲ့ ယေဒါဗက်သရားဆိုတဲ့ ခရစ်ယာန်ရွာတို့ဟာ ညီအစ်ကိုတွေလို သင့်သင့်မြတ်မြတ် နေထိုင်ကြပါတယ်။ ဒီစည်းလုံးမှုကြောင့် နိုင်ငံရေးသမားတွေ အလွယ်တကူ အမြတ်ထုတ်လို့မရသလို ရွာတွေကို ဒုက္ခပေးပြီး အကျိုးအမြတ်ရှာချင်သူတွေကိုလည်း အလီဘိုင်က ရင်ဆိုင်ပေးနေတယ်။ ဆိုလိုင်မန်အလီလို့ အမည်ရတဲ့ အလီဘိုင်ကို မာလစ်၊ ဂေါ့ဖားသားလို့လည်း ခေါ်ကြပါတယ်။ သူက ကိုယ့်ရွာနဲ့ ပြည်သူတွေ ကောင်းစားဖို့ဆို လူမျိုးမခွဲဘဲ လုပ်ပေးတတ်သူပါ။ အသက်စွန့်ရမလား၊ လူသတ်ရမလားဆိုတာအထိ အရဲစွန့်ဖို့ အသင့်ရှိတာကြောင့် အများအမြင်မှာတော့ လူမိုက်ကြီးတစ်ယောက် ဖြစ်နေတယ်။ တစ်ဖက်မှာလည်း တစ်မြို့နယ်လုံးက သူ့စကားကို လေးစားနားထောင်ကြပါတယ်။ အများအကျိုးအတွက် လုပ်ရင်း အခြေအနေတွေကြောင့် ဒီဘဝကို ရောက်လာတဲ့ အလီဘိုင်မှာ ရန်သူတွေလည်း မနည်းပါဘူး။ နောက်ဆုံး ကိုယ့်လူရင်းတွေကပါ အကောက်ကြံလာတဲ့အခါ သူ့ဘဝ ဘယ်ဘက်ကို ဆက်ဦးတည်သွားမလဲဆိုတာ ရင်ဆိုင်ရတော့မှာပါ။

JL 50 Season 1 (2020) အချိန်၏ နက်နဲသော လျှို့ဝှက်ချက်များအားလှန်လှောရှာဖွေခြင်း Imdb 7.3 လူသားတွေက အတိတ်ကို ပြန်သွားနိုင်ဖို့ ဒါမှမဟုတ် အနာဂတ်ကို ကြိုတင်မြင်နိုင်ဖို့ အမြဲတမ်း အိပ်မက်မက်ကြပါတယ် အချိန်ခရီးသွားခြင်းရဲ့ သီအိုရီတွေ ဖြစ်နိုင်ခြေတွေနဲ့ ပတ်သက်ပြီး ရုပ်ရှင်တွေစာအုပ်တွေ အများကြီး ထွက်ရှိခဲ့ပေမဲ့ တကယ့်လက်တွေ့မှာ ဖြစ်နိုင်ပါ့မလားဆိုတာကတော့ လျှို့ဝှက်နက်နဲနေဆဲပါ JL 50 Season 1 က အဲဒီမေးခွန်းကို စိတ်ကူးယဉ် ဆန်ဆန်နဲ့ သည်းထိတ်ရင်ဖိုစရာကောင်းတဲ့ ဇာတ်လမ်းအဖြစ် ပြောင်းလဲတင်ဆက်ထားပါတယ် နှစ်ပေါင်း ၃၅ နှစ်ကြာ ပျောက်ဆုံးနေတဲ့ လေယာဉ်တစ်စီးက ဘယ်လိုလုပ် ရုတ်တရက် ပြန်ပေါ်လာတာလဲ အချိန်ခရီးသွားမှုတွေကြောင့်လား ဒါမှ မဟုတ် လူသားတွေရဲ့ မသိသေးတဲ့ နည်းပညာတွေကြောင့်လား ဒီစီးရီးကို ကြည့်ပြီး အချိန်ခရီးသွားခြင်းရဲ့ ဖြစ်နိုင်ခြေတွေနဲ့ မဖြစ်နိုင်တဲ့အကြောင်းအရာတွေကို ကြည်ရှုသူတို့ကိုယ်တိုင် စဉ်းစားသုံးသပ်ပြီး လိုက်ပါစီးမျောလိုက်ပါဦးရှင်။ အနောက်ဘင်္ဂလားပြည်နယ်ရဲ့ တောနက်နက်ထဲမှာ လေယာဉ်ပျက်ကျမှုတစ်ခု ဖြစ်ပွားခဲ့တယ် ပထမတော့ သာမန်လေယာဉ်ပျက်ကျမှုလို့ ထင်ခဲ့ကြပေမဲ့... မကြာခင်မှာပဲ အမှန်တရားက ထင်ထားတာထက် အများကြီး ပိုပြီး ထိတ်လန့်စရာကောင်းတာကို တွေ့လာရပါတယ် CBI ရဲ့ စုံစမ်းရေးမှူးရှန်တာနူက ဒီထူးဆန်းတဲ့ အမှုကို စုံစမ်းဖို့ ရောက်လာခဲ့သူပါ ပျက်စီးနေတဲ့ လေယာဉ်ရဲ့ အပိုင်းအစတွေကြားမှာ သူ ရှာဖွေတွေ့ရှိလိုက်တဲ့ အရာတစ်ခုကတော့ လွန်ခဲ့တဲ့ ၃၅ နှစ် အတိအကျက ပျောက်ဆုံးသွားခဲ့တဲ့ "JL 50" လေယာဉ်ရဲ့ မှတ်တမ်းတင် အချက်အလက်တွေပါပဲ ဘယ်လိုလုပ်ပြီး နှစ်ပေါင်း ၃၅ နှစ်ကြာ ပျောက်ဆုံးနေတဲ့ လေယာဉ်တစ်စီးက အခုမှ ပြန်ပေါ်လာရတာလဲ ဒီမေးခွန်းရဲ့ အဖြေကိုရှာဖွေရင်း ရှန်တာနူက အချိန်နဲ့ ပတ်သက်တဲ့ မယုံကြည်နိုင်စရာ လျှို့ဝှက်ချက်တွေနဲ့ ရင်ဆိုင်ရပါတော့တယ် လေယာဉ်ပေါ်မှာ ပါလာတဲ့ ခရီးသည်တွေရော ဘယ်ရောက်သွားကြတာလဲ ဒီဖြစ်ရပ်ရဲ့ နောက်ကွယ်မှာ ဘယ်သူတွေ ရှိနေမလဲ အပိုင်းတစ်ပိုင်းပြီးတိုင်း နောက်ဘာဆက်ဖြစ်မလဲဆိုတာကိုကြည့်ရှုရမဲ့ သည်းထိတ်ရင်ဖို ဇာတ်ဝင်ခန်းတွေ မယုံကြည်နိုင်စရာ ဇာတ်ကွက်လှည့်ကွက်တွေနဲ့ JL 50 Season 1က ကြည့်ရှုသူကို တစ်စက္ကန့်လေးတောင် မျက်စိလွှဲလို့ မရအောင် ဆွဲဆောင်ထားမှာ အသေအချာပါပဲ အချိန်ရဲ့ နိယာမတွေကို စိန်ခေါ်မဲ့ခရီးစဉ်မှာ အတူလိုက်ပါကြည့်လိုက်ပါဦးနော် ( အညွှန်းနဲ့ ဘာသာပြန်ကတော့ Yunni ပဲဖြစ်ပါတယ် ) File Size –400 MB (Appx;)@Episode Quality – 1080p WEB DL Duration – 30minute (@Episode) Total Episodes: 4Eps Subtitle – Myanmar Hardsub Format – Mp4 Genre : Drama, Sci-Fi & Fantasy Translator – Yunni Encoder – YK

Paatal Lok (2020) ငရဲပြည်... အခုတစ်ခါ ပရိသတ်ကြီးအတွက် တင်ဆက်ပေးချင်တဲ့ စီးရီးလေးကတော့ Amazon Prime ကနေ Streaming ပြနေတဲ့ Crime-Thriller စီးရီးလေးပဲ ဖြစ်ပါတယ် ဇာတ်လမ်းလေးရဲ့နာမည်ကိုက ဘာသာပြန်လိုက်ရင် ငရဲပြည်လို့ အဓိပ္ပာယ်ရပါတယ် ဇာတ်လမ်းထဲမှာ နတ်ပြတ် လူ့ပြည် ငရဲပြည်ဆိုတဲ့ လောကသုံးပါးကို အိန္ဒိယရဲ့လူတန်းစားအလွှာတွေနဲ့ နှိုင်းယှဉ်ပြထားတာပါ ဒီငရဲပြည်နဲ့တူတဲ့ အောက်ခြေလူတန်းစားအလွှာ‌တွေရှိတဲ့မှာ ရဲလုပ်နေရတဲ့ ချောင်ဒရီအတွက်ကတေ့ာ ကိုယ်တိုင်ငရဲကျနေသလိုပါပဲ နေ့စဉ် ရိုက်မှုခိုးမှုတွေနဲ့ ပတ်လည်ရိုက်နေပြီးတော့ ရာထူးလဲမတက် စခန်းလဲမပြောင်း ရဲဘဝကို စိတ်ကုန်နေသူတစ်ယောက်ပါပဲ အဲ့အချိန် သူ့နယ်ထဲမှာ အထက်ဌာနချုပ်ကပါ လူကြားထဲ ကိုယ်တိုင်လိုက်ဖမ်းရတဲ့ လူသတ်ဖို့ကြံနေတဲ့ လူဆိုးလေးယောက်ကို သူ့စခန်းမှာချုပ်ပြီးတော့ စစ်ဆေးစုံစမ်းရဖို့ ဖြစ်လာပါတယ်.... သူတို့သတ်ဖို့ကြံနေတဲ့သူကလည်း အမှန်တွေတအားဖော်တဲ့ နာမည်ကြီးသတင်းထောက်တစ်ယောက်ဖြစ်နေတာ သိလိုက်ရတဲ့အခါ ဒီလိုလုပ်ဖို့ကြံတာ ဘယ်သူလဲ ဘယ်အဖွဲ့အစည်းကလဲ နောက်ကွယ်မှာ ဘယ်သူတွေရှိနေလဲဆိုတာ ရဲမှူးချောင်ဒရီတစ်ယောက်စုံစမ်းရင်းနဲ့ ဘယ်အတိုင်းအတာထိ နက်ရှိုင်းသွားမလဲဆိုတာတော့..... အညွှန်းနဲ့ဘာသာပြန်ကတော့ CM Bollywood Team ကပဲ ဖြစ်ပါတယ် File Size –700MB (Appx;)@Episode Quality – 1080p WEB DL  Duration – 42minute (@Episode) Total Episodes: 9Eps Subtitle – Myanmar Hardsub Format – Mp4 Genre : Crime ~ Drama Translator – CM Bollywood Team  Encoder –  YK

၂၀၂၀ ကိုဗစ်ကာလမှာ ဇာတ်ကားတွေ ရှားပါးတဲ့အထဲ မင်းသားကြီး အရှေးကတော့ Remakeတစ်ခုဖြစ်တဲ့ Laxmiiက ထွက်လာခဲ့ပါတယ်။ အားလုံးလည်း မင်းသားကြီးကို လွမ်းနေမယ်ဆိုတာ သေချာပါတယ်။ ဇာတ်လမ်းအကြောင်းအရာကတော့ အရင် တာတေကြီးလို့ အများသိတဲ့ Kanchanaနဲ့ မကွာတော့ ထွေထွေထူးထူး ပြောပြနေစရာ မလိုဘူး ထင်ပါတယ်။ အရင်ကားဟောင်းကို မကြည့်ဖူးသူတွေအတွက် ပြောပေးရမယ်ဆိုရင် တစ္ဆေမကြောက်တတ်တဲ့ လူတစ်ယောက်ကို အဖြစ်ဆိုးနဲ့သေဆုံးခဲ့ရတဲ့ လူတစ်ယောက်က ဝင်းပူးတာပါ။ အဖြစ်ဆိုးအတွက် သူ့ရဲ့ တုန်ပြန်မှု၊ သူ့ဘဝနောက်ကြောင်းတွေ၊ သူရဲ့ ကြင်နာသနားတတ်မှုတွေက ကြည့်ရှုသူတိုင်းကို သနားကရုဏာသက်စေမှာပါ။ ဒီတော့ တခြားခန္ဓာကိုယ်တစ်ခုမှာ ဝင်ပူးပြီး သူ ဘာလုပ်မယ် ဆုံးဖြတ်ခဲ့သလဲ ဘယ်လိုတွေ ကြံစည်လာဦးမလဲ ဆိုတာကို ဟာသနှောပြီး ကြည့်ရှုရမှာပါ။ ဇာလမ်းအညွှန်းနဲ့ဘာသာပြန်သူက Myint Thu နဲ့ Nyi Koeတို့ပဲ ြဖစ်ပါတယ်.... File Size :(1.28GB) and (494MB) Quality : WEB-DL 720p Format…mp4 Duration…02:21:00 Genre : Action,Comedy,Horror Subtitle : Myanmar Subtitle (Hard Sub) Translated by Myint Thu & Nyi Koe Encoded by Phyo Pyae

Kodathi Samasksham Balan Vakeel 2019 ဟာသဆန်ဆန်နဲ့စိတ်ဝင်စားဖို့ကောင်းတဲ့ မှုခင်းဇာတ်ကား​ဟောင်းလေးကိုတင်ဆက်ပေးချင်ပါတယ် ဘာလာခရစ်ရှ်နန်က ရှေ့နေ့တစ်ယောက်ဖြစ်ပြီးတော့ စကားထစ်တဲ့သူဖြစ်တဲ့အတွက်ကြောင့် အလုပ်မှာထက်မြတ်သလောက် နေရာမရတဲ့သူပါ တစ်နေ့မှာ အဖေဖြစ်သူ ငွေလိုအပ်တာကြောင့် ယောက်ဖဖြစ်သူအပ်တဲ့ အမှုကို ကူညီဖို့လုပ်ရာကနေ အရှုပ်တွေဖြစ်လာတဲ့အခါ.... အာနူရာဒါက အဖေတစ်ခုသမီးတစ်ခု​နေတဲ့သူဖြစ်ပြီး အဖေဖြစ်သူက လူတစ်ယောက်နဲ့တွေ့ဖို့ ထွက်သွားရာကနေ ပျောက်သွားတာကြောင့် ရဲစခန်းမှာ တိုင်ကြားချက်ဖွင့်ထားသူပါ သူကလည်း ဘာလာခရစ်ရှ်နန်ရဲ့ အရှုပ်အထွေးမှာ ပါဝင်မိရာကနေ ဘယ်လိုတွေဆက်ဖြစ်ကြမှာလဲ စကားထစ်ရှေ့နေတစ်ယောက် ဒီအရှုပ်အထွေးကို ဘယ်လို​ဖြေရှင်းမှာလဲဆိုတာ ဆက်လက်စောင့်ကြည့်ပါဦးနော် File size…2.4GB / 1.2GB Quality…1080p Web DL AAC 5.1ch /720p Format...mp4 Duration….2h 35min Subtitle….Myanmar Subtitle (Hard Sub)

၂၀၁၉ ထွက် အောင်မြင်ခဲ့တဲ့ ဟာသ ဒရာမာကားကောင်းတစ်ကားနဲ့မိတ်ဆက်ပေးချင်ပါတယ် ဇာတ်လမ်းလည်း ကောင်းသလို သရုပ်ဆောင်တွေလည်း အမှန်အကန်တွေချည်းပဲမို့ ဘောလီဝုဒ်ဖန်တွေ အကြိုက်တွေ့မှာပါ ချင်တူးတေယာဂီဆိုတဲ့ လူငယ်တစ်ယောက်ဟာ မိဘတွေစီစဉ်ပေးတဲ့ ဂွတ်ဒီးဆိုတဲ့ကောင်မလေးနဲ့ လက်ထပ်လိုက်ရပါတယ် အိမ်ထောင်သက် ၃ နှစ်ကြာသွားတဲ့အခါ သူတို့နှစ်ယောက်ရဲ့ အိမ်ထောင်ရေးမှာ ပျော်ရွှင်မှုတွေ တစတစကုန်ဆုံးလာပါတော့တယ် ဒီတော့ ပျော်ရွှင်မှုငတ်မွတ်နေတဲ့ ချင်တူးတစ်ယောက် အလုပ်ကိစ္စတစ်ခုနဲ့ တပက်စ်ယားဆင့်ဆိုတဲ့ မိန်းကလေးနဲ့ ဆုံခဲ့ပါတယ် ပျောက်ဆုံးနေတဲ့အပျော်ရွှင်ကို ပြန်ရှာရင်း ချင်တူး ဂွတ်ဒီးနဲ့ တပက်စ်ယားတို့ကြားမှာ လင်၊ မယားနဲ့ ထိုအရာ(သူ/သူမ) ဆိုတဲ့ ဇာတ်လမ်းတစ်ပုဒ် ဖြစ်ပေါ်လာပါတော့တယ် Family Comedy ဇာတ်ကားကောင်းတစ်ကားမို့လို့ တခွီခွီနဲ့ မိသားစုနဲ့အတူ ခံစားကြည့်လိုက်ပါဦး ဇာတ်လမ်းအညွှန်းနဲ့ဘာသာပြန်သူကတော့ Zaw Htoo ပဲဖြစ်ပါတယ်…. File Size : (950 MB) and (480 MB) Quality : AMZN WEB-DL 720p Running Time : 2hr 06min Format : Mp4 Genre : Comedy, Romance Subtitle : Myanmar Subtitle (Hard Sub) Source : 1080p AMZN WEBRip x264 DD 5.1-LOKiHD-Telly Translated by Zaw Htoo Encoded by Thanhtike Zaw