ရုပ်ရှင်အသစ်များ

ဒီဇာတ်ကားလေးကတော့ တစ်ညတာအတွင်း ဖြစ်ပျက်ခဲ့တဲ့ အဖြစ်အပျက်ကို ရိုက်ကူးထားတဲ့ အက်ရှင်ကားလေးပဲ ဖြစ်ပါတယ်။ ရဲအရာရှိတွေ နိုင်ငံရေးခေါင်းဆောင်တွေနဲ့ပေါင်းပြီး နိုင်ငံခြားကို မှောင်ခိုပစ္စည်းတွေပို့နေတဲ့ အကြီးစားလူဆိုးဂိုဏ်းကြီးတစ်ခုရှိပါတယ်။ တစ်ညမှာတော့ ဂိုဏ်းခေါင်းဆောင်ရဲ့မွေးနေ့ပါတီကျင်းပရင်း အကြီးစားမှောင်ခိုတင်ပို့မှုလုပ်ဖို့အတွက် ဆိပ်ကမ်းတစ်ခုမှာ အလုပ်သမားတွေနဲ့ ပါတီလုပ်နေချိန် ဂျန်စီတို့သားအမိ ငှားလာတဲ့သုံးဘီးသမားက ပါတီက ဒံပေါက်အလကားစားဖို့ အဲ့ဒီနေရာကို သွားယူချိန်မှာ မမျှော်လင့်ဘဲ သုံးယောက်စလုံး အဖမ်းခံလိုက်ရပါတယ်။ ကံကောင်းလို့ လွတ်လာခဲ့ပေမယ့် သမီးလေးရဲ့အိတ် ကျန်ခဲ့လို့ နောက်တစ်ခေါက် ပြန်သွားယူချိန်မှာတော့ အားလုံး ရှုပ်ကုန်ပြီး ဘာတွေဘယ်လိုဆက်ဖြစ်လာမလဲ။ အဲ့ဒီအိတ်က ဘာလို့ အဲ့လောက်အရေးကြီးရတာလဲ။ လူဆိုးဂိုဏ်းရဲ့အစီအစဉ်တွေ ဘယ်လိုကမောက်ကမ ဖြစ်ကုန်မလဲဆိုတာကို စိတ်ဝင်တစား ကြည့်ရှုရမယ့် အက်ရှင်ကားလေးပဲ ဖြစ်ပါတယ်။ ဒီဇာတ်ကားမှာ လာလ်ချယ်တာ အဖြစ် မင်းသား Shakthi Vasu ၊ မစ္စတာခန်း အဖြစ် မင်းသား Kabir Duhan Singh နဲ့ ဂျန်စီ အဖြစ် မင်းသမီး Cynthia Lourde တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

Nothing to Lose ဟာ စိတ်လှုပ်ရှားမှုရော ရင်နင့်စရာ ခံစားချက်တွေကိုပါ ပေးစွမ်းနိုင်မယ့် Action, Drama နဲ့ Comedy ရုပ်ရှင်ကားကောင်းတစ်ကားဖြစ်ပါတယ်။ ဒါရိုက်တာ Ludovic Colbeau-Justin နဲ့ Nawell Madani တို့ ပူးပေါင်းဖန်တီးထားတဲ့ ဒီဇာတ်ကားဟာ မိခင်မေတ္တာရဲ့ ကြီးမားပုံနဲ့ ဘဝရဲ့ ကြမ်းတမ်းတဲ့ အချိုးအကွေ့တွေကို အကောင်းဆုံး ပုံဖော်ရိုက်ကူးထားပါတယ်။ ဇာတ်လမ်းအကျဉ်းချုပ်အနေနဲ့ကတော့ Jada ဆိုတဲ့ အမျိုးသမီးဟာ သူမရဲ့ လက်တွဲဖော်နဲ့အတူ ကလေးရဖို့အတွက် အချိန်အကြာကြီး ခက်ခက်ခဲဲ ကြိုးစားခဲ့ရပါတယ်။ နောက်ဆုံးမှာတော့ သန္ဓေသားလှူဒါန်းမှု အကူအညီနဲ့ ကလေးလေးတစ်ယောက်ကို အောင်မြင်စွာ မွေးဖွားနိုင်ခဲ့ပါတယ်။ ဒါပေမယ့် နှစ်အနည်းငယ်ကြာတဲ့အခါမှာတော့ Jada ဟာ Single Mother တစ်ယောက်အနေနဲ့ ရပ်တည်နေရပြီး သူမရဲ့ချစ်လှစွာသော သားလေးမှာ သွေးကင်ဆာရောဂါခံစားနေရကြောင်း ရုတ်တရက် သိလိုက်ရတဲ့အခါမှာတော့ သူမရဲ့ဘဝဟာ ကြီးမားတဲ့ အလှည့်အပြောင်းတစ်ခုကို ရောက်ရှိသွားပါတော့တယ်။ သားလေးရဲ့ အသက်ရှင်သန်ရေးအတွက် ဘာမဆိုစွန့်လွှတ်ရဲတဲ့ မိခင်တစ်ယောက်ရဲ့ ကြိုးပမ်းအားထုတ်မှုတွေကို အက်ရှင်နဲ့ ဒရာမာရသတွေ ရောယှက်ပြီး ကြည့်ရှုရမှာ ဖြစ်ပါတယ်။ ဒီဇာတ်ကားလေးဟာ မိသားစု၊ မေတ္တာတရားနဲ့ ဘဝရဲ့ စိန်ခေါ်မှုတွေကို ရသစုံလင်စွာ ခံစားကြည့်ရှုချင်သူတွေအတွက် လက်မလွှတ်သင့်တဲ့ ဇာတ်ကားတစ်ကား ဖြစ်ပါတယ်။

ဒီဇာတ်ကားလေးကတော့ ၁၉၉၀ ပြည့်လွန်နှစ်များမှာ ပန်ဂျပ်ပြည်နယ်ရဲ့ နိုင်ငံရေးနောက်ခံအခြေအနေနဲ့ လူ့အခွင့်အရေးလှုပ်ရှားမှုအကြောင်းကို ရိုက်ကူးထားတဲ့ဇာတ်ကားလေးပဲဖြစ်ပါတယ်။ အဲ့ဒီကာလက ပန်ဂျပ်ပြည်နယ်မှာ ရဲတပ်ဖွဲ့တွေက သူပုန်တွေကို နှိမ်နှင်းရေးဆိုတဲ့ ခေါင်းစဉ်အောက်ကနေ အာဏာကုန် ရယူပြီး ရာထူးတက်ရေးအတွက် အပြစ်မဲ့ပြည်သူတွေကို သူပုန်စာရင်းသွင်းပြီး တရားလက်လွတ် သတ်ဖြတ်နေတဲ့အချိန်ပါ။ အခြေအနေမှန်ကို သာမန်ဘဏ်စာရေး ဂျက်ဆဝမ်ဆင်းက သိသွားချိန်မှာ ရဲတွေရဲ့လုပ်ရပ်ကို ဖော်ထုတ်ပြီး အထက်ကို တိုင်းကြားခဲ့ပါတယ်။ ဂျက်ဆဝမ်ဆင်း အတွက် ထောက်ခံသူတွေ များပြားလာပြီး နိုင်ငံတကာက ဒီကိစ္စကို စိတ်ဝင်စားလာချိန်မှာ ရုတ်တရက် ဂျက်ဆဝမ်ဆင်းက ပျောက်သွားခဲ့ပါတယ်။ သူ့ကို ရှာဖို့ CBI က အရာရှိ ဆာမူဒရာဆင်း ရောက်လာချိန်မှာ ဘယ်လိုတွေဆက်ဖြစ်မလဲ ဆိုတာကို စိတ်ဝင်တစား ကြည့်ရှုရမယ့် ဇာတ်ကားလေးပဲဖြစ်ပါတယ်။ ဒီဇာတ်ကားမှာ ဂျက်ဆဝမ်ဆင်း အဖြစ် မင်းသား Daljit Singh Dosanjh ၊ CBI ရဲအရာရှိ ဆာမူဒရာဆင်း အဖြစ် မင်းသား Arjun Rampal နဲ့ ပါမီ အဖြစ် မင်းသမီး Veer Abhinav တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

ဒါရိုက်တာ Steven Quale (Final Destination 5, Into the Storm) ရိုက်ကူးထားတဲ့ "Black Box" ရုပ်ရှင်ဟာ လေယာဉ်ပေါ်မှာ ဖြစ်ပျက်တဲ့ သည်းထိတ်ရင်ဖို Sci-Fi, Horror အမျိုးအစား ဇာတ်ကားတစ်ကား ဖြစ်ပါတယ်။ "The Twilight Zone" ထဲက "Nightmare at 20,000 Feet" ဇာတ်လမ်းကို အမှတ်ရစေမယ့် ဒီရုပ်ရှင်ဟာ လေယာဉ်ခရီးစဉ်တစ်ခုအတွင်းက အသက်လုရုန်းကန်ရမှုတွေကို ရှုစားရမှာပါ။ ဆီယက်တဲလ် (Seattle) ကနေ နယူးအော်လင်းစ် (New Orleans) ကို ပျံသန်းမယ့် Vero Airlines လေကြောင်းလိုင်းရဲ့ ခရီးစဉ်အမှတ် ၂၉၈ ဟာ သာမန်ခရီးစဉ်တစ်ခုကနေ အိပ်မက်ဆိုးတစ်ခုအဖြစ် ပြောင်းလဲသွားပါတယ်။ လေယာဉ်ပေါ်မှာ ရှင်းပြလို့မရတဲ့ နည်းပညာပိုင်းဆိုင်ရာ ချို့ယွင်းချက်တွေနဲ့ မသင်္ကာဖွယ်ရာ ရောဂါကူးစက်မှုတွေ ဖြစ်ပွားလာတဲ့အပြင် ညကောင်းကင်ယံမှာလည်း ထူးဆန်းတဲ့ အလင်းရောင်တွေ၊ ဂြိုဟ်သားတွေလိုမျိုး ထူးဆန်းတဲ့ အရာတွေကို တွေ့လာရပါတယ်။ ခရီးသည်တစ်ဦးဖြစ်တဲ့ ဇာတ်ကောင် Jeremy (Tom Brittney) အပါအဝင် လေယာဉ်ပေါ်က ခရီးသည်တွေဟာ ထိတ်လန့်ကြောက်ရွံ့မှုတွေနဲ့အတူ အသက်ရှင်ကျန်ရစ်ဖို့ ကြိုးစားရုန်းကန်ရပုံတွေကို ရိုက်ကူးထားပါတယ်။ Black Box ဟာ အရမ်းဆန်းသစ်တီထွင်ထားတဲ့ ဇာတ်ကားမျိုး မဟုတ်ပေမယ့် ဒါရိုက်တာ Quale ရဲ့ ရိုက်ကူးမှုစွမ်းရည်ကြောင့် ပရိသတ်ကို ဇာတ်လမ်းအစကနေ အဆုံးထိ စိတ်ဝင်တစားနဲ့ လိုက်ပါစီးမျောစေမယ့် ဇာတ်ကားကောင်းတစ်ကား ဖြစ်ပါတယ်။ Sci-Fi နဲ့ Thriller ဇာတ်ကားတွေကို ကြိုက်နှစ်သက်သ

ကဲဒီတစ်ခေါက်တော့ အက်ရှင်ဇာတ်ကားကြိုက်နှစ်သက်သူတွေအတွက် အသက်ရှူမှားလောက်တဲ့အထိ သည်းထိတ်ရင်ဖိုဖွယ်ရာ ရိုက်ကူးထားတဲ့ ဇာတ်လမ်းကောင်းတစ်ကားနဲ့ မိတ်ဆက်ပေးချင်ပါတယ်။ ရုပ်ရှင်ရဲ့အစကနေအဆုံးထိ ပရိသတ်ကို စိတ်လှုပ်ရှားမှုအပြည့်ပေးစွမ်းနိုင်ပြီး တိုက်ခိုက်ရေးခန်းတွေရဲ့ လက်ရာမြောက်မှုကလည်း ပြောစရာမလိုအောင်ကို ကောင်းမွန်ပါတယ်။ အထူးသဖြင့် ဇာတ်ဆောင်တွေရဲ့ စိတ်ပိုင်းဆိုင်ရာ ရုန်းကန်မှုတွေနဲ့အတူ လူကုန်ကူးမှုလိုမျိုး အမှောင်လောကရဲ့ ရက်စက်မှုတွေကိုပါ ပေါ်လွင်အောင် တင်ဆက်ထားတာကြောင့် ပုံမှန်အက်ရှင်ကားတွေထက် ပိုမိုနက်ရှိုင်းတဲ့ ခံစားချက်ကို ရရှိစေမှာပါ။ ဒီကားကို ဘာကြောင့်ကြည့်သင့်တာလဲဆိုရင် အက်ရှင်ဇာတ်လမ်းတစ်ပုဒ်အနေနဲ့တင်မကဘဲ ဖခင်တစ်ယောက်ရဲ့ မေတ္တာ၊ အနစ်နာခံမှုနဲ့ မိသားစုကို ကာကွယ်လိုစိတ်ဆိုတဲ့ လူသားဆန်တဲ့ စိတ်ခံစားမှုတွေကိုပါ ရောယှက်တင်ပြနိုင်လို့ပါ။ အတူတူကြည့်ရှုနေရင်းနဲ့ အခက်အခဲတွေကို ဘယ်လိုအဆုံးအထိ ရင်ဆိုင်သွားလဲဆိုတာကို မြင်တွေ့ရမှာဖြစ်ပြီး ဇာတ်ဝင်ခန်းတိုင်းမှာလည်း အချိန်ကိုက် တင်းမာမှုတွေနဲ့ ပြည့်နှက်နေတာကြောင့် တစ်မိနစ်တောင် အကြည့်လွှဲလို့မရပါဘူး။ အဓိကအားဖြင့် မိမိချစ်ရတဲ့သူတွေအတွက် ဘယ်လောက်ပဲခက်ခဲပါစေ နောက်မဆုတ်ဘဲ ရုန်းကန်ဖို့ဆိုတဲ့ စိတ်ဓာတ်ခွန်အားမျိုးကို ရရှိစေမှာဖြစ်ပြီး အဆိုးရွားဆုံးအခြေအနေတွေမှာတောင်မှ ကိုယ့်ကိုယ်ကိုယ် ယုံကြည်မှုနဲ့ ရင်ဆိုင်ကျော်ဖြတ်နိုင်တယ်ဆိုတာကို သင်ခန်းစာယူနိုင်ပ

ဒီတစ်ခါပရိသတ်ကြီးကို တင်ဆက်ပေးချင်တာကတော့ ဘာသာရေးနှီးနွယ်တဲ့ အိန္ဒိယခေတ်ပေါ်အက်ရှင်ကားလေးပဲဖြစ်ပါတယ်။ ဒဏ္ဍာရီဆန်ဆန်အကြောင်းတွေကို ရောသမမွှေပြီး လက်ရှိခေတ်နဲ့ရောစပ်ဇာတ်လမ်းဆင်ပြီးတော့ စိတ်ဝင်စားဖွယ်ကောင်းအောင် ရိုက်ကူးထားပါတယ်။ တာဗိုင်ဆိုတာ နိုပင်လယ်ဝဲဂယက်ထဲကနေ လက်ရှ်မီးမယ်တော်ထက်အရင်မွေးလာတဲ့ လက်ရှ်မီးမယ်တော်ရဲ့အမြွှာအစ်မ ဒုက္ခတိုရဲ့နတ်ဘုရား အလက်ရှ်မီးဖြစ်ပါတယ်။ ၁၈၈၀ ခုနှစ်လွန်ကာလတုန်းက အတ္တကြီးပြီး ရက်စက်တဲ့ မဟာရာဂျာတစ်ပါးရဲ့ ယုတ်မာမှုတွေကြောင့် ဆစ်ဒ်ပူရ်ရွာလေးဟာ တာဗိုင်ရဲ့ ပြင်းထန်တဲ့ကျိန်စာသင့်ခဲ့ပါတယ်။ အဲဒီကျိန်စာကြောင့် မဟာရာဂျာမိသားစုဟာ မျိုးဆက်တစ်ခုပြီးတစ်ခု အဆိုးတွေကြုံရပြီး ဆစ်ဒ်ပူရ်ရွာလေးဟာလည်း မိုးခေါင်ရေရှားဒုက္ခတွေကြုံနေရပါတယ်။ ဘယ်နည်းလမ်းနဲ့ကြိုးစားစား အဆင်ပြေမလာတဲ့ နောက်ဆုံးမှာတော့ ပရာမန်ဒရာဆိုတဲ့ မဟာရာဂျာမျိုးဆက်က သူ့မိသားစုနဲ့ ရွာလေးကို ပျက်စီးခြင်းကနေ ကယ်တင်ဖိုအတွက် ဒီမျိုးရိုးကျိန်စာဆိုးရဲ့ နောက်ကွယ်က လျှိဝှက်ချက်တွေကို ဖော်ထုတ်ဖြေရှင်းဖို ကြိုးစားရပါတော့တယ်။ ဘာတွေဆက်ဖြစ်သွားမလဲဆိုတာတော့ ပရိသတ်ကြီးကိုယ်တိုင်ပဲ ကြည့်ရှုခံစားနိုင်ဖို့ ဘာသာပြန်တင်ဆက်ပေးလိုက်ပါတယ်။

အက်ရှင်ကားကောင်းကောင်း မျှော်နေတဲ့အိန္ဒိယပရိသတ်ကြီးအတွက် တောင်ပိုင်းဇာတ်ကြမ်းကားတစ်ခု တင်ဆက်ပေးချင်ပါတယ် အရင်ခေတ်ဇာတ်ကားတွေရဲ့ အငွေ့အသက်ကို အပြည့်အဝရတဲ့အပြင် ရိုက်ချက်တွေကလည်း ခေတ်မှီတာမို့ အက်ရှင်ကားပရိသတ်တွေ အကြိုက်တွေ့ကြမှာ သေချာပါတယ် ဇာတ်လမ်းလေးကတော့...နီလာ ရဲ့ အဖေက ကရာတေးဆရာပါ သူ့ကို ငယ်ငယ်လေးတည်းက အနိုင်ကျင့်တာခေါင်းငုံ့မခံဖို့ မတရားမှုတွေလက်ပိုက်မကြည့်တတ်ဖို့ အဖေက ဆုံးမပေးခဲ့ပါတယ် ဆုံးမပေးတဲ့အပြင် တိုက်ခိုက်ရေးပညာကိုလည်း တစ်ဖက်ကမ်းခတ် သင်ပေးလိုက်ပါသေးတယ်...အဖေနဲ့သမီးကပဲ ကြမ်းတာလားဆိုတော့ မဟုတ်ပါဘူး။ သူတို့မာမီကလည်း ကရာတေးပညာရှင်တစ်ယောက်ပါ။ ဖိုက်တာမိသားစုဆိုတော့ ထစ်ခနဲရှိတွယ်နေကျလုပ်ရင်း နီလာတစ်ယောက် သတို့သားကို ရှာမတွေ့နိုင်သေးပါဘူး။ သူ့အမေက သမီးလေးကို မိန်းမသားပီပီ နေရာတကာလက်မပါဖို့ ဆုံးမနေရင်း နီလာ တစ်ယောက် မတရားမှုကို ခေါင်းငုံ့မခံ ဖြေရှင်းဖို့ ထုံးစံအတိုင်း လူတစ်ယောက်ကို တွယ်ထုတ်လိုက်ပါတယ်။ သူတွယ်ထုတ်လိုက်တဲ့လူရဲ့နောက်ကွယ်မှာ သပွတ်အူအရှုပ်ထုပ်ကြီး ရှိနေတဲ့အခါမှာတော့..... အက်ရှင်ကားဆိုပေမယ့် ဇာတ်လမ်းအချိတ်အဆက်တွေက မိုက်တဲ့အပြင် မိသားစုသုံးယောက် Aura Farm တဲ့ အကွက်တွေကလည်း အရမ်းကြမ်း မင်းသမီးလေးနှစ်ယောက်ကလည်း ကြမ်းတမ်းပြနေပေမယ့် ရုပ်လေးတွေလည်း ချောချောလှလှလေးတွေဆိုတော့ အက်ရှင်ကားကိုမှ ဇာတ်လမ်းဇာတ်ကွက်ကောင်းကောင်းကြိုက်သူတွေ လက်မလွတ်သင့်တဲ့ ဇာတ်ကားလေ

ဒီတစ်ခါမှာတော့ စန္ဒယားကီးခလုတ်တွေရဲ့ တုန်ခါမှုနဲ့အတူ ဘဝရဲ့ အနိမ့်အမြင့် သံစဉ်တွေကို ရင်ထဲတငြိမ့်ငြိမ့်နဲ့ စီးမျောခံစားရမယ့် "Tuner" ဆိုတဲ့ ဒရမ်မာကားကောင်းလေးတစ်ကားနဲ့ မိတ်ဆက်ပေးချင်ပါတယ်။ ဇာတ်လမ်းလေးကတော့ ဆူညံသံတွေကို ထိခိုက်ခံစားရလွယ်တဲ့ (Hyperacusis) ဝေဒနာရှိပေမဲ့ အဲဒီထူးခြားတဲ့ အကြားအာရုံကြောင့်ပဲ စန္ဒယားတွေကို အနုစိတ်ဆုံးအထိ တိတိကျကျညှိပေးနိုင်တဲ့ ပါရမီရှင် အသံညှိဆရာ လူငယ်လေး နီကီ ရဲ့ ဘဝကနေ စတင်ထားပါတယ်။ သူက သူ့ရဲ့ဖခင်လိုပဲ လေးစားရတဲ့ ဝါရင့်အသံညှိဆရာကြီး ဟာရီ ရဲ့ လက်အောက်မှာ ပညာသင်ရင်း ဘဝကို အေးအေးချမ်းချမ်း ဖြတ်သန်း‌နေတဲ့သူတစ်ယောက်ပါ။ ဒါပေမဲ့ တစ်ရက်မှာတော့ ဆရာဖြစ်သူ ဟာရီတစ်ယောက် ရုတ်တရက် နှလုံးရောဂါအပြင်းအထန်ဖြစ်ပြီး ဆေးရုံတက်ရတာကြောင့် ကြီးမားတဲ့ ဆေးရုံစရိတ်တွေနဲ့ အကြွေးတွေဟာ နီကီ့အပေါ် ကျရောက်လာပါတော့တယ်။ ဆရာ့ရဲ့ ဆေးဖိုးတွေကို ဆပ်ပေးဖို့အတွက် အသည်းအသန်ငွေလိုလာတဲ့အချိန်မှာပဲ... သူ့ရဲ့ထူးခြားလွန်းတဲ့ အကြားအာရုံပါရမီကို သတိထားမိသွားတဲ့ လုံခြုံရေးကုမ္ပဏီအယောင်ဆောင် ဓားပြအဖွဲ့တစ်ဖွဲ့က မီးခံသေတ္တာတွေကို အသံနားထောင်ပြီး လျှို့ဝှက်ကုဒ်ဖျက် ဖွင့်ပေးဖို့ ကမ်းလှမ်းလာခဲ့ပါတယ်။ ဒီလိုနဲ့ဆရာ့အပေါ်ထားတဲ့ သံယောဇဉ်ကြောင့် ရာဇဝတ်မှုလောကထဲ ခြေစုံပစ်ဝင်ရင်း စန္ဒယားတီးခတ်တဲ့ကျောင်းသူလေး ရူသီ နဲ့ပါ မထင်မှတ်ဘဲ အချစ်ဇာတ်လမ်း စတင်ခဲ့ရပါတယ်။ ဇာတ်လမ်းရဲ့ အလှည့်အပြောင်းတွေကြားထဲမှာပဲ ရိုးသားတဲ့ အသံ

အပန်းဖြေခရီးထွက်ရင်း သဘာဝတရားရဲ့ ကြောက်မက်ဖွယ်ရာ အန္တရာယ်တစ်ခုနဲ့ ရင်ဆိုင်ရရင် ဘယ်လိုလုပ်မလဲ။ ၂၀၂၆ ခုနှစ်ရဲ့ သည်းထိပ်ရင်ဖို Survival Horror ဇာတ်ကားသစ်ဖြစ်တဲ့ "Hungry" ဟာ အမေရိကန်ပြည်နယ် လူးဝီးစီးယားနားရဲ့ စိမ့်တောလမ်းကြောင်းတွေထဲမှာ ရိုက်ကူးထားတာပါ။ ဇာတ်လမ်းကတော့ ရေပေါ်မှာ လှေစီးပြီး တောရိုင်းတိရစ္ဆာန်တွေကို ကြည့်ရှုဖို့ စိတ်အားထက်သန်နေတဲ့ ခရီးသွားအုပ်စုတစ်စုအကြောင်းပါ။ သူတို့ဟာ သာမန် ခရီးသွားလမ်းကြောင်းကနေ ခွဲထွက်ပြီး ပိုမိုထူးခြားတဲ့ အတွေ့အကြုံကို ရဖို့ ကြိုးစားရင်းနဲ့ စိမ့်တောရဲ့ ရေပြင်အောက်မှာ ပုန်းအောင်းနေတဲ့ အန္တရာယ်ကြီးတစ်ခုကို မရည်ရွယ်ဘဲ နှိုးဆွမိလိုက်ပါတော့တယ်။ အဲဒါကတော့ နယ်မြေပိုင်နက်ကို အလွန်အမင်း စောင့်ရှောက်တတ်တဲ့၊ အလွန်ကြီးမားပြီး ရက်စက်တဲ့ Hippopotamus ကောင်ကြီးပါပဲ။ ဒီဇာတ်ကားမှာတော့ ပုံမှန် မြွေ၊ မိကျောင်းတွေနဲ့ ရိုက်လေ့ရှိတဲ့ ဇာတ်လမ်းတွေထက် ပိုမိုဆန်းသစ်တဲ့ တိရစ္ဆာန်အန္တရာယ်ကို မြင်တွေ့ရမှာပါ။ ရေပြင်အောက်မှာ ပုန်းခိုနေတဲ့ အကောင်ကြီးရဲ့ ရုတ်တရက် တိုက်ခိုက်မှုကြောင့် သူတို့ရဲ့ လှေပျက်စီးသွားပြီးတဲ့နောက်မှာတော့ လွတ်မြောက်ဖို့ လမ်းစမရှိတော့တဲ့ ခရီးသွားတွေဟာ အသက်ရှင်သန်ဖို့အတွက် အသည်းအသန် ရုန်းကန်ရပါတော့တယ်။ ဇာတ်ကားတစ်လျှောက်လုံးမှာ စိမ့်တောရဲ့ အမှောင်ဖုံးနေတဲ့ လေထု၊ ဟစ်ပိုကောင်ကြီးရဲ့ ခြေရာလက်ရာမပြ တိုက်ခိုက်မှုတွေနဲ့အတူ ကြည့်ရှုသူတွေကို အသက်ရှူမှားလောက်အောင် တင်းမာမှ

ဒီဇာတ်ကားလေးကတော့ မြို့ကြီးပြကြီးမှာ ကိုယ်ပိုင်လက္ခဏာ ပျောက်ဆုံးနေပြီး သာမန်ဘဝလေးကို ဖြတ်သန်းနေတဲ့ လူငယ်လေးတစ်ယောက်နဲ့ နိုင်ငံတော်အဆင့် အရာရှိဖြစ်ဖို့ ရည်မှန်းချက်ကြီးမားတဲ့ မိန်းကလေးတစ်ယောက်တို့ကြားက အချစ်ဇာတ်လမ်းကို အစပျိုးထားပါတယ်။ သူတို့နှစ်ယောက်ရဲ့ ဆန့်ကျင်ဘက်ဖြစ်နေတဲ့ ဘဝရည်မှန်းချက်တွေ၊ နေထိုင်မှုပုံစံတွေကြားမှာ ချိုမြိန်တဲ့ အချစ်ရေးလေး ပေါ်ပေါက်လာခဲ့ပေမဲ့ လက်တွေ့ဘဝရဲ့ အခက်အခဲတွေနဲ့ ဖိအားတွေက သူတို့ရဲ့ဆက်ဆံရေးကို ပြင်းပြင်းထန်ထန် စမ်းသပ်လာပါတယ်။ ရည်မှန်းချက် ကြီးကြီးမားမားမရှိတဲ့ ကောင်လေးနဲ့ အောင်မြင်ချင်စိတ် ပြင်းပြလွန်းတဲ့ ကောင်မလေးတို့ရဲ့ ကြားက ပွတ်တိုက်မှုတွေကတစ်ဆင့် ကြည့်ရှုသူကို ဇာတ်လမ်းထဲမှာ စီးမျောသွားစေမဲ့ ဆွဲဆောင်မှုအပြည့်ပါတဲ့ ဇာတ်ကားကောင်းတစ်ကား ဖြစ်ပါတယ်။ အချစ်ရေးမှာ နာကျင်စွာ လမ်းခွဲလိုက်ရပြီးနောက်မှာတော့ ကောင်လေးဟာ သူ့ရဲ့ဝမ်းနည်းမှုတွေကို ခွန်အားအဖြစ်ပြောင်းလဲပြီး မြို့အတွက် အသက်သွေးကြောဖြစ်တဲ့ ရေကန်ကြီးတစ်ခုကို ကယ်တင်ဖို့ ကြိုးစားပါတော့တယ်။ ဒီလို လူမှုအကျိုးပြု လှုပ်ရှားမှုတွေကို တက်တက်ကြွကြွ လုပ်ဆောင်လာတဲ့အခါမှာတော့ အကျင့်ပျက် နိုင်ငံရေးသမားတွေ၊ သြဇာအာဏာကြီးမားသူတွေနဲ့ ထိပ်တိုက်ရင်ဆိုင်ရပြီး ဇာတ်လမ်းက ရိုးရှင်းတဲ့ ရိုမန်တစ်အချစ်ကားလေးကနေ လူမှုရေးနဲ့ တရားမျှတမှုဆိုင်ရာ အားပြိုင်မှုတွေဆီ အရှိန်အဟုန်ပြင်းပြင်း ကူးပြောင်းသွားပါတယ်။ သူကရော အခက

တရားဥပဒေဆိုတာ အမှန်တကယ်ပဲ တရားမျှတမှု ရှိရဲ့လား။ ဒါမှမဟုတ် ငွေကြေးနဲ့ အာဏာရှိသူတွေအတွက်ပဲ အလုပ်လုပ်ပေးနေတဲ့ စနစ်တစ်ခုလား ဆိုတာကို မေးခွန်းထုတ်စရာဖြစ်လာစေမဲ့ အက်ရှင်ဒရာမာ ဇာတ်ကားကောင်းတစ်ကားနဲ့ မိတ်ဆက်ပေးချင်ပါတယ်။ ဒီဇာတ်ကားမှာ အသည်းအသန် နေမကောင်းဖြစ်နေတဲ့ သမီးလေးရဲ့ အသက်ကယ် ခွဲစိတ်မှုအတွက် လိုအပ်နေတဲ့ ရွှေတွေကို ရထားပေါ်မှာ အခိုးခံလိုက်ရတဲ့ ဖခင်တစ်ယောက်ရဲ့ အဖြစ်ကနေ စတင်ထားပါတယ်။ ရဲတွေက ရွှေကို ပြန်ရှာတွေ့ခဲ့ပေမဲ့လည်း တရားရုံးရဲ့ ရှုပ်ထွေးလှတဲ့ လုပ်ထုံးလုပ်နည်းတွေ၊ လာဘ်စားမှုတွေနဲ့ အကျင့်ပျက် ဥပဒေရေးရာစနစ်ကြီးကြားထဲမှာ ဘာမှမတတ်နိုင်တဲ့ ဖခင်တစ်ယောက် ရုန်းကန်ရင်း ပိတ်မိသွားတဲ့အခါ ပရိသတ်တွေကိုပါ ရင်တမမနဲ့ စိတ်လှုပ်ရှားလာအောင် ဆွဲခေါ်သွားနိုင်ပါတယ်။ ဥပဒေရဲ့ နှောင့်နှေးကြန့်ကြာမှုတွေအောက်မှာ အပြစ်မဲ့ပြည်သူတွေ မျက်ရည်ကျနေရချိန်၊ အကျင့်ပျက် ရှေ့နေတွေနဲ့ အာဏာပိုင်တွေက ဥပဒေကို သူတို့စိတ်ကြိုက် ကစားနေချိန်မှာတော့ ဘယ်သူမှ မျှော်လင့်မထားတဲ့ အလှည့်အပြောင်းတစ်ခု ရုတ်တရက် ထွက်ပေါ်လာပါတယ်။ မတရားမှုတွေ အထွတ်အထိပ်ရောက်နေတဲ့ တရားခွင်ထဲကို ရိုးရာယုံကြည်မှုတွေထဲက ဒေသခံ အစောင့်အရှောက် နတ်မင်းကြီးရဲ့ ကိုယ်ပွားလိုမျိုး ပြင်းထန်ကြမ်းကြုတ်တဲ့ အင်အားကြီးမားသူတစ်ယောက် ရောက်ရှိလာတဲ့အခါ... ဥပဒေက မပေးနိုင်တဲ့ တရားမျှတမှုကို သူက ဘယ်လိုနည်းလမ်းတွေနဲ့ ကြမ်းကြမ်းရမ်းရမ်း ဖော်ဆောင်သွားမလဲ၊ အကျင့်ပ

( အဓိကဇာတ်ဆောင်ရဲ့ အတွင်းစိတ်ကိုယ်ပွားနေရာမှာ သရုပ်ဆောင်တဲ့သူက အပြင်မှာလူကြီး​ကားတွေရိုက်တဲ့မင်းသမီးဖြစ်တဲ့အပြင် TV-MA Rating ဖြစ်နေလို့ ကြမ်းတမ်းတဲ့ဇာတ်ဝင်ခန်းတချို့နဲ့ အသုံးအနှုန်းတွေတော့ ပါဝင်ပါတယ်။ ) လူတစ်ယောက်ရဲ့ ဘဝမှာ ပျော်ရွှင်မှု အစစ်အမှန်ကိုရရှိဖို့အတွက် ဘာတွေလုပ်ဖို့လိုအပ်သလဲ။ မဒယ်လယ်နာဆိုတဲ့ အမျိုးသမီးတစ်ယောက်ဟာ သူရဲ့ကိုယ်တိုင်ရေး အတ္ထုပ္ပတ္တိစာအုပ် တစ်အုပ်ကြောင့် နာမည်ကျော်ကြားနေတဲ့ စာရေးဆရာမတစ်ယောက်၊ သူ့ရဲ့ဘဝကို အားလုံးက ပြီးပြည့်စုံတယ်လို့ မြင်ကြလိမ့်မယ်၊ သူကိုယ်တိုင်လည်း အဲလိုပဲယူဆထားတယ်၊ ဒါပေမဲ့ အတွင်းနက်ထဲက မသိစိတ်ထဲမှာတော့ သူတကယ်ပျော်​မနေဘူး၊ သူပြီးပြည့်စုံတယ်လို့ ထင်ပြီး လုပ်နေတဲ့အရာတွေကြောင့် သူ့ရဲ့ပုံစံအစစ်အမှန်ကို ​ချောင်ထိုးထားရတယ် သူ့ကိုသိပ်ချစ်တတ်တဲ့ ခင်ပွန်းလောင်းရှိတယ်၊ မကြာခင်မှာ မင်္ဂလာဆောင်ရတော့မယ်၊ သူ့ရဲ့ဒုတိယမြောက်စာအုပ်ကို ထုတ်နိုင်ဖို့ ကြိုးစားနေတယ်၊ ဒါပေမဲ့ ယောက္ခမရဲ့ ပြီးပြည့်စုံတယ်လို့ထင်ရတဲ့ အကြိုက်တွေကို လိုက်လျောပေးရင်း သူ့ရဲ့တစ်စိတ်တစ်ပိုင်းက ပျောက်ဆုံးနေရတယ်၊ ဒုတိယမြောက်စာအုပ်အတွက်လည်း ဖိအားတွေနဲ့ ရေးဖို့အာရုံမစိုက်နိုင်ဘူးဖြစ်နေရတယ်၊ နောက်ဆုံး သူ့ခင်ပွန်းလောင်းနဲ့ အတူနေတဲ့အခါ အဆင်မပြေတာကိုတောင် ဖုံးကွယ်ထားရတယ် ဒီဇာတ်ကားက အီတလီကရိုက်ထားတဲ့ သာမန် အချစ်ဟာသ ဇာတ်လမ်းလေးတစ်ပုဒ်ပါပဲ၊ ဒါပေမဲ့ ဒီကားထဲမှာ ပေးချင်တဲ့ m

အေးချမ်းတိတ်ဆိတ်ပြီး ပြစ်မှုကင်းစင်တဲ့ ရွာလေးတစ်ရွာက ရဲစခန်းတစ်ခုဆီကို အတွေ့အကြုံမရှိသေးတဲ့ လူငယ်ရဲအရာရှိသစ်တစ်ယောက် တာဝန်ကျလာခဲ့ပါတယ်။ ဒါပေမဲ့ သူတာဝန်စတင်ထမ်းဆောင်ပြီး သိပ်မကြာခင်မှာပဲ ခြုံပုတ်တွေကြားထဲကနေ ပုပ်ပွနေတဲ့ အလောင်းတစ်လောင်းကို ရှာဖွေတွေ့ရှိခဲ့ရာကနေ ရွာလေးရဲ့အေးချမ်းမှုတွေ ရုတ်တရက် ပျက်သုဉ်းသွားခဲ့ရပါတယ်။ အဲဒီနောက်မှာတော့ ဒေသတွင်း ငွေရေးကြေးရေးကုမ္ပဏီကြီးတစ်ခု ဓားပြတိုက်ခံရမှုနဲ့အတူ နောက်ထပ် ထူးဆန်းတဲ့ လူသတ်မှုတွေပါ ဆက်တိုက်ဆိုသလို ထပ်ဖြစ်လာခဲ့ပါတယ်။ တစ်ခုနဲ့တစ်ခု မသက်ဆိုင်ဘူးလို့ ထင်ရတဲ့ ဒီဖြစ်ရပ်တွေနောက်ကွယ်မှာ ဘယ်လိုရှုပ်ထွေးတဲ့ မှုခင်းဇာတ်လမ်းတွေ ပုန်းကွယ်နေမလဲ... အထက်အရာရှိတွေရဲ့ ဖိအားပေးမှုတွေ၊ လုပ်ကြံဖန်တီးမှုတွေကြားထဲကနေ တရားခံအစစ်ကို ဖော်ထုတ်နိုင်မလားဆိုတာကတော့ ဇာတ်ကားထဲမှာ ဆက်လက်ကြည့်ရှုရမှာ ဖြစ်ပါတယ်။ အချိတ်အဆက်မိတဲ့ ဇာတ်လမ်းသွားတွေ၊ မထင်မှတ်ထားတဲ့ အလှည့်အပြောင်းတွေနဲ့အတူ စိတ်လှုပ်ရှားဖွယ် ရိုက်ကူးတင်ဆက်ထားတဲ့ မှုခင်းစုံထောက်ဇာတ်ကားကောင်းတစ်ကားဖြစ်လို့ လက်မလွှတ်တမ်း ကြည့်ရှုသင့်ပါတယ်။

ဒီတစ်ခါမှာတော့ လူသားတစ်ယောက်ရဲ့ စိတ်ပိုင်းဆိုင်ရာ လိမ်ညာမှုတွေကနေတစ်ဆင့် ကမ္ဘာကြီးကို တုန်လှုပ်ခြောက်ခြားသွားစေခဲ့တဲ့ True-Crime/Psychological Documentary ကားအသစ်စက်စက်ကြီးတစ်ကားနဲ့ မိတ်ဆက်ပေးချင်ပါတယ်။ ဒါကတော့ ၂၀၂၆ ခုနှစ်မှာပဲ Netflix ‌ကနေ ထွက်ရှိလာတဲ့ "Maternal Instinct" ဆိုတဲ့ မှတ်တမ်းတင်ရုပ်ရှင်ကြီးပါပဲ။ ဒီကားထဲမှာ‌တော့ လူမှုကွန်ရက်ပေါ်က အတုအယောင် ကိုယ်ဝန်ဆောင်ပြသမှုနဲ့ ချစ်သူအပေါ် အလွန်အကျွံ စွဲလမ်းစိတ်ကြားကနေ ဖြစ်တည်လာတဲ့ ကြောက်မက်ဖွယ် လူသတ်မှုအစစ်အမှန်ကို အမှောင်ဘက်ခြမ်းကနေ ရိုက်ကူးပြသထားတာမို့လို့ True-crime movie တွေကို စိတ်ဝင်စားတဲ့သူတွေအတွက်တော့ လက်မလွှတ်သင့်တဲ့ ဇာတ်လမ်းမျိုးပါပဲ။ ဇာတ်လမ်းလေးကတော့ တကယ့်ဖြစ်ရပ်မှန်ကို အခြေခံထားတာဖြစ်ပြီး အဝေးပြေးလမ်းမပေါ်မှာ ပုံမှန်မဟုတ်ဘဲ မောင်းနှင်လာတဲ့ အမျိုးသမီးတစ်ယောက်ကို တက္ကဆက်ပြည်နယ် ရဲတပ်ဖွဲ့က တားဆီးစစ်ဆေးရာကနေ စတင်ထားတာပါ။ လမ်းဘေးမှာတင် ကလေးမွေးလာတာပါလို့ သွေးပျက်စရာကောင်းတဲ့ ဖိအားတွေကြားထဲကနေ လိမ်ညာထွက်ဆိုနေတဲ့ အဲဒီအမျိုးသမီးဟာ တကယ်တော့ ကိုယ်ဝန်အတုကြီးကို ၁၀ လလုံးလုံး ဟန်ဆောင်ပြီး ပတ်ဝန်းကျင်ကို လှည့်စားခဲ့တဲ့ တေလာ ပါကာ ပဲ ဖြစ်ပါတယ်။ သူဟာကိုယ်ဝန်တင်မကဘဲ သူ့ဘဝဇာတ်လမ်းတစ်ခုလုံးက အလိမ်အညာတွေနဲ့ ပြည်နှက်နေပြီးတော့ အဲဒီလိမ်ညာမှုကြီး ပေါက်ကွဲခါနီးအချိန်မှာတော့ သူမရဲ့သူငယ်ချင်းမလေးဖြစ်တဲ့ အမှန်တကယ် ကိုယ်ဝန်ရင့်မာရှိတဲ့ မိခင်လောင်းလ

ယခုတစ်ခေါက် တင်ဆက်ပေးမယ့်ဇာတ်ကားကတော့ ကမ္ဘာ့ဖလားပြိုင်ပွဲမတိုင်ခင် ထွက်ရှိလာတဲ့ Brazil return to glory ဆိုတဲ့ ဇာတ်ကားလေးပဲဖြစ်ပါတယ်။ ဘရာဇီးနိုင်ငံအသင်းရဲ့ ၁၉၉၄ခုနှစ် ကမ္ဘာ့ဖလားပြိုင်ပွဲကြီးမှာ ဖြတ်သန်းခဲ့ရတဲ့လမ်းခရီးကြီးကို ကစားသမားတွေကိုယ်တိုင် မှတ်တမ်းတင်ခဲ့တဲ့ နောက်ကွယ်က တကယ့်အဖြစ်အပျက်တွေကို Documentary ဇာတ်လမ်းတစ်ပုဒ်အဖြစ် ဖန်တီးခဲ့တာပါ။ ဒီဇာတ်လမ်းမှာ ကမ္ဘာ့ဖလားပြိုင်ပွဲမှာ ကစားခဲ့တဲ့ ဘရားဇီးဂန္ဓ၀င်အသင်းသားတွေကိုယ်တိုင် သူတို့ရဲ့ခရီးစဥ်တစ်‌လျှောက် ကြုံခဲ့ရတဲ့အတွေ့အကြုံတွေ ဖိအားတွေနဲ့ဖြစ်ပေါ်လာတဲ့စိတ်ခံစားချက်တွေအကြောင်းကို ပြန်လည်ပြောပြထားတာပါ။ ထို့အတူ အဲ့ဒီ ၁၉၉၄ ခုနှစ်အချိန်ကာလဟာ ဘရာဇီးနိုင်ငံအတွက် ချန်ပီယံနဲ့လွဲချော်လာတာ နှစ်ပေါင်း ၂၄နှစ်ရှိနေပြီဖြစ်ပါတယ်။ ၁၉၇၀ ခုနှစ် ဘရားဇီးနိုင်ငံ သုံးကြိမ်မြောက်ကမ္ဘာ့ဖလားကို ရပြီးနောက်ပိုင်း ၁၉၉၀ခုနှစ်အထိ ဖလားနဲ့ဆက်တိုက်လွဲချော်လာခဲ့တာပါ။ ဒါကြောင့်မို့ ၁၉၉၄ ခုနှစ် ကမ္ဘာ့ဖလားပြိုင်ပွဲက ဘရာဇီးနိုင်ငံအသင်းအတွက်တော့ အင်မတန်ကို အရေးကြီးခဲ့ပါတယ်။ အသင်းသားတွေဟာ နိုင်ငံရဲ့‌ဂုဏ်ကို ထမ်းဆောင်နိုင်ဖို့အတွက် လေးလံတဲ့တာ၀န်၀တ္တရားကို သယ်ဆောင်ထားခဲ့ရတာပါ။ ဒီဇာတ်လမ်းမှာ ဘရားဇီးနိုင်ငံရဲ့ကမ္ဘာ့ဖလားသမိုင်းကြောင်းတွေ၊ ဘောလုံးအားကစားကို ဘယ်လိုချစ်မြတ်နိုးပုံတွေ၊ လေးနှစ်တာခရီးစဉ်တစ်လျှောက် အသင်းသားတွေ လေးကြိမ်မြောက်ကမ္ဘာ့ဖလားကို ရယူနိုင်ဖို့အတွက် ဘယ်လိုကြိုးစ

“Mexico 86" (2026) ဟာ မကြာသေးခင်ကမှ Netflix မှာ ပြသခဲ့တဲ့ ဖြစ်ရပ်မှန်အခြေခံ ဟာသနဲ့ နိုင်ငံရေးဒရမ်မာ ရုပ်ရှင်အသစ်တစ်ခု ဖြစ်ပါတယ်။ နဂိုက ၁၉၈၆ ခုနှစ် ကမ္ဘာ့ဖလားဘောလုံးပွဲကြီးကို အိမ်ရှင်အဖြစ် လက်ခံကျင်းပဖို့ ကိုလံဘီယာနိုင်ငံက ရွေးချယ်ခံထားရတာပါ။ ဒါပေမဲ့ နောက်ဆုံးမိနစ်ကျမှ ကိုလံဘီယာက စီးပွားရေးအကျပ်အတည်းကြောင့် အိမ်ရှင်အဖြစ် ကျင်းပခွင့်ကို လက်လျှော့လိုက်ရပါတယ်။ အဲဒီအချိန်မှာ မက္ကဆီကိုနိုင်ငံရဲ့ အလတ်တန်းစား အစိုးရအရာရှိတစ်ဦးဖြစ်တဲ့ မာတင် ဒီ လာ တိုရေး (Martín de la Torre) က ဝင်ပါလာခဲ့ပါတယ်။ သူဟာ အိမ်ထောင်ရေးရော၊ ဘဝပါ အဆင်မပြေဘဲ အကျပ်အတည်း ဆိုက်နေချိန်မှာ ကမ္ဘာ့ဖလားကို မက္ကဆီကိုဆီ ရောက်အောင် ဉာဏ်ဆင်ပြီး မက္ကဆီကိုဘောလုံးလောကရဲ့ ကယ်တင်ရှင်လုပ်ဖို့ စွန့်စားခန်း ဖွင့်ပါတော့တယ်။ ၁၉၈၅ ခုနှစ်မှာ မက္ကဆီကိုမြို့တော်မှာ ပြင်းထန်တဲ့ ငလျင်ဘေးဒဏ်ကြောင့် ပျက်စီးဆုံးရှုံးမှုတွေ ကြုံတွေ့ခဲ့ရလို့ ကမ္ဘာ့ဖလားကျင်းပဖို့ မဖြစ်နိုင်ဘူးလို့ လူတိုင်းက ထင်ထားကြတာပါ။ ဒါပေမဲ့ မာတင်ဟာ ဘာအာမခံချက်မှ မရှိဘဲနဲ့ သူ့ရဲ့ လျှာအရိုးမရှိတဲ့ အပြောအဆို၊ မရမက တိုးမယ့် သတ္တိ၊ ဝါသနာကြီးမှုတွေနဲ့တင် FIFA အဖွဲ့ကြီးတစ်ခုလုံးအပြင် ကနေဒါ၊ ဘရာဇီးနဲ့ အမေရိကန်လို ပြိုင်ဘက် နိုင်ငံကြီးတွေကိုပါ အကွက်ချ ကျော်ဖြတ်ပြီး မက္ကဆီကိုနိုင်ငံကို ကမ္ဘာ့ဖလား ဒုတိယအကြိမ် လက်ခံကျင်းပခွင့်ရအောင် လှည့်စားဉာဏ်ဆင်ခဲ့ပါတယ်။ သူ့ရဲ့ချစ်သူ Susana နဲ

သင်အခုကိုင်ထားတဲ့ ဖုန်း၊ သင်သုံးနေတဲ့ လက်တော့ပ်တွေက သင့်ရဲ့ ကိုယ်ရေးကိုယ်တာ လျှို့ဝှက်ချက်တွေကို တစ်ချိန်လုံး စောင့်ကြည့်နေတယ်ဆိုရင် ဘယ်လိုလုပ်မလဲ။ ဒီဇာတ်ကားဟာ နိုင်ငံရေးအရှုပ်အထွေးနဲ့ ဆိုက်ဘာလုံခြုံရေး လောကရဲ့ ကြောက်ခမန်းလိလိ အမှောင်ဘက်ခြမ်းကို ဆွဲခေါ်သွားမဲ့ စိတ်ဝင်စားဖွယ် အက်ရှင်ဒရာမာ ဇာတ်ကားကောင်း တစ်ကားဖြစ်ပါတယ်။ ဇာတ်လမ်းကတော့ နိုင်ငံတော်ကာကွယ်ရေးဌာနက သိပ္ပံရေးရာ အကြံပေးအရာရှိဟောင်းက "Periscope" လို့ခေါ်တဲ့ အဆင့်မြင့် စစ်ဘက်သုံး စပိုင်ဆော့ဖ်ဝဲလ်ကြီးကို အကျင့်ပျက် နိုင်ငံရေးသမားတွေက အလွဲသုံးစားလုပ်ပြီး သာမန်ပြည်သူတွေ၊ ကျောင်းသားတွေကို လျှို့ဝှက်စောင့်ကြည့် အကျပ်ကိုင်နေတာကို ရှာဖွေတွေ့ရှိသွားရာကနေ စတင်ပါတယ်။ ဒီအမှန်တရားကို ဖော်ထုတ်ဖို့ ကြိုးစားတဲ့အခါမှာတော့ သူဟာ နိုင်ငံတော်သစ္စာဖောက်အဖြစ် စွပ်စွဲခံရပြီး အသက်လု ထွက်ပြေးရပါတော့တယ်။ တိုင်းပြည်ကနေ ထွက်ပြေးပုန်းရှောင်နေရပေမဲ့လည်း သူက နာမည်ဝှက်နဲ့ အင်အားကြီးမားလှတဲ့ အစိုးရယန္တရားနဲ့ ကော်ပိုရေးရှင်းကြီးကို တစ်ကိုယ်တော် ဆိုက်ဘာစစ်ပွဲ ဆင်နွှဲလာတဲ့အခါ... ပြင်းထန်တဲ့ အက်ရှင်ခန်းတွေ၊ အဆင့်မြင့် ဆိုက်ဘာနည်းပညာ တိုက်ကွက်တွေနဲ့အတူ အမှန်တရားအတွက် အသက်စွန့်ရဲတဲ့ စိတ်ဓာတ်တွေကို ရင်သပ်ရှုမောဖွယ် ရိုက်ကူးတင်ဆက်ထားပါတယ်။ ခေတ်သစ် ဒစ်ဂျစ်တယ်စောင့်ကြည့်ရေးစနစ်ရဲ့ ကြောက်စရာကောင်းပုံကို လက်တွေ့ကျကျ မီးမောင်းထိုးပြထားတဲ့အပြင် ဇာတ်ကွက်

သတ်သတ်မှတ်မှတ် ဇာတ်လမ်းအကွက်ဆန်းဆန်းတွေနဲ့ ရင်တထိတ်ထိတ်ကြည့်ရမယ့် Horror/Thriller ရုပ်ရှင်အသစ်စက်စက် "Chum (2026)" ကတော့ ပင်လယ်ပြင်ခရီးသွား ဝါသနာရှင်တွေနဲ့ သည်းထိတ်ရင်ဖို ကြည့်ရတာကြိုက်တဲ့သူတွေကို ဆွဲဆောင်ထားတဲ့ ဇာတ်ကားတစ်ကား ဖြစ်ပါတယ်။ ဇာတ်လမ်းအစမှာတော့ မင်္ဂလာဦးဇနီးမောင်နှံအသစ်စက်စက်တစ်စုံဟာ သူတို့ရဲ့သူငယ်ချင်းတွေနဲ့အတူ မြေထဲပင်လယ် (Mediterranean) ရဲ့ လှပတဲ့ရေပြင်ကျယ်ကြီးထဲကို ရွက်လှေအပျော်စီးရင်း စိတ်လှုပ်ရှားစရာ အပန်းဖြေခရီးတစ်ခု ထွက်ခဲ့ကြပါတယ်။ ဒါပေမဲ့ နေရောင်ခြည်တောက်ပပြီး ပျော်စရာကောင်းလှတဲ့ အပန်းဖြေခရီးစဉ်လေးဟာ မမျှော်လင့်ဘဲ ရုတ်တရက် အသက်လုရမယ့် ငရဲခန်းတစ်ခုအဖြစ် ပြောင်းလဲသွားတဲ့အခါ.... ဒီဇာတ်ကားရဲ့ စိတ်ဝင်စားဖို့ကောင်းတဲ့ ဆွဲဆောင်မှုကတော့ ဇာတ်ကောင်တွေရင်ဆိုင်ရမယ့် "ပိတ်မိနေခြင်း" ဆိုတဲ့ ကြောက်မက်ဖွယ် အခြေအနေပဲ ဖြစ်ပါတယ်။ သူတို့ဟာ လှေပေါ်မှာတင် အချင်းချင်း သံသယဝင်စရာ ကောင်းလှတဲ့၊ စိတ်မမှန်တဲ့ လူသတ်သမားတစ်ယောက်ရဲ့ အန္တရာယ်ကို ကတုန်ကရင် ရင်ဆိုင်နေရရုံတင်မကဘဲ၊ လှေအပြင်ဘက်က သမုဒ္ဒရာရေပြင်ကျယ်ထဲမှာလည်း သွေးညှီနံ့ရရင် ဝါးမြိုဖို့ စောင့်ဆိုင်းနေတဲ့ သွေးဆာနေတဲ့ ငါးမန်းဆိုးကြီးရဲ့ ရန်ကပါ ဝိုင်းဝိုင်းလည်ပတ် ပိတ်ဆို့ခြင်းကို ခံထားရတာပါ။ ရှေ့တိုးရင်လည်း အသက်အန္တရာယ်၊ နောက်ဆုတ်ရင်လည်း သေမင်းက စောင့်ကြိုနေတဲ့ ဒီလိုနှစ်ဖက်ညှပ် အကျပ်အတည်းထဲမှာ သူငယ်ချင်းတစ်စု ဘယ်လိုနည်းလမ်းတွေနဲ့ အသက်ရှင်က

ဒီကားလေးကတော့ နာမည်အတိုင်းပါပဲ ဂျာမနီအသင်းရဲ့ဂန္ထဝင်တိုက်စစ်မှူးကြီး လူးကပ်စ် ပိုဒေါစကီးရဲ့ ကလေးဘဝ ရုန်းကန်ရမှုတွေကနေ ကမ္ဘာ့ဖလားချန်ပီယံ ဖြစ်လာတဲ့အထိ အောင်မြင်မှုနောက်ကွယ်က ပေးဆပ်မှုတွေကို အင်တာဗျူးဆန်ဆန် ရိုက်ပြထားတာဖြစ်လို့ အားကစားရုပ်ရှင်ချစ်သူတွေအတွက် တကယ်ကို စိတ်ခွန်အားရစေမယ့် ကားကြီးတစ်ကားပါ။ ဇာတ်လမ်းလေးကတော့ ပိုလန်နိုင်ငံကနေ ဂျာမနီမြေကို ရွှေ့ပြောင်းအခြေချလာပြီး အခြေခံလူတန်းစားဘဝကနေ ရုန်းကန်ခဲ့ရတဲ့ ကောင်လေး ပိုဒီ ရဲ့ ဘောလုံးအိပ်မက်လေးကနေ စတင်ထားတာပါ။ ခွဲခြားဆက်ဆံမှုတွေ၊ ဆင်းရဲမွဲတေမှုတွေကြားထဲမှာ ဘောလုံးတစ်လုံးတည်းနဲ့ ဘဝကို အလှည့်အပြောင်းဖြစ်အောင် ကြိုးစားရင်း ကိုလုံးအသင်းရဲ့ ကစားသမားဘဝကနေ ဂျာမနီလက်ရွေးစင်အသင်းကြီးရဲ့ မရှိမဖြစ် ကြယ်ပွင့်တစ်ပွင့် ဖြစ်လာခဲ့ပါတယ်။ အောင်မြင်မှုတွေ ရရှိလာတာနဲ့အမျှ ကစားသမားတစ်ယောက် ရင်ဆိုင်ရလေ့ရှိတဲ့ ဒဏ်ရာပြဿနာတွေ၊ လက်ရွေးစင်အသင်းရဲ့ သေရေးရှင်ရေး အားပြိုင်မှုတွေနဲ့ ကစားသမားဘဝ သက်တမ်းရင့်လာတဲ့အခါ ရင်ဆိုင်ရတဲ့ ဖိအားတွေကြားထဲမှာ မိသားစုအပေါ် ထားရှိတဲ့ မေတ္တာ၊ ကလပ်အသင်းနဲ့ ပရိသတ်တွေအပေါ်ထားရှိတဲ့ သစ္စာတရားတွေကြောင့် ဘယ်လိုမျိုး အခက်အခဲတွေကို ကြံ့ကြံ့ခံ ကျော်ဖြတ်သွားမလဲဆိုတာကို စိတ်လှုပ်ရှားစရာ တွေ့မြင်ရမှာပါ။ ဘောလုံးအားကစားကို နှစ်သက်တဲ့သူတွေအတွက်ရော၊ အောင်မြင်ဖို့လမ်းစရှာနေတဲ့သူတွေအတွက်ပါ ဘယ်လိုအခက်အခဲတွေနဲ့ကြုံတွေ့ရင် ဘယ်လိုရင်ဆိုင်ကြိုးစားရမလဲဆို

၂၀၂၆ ခုနှစ် ဇွန်လမှာ Netflix ကနေ အသစ်ထွက်ရှိထားတဲ့ "La Desconocida" ရုပ်ရှင်ဟာ စုံထောက်မှုခင်းနဲ့ သည်းထိတ်ရင်ဖို ဇာတ်ကားတွေကို အကြိုက်တွေ့မယ့် ပရိသတ်တွေအတွက် တကယ့်ကို အမိုက်စား စပိန်အက်ရှင်ဒရာမာ ဇာတ်ကားကောင်းတစ်ကား ဖြစ်ပါတယ်။ ဇာတ်လမ်းကတော့ ဘာစီလိုနာမြို့ရဲ့ ကုန်တင်ဆိပ်ကမ်းတစ်ခုကနေ စတင်ထားတာပါ။ ဆိပ်ကမ်းမှာရှိတဲ့ ကုန်တင်သေတ္တာ တစ်ခုထဲမှာ ပါးစပ်ပိတ်၊ လက်ပြန်ကြိုးတုပ်လျက်သားနဲ့ ပိတ်လှောင်ခံထားရတဲ့ အမျိုးသမီးငယ်တစ်ဦးကို ရဲတွေက မထင်မှတ်ဘဲ ရှာဖွေတွေ့ရှိခဲ့ပါတယ်။ ပိုပြီး ထူးဆန်းတာက ဒီအမျိုးသမီးဟာ သူဘယ်သူလဲဆိုတာရော၊ ဒီသေတ္တာထဲကို ဘယ်လိုရောက်နေတာလဲဆိုတာကိုပါ လုံးဝ မှတ်မိခြင်းမရှိတော့တဲ့ အခြေအနေ ဖြစ်နေတာပါပဲ။ ရဲတွေက သူမကို ကယ်တင်ပြီး ဆေးရုံကို ပို့ဆောင်ပေးခဲ့ပေမဲ့၊ ဆေးရုံတင်ထားတဲ့အချိန်မှာပဲ သူမကို လာရောက်လုပ်ကြံသတ်ဖြတ်ဖို့ ကြိုးစားသူတွေ ရှိလာတဲ့အခါမှာတော့ ဒီအမှုရဲ့ နောက်ကွယ်က ကြောက်မက်ဖွယ်ရာ လျှို့ဝှက်ချက်တွေက ဘာတွေဖြစ်မလဲဆိုတာ စိတ်ဝင်စားစရာ ဖြစ်လာပါတော့တယ်။ ဒီရှုပ်ထွေးနေတဲ့ အမှုကို ဖော်ထုတ်ဖို့အတွက် အတိတ်က စိတ်ဒဏ်ရာတွေ ကိုယ်စီရှိနေကြတဲ့ စုံထောက် Anna Ripoll နဲ့ အရာရှိ Quique Zárate တို့က တာဝန်ယူလိုက်ရတဲ့အခါမှာတော့ ဇာတ်လမ်းက ပိုပြီး စိတ်လှုပ်ရှားစရာ ကောင်းလာပါတယ်။ သူတို့နှစ်ယောက်ဟာ မေ့မြောနေတဲ့ ဒီအမျိုးသမီးရဲ့ အတိတ်ကို လိုက်လံစုံစမ်းရင်းကနေ၊ ရဲတပ်ဖွဲ့အတွင်းက အကျင့်ပျက်ခြစားမှုတွေ၊ မှောင်ခ

၂၀၂၆ ခုနှစ်မှာ ထွက်ရှိလာတဲ့ "Michael" ရုပ်ရှင်ဟာ ကမ္ဘာကျော် ပေါ့ပ်ဘုရင်ကြီး မိုက်ကယ်ဂျက်ဆင်ရဲ့ ဘဝဇာတ်ကြောင်းကို အသက်ဝင်လှပစွာ ပုံဖော်ရိုက်ကူးထားတဲ့ Musical ဇာတ်ကားကောင်းတစ်ကား ဖြစ်ပါတယ်။ ဒီရုပ်ရှင်မှာ အထူးခြားဆုံးကတော့ မိုက်ကယ်ဂျက်ဆင် နေရာမှာ သူ့ရဲ့ တူအရင်းဖြစ်သူ ဂျာဖာဂျက်ဆင်က အဓိက ပါဝင်သရုပ်ဆောင်ထားတာဖြစ်ပြီး နာမည်ကြီး ဒါရိုက်တာ Antoine Fuqua က အကောင်းဆုံး ပုံဖော်ဖန်တီးပေးထားတာပါ။ ဇာတ်လမ်းကတော့ မိုက်ကယ်ဂျက်ဆင်ရဲ့ ကလေးဘဝ Jackson 5 အဖွဲ့မှာ စတင်သီဆိုခဲ့တဲ့ အချိန်ကနေစပြီး၊ သူ့ရဲ့ ထူးခြားတဲ့ အနုပညာပါရမီတွေနဲ့အတူ ကမ္ဘာ့အကြီးကျယ်ဆုံး ဖျော်ဖြေရေးပညာရှင်တစ်ယောက် ဖြစ်လာဖို့ ဘယ်လိုတွေ ရုန်းကန်ကြိုးစားခဲ့ရလဲဆိုတာကို အသေးစိတ် ရိုက်ကူးတင်ဆက်ထားတာ ဖြစ်ပါတယ်။ ဒီဇာတ်ကားဟာ မိုက်ကယ်ဂျက်ဆင်ရဲ့ စင်မြင့်ထက်က အောင်မြင်မှုတွေ၊ သူဖန်တီးခဲ့တဲ့ ကမ္ဘာကျော် သီချင်းတွေနဲ့ အကအလှတွေအပြင်၊ ပရိသတ်တွေ သိပ်မသိခဲ့ရတဲ့ သူ့ရဲ့ စင်နောက်ကွယ်က ကိုယ်ရေးကိုယ်တာ ဘဝအကြောင်းတွေကိုပါ စိတ်ဝင်စားစရာ ရှုထောင့်ကနေ တင်ဆက်ထားတာပါ။ သူဖြတ်သန်းခဲ့ရတဲ့ ခက်ခဲတဲ့ အချိန်တွေ၊ အနုပညာအပေါ်ထားတဲ့ ရူးသွပ်မှုတွေနဲ့ အထင်ကရ ဖျော်ဖြေမှုကြီးတွေကို သေသေချာချာပြန်လည်မြင်တွေ့ရမှာ ဖြစ်ပါတယ်။ သမိုင်းတစ်ခေတ်ကို ပြောင်းလဲနိုင်ခဲ့တဲ့ ဂီတပညာရှင်ကြီးရဲ့ ဘဝခရီးလမ်းကို သဘာဝကျကျနဲ့ ရင်ခုန်စရာကောင်းအောင် ရိုက်ကူးထားတာဖြစ်လို့ မိုက်ကယ်ဂျက်ဆင်ရဲ့ ပရိသတ်တွေသာမက ဂ

ဒေဗာ ဆိုတဲ့လူက နပန်းလောကမှာ ဆရာတစ်စူဖြစ်ခဲ့ပြီး ဝန်ကြီးချုပ်ရဲ့ အားထားရသူအဖြစ် တစ်မြို့လုံးက ဖိန့်ဖိန့်တုန်‌နေရတဲ့ လူတစ်ယောက်ပါ။ သူ့ကို ငယ်ငယ်ကတည်းက အသည်းအသန် အားကျလေးစားတဲ့သူကတော့ ကာလီ ဆိုတဲ့ ပညာမတတ်တဲ့ကောင်လေးတစ်ယောက်ပါ။ ကာလီရဲ့အစ်ကို ကျောင်းဆရာက ကျောင်းမနေတဲ့ကာလီကို တစ်အိမ်တည်းနေပြီး စကားမပြော‌ပေမယ့် ကာလီကတော့ သူ့အစ်ကိုကို အရမ်းချစ်ရှာတယ်။ နိုင်ငံရေးလောကရဲ့ တစ်ဖက်မှာ ဒေဗာက ဝန်ကြီးချုပ်ရဲ့ အားထားရသူဖြစ်ပြီး တစ်ဖက်က အတိုက်အခံပါတီရဲ့ ခေါင်းဆောင်က ကာလီအစ်ကိုရဲ့ သူငယ်ချင်းဆိုတော့ ဒေဗာက သူ အာဏာရဖို့ ကာလီရဲ့မိသားစုကို ခြိမ်းခြောက်လာချိန်မှာ ကာလီတစ်ယောက် ငယ်ငယ်ကတည်းက လေးစားရတဲ့ စံပြပုဂ္ဂိုလ်ကြီး ဒေဗာနဲ့ မိသားစုကြားမှာ ဘာကိုရွေးချယ်သွားမလဲ။ ဇာတ်လမ်းအဆုံးမှာ နိုင်ငံရေးသမားတွေရဲ့ ထင်မထားတဲ့ လှည့်ကွက်တွေကို အံ့အားသင့်စွာ ကြည့်ရှုရမယ့် ဇာတ်ကားလေးပဲဖြစ်ပါတယ်။ ဒီဇာတ်ကားထဲမှာ ဓားနဲ့တိုက်ခိုက်တာတွေ နည်းနည်းကြမ်းလို့ သွေးသံရဲရဲ မကြည့်ရဲ့သူတွေ သတိထားစေချင်ပါတယ်။ ဒီဇာတ်ကားမှာ ကာလီ အဖြစ် မင်းသား Dhruva Sarja ၊ ဒေဗာ အဖြစ် မင်းသားကြီး Sanjay Dutt နဲ့ လက်ရှ်မီး အဖြစ် မင်းသမီး Reeshma Nanaiah တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်

သာမန် စက်ပြင်သမားလေး ရှက်သီက သူ့ရဲ့ မိတဆိုးသမီးလေး အိုင်ရင်းကို အရမ်းချစ်ပြီး ဘဝကို ရိုးရိုးရှင်းရှင်း နေထိုင်သူတစ်ယောက်ပါ။ သူနေတဲ့မြို့မှာတော့ အင်အားကြီးတဲ့ လူဆိုးဂိုဏ်းတစ်ခုက မြို့ရဲ့အဓိကဆိပ်ကမ်းကို လက်ဝါးကြီးအုပ်ပြီး တစ်မြို့လုံးကို ခြယ်လှယ်နေပါတယ်။ ဘယ်ရဲအရာရှိမှ မလွန်ဆန်ရဲပေမဲ့ သမာသမတ်ကျတဲ့ အရာရှိတချို့က အဲ့ဒီဂိုဏ်းကို ဖမ်းဖို့လုပ်ရင်း ရှက်သီပါ အဲ့ဒီပြဿနာထဲ ရောက်သွားခဲ့ရပါတယ်။ အမှန်တော့ ရှက်သီက သာမန်စက်ပြင်သမားလေး မဟုတ်ဘဲ နာမည်ကြီး လျှို့ဝှက်ထောက်လှမ်းရေးသမား ဖြစ်နေပြီးတော့ အတိတ်မှာ ဘာတွေဖြစ်ပျက်ခဲ့ပြီး အခုလက်ရှိလူဆိုးဂိုဏ်းနဲ့ ဘယ်လိုတွေ ပတ်သက်နေမလဲဆိုတာကို ဇာတ်လမ်းက ရိုးရှင်းမယ်ထင်ရပေမယ့် နောက်ဆုံးထိ လှည့်ကွက်ပေါင်းများစွာနဲ့ ကြည့်ရမယ့် အက်ရှင်ကားလေးပဲဖြစ်ပါတယ်။ ဒီဇာတ်ကားမှာ ရှက်သီ အဖြစ် မင်းသား Legend Saravanan ၊ ဒီဗယ် အဖြစ် မင်းသား Santhosh Prathap နဲ့ မီရာ အဖြစ် မင်းသမီး Payal Rajput တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်

ဒီတစ်ခါမှာတော့ ကလေးဘဝက ရေးသားထားတဲ့ ဒဏ္ဍာရီစာအုပ်လေးတစ်အုပ်ကို ပြန်ဖတ်လိုက်ရသလိုမျိုး လောကကြီးအပေါ် ကလေးအတွေး ကလေးအမြင်နဲ့ ခမ်းခမ်းနားနားပုံဖော်ထားတဲ့ ဇာတ်ကားလေးကို မိတ်ဆက်ပေးချင်ပါတယ်။ ဒီကားလေးက နာမည်လေးအတိုင်းပဲ လေပန်ကာလေယာဉ်ပေါ်က တစ်ညတာ အကြောင်းကို အခြေပြုပြီးရိုက်ထားတာပါ ဒါပေမဲ့ လေယာဉ်ပေါ်ကမဆင်းဘဲ ပျင်းစရာကောင်းမယ့်ဇာတ်ကားမျိုးတော့ မဟုတ်ပြန်ဘဲနဲ့ လေယာဉ်ပေါ်က လူတွေရဲ့ခံစားချက် ရသ‌မျိုးစုံကို စိတ်ဝင်တစားနဲ့ ကြည့်ရှုရအောင် ရိုက်ပြထားတာပါ။ ဇာတ်လမ်းလေးကတော့ လေယာဉ်ပျံတွေကို အရမ်းရူးသွပ်ပြီး ကမ္ဘာကြီးကို စူးစမ်းချင်နေတဲ့ ၈ နှစ်အရွယ်ကောင်လေး ဂျက်ဖ် နဲ့ သူ့ရဲ့မိခင်ဖြစ်သူတို့က နယူးယောက်မြို့ရဲ့ မွန်းကြပ်မှုတွေကနေ ရုန်းထွက်ပြီး အနာဂတ်အိပ်မက်အသစ်တွေရှိတဲ့ ကယ်လီဖိုးနီးယားဆီကိုဦးတည်ဖို့အတွက် ပန်ကာလက်ပန်ပါတဲ့ ညလုံးပေါက် ပျံသန်းတဲ့ခရီးသည်တင် လေယာဉ်ဟောင်းလေးတစ်စင်းပေါ်ကို စီးနှင်းလာခဲ့ကြပါတယ်။ အဲဒီလေယာဉ်ကျဉ်းကျဉ်းလေးထဲမှာ ဖြတ်သန်းရတဲ့ တစ်ညတာခရီးစဉ်အတွင်းမှာတင် စိတ်ဝင်စားစရာ အတိတ်ဇာတ်ကြောင်းကိုယ်စီရှိကြတဲ့ ခရီးသည်တွေ၊ စရိုက်အစုံနဲ့ ဆုံတွေ့ပြီး သံယောဇဉ်တွေလည်း ပေါ်ပေါက်လာခဲ့ပါတယ်။ မထင်မှတ်ထားတဲ့ ရာသီဥတုအခြေအနေကြောင့် ခရီးတစ်ထောက် ရပ်နားရတာတွေ၊ ရင်ခုန်စရာ အလှည့်အပြောင်းတွေကြားထဲမှာပဲ ကောင်လေးရဲ့ အနာဂတ်အမြင်ကို ပြောင်းလဲစေမယ့် ဘဝသင်ခန်းစာတွေကို ရင်ကြည်နူးစရာတွေ့မြင်ရမှာပါ။ အဲဒီတော့ ‌၈ နှစ်အရွယ်ကေ