ရုပ်ရှင်အသစ်များ

မင်းသားကြီး ဒနွတ်ရှ်နဲ့ မင်းသမီးချော မာမီသာဘိုင်ဂျူတို့ရဲ့ရုပ်ရှင်သစ်လေးကို တင်ဆက်ပေးပါရစေ။ ဂါ့ဖ်စစ်ပွဲ ဖြစ်ပွားနေတဲ့ ၉၀ ဝန်းကျင်ကာလ၊ အိန္ဒိယနိုင်ငံ ရာမန်နာပူရမ်ရွာလေးမှာ သူခိုးနက္ခတ်နဲ့မွေးလာတဲ့မွေးလာတဲ့ ကာရာဆာမီဆိုသူရှိပါတယ်။ သူဟာ ခိုးမှုတစ်ခုမှာ အလွဲအချော်ဖြစ်ခဲ့တာကြောင့် သူခိုးဘဝကနေအနားယူပြီး ချစ်သူနဲ့လက်ထပ်ကာ ရိုးရိုးသားသားလုပ်ကိုင်စားနေပါတယ်။ ဒါပေမဲ့ လုပ်စားတော့မိုးခေါင်၊ ခိုးစားတော့ခွေးဟောင်ဆိုသလို ခေါင်းပုံဖြတ်မှုတွေနဲ့ကြုံရပြီး ဖခင်ဖြစ်သူကိုဆုံးရှုံးရတဲ့အပြင် ဘိုးဘွားးအမွေရထားတဲ့ မိသားစုပိုက်လယ်ယာမြေတွေကို ဘဏ်တစ်ခုကက မတရားအတိုးနှုန်းတွေ၊ ချေးငွေပြဿနာတွေနဲ့ သိမ်းဆည်းမယ်ဆိုတဲ့ သတိပေးစာရောက်လာတာကြောင့် ကာရာရဲ့ဘဝ ဇောက်ထိုးမိုးမျှော် ဖြစ်သွားတဲ့အခါမှာတော့...။

အဆင့်မြင့် စပါးတစ်ခုကို နောက်ခံထားပြီး လူ့သဘာဝရဲ့ လျှို့ဝှက်ချက်တွေ၊ ဆန္ဒတွေနဲ့ ဟန်ဆောင်မှုတွေကို ဟာသနှောကာ ပုံဖော်ထားတဲ့ ဇာတ်ကားကောင်းတစ်ကား ဖြစ်ပါတယ်။ ဒီစပါးကို ရောက်လာကြတဲ့ ဖောက်သည်တွေကလည်း တစ်ယောက်နဲ့တစ်ယောက် မတူညီတဲ့ နောက်ခံတွေ၊ ထူးဆန်းတဲ့ စရိုက်တွေ ရှိကြပါတယ်။ အချစ်ကို တစ်ခါမှ မတွေ့ကြုံဖူးတဲ့ ရိုးအအ သစ်လုပ်သား၊ သူ့ကိုယ်သူ နာမည်ကြီးမင်းသားပါဆိုပြီး ကြွားလုံးထုတ်နေတဲ့ လူတစ်ယောက်၊ ဆွဲဆောင်မှုရှိတဲ့ စကားလုံးတွေနောက်ကွယ်မှာ ရမ္မက်ကို ဖုံးကွယ်ထားတဲ့ ကဗျာဆရာ၊ ပြီးတော့ အပြင်ပန်းမှာ လူကြီးလူကောင်းယောင်ဆောင်ထားပေမဲ့ ကွယ်ရာမှာ ဖောက်ပြန်နေတဲ့ ယောက်ျားတစ်ယောက် စတဲ့ ဇာတ်ကောင်တွေရဲ့ အလွဲလွဲအချော်ချော် အဖြစ်အပျက်တွေကို ကြည့်ရှုရမှာပါ။ အနှိပ်သည်မလေးတွေနဲ့ ဖောက်သည်တွေကြားက ပြဿနာတွေကို စိတ်ဝင်စားဖွယ်၊ ရယ်မောဖွယ်ဖြစ်အောင် တင်ဆက်ထားတာက ဒီကားရဲ့ အဓိကဆွဲဆောင်မှုပါပဲ။ ဟာသတွေ၊ ရိုမန်တစ်ဆန်ဆန် အခိုက်အတန့်တွေနဲ့ အေးအေးဆေးဆေး စီးဆင်းနေတဲ့ ဇာတ်လမ်းလေးကနေ မထင်မှတ်ထားတဲ့ အလှည့်အပြောင်းတွေဆီကို ရုတ်တရက် ဆွဲခေါ်သွားတဲ့အခါမှာတော့... စပါးထဲမှာ ငြိမ်းချမ်းနေတဲ့ အခြေအနေကနေ ကြေးစားလူသတ်သမားတွေ ရောက်လာပြီး မထင်မှတ်ထားတဲ့ ပစ်ခတ်မှုတွေ ဖြစ်ပွားလာတဲ့အခါ ဇာတ်လမ်းက ပိုပြီး အရှိန်တက်လာပါတယ်။ ရိုးအတဲ့ သစ်လုပ်သားတစ်ယောက် သူ့ရဲ့အချစ်အတွက် ဘယ်လိုတွေ ရှေ့ဆက်တိုးမလဲ၊ ဟန်ဆောင်ထားတဲ့ လူတွေရဲ့ မျက်နှာဖုံးတွေ

"Hokum" ရုပ်ရှင်ကားဟာ "Oddity" နဲ့ "Caveat" လို အမိုက်စား ဇာတ်ကားတွေကို ဖန်တီးခဲ့တဲ့ ဒါရိုက်တာ Damian McCarthy ရဲ့ နောက်ထပ် Folk Horror/Psychological Horror ဇာတ်ကားကောင်းတစ်ကား ဖြစ်ပါတယ်။ ဒီဇာတ်ကားမှာ သရုပ်ဆောင် Adam Scott က ခေါင်းဆောင်ပါဝင်ထားပြီး၊ ဇာတ်လမ်းကတော့ ထိတ်လန့်စရာ ဝတ္ထုတွေရေးတဲ့ စာရေးဆရာတစ်ယောက်အကြောင်းကို အခြေခံထားတာပါ။ သူဟာ ကွယ်လွန်သွားပြီဖြစ်တဲ့ မိဘနှစ်ပါးရဲ့ အရိုးပြာတွေကို သွားကြဲဖို့အတွက် အိုင်ယာလန်နိုင်ငံက အေးချမ်းတဲ့ တည်းခိုခန်းလေးတစ်ခုဆီကို ခရီးထွက်လာခဲ့ရာကနေ ဇာတ်လမ်းစတင်ပါတယ်။ ဒါပေမဲ့ သူရောက်သွားတဲ့ အဲဒီတည်းခိုခန်းလေးက သာမန်နေရာလေးတစ်ခု မဟုတ်နေပါဘူး။ သူကိုယ်တိုင်က ထိတ်လန့်စရာ ဇာတ်လမ်းတွေ ဖန်တီးရေးသားသူ ဖြစ်ပေမဲ့လည်း၊ အဲဒီနေရာမှာ စုန်းမတစ်ပါး ခြောက်လှန့်နေတယ်ဆိုတဲ့ ဒေသခံတွေ ပြောစမှတ်ပြုနေကြတဲ့ ကြောက်မက်ဖွယ်ရာ သမိုင်းကြောင်းကိုတော့ သူလုံးဝ မသိခဲ့ပါဘူး။ ထူးဆန်းတဲ့ အဖြစ်အပျက်တွေ၊ စိတ်ခြောက်ခြားစရာ အငွေ့အသက်တွေနဲ့အတူ တကယ်ပဲ စုန်းမရဲ့ ခြောက်လှန့်မှုတွေက အမှန်တကယ်လား၊ ဒါမှမဟုတ် တခြားလျှို့ဝှက်ချက်တွေ ရှိနေသေးလားဆိုတာကိုတော့ ရင်တမမနဲ့ ဆက်လက်ကြည့်ရှုရမှာပါ။ ထိတ်လန့်စရာတွေချည်း စိတ်ကူးယဉ်ရေးသားနေတဲ့ စာရေးဆရာတစ်ယောက် လက်တွေ့ဘဝမှာ အမှန်တကယ် ခြောက်ခြားစရာတွေနဲ့ ကြုံတွေ့လာရတဲ့အခါ ဘယ်လိုမျိုး အသက်လုရုန်းကန်ရမလဲဆိုတာကို ကြက်သီးထစရာ ရိုက်ချက်တွေနဲ့အတူ အပြည့်အဝ ခံစားရမယ့် ဇာတ်

အခုတစ်ခေါက် ဇာတ်ကားလေးကတော့ Hidden Enemy ဆိုတဲ့ အင်ဒိုနီးရှား Psychological Drama ဇာတ်ကားကောင်းလေး ဖြစ်ပါတယ်။ ဂါဒစ်နဲ့ အန်ဒီကာဆိုတဲ့ ဇနီးမောင်နှံဟာ သိပ်ချစ်ကြပြီး သာသာပျော်ရွှင်တဲ့ မိသားစုဘဝလေးကို တည်ဆောက်နေတဲ့ ကြင်စဦး ဇနီးမောင်နှံတွေပါ။ သာယာပျော်ရွှင်တဲ့ သူတို့ဘဝထဲကို ဆူဇီဆိုတဲ့ မိန်းကလေး ရောက်လာချိန်မှာတော့ သူတို့အသိုက်အမြုံလေးဟာ လေမုန်တိုင်း ဝင်ရောက်တိုက်ခိုက်သလို သာယာမှုတွေ လွင့်စင်ခဲ့ရပါတယ်။ ဆူဇီဟာ ဂါဒစ်တို့ အိမ်အနီးမှာနေပြီး အရင်းနှီးဆုံး သူငယ်ချင်းဖြစ်အောင် မိတ်ဆွေဖွဲ့ပါတယ်။ ဂါဒစ် ကိုယ်ဝန်စရှိပြီဆိုကတည်းက ဒီကိုယ်ဝန်ကို သူ့ကိုယ်ဝန်လိုပဲ အရမ်းကို ဂရုစိုက်ပါတယ်။ ဆူဇီရဲ့ ဂရုစိုက်မှုတွေက ဆိုက်ကို​​ဖောက်သလို အလွန်အကျွံဖြစ်လာတော့ ဂါဒစ်တစ်ယောက် သံသယဝင်ပြီး ကြောက်လာပါတော့တယ်။ သူတို့မိသားစုထဲကို တတိယလူ ဝင်လာတော့ ဂါဒစ်တစ်ယောက် အတွေးများနဲ့ မပျော်ရွှင်တော့ဘဲ သူငယ်ချင်း ဆူဇီအပေါ် ယောက်ျားဖြစ်သူနဲ့ သဝန်တိုကာ ငြိုငြင်လာပါတော့တယ်။ ဆူဇီဟာ ဘာအကြောင်းနဲ့ ဂါဒစ်တို့ ဘဝထဲကို ဝင်လာရတာလဲ အတိတ်မှာ ဘယ်လိုတွေဖြစ်ခဲ့လို့ ဂါဒစ်ကိုယ်ဝန်ကို ဂရုစိုက်နေရတာလဲ...??? ဂါဒစ် ဆူဇီ အန်ဒီကာ ဒီသုံးပွင့်ဆိုင်ဇာတ်လမ်းလေးမှာ ဘယ်သူက ယုတ်မာပြီး အကြံပက်စက်တဲ့သူလဲ အတိတ်က ဆူဇီနဲ့ ဂါဒစ်ရဲ့ ယောက်ျားက ဘယ်လိုတွေ ပတ်သတ်နေတာလဲ ဆူဇီတစ်ယောက်ကရော အတိတ်မှာ ဘယ်လို ဝမ်းနည်းစရာ ဇာတ်လမ်းတွေရှိပြီး ဆိုက်ကို

၁၉၈၈ ခုနှစ် သီရိလင်္ကာပြည်တွင်းစစ်ရဲ့ အရှိန်အဟုန်ပြင်းထန်နေချိန် ဂျက်ဖ်နာမြို့ရဲ့ အမြောက်သံတွေကြားမှာ မိသားစုတစ်စုက မင်္ဂလာပွဲတစ်ခု ဆင်နွှဲဖို့ စီစဉ်နေကြပါတယ်။ မင်္ဂလာမဆောင်ခင် တစ်ညအလိုမှာ လမ်းကြောင်းမှားပြီး ရောက်ရှိလာတဲ့ ကပ္ပတိန်တစ်ဦး ဦးဆောင်တဲ့ အိန္ဒိယငြိမ်းချမ်းရေးထိန်းသိမ်းမှုတပ်ဖွဲ့ (IPKF) စစ်သည်တွေ အိမ်ထဲကို မထင်မှတ်ဘဲ အတင်းအကျပ် ဝင်ရောက်လာကြတယ်။ အပြင်ဘက်မှာလည်း ဒေသခံသူပုန်တွေရဲ့ ဝန်းရံခြင်းကို ခံထားရတာကြောင့် အကူအညီမဲ့နေတဲ့ စစ်သည်တွေက အဲဒီမိသားစုကို ဓားစာခံအဖြစ် ဖမ်းဆီးပြီး အိမ်ထဲမှာပဲ ခိုအောင်းဖို့ ဆုံးဖြတ်လိုက်ကြတယ်။ ဒီလိုနဲ့ တစ်ဖက်မှာ မင်္ဂလာမဏ္ဍပ် တစ်ဖက်မှာ သေနတ်ပြောင်းဝနဲ့ မင်္ဂလာညရဲ့ အဆုံးသတ်က ဘယ်လိုဖြစ်လာမလဲ။ သတို့သမီးလေး ဗာဆူကီတို့ မိသားစုကရော ဒီအကျပ်အတည်းကနေ လွတ်မြောက်နိုင်ပါ့မလားဆိုတာ စစ်ပွဲကာလအတွင်း ငြိမ်းချမ်းရေးရဲ့အနှစ်သာရကို မေးခွန်းထုတ်စေတဲ့ ဇာတ်ကားကောင်းလေးပဲ ဖြစ်ပါတယ်။ ဒီဇာတ်ကားမှာ ကပ္ပတိန် အဖြစ် မင်းသား Naveen Chandra နဲ့ ဗာဆူကီ အဖြစ် မင်းသမီး Sidhu Kumaresan တို့က ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

သာမန် ရေသူမဇာတ်လမ်းတွေနဲ့ လုံးဝမတူဘဲ Dark Comedy နဲ့ Horror အရသာကို ပေါင်းစပ်ဖန်တီးထားတဲ့ ထူးခြားတဲ့ ဇာတ်ကားတစ်ကား ဖြစ်ပါတယ်။ ဇာတ်လမ်းရဲ့ အဓိကဇာတ်ကောင် ဒေါ့ဂ်ဟာ ဖလော်ရီဒါပြည်နယ်က ဆေးစွဲနေပြီး ဘဝမှာ အရှုံးတွေချည်း ရင်ဆိုင်နေရတဲ့ သနားစရာ လူတစ်ယောက်ပါ။ အလုပ်ပြုတ်၊ မိန်းမကပါ ကွာရှင်းသွားတဲ့အပြင် သမီးလေးနဲ့ပါ ဝေးကွာသွားတဲ့အချိန်မှာ စိတ်ဓာတ်ကျပြီး ပင်လယ်ထဲကို ထွက်လာခဲ့ရာကနေ မထင်မှတ်ဘဲ ဒဏ်ရာရနေတဲ့ ရေသူမတစ်ကောင်ကို တွေ့ရှိသွားခဲ့ပါတယ်။ ထူးခြားတာက ဒီရေသူမက ပုံပြင်တွေထဲကလို လှပချောမောမနေဘဲ ကြောက်မက်ဖွယ်ကောင်းနေတာပါ။ ဒါပေမဲ့လည်း ဒေါ့ဂ် တစ်ယောက် ဒီရေသူမလေးကို "ဒက်စ်တီနီ" လို့ နာမည်ပေးပြီး သူ့အိမ်က ရေချိုးကန်ထဲမှာ လျှို့ဝှက်စွာ ပြုစုစောင့်ရှောက်ပေးရင်းကနေ သူတို့နှစ်ယောက်ကြားမှာ ထူးဆန်းတဲ့ သံယောဇဉ်တစ်ခု ဖြစ်တည်လာပါတော့တယ်။ ဒါပေမဲ့ ဒေါ့ဂ်ရဲ့ ဒီလျှို့ဝှက်ချက်ကြီးက သိပ်မကြာခင်မှာပဲ ပေါက်ကြားသွားတဲ့အခါ အခြေအနေတွေက လုံးဝ ရှုပ်ထွေးသွားပါတော့တယ်။ ရေသူမကို အခွင့်ကောင်းယူ အမြတ်ထုတ်ချင်နေကြတဲ့ ဒေသခံ လူမိုက်ဂိုဏ်းတွေနဲ့ အန္တရာယ်ရှိတဲ့ လူတွေ ဒေါ့ဂ်ရဲ့ အိမ်ကို ရောက်လာကြတဲ့အခါမှာတော့ ကိုယ့်ကိုယ်ကိုယ်တောင် မနိုင်တဲ့ ဒေါ့ဂ် တစ်ယောက် သူ့ရဲ့ သူငယ်ချင်းအသစ်လေးကို ကာကွယ်ဖို့အတွက် မဖြစ်မနေ ရင်ဆိုင်ရုန်းကန်ရပါတော့တယ်။ ဟာသနှောထားတဲ့ အမိုက်စား ဇာတ်ကွက်တွေ၊ ထူးဆန်းတဲ့ အချိတ်အဆက်တွေနဲ့ ဖန်တီးထားတဲ့ ဒီဇာတ်ကားမှာ ဒေါ့ဂ်

ဆိတ်ငြိမ်ပြီး အေးချမ်းလှတဲ့ ဆာလ်ဘာဒီဆိုတဲ့ ကျေးရွာလေးတစ်ခုမှာ မသင်္ကာစရာကောင်းတဲ့ မတော်တဆ သေဆုံးမှုတွေ ဆက်တိုက်ဖြစ်ပွားလာပါတယ်။ ရေနစ်သလိုလို၊ ကန်ထဲပြုတ်ကျသလိုလိုနဲ့ ၈ နှစ်အရွယ်ကလေးတွေ တယောက်ပြီးတယောက် သေဆုံးနေတာပါ။ ဒီအမှုတွေကို စုံစမ်းစစ်ဆေးဖို့ ရဲအရာရှိတစ်ယောက် ရောက်ရှိလာပြီး စုံစမ်းတဲ့အခါမှာတော့ ရွာခံတွေရဲ့ ဖုံးကွယ်ထားတဲ့ လျှို့ဝှက်ချက်တွေ၊ ရှေးဟောင်းသမိုင်းကြောင်းတွေကို တွေ့လာရပါတယ်။ စုံစမ်းစစ်ဆေးမှု နက်ရှိုင်းလာလေလေ ရွာသားတွေရဲ့ ရှေးရိုးစွဲအယူအဆတွေ၊ အယူသီးမှုတွေ၊ နိုင်ငံရေးအရ ဖိအားပေးမှုတွေနဲ့ ကျေးရွာအတွင်းက အာဏာလုပွဲတွေကြားထဲ အမှုက ပိုရှုပ်ထွေးပြီး အန္တရာယ်များလာလေဖြစ်ပါတယ်။ ဆန်းကြယ်တဲ့ သေဆုံးမှုတွေရဲ့ နောက်ကွယ်က ကွင်းဆက်တရားခံ အစစ်အမှန်က ဘယ်သူလဲ၊ ရွာသားတွေ ဖုံးကွယ်ထားတဲ့ အတိတ်က အမှောင်ဖုံးနေတဲ့ လျှို့ဝှက်ချက်က ဘာလဲဆိုတာကို ဖော်ထုတ်မယ့် စိတ္တဇဆန်းကြယ် မှုခင်းသည်းထိတ်ရင်ဖို ရုပ်ရှင်လေးပဲဖြစ်ပါတယ်။

အိန္ဒိယနိုင်ငံရဲ့ အကြီးဆုံး ဘဏ်လိမ်လည်မှုကြီးကို ကျူးလွန်ပြီး လွတ်မြောက်ဖို့ ကြိုးစားနေတဲ့ သူတစ်ယောက် လေယာဉ်တစ်စင်းပေါ် တက်ရောက်လာရာကနေ ဒီဇာတ်လမ်းကို စိတ်ဝင်စားဖွယ် စတင်ထားပါတယ်။ ဒါပေမဲ့ အဲဒီလေယာဉ်ဟာ ရိုးရိုးခရီးစဉ်တစ်ခု မဟုတ်တော့ပါဘူး။ လေယာဉ်ပေါ်မှာ သူ့ကို သတ်ချင်နေတဲ့ လူသတ်သမားတွေ၊ ပြန်ပေးဆွဲသမားတွေအပြင် မျက်မမြင်ဆရာဝန်အဖြစ် ဟန်ဆောင်ထားတဲ့ လျှို့ဝှက်အေးဂျင့်တွေအထိ ပါဝင်နေတာကြောင့် ပေသောင်းချီမြင့်တဲ့ ကောင်းကင်ယံမှာ ရှုပ်ထွေးလွန်းတဲ့ အသက်လုပွဲကြီးတစ်ခု စတင်ပါတော့တယ်။ ဘယ်သူက ရန်သူ၊ ဘယ်သူက မိတ်ဆွေဆိုတာ ခွဲခြားရခက်တဲ့ အခြေအနေတွေနဲ့အတူ မထင်မှတ်ထားတဲ့ အလှည့်အပြောင်းတွေကို ရင်တမမနဲ့ ကြည့်ရှုရမဲ့ ဇာတ်ကားကောင်းတစ်ကား ဖြစ်ပါတယ်။ ဒီဇာတ်ကားရဲ့ အဓိက ဆွဲဆောင်မှုကတော့ အက်ရှင်နဲ့ သည်းထိတ်ရင်ဖို ဇာတ်လမ်းသွားကို ဟာသအပြည့်နှောပြီး အချိုးကျကျ တင်ဆက်ထားနိုင်တာပဲ ဖြစ်ပါတယ်။ လေယာဉ်ပေါ်က ခရီးသည်တိုင်းမှာ ကိုယ်ပိုင်လျှို့ဝှက်ချက် အကြံအစည်တွေ ရှိနေကြပြီး တစ်ယောက်နဲ့တစ်ယောက် အကွက်ဆင်လှည့်စားကြပုံတွေက ပရိသတ်ကို အော်ဟစ်ရယ်မောစေမှာ အသေအချာပါပဲ။ အလွဲလွဲအချော်ချော် အခြေအနေတွေကြားကနေ ဗုံးဖောက်ခွဲမဲ့အန္တရာယ်ကို ဘယ်လိုဖြေရှင်းကြမလဲ။ ဘယ်သူက တကယ့် နောက်ကွယ်က ကြိုးကိုင်သူ ဗီလိန်အစစ်လဲ ဆိုတာကို ဇာတ်သိမ်းအထိ ဆွဲခေါ်သွားမဲ့ အကောင်းဆုံး ဇာတ်ကားတစ်ကားဖြစ်လို့ လက်မလွှတ်တမ်း ကြည့်ရှုသင့်ပါတယ်။

အသစ်စက်စက်ထွက်ထားတဲ့ ကိုရီးယား သရဲကားလေးဖြစ်ပါတယ် ဇာတ်လမ်းအစမှာ ရေကန်ထဲက သရဲကို ဓာတ်ပုံတစ်ခုမှာပါလာရာကနေ အဲ့ရေကန်ကို ရိုက်ကူးရေးအဖွဲတွေသွားရောက်စုံစမ်းရာကနေ တစ်ဖွဲ့လုံးသရဲနဲ့ ထပ်တိုက်တွေ့ပီး ဘာတွေဆက်ဖြစ်လာမလဲဆိုတာကိုတော့ ....

ဒီတစ်ခါ ပရိသတ်ကြီးကို ပေါ့ပေါ့ပါးပါးနဲ့ ရယ်မောပျော်ရွှင်ရမယ့် မလေးယာလံ (Malayalam) မိသားစုဟာသကားလေး တစ်ခု တင်ဆက်ပေးချင်ပါတယ် ဇာတ်လမ်းလေးကတော့ ပထမကား (Bharathanatyam) ရဲ့ အဆက်ဖြစ်ပြီး ရုပ်ရှင်လောကထဲမှာ ဒါရိုက်တာတစ်ယောက်အဖြစ် အောင်မြင်ဖို့ ကြိုးစားနေတဲ့ ဆပ်သရာနဲ့ သူ့ရဲ့ ရှုပ်ထွေးပွေလီလှတဲ့ မိသားစုအကြောင်းကို ဆက်လက်ပုံဖော်ထားတာပါ။ ပထမကားမှာ မိသားစုရဲ့ လျှို့ဝှက်ချက်တွေကို လိုက်လံဖုံးဖိရင်း ဗာရာဏသီအထိ ခရီးနှင်ခဲ့ရတဲ့ ဆပ်သရာတစ်ယောက် ဒီဒုတိယပိုင်းမှာတော့ ပိုမိုဆန်းကြယ်တဲ့ မိသားစုပြဿနာသစ်တွေ၊ အရှုပ်ထုပ်တွေကြားထဲ ထပ်မံရောက်ရှိသွားပါတော့တယ်။ အခက်အခဲတွေကို ဟာသဖြစ်အောင် ဖြေရှင်းတတ်တဲ့ သူ့ရဲ့မိသားစုဝင်တွေကြောင့် ကိစ္စတိုင်းက တလွဲတချော်တွေဖြစ်ပြီး ရယ်စရာအလွဲအချော်တွေနဲ့ပဲ အဆုံးသတ်နေရပါတယ်။ ဇာတ်လမ်းအစကနေ အဆုံးအထိ ပရိသတ်တွေကို ဟာသပြကွက်တွေ၊ မိသားစုဒရာမာတွေနဲ့ ဆွဲဆောင်ထားပြီး မင်းသား Saiju Kurup ရဲ့ ပီပြင်လှတဲ့ ဟာသသရုပ်ဆောင်ချက်တွေကို တစ်ဝကြီး ကြည့်ရှုရမှာပါ။ ပထမကားထက် ပိုမိုပွေလီပြီး ပိုမိုရယ်ရမယ့် မိသားစုအလွဲတွေကို တင်ဆက်ထားတာမို့လို့ ပရိသတ်ကြီးလည်း မိသားစုနဲ့တူတူ ရယ်မောရင်း အပန်းဖြေကြည့်ရှု အားပေးကြပါဦးခင်ဗျာ။

တရားခွင်ဆိုတာ အမှန်တရားကို ရှာဖွေတဲ့နေရာလား၊ ဒါမှမဟုတ် အနိုင်အရှုံးကိုပဲ အဆုံးအဖြတ်ပေးတဲ့ စစ်တလင်းလား။ ဒီမေးခွန်းကို အကောင်းဆုံး ဖြေဆိုပေးမဲ့ ဇာတ်ကားကတော့ ရှေ့နေဖခင်နဲ့ အစိုးရရှေ့နေ သမီးတို့ကြားက အကြိတ်အနယ် ယှဉ်ပြိုင်ရမဲ့ ဥပဒေရေးရာ သည်းထိတ်ရင်ဖိုဇာတ်ကားကောင်းတစ်ကားပါပဲ။ တစ်ခါမှ အမှုမရှုံးဖူးတဲ့ နာမည်ကြီး ရှေ့နေကြီးနဲ့ သူ့ရဲ့အရိပ်အောက်ကနေ ရုန်းထွက်ပြီး ကိုယ်ပိုင်နာမည်တစ်ခု တည်ဆောက်ချင်နေတဲ့ အစိုးရရှေ့နေမလေးတို့ဟာ လူသတ်မှုတစ်ခုမှာ ထိပ်တိုက်တွေ့ဆုံလာကြပါတယ်။ နာမည်ကျော် ဆိုရှယ်မီဒီယာ အင်ဖလူဇာ တစ်ယောက်က သူ့ရဲ့ တိုက်ခန်းမှာ ကြိုးဆွဲချသေဆုံးနေလျက် တွေ့ရှိခဲ့ရပေမဲ့ သေချာစုံစမ်းကြည့်တဲ့အခါမှာတော့ ဒါဟာ သတ်သေတာမဟုတ်ဘဲ အကွက်ကျကျ ဖန်တီးထားတဲ့ လူသတ်မှုဖြစ်နေတာကို တွေ့လိုက်ရချိန်မှာတော့ ဇာတ်လမ်းက စိတ်ဝင်စားစရာ အကောင်းဆုံး အနေအထားကို ရောက်ရှိသွားပါတော့တယ်။ ဒီလူသတ်မှုရဲ့ အဓိက သံသယတရားခံကတော့ တခြားသူမဟုတ်ဘဲ ရှေ့နေကြီးရဲ့ အရေးပါတဲ့ အမှုသည်ဟောင်း၊ ဩဇာတိက္ကမကြီးမားတဲ့ ဆောက်လုပ်ရေးသူဌေးကြီး ဖြစ်နေပါတယ်။ ငွေညှစ်မှုတွေ၊ လျှို့ဝှက်ချက်တွေနဲ့ နောက်ကွယ်ကနေ အကွက်ကျကျ ကြိုးကိုင်ခြယ်လှယ်နေတဲ့ လျှို့ဝှက်ဆန်းကြယ်တဲ့ဇာတ်ကောင်တစ်ဦးအကြောင်းကို တဖြည်းဖြည်းချင်း ဖော်ထုတ်သွားမဲ့တရားခွင်တွင်းက အချေအတင် လျှောက်လဲချက်တွေဟာ ကြည့်ရှုသူကိုမျက်တောင်မခတ်ချင်လောက်အောင် ဆွဲဆောင်ထားနိုင်မှာ အသေအချာပါပဲ။ ဖခင်နဲ့ သမီးကြားက ဥပဒ

အက်စ်သီနာပူရမ်ဆိုတဲ့ လျှို့ဝှက်ဆန်းကြယ်တဲ့ ရွာလေးတစ်ရွာကို နောက်ခံထားရိုက်ကူးထားတဲ့ ဒီဇာတ်ကားက သမိုင်းကြောင်းနဲ့ သည်းထိတ်ရင်ဖိုအငွေ့အသက်တွေကို အကောင်းဆုံး ပေါင်းစပ်တင်ဆက်ထားပါတယ်။ ၁၆၀၀ ပြည့်နှစ်တွေလောက်က နိုင်ငံခြားသာသနာပြုတွေ ယူဆောင်လာခဲ့တဲ့ စုန်းကဝေအောက်လမ်းပညာနဲ့ ရက်စက်တဲ့ ယဇ်ပူဇော်မှုတွေက နှစ်ကြာတဲ့အထိ ဒီရွာလေးမှာ အရိပ်မည်းကြီးလို လွှမ်းမိုးနေဆဲပါ။ အဲဒီအယူသီးမှုတွေကြားထဲက ဗစ်တိုးရီးယား၊ မာဆီလင်နဲ့ အလီရှားတို့ မိသားစုရဲ့ ကြောက်မက်ဖွယ်ရာ အတွေ့အကြုံတွေ၊ ရွာထဲမှာ ဆက်တိုက်ဆိုသလို ဖြစ်ပွားလာတဲ့ ထူးဆန်းတဲ့ သေဆုံးမှုတွေ၊ ပျောက်ဆုံးမှုတွေက ကြည့်ရှုသူကို ဇာတ်လမ်းအစကနေ အဆုံးထိ မျက်တောင်မခတ်ချင်လောက်အောင် ဆွဲဆောင်ထားနိုင်ပါတယ်။ မကောင်းဆိုးဝါးကို ကိုယ်စားပြုတဲ့ ကျီးကန်းတွေ၊ ကျိန်စာသင့်စာအုပ်ကြီးနဲ့ သွေးပျက်စရာ ထုံးတမ်းစဉ်လာတွေကို ရင်တဖိုဖိုနဲ့ မြင်တွေ့ခံစားရမှာပါ။ ဒီဇာတ်ကားကို မဖြစ်မနေ ကြည့်သင့်တဲ့ အဓိကအချက်ကတော့ ရိုးအီနေတဲ့ သရဲကားတွေလို ရုတ်တရက် လန့်ဖြတ်သွားအောင် လုပ်တာမျိုးမဟုတ်ဘဲ၊ စိတ်ပိုင်းဆိုင်ရာ ခြောက်လှန့်မှုနဲ့ ဇာတ်လမ်းဇာတ်ကွက် အချိတ်အဆက်တွေကို သေသေချာချာ တည်ဆောက်ထားလို့ပဲ ဖြစ်ပါတယ်။ မျိုးဆက်တစ်ဆက်ကနေ တစ်ဆက်ကို ကူးစက်လာတဲ့ မျက်ကန်းယုံကြည်မှုတွေက ဘယ်လောက်တောင် အန္တရာယ်ကြီးမားပြီး ရက်စက်ကြမ်းကြုတ်သွားနိုင်လဲဆိုတာကို ဇာတ်ရှိန်တက်လာတာနဲ့အမျှ ရင်တထိတ်ထိတ်နဲ့ မြင်တ

ဒီဇာတ်ကားလေးကတော့ နာမည်ကြီး ထိုင်း Horror ဇာတ်ကားလေးဖြစ်တဲ့ Panor 2 ဆိုတဲ့ ဇာတ်ကားလေးပဲ ဖြစ်ပါတယ်။ Panor 1 မှာအောက်လမ်းပညာ အစီအရင်တွေနဲ့ ကမ္ဘာပျက်ခဲ့တဲ့ ဖနော်တစ်ယောက်..Panor 2မှာတော့ သူ့ရဲ့ အောက်လမ်းအစွမ်းတွေကို စွန့်လွှတ်လိုက်ပြီး အတိတ်မေ့ကာ ဘဝသစ်ကို ပြန်စထားပါတယ်။ ဖနော်တစ်ယောက် သူမရဲ့အိပ်မက်ဖြစ်တဲ့ ဆရာမတစ်ယောက် ဖြစ်လာဖို့ ဆရာအတတ်သင်ကောလိပ်မှာ ကြိုးစားပြီး အေးချမ်းစွာ ပညာသင်ယူနေပါတယ်။ ဒါပေမဲ့ ဖနော်ရဲ့ အေးချမ်းမှုက ကြာရှည်မခံသလို အောက်လမ်း ပညာရဲ့ ကျိန်စာက လွယ်လွယ်နဲ့ မပြီးဆုံးသွားပါဘူး။ ဖနော့် ပတ်ဝန်းကျင်က ကျောင်းသားတွေက သူမရဲ့အတိတ်နဲ့ သူမကိုယ်ထဲက မျက်လုံးသုံးလုံးနတ်ဘုရားရဲ့အစွမ်းတွေကို သိရှိသွားခဲ့ပါတယ်။ ဖနော့်ရဲ့ အေးချမ်းတဲ့ဘဝလေးထဲကို မင့်ဆိုတဲ့ ကျောင်းသူလေး ဝင်ရောက်လာချိန်မှာ သူမ မေ့ပစ်ထားတဲ့ မှတ်ဉာဏ်တွေနဲ့အတူ အောက်လမ်း ပညာတွေပါ ထုတ်သုံးဖို့ ဖြစ်လာပါတော့တယ်။ ထိုင်းသရဲကားတွေရဲ့ ထုံးစံအတိုင်း အောက်လမ်းနည်းနဲ့ ပြုစားတာတွေ အင်းကွက်တက်တူးတွေ သွေးသံရဲရဲနဲ့ ရက်ရက်စက်စက် သတ်ဖြတ်တဲ့ ဇာတ်ဝင်ခန်းတွေ အများကြီးပါဝင်တာမို့ ကြောက်တတ်သူများ နှလုံးရောဂါရှိသူများ ကလေးသူငယ်များ ဆင်ခြင်ပြီး ကြည့်ရှုပါရန်... သဲထိတ်ရင်ဖို ကြိုက်တဲ့ Horror fan တွေအတွက် လက်မလွှတ်သင့်တဲ့ ထိုင်းဇာတ်ကားကောင်းတစ်ကား ဖြစ်ပါတယ်။

ချွဲဆွန်းမင်းဟာ တက္ကသိုလ်ကျောင်းသားဘဝတုန်းက Ambulance လို့ခေါ်တဲ့ ရော့ခ်တီးဝိုင်းတစ်ခုရဲ့ အဆိုတော်တစ်ဦးဖြစ်ခဲ့ပြီး အခုအခါမှာတော့ တူရိယာပစ္စည်းအရောင်းဆိုင်လေးတစ်ခုကို ဖွင့်လှစ်ထားတဲ့ သမီးတစ်ယောက်ဖခင် တစ်ခုလပ်တစ်ဦးဖြစ်နေပါပြီ။ ဆွန်းမင်းဟာ သူ့ရဲ့လူငယ်ဘဝမှာ ဟန်ဘိုနာ ဆိုတဲ့ ကောင်မလေးကို တိတ်တခိုး သဘောကျခဲ့ရပေမဲ့ ဖျော်ဖြေပွဲတစ်ခုမှာ အရှက်ရစရာ မတော်တဆမှုတစ်ခုဖြစ်ခဲ့လို့ ချစ်ရေးမဆိုနိုင်ခဲ့ဘဲ အဆက်အသွယ်ပြတ်သွားခဲ့ပါတယ်။ နှစ်တွေအကြာကြီး ကွာဟသွားပြီးနောက်မှာတော့ ဆွန်းမင်းဟာ သူ့ရဲ့အချစ်ဦး ဘိုနာနဲ့ မမျှော်လင့်ဘဲ ပြန်လည်ဆုံတွေ့ခဲ့ပါတယ်။ နှစ်ယောက်သားကြားမှာ အချစ်မီးတောက်လေး ပြန်လည်တောက်လောင်လာဖို့ အခွင့်အရေးရလာပေမဲ့ အကြီးမားဆုံး အဟန့်အတားကတော့ ဘိုနာဟာ ကလေးတွေကို လုံးဝမနှစ်သက်ဘဲ "No-kids" လူနေမှုပုံစံကို တင်းတင်းကျပ်ကျပ် ဆုပ်ကိုင်ထားသူ ဖြစ်နေတာပါပဲ။ ဘိုနာ့ကို ထပ်ပြီးမဆုံးရှုံးချင်တော့တဲ့ ဆွန်းမင်းဟာ သူချစ်ရတဲ့ သမီးလေး ဆိုယောင်းရှိနေတယ်ဆိုတဲ့ အချက်ကို ဖုံးကွယ်ထားဖို့ ဆုံးဖြတ်လိုက်ပါတော့တယ်။ အချစ်ဦးကို ပြန်လည်ရရှိဖို့နဲ့ သမီးလေးရှိနေတဲ့အကြောင်းကို လျှို့ဝှက်ထားဖို့ ကြိုးစားရင်း ဆွန်းမင်းတစ်ယောက် ဘယ်လိုမျိုး အလွဲလွဲအချော်ချော် ဟာသတွေနဲ့ ရင်ဆိုင်ရမလဲဆိုတာကို ပေါ့ပေါ့ပါးပါးနဲ့ ချစ်စရာကောင်းအောင် တင်ဆက်ထားတဲ့ဇာတ်ကားပါ။ ဒီကားကို အညွှန်းနဲ့ဘာသာပြန်ဆိုသူက Huihui ​ဖြစ်ပါတယ်။

ဒီတစ်ခေါက်ဇာတ်ကားလေးကတော့ Omukadeဆိုတဲ့ အမိုက်စား CGIအထူးရိုက်ချက်တွေနဲ့ ရိုက်ကူးပုံဖော်ထားတဲ့ Horror, Thriller, Creature Feature, Historical အမျိုးအစား ဇာတ်ကားကောင်းလေး ဖြစ်တဲ့'' အိုမူကာဒေ''ဆိုတဲ့ ထိုင်းကားလေးပဲ ဖြစ်ပါတယ်။ အိုမူကာဒေ ဆိုတာ ဂျပန်ရိုးရာပုံပြင်ထဲက မိစ္ဆာတစ်ကောင်ဖြစ်ပါတယ်။ သူ့အသိုက်ကို ကာကွယ်စောင့်ရှောက်တဲ့ ဒဏ္ဍာရီလာ ကင်းခြေများ သတ္တဝါဆန်းကြီးဖြစ်ပါတယ်။ ဒုတိယကမ္ဘာစစ်အတွင်း ၁၉၄၁ ခုနှစ် ထိုင်းနိုင်ငံ ဝေးလံခေါင်ဖျားတဲ့ အရပ်မှာ စစ်ပွဲလှိုင်းလုံးတွေကြားထဲ အချင်းချင်း သွေးမြေကျလုမတတ် ရန်သူဖြစ်နေကြတဲ့ ဂျပန်စစ်သားတွေ မဟာမိတ်စစ်သုံ့ပန်းတွေနဲ့ ဒေသခံထိုင်းရွာသားတွေဟာ မမျှော်လင့်ဘဲ ရှေးဟောင်းကျိန်စာသင့် မိုင်းတွင်းတစ်ခုထဲမှာ အတူတူပိတ်မိသွားကြပါတယ်။ဒီထဲမှာ ရန်ဂျာနဲ့ စနောဆိုတဲ့ကောင်မလေးလည်း အတူတူ ပိတ်မိသွားခဲ့ပါတယ်။ လွတ်လမ်းကို ရှာဖွေဖို့ ကြိုးစားနေစဉ်မှာပဲ အမှောင်ထုထဲ စိုစွတ်လှတဲ့ မိုင်းတွင်းနက်ကြီးထဲမှာ သူတို့ထက် အဆပေါင်းများစွာကြီးမားပြီး သွေးဆာနေတဲ့ အသားစား ကင်းခြေများ အိုမူကာဒေရဲ့ အမဲလိုက်တာကို ခံရပါတော့တယ်။ အသက်ရှင်ဖို့အတွက် အမုန်းတရားတွေကို ခဏဘေးဖယ်ပြီး ရန်သူချင်း လက်တွဲရမယ့်အခါမှာတော့.... ရန်ဂျာနဲ့စနောတို့နှစ်ယောက် အသားစား ကင်းခြေများကြီး အိုမူကာဒေရဲ့ ရန်ကနေ လွတ်မြောက်ပါ့မလား... ကဲ ဒီလိုစိတ်ဝင်စားစရာတွေနဲ့ ပြည့်နှက်နေတဲ့ အသစ်စက်စက် ထွက်ရှိလာတဲ့ သဲထိတ်ရ

၁၉၆၄ ခုနှစ်က အိန္ဒိယ-တရုတ် နယ်စပ် နန်ဒါဒေဝီ တောင်တန်းမှာ ပျောက်ဆုံးသွားခဲ့တဲ့ အဖျက်စွမ်းအားကြီး နျူကလီးယားစက်ကြီးတစ်ခု နှစ်ပေါင်းများစွာကြာပြီးနောက် ပြန်လည်ပေါ်ထွက်လာတဲ့အခါ...။ ဒီဇာတ်လမ်းလေးဟာ အိန္ဒိယနိုင်ငံ၊ ချန်နိုင်းမြို့မှာ ကျင်းပမဲ့ G20 ထိပ်သီးအစည်းအဝေးကြီးကို နောက်ခံထားပြီး အသက်ရှူမှားလောက်အောင် ရိုက်ကူးထားတဲ့ အက်ရှင်ထောက်လှမ်းရေး ဇာတ်ကားကောင်းတစ်ကား ဖြစ်ပါတယ်။ နိုင်ငံတကာ ကြေးစားအဖွဲ့တွေ၊ သစ္စာဖောက်တွေနဲ့ တိုင်းပြည်ကို ကာကွယ်ရမဲ့ R&AW ထောက်လှမ်းရေး အေးဂျင့်တွေကြားက အားပြိုင်မှုတွေကို အချိတ်အဆက်မိမိ တင်ဆက်ထားတာကြောင့် စက္ကန့်မလပ် ရင်ခုန်စိတ်လှုပ်ရှားစွာနဲ့ ကြည့်ရှုရမဲ့ ဇာတ်ကားတစ်ကားလို့ ဆိုချင်ပါတယ်။ ဇာတ်လမ်းရဲ့ အဓိကဇာတ်ကောင်ဖြစ်တဲ့ R&AW အေးဂျင့် ဂေါတမ် တစ်ယောက် ရုရှားနိုင်ငံမှာ ဖမ်းဆီးခံထားရတဲ့ ဂန္ထဝင်အေးဂျင့် မစ္စတာ X ကို သွားရောက်ကယ်တင်ရမဲ့ လျှို့ဝှက်စစ်ဆင်ရေးတစ်ခုကို တာဝန်ယူလိုက်ရချိန်မှာတော့ မထင်မှတ်ထားတဲ့ အလှည့်အပြောင်းတွေ စတင်ပါတော့တယ်။ သူသွားကယ်ရမဲ့ မစ္စတာ X ဆိုတာ တခြားသူမဟုတ်ဘဲ ငယ်စဉ်ကတည်းက သူ့ကို ပစ်ထားခဲ့တဲ့ သူ့ရဲ့အရင်းနှီးဆုံး ဖခင်ဖြစ်နေတာကို သိလိုက်ရတဲ့အခါ မိသားစုသံယောဇဉ်နဲ့ တိုင်းပြည်တာဝန်ကြား ဂေါတမ် ဘယ်လိုများ ရွေးချယ်မလဲ။ မျက်နှာမရှိတဲ့ နိုင်ငံတကာ ရာဇဝတ်ဂိုဏ်းခေါင်းဆောင် "ရာနာ" ရဲ့ အနိဋ္ဌာရုံ နျူကလီးယား ခြိမ်းခြောက်မှုကြီးကနေရော အိန္ဒိယနိုင

ဒီဇာတ်ကားလေးကတော့ ထိုင်းနိုင်ငံမြောက်ပိုင်းက ဖီတံခွန်ပွဲတော်ကို အခြေခံပြီး ရိုက်ကူးထားတဲ့ သဲထိတ်ရင်ဖို horror ဇာတ်ကားကောင်းလေး ဖြစ်တဲ့ The Cursed Mask ဆိုတဲ့ ထိုင်းဇာတ်ကားကောင်းလေး ဖြစ်ပါတယ်။ ထိုင်းနိုင်ငံမြောက်ပိုင်းက ရွာတစ်ရွာမှာ ဂျွိုင်ဆိုတဲ့ကောင်လေးက နားမ​ကြားတဲ့ ညီမဖြစ်သူ ဂျန်ရယ် အဘွားသင်တို့နဲ့အတူ အေးချမ်းစွာ နေထိုင်လာခဲ့ပါတယ်။ ဇာတ်လမ်းအစက အဘွားသင်ကနေ စပါတယ်...အဘွားသင်က သူ့ယောက်ျား မသေခင်က ရွာသားတွေကို နတ်ကွန်းဆောက်ဖို့ သူ့ပိုင်မြေကို ခွဲပေးခဲ့ပါတယ် ဒါကို ယောက်ျားသေတော့ အဘွားသင်က မြေကို ပြန်ယူပြီး သားဖြစ်သူကို အိမ်ဆောက်ပေးခဲ့ပါတယ်။ နတ်ကွန်းပိုင်မြေကို ပြန်ယူလိုက်ကတည်းက ဂျွိုင်တို့ မိသားစု ကံဆိုး မိုးမှောင်ကျလာလိုက်တာမှ ဂျွိုင့်အဖေ သေဆုံးသွားရသည်အထိပါ... သားဖြစ်သူသေတာကို စုံစမ်းရင်း ဂျွိုင်အဘွားကိုပါ မျက်နှာဖုံး စွပ်ရက်သား သေနေတာကို တွေ့ခဲ့ရပါတယ် ။ အဖေနဲ့အဘွားသေတာကို သွေးရိုးသားရိုးမဟုတ်ဘူးဆိုပြီး လိုက်လံစုံစမ်းတဲ့ ဂျွိုင်တစ်ယောက် မျက်နှာဖုံးရဲ့ ဇစ်မြစ်ကို သိရှိသွားချိန်မှာတော့.. ဒီမျက်နှာဖုံးက အများထင်နေသလို တကယ် ကျိန်စာသင့်နေတာလား.. ဒါမှမဟုတ် ဒီမျက်နှာဖုံးနောက်ကွယ်မှာ ကြိုးကိုင်နေတဲ့သူက ဘယ်သူများဖြစ်မလဲ ဖီတံခွန်ပွဲတော်ကို အကြောင်းပြုပြီး လူကုန်ကူးနေတဲ့ဂိုဏ်းကို နောက်ဆုံး တွေ့ရှိသွားချိန်မှာတော့ ဘာတွေ ဆက်ဖြစ်မှာလဲ.... ဂျွိုင်တို့မိသားစု ဒီအဖြစ်ဆိ

ဒီတစ်ခါမှာတော့ အားကစားလောကရဲ့ ပြင်းထန်တဲ့ အားပြိုင်မှုတွေကြားကနေ သည်းထိပ်ရင်ဖို စိတ်လှုပ်ရှားစရာကောင်းတဲ့ Sports/Action ကားကောင်းလေးတစ်ကားနဲ့ မိတ်ဆက်ပေးချင်ပါတယ်။ ဒီကားလေးကတော့ သွေးပူစေမယ့် MMA ထိုးပွဲတွေနဲ့အတူ ညီအစ်ကိုသံယောဇဉ်နဲ့ မိသားစုကို ကာကွယ်လိုစိတ်တွေအကြောင်းကိုပါ ထိထိမိမိ ရိုက်ပြထားတဲ့ "Beast" ဆိုတဲ့ ဇာတ်ကားလေးပါပဲ။ ဇာတ်လမ်းလေးကတော့ ကြိုးဝိုင်းနဲ့ နှစ်ပေါင်းများစွာ ဝေးကွာနေခဲ့တဲ့၊ တစ်ချိန်က ပြိုင်ဘက်တိုင်း ကြောက်ရွံ့ခဲ့ရတဲ့ MMA ချန်ပီယံဟောင်းတစ်ယောက်ရဲ့အကြောင်းပါပဲ။ သူက သူ့ရဲ့ညီလေး အန္တရာယ်နဲ့ ကြုံတွေ့လာရတဲ့အခါမှာတော့ ဘဝရဲ့အရေးကြီးဆုံး တိုက်ပွဲအတွက် ကြိုးဝိုင်းထဲကို မဖြစ်မနေ ပြန်လည်ဝင်ရောက်ဖို့ ဖြစ်လာခဲ့ပါတယ်။ အဲဒီနောက် သူ့ကို မြေတောင်မြှောက်ပေးခဲ့တဲ့ နည်းပြဟောင်းနဲ့ ပြန်လည်ပူးပေါင်းပြီး သူ့ရဲသမိုင်းကို ဖျက်ဆီးပစ်ဖို့ ကြံရွယ်နေတဲ့ လက်ရှိချန်ပီယံ သရဖူဆောင်းထားသူနဲ့ နောက်ဆုံးပိတ် ထိပ်တိုက်ရင်ဆိုင်ဖို့ ပြင်ဆင်ရတဲ့အခါမှာတော့...။ အနိုင်ရတဲ့သူကသာ အရာအားလုံးကို ပိုင်ဆိုင်နိုင်မယ့် သေရေးရှင်ရေးတိုက်ပွဲကြီးမှာ ဘယ်သူကများအနိုင်ရမလဲဆိုတာ ရင်တထိပ်ထိပ်နဲ့ ကြည့်ရှုရမှာပါ။ ဆိုတော့... အားပြိုင်မှုပြင်းထန်တဲ့ ကြိုးဝိုင်းထဲက ဖိအားတွေကြားထဲကနေ စစ်မှန်တဲ့ တာဝန်သိစိတ်နဲ့ ရှင်သန်ခြင်းအင်အားက ဘယ်လောက်အထိ ကြီးမားလဲဆိုတာကို ခံစားချင်တယ်ဆိုရင်တော့ ဒီကားလေးက သေချာပေါက်ကြည့်သင့်တဲ့ ဇာတ်ကားလေးပါပဲနော

မာဗယ်ပရိသတ်တွေ မျှော်လင့်နေကြတဲ့ အက်ရှင်အကြမ်းစား ဇာတ်ကောင် Frank Castle (ခေါ်) The Punisher ကြီးဟာ ဒီတစ်ခါမှာတော့ "One Last Kill" ဆိုတဲ့နာမည်နဲ့ Special Presentation အနေနဲ့ ပြန်လည်ရောက်ရှိလာပါပြီ။ သူ့ရဲ့ သွေးစွန်းနေတဲ့ အတိတ်ကနေ ရုန်းထွက်ပြီး အေးအေးချမ်းချမ်း နေထိုင်ချင်ပေမယ့်လည်း မလွှဲမရှောင်သာတဲ့ အကြောင်းတရားတစ်ခုကြောင့် လက်နက်ပြန်ကိုင်ရမယ့် အခြေအနေကို ရောက်လာပါတယ်။ ဒီတစ်ခေါက် သူရင်ဆိုင်ရမယ့် ပြဿနာက ဘာလဲ၊ ပြီးတော့ ဒါကရော သူ့အတွက် တကယ်ပဲ နောက်ဆုံး စစ်ဆင်ရေး ဖြစ်လာမလား။ ဒီဇာတ်ကားမှာ စူပါဟီးရိုးကားတွေမှာ တွေ့ရတတ်တဲ့ စွမ်းအားရှင်တွေရဲ့ တိုက်ခိုက်မှုတွေထက် အမိုက်စား လက်နက်ကိုင်တိုက်ပွဲတွေ၊ လက်စားချေမှုတွေနဲ့ အက်ရှင်တွေကို ပိုပြီး အသားပေးထားပါတယ်။ ဒါ့အပြင် အမြဲတမ်း ကြမ်းတမ်းနေတတ်တဲ့ Frank Castle ရဲ့ စိတ်ပိုင်းဆိုင်ရာ ခံစားချက်တွေ၊ အတိတ်က ဒဏ်ရာတွေကိုပါ သေချာပေါ်လွင်အောင် ထည့်သွင်းရိုက်ပြထားတဲ့အတွက် ကြည့်ရတာ ရိုးရိုး အက်ရှင်ကားတစ်ကားထက် ပိုလေးနက်ပါတယ်။ အက်ရှင်ကြမ်းကြမ်းတွေနဲ့အတူ punisher fun အတွက်ကတော့ လုံးဝ အကြိုက်တွေ့စေမယ့် ဇာတ်ကားပါပဲ။ ဇာတ်လမ်းအစအဆုံး vibe က dark ဖြစ်​ပြီး thriller ဆန်ဆန် ရိုက်ကူးထားသလို၊ ဇာတ်သိမ်းပိုင်းမှာ ဘယ်လို အဆုံးသတ်သွားမလဲဆိုတာကိုစိတ်ဝင်တစား စောင့်ကြည့်ရမှာမို့ လက်မလွတ်တမ်း ကြည့်ရှုဖို့ တိုက်တွန်းလိုက်ပါတယ်။

Faces of Death (2026) ဟာ အရင်ခေတ်က နာမည်ကြီးခဲ့တဲ့ ၁၉၇၈ ခုနှစ်က Cult Classic ရုပ်ရှင်ကို အခြေခံပြီး ခေတ်သစ်အင်တာနက်၊ ဆိုရှယ်မီဒီယာလောကနဲ့ အချိတ်အဆက်မိမိ ပြန်လည်အသက်သွင်းထားတဲ့ စိတ်ဝင်စားစရာ Psychological Slasher Horror ကားကောင်းတစ်ကားဖြစ်ပါတယ်။ ဒီရုပ်ရှင်က သာမန်သတ်ဖြတ်တဲ့ ဇာတ်လမ်းမျိုးမဟုတ်ဘဲ၊ အွန်လိုင်းပေါ်က အကြမ်းဖက်မှုတွေအပေါ် လူတွေရဲ့ ခံစားချက်တွေ ဘယ်လောက်တောင် ထုံထိုင်းလာနေပြီလဲဆိုတာကို ပြထားတာ ဖြစ်ပါတယ်။ ဇာတ်လမ်းအကျဉ်းကို ပြောရမယ်ဆိုရင်တော့ အဓိကဇာတ်ကောင် မာဂေါ့ဆိုတဲ့ အမျိုးသမီးဟာ Kino လို့ခေါ်တဲ့ TikTok လိုမျိုး နာမည်ကြီး ဗီဒီယိုပလက်ဖောင်းတစ်ခုမှာ Content Moderator အဖြစ် အလုပ်လုပ်နေသူပါ။ သူ့ရဲ့အဓိကတာဝန်က ဆိုရှယ်မီဒီယာပေါ် တက်လာသမျှ ကြမ်းတမ်းတဲ့၊ စည်းမျဉ်းမညီတဲ့ ဗီဒီယိုတွေကို စစ်ထုတ်ဖယ်ရှားပေးရတာ ဖြစ်ပါတယ်။ တစ်နေ့မှာတော့ သူမဟာ အရင် ၁၉၇၈ တုန်းက နာမည်ကြီးခဲ့တဲ့ "Faces of Death" ရုပ်ရှင်ထဲက လူသတ်ခန်းတွေကို အပြင်မှာ တကယ်လက်တွေ့ ပြန်လည်သရုပ်ဖော် ကျူးလွန်ထားသလားလို့ သံသယဖြစ်စရာကောင်းလောက်အောင် အသက်ဝင်လွန်းတဲ့ ဗီဒီယိုတွေကို အမှတ်မထင် တွေ့ရှိသွားပါတော့တယ်။အရာရာကို အလွယ်တကူ ဖန်တီးပြုပြင်လို့ရနေတဲ့ ဒီဘက်ခေတ် အွန်လိုင်းလောကကြီးထဲမှာ သူမတွေ့လိုက်ရတဲ့ အကြမ်းဖက်မှု ဗီဒီယိုတွေဟာ တကယ့်အစစ်လား၊ ဒါမှမဟုတ် လုပ်ကြံဖန်တီးထားတဲ့ အတုအယောင်တွေလား ဆိုတာကို မာဂေါ့တစ်ယောက် အဖြေရှာရပါတော့တယ်။ ဒီကာ

ဒီဇာတ်ကားလေးကတော့ အတိတ်ကအမှားတစ်ခုကြောင့် ရရှိခဲ့တဲ့ စိတ်ဒဏ်ရာတွေကို ရုန်းကန်ကုစားနေရတဲ့ ဂေါ်ရီ ဆိုတဲ့‌ကောင်မလေးရဲ့ခံစားချက်ကို ရိုက်ကူးထားတဲ့ ဇာတ်ကားလေးပဲဖြစ်ပါတယ်။ ဂေါ်ရီက သူမရဲ့ ခင်ပွန်းဖြစ်သူ အာဂျွန် သေဆုံးခဲ့ရတာက သူမကြောင့်ဆိုတဲ့ အပြစ်မကင်းစိတ်နဲ့ ရှင်သန်နေရသူပါ။ သူမ တစ်ခုခုလုပ်ဖို့ ကြံစည်တိုင်း "ငါ့ကြောင့် သူ သေသွားမလား" ဆိုတဲ့ ကြောက်ရွံ့ပူပန်မှုတွေက သူမကို အမြဲခြောက်လှန့်နေခဲ့ပါတယ်။ အာဂျွန် မသေခင်တုန်းက ဂေါ်ရီက အာဂျွန့်သူငယ်ချင်း (သူမရဲ့ ရည်းစားဟောင်း) ဆူရီ ကို အရွဲ့တိုက်ချင်စိတ်တစ်ခုတည်းနဲ့ အာဂျွန်ကို လက်ထပ်ခဲ့တာဆိုတဲ့ အမှန်တရားကို အာဂျွန့်ကို ပြောပြဖို့အတွက် ရွာလေးတစ်ရွာက သူမအဖေရဲ့အိမ်ကို ခေါ်သွားခဲ့ပါတယ်။ ကံဆိုးချင်တော့ တိုက်တိုက်ဆိုင်ဆိုင် အဲ့ဒီမှာ အာဂျွန်က ဆူရီနဲ့ ရုတ်တရက် ပြန်တွေ့ပြီး ဆူရီကို အိမ်ခေါ်လာခဲ့ချိန်မှာတော့ ဂေါ်ရီတစ်ယောက် ရည်းစားဟောင်းကို ပြန်တွေ့ရချိန်မှာ ဘယ်လိုခံစားချက်တွေ ဖြစ်ပေါ်လာမှာလဲ၊ အချစ်တွေလား၊ အမုန်းတွေလား၊ အာဂျွန့်ကိုရော ဖွင့်ပြောဖြစ်ဦးမှာလား၊ အာဂျွန်က ဘယ်လိုသေခဲ့ရတာလဲ ဆိုတာတွေကို စိတ်ဝင်တစားကြည့်ရမယ့် ဇာတ်ကားလေးပဲဖြစ်ပါတယ်။ ဒီဇာတ်ကားမှာ အာဂျွန် အဖြစ် မင်းသား Attul R. ၊ ဆူရီ အဖြစ် မင်းသား Ciby Bhuvana Chandran နဲ့ ဂေါ်ရီ အဖြစ် မင်းသမီး Nivedhithaa Sathish တို့က အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Che

အချစ်စစ်ဆိုတာ ဘာလဲလို့ မေးလာရင် ဒီဇာတ်ကားလေးက ပရိသတ်တွေကို အကောင်းဆုံး အဖြေပေးပါလိမ့်မယ်။ ဇာတ်လမ်းကတော့ ချစ်ရသူကြောင့် ဆယ်စုနှစ်တစ်ခုကျော်ကြာ ထောင်ဒဏ်ကျခံခဲ့ရတဲ့ လူငယ်လေး 'ဟရီ' နဲ့ စတင်ထားပါတယ်။ သူ ထောင်ကနေ ထွက်ပြေးလွတ်မြောက်လာချိန်မှာတော့ သူသိပ်ချစ်ရတဲ့ 'ဂျူးလီယက်' ဟာ အိမ်ထောင်သည် တစ်ယောက်ဖြစ်နေရုံသာမက ခင်ပွန်းဖြစ်သူရဲ့ အသက်အန္တရာယ်အတွက် အကျင့်ပျက်ခြစားနေတဲ့ ဆေးရုံဂိုဏ်းကြီးတစ်ခုနဲ့ အသေအလဲ ရင်ဆိုင်ရုန်းကန်နေရတာကို တွေ့လိုက်ရပါတယ်။ ကိုယ့်ကို သစ္စာဖောက်သွားတယ်လို့ ထင်ခဲ့ရတဲ့ ချစ်သူဟောင်းကို လက်စားချေမလား၊ ဒါမှမဟုတ် သူမရဲ့ မိသားစုကို ကယ်တင်ဖို့အတွက် မသမာတဲ့ ဆေးရုံအုပ်စုကြီးကိုပဲ တစ်ယောက်တည်း ရင်ဆိုင်သွားမလား ဆိုတာကို ရင်တမမနဲ့ ကြည့်ရှုရမဲ့ အက်ရှင်ဒရာမာ ဇာတ်ကားကောင်း တစ်ကားဖြစ်ပါတယ်။ ဒီကားရဲ့ အဓိက ဆွဲဆောင်မှုကတော့ အက်ရှင်၊ သည်းထိတ်ရင်ဖိုနဲ့ အချစ်ရိုမန့်စ် တွေကို အချိုးကျကျ ပေါင်းစပ်တင်ဆက်ထားတာပါပဲ။ အထူးသဖြင့် ဆေးရုံတွေရဲ့ နောက်ကွယ်က လူမဆန်တဲ့ အမှောင်လောကကို ဖော်ထုတ်ပြီး အကြီးအကျယ် ဓားပြတိုက်မဲ့ အခန်းတွေ၊ ရဲတွေရဲ့ ပိုက်စိပ်တိုက် ရှာဖွေဖမ်းဆီးမှုတွေကြားကနေ ဉာဏ်နီဉာဏ်နက်သုံးပြီး လွတ်မြောက်အောင် ကြိုးစားရတဲ့ အခန်းတွေက ကြည့်ရှုသူကို မျက်တောင်မခတ်ချင်လောက်အောင် ဆွဲဆောင်ထားနိုင်ပါတယ်။ မေတ္တာတရားရဲ့ ကြီးမားမှု၊ အနစ်နာခံမှုတွေနဲ့အတူ အက်ရှင်ခန်း မိုက်မိုက်တွေကို ရသစုံလင်စွာ ခံစားကြည့်ရှုချင်

၂၀၂၆ ခုနှစ်မှာထွက်ရှိလာတဲ့ Sci-fi နောက်ခံ အချစ်ဟာသဇာတ်ကားလေးတစ်ခုကို တင်ဆက်ပေးချင်ပါတယ်။ Sci-Fi နောက်ခံဆိုလို့ ကြီးကြီးကျယ်ကျယ်တွေမပါပါဘူး ဖေ့စ်ဘုတ် ဗိုက်ဘာ တို့လို app တစ်ခုကို စိတ်ကူးယဉ်ဖန်တီးပြီး ရိုက်ကူးပြထားတာပါ သရုပ်ဆောင်တွေကတော့ နာမည်ရတောင်ပိုင်းမင်းသားမင်းသမီးတွေပဲဖြစ်ပြီး အဓိကမင်းသမီးလေးကလည်း ၂၂ နှစ်အရွယ်သာရှိသေးလို့ ပျိုမျစ်လန်းဆန်းတဲ့အလှအပတွေ သရုပ်ဆောင်မှုတွေကို ခံစားကြည့်ရှုရမှာပါ တောင်ပိုင်းကားဆို မပါမဖြစ် ယိုဂီဘာဘူကလည်း ဇာတ်ပို့နေရာက ပါဝင်ထားပါတယ်။ ဇာတ်ကားခေါင်းစဉ်အတိုင်း app ကို LIK လို့ခေါ်ပါတယ်။ LIK ကိုပဲ နေ့စဉ်ဘဝမှာ အဖော်လုပ်ကိုးကွယ်နေတဲ့ ဒီမာ ဆိုတဲ့ ကောင်မလေး ဖုန်းမရှိတဲ့ကမ္ဘာမှာ ဖုန်းမသုံးဘဲနေလာခဲ့တဲ့ ဗာဆေး ဆိုတဲ့ ကောင်လေးတစ်ယောက် သူတို့နှစ်ယောက် ပထမဆုံးစတွေ့လိုက်ချိန်မှာ ဗာဆေးတစ်ယောက် နှလုံးခုန်ရပ်ပြီး အရေးပေါ်ခန်းပါ ရောက်သွားခဲ့ပါတယ် မြင်မြင်ချင်းအချစ်ကြောင့် ဗာဆေးတစ်ယောက် ဒီမာ့အချစ်ကိုပြန်ရဖို့ အသည်းအသန်ကြိုးစားပါတော့တယ် ဒီမာရဲ့အချစ်ကိုပြန်ရမှာလား သူတို့အချစ်ရေးမှာ ဒီ LIK ဆိုတဲ့ အက်ပ်က ဘယ်အခန်းကဏ္ဍကနေ ပါဝင်သွားမလဲဆိုတာတော့ ပရိသတ်ကြီးပဲ ခံစားကြည့်ကြပါဦး

တောင်ပိုင်းအိန္ဒိယရုပ်ရှင်လောကရဲ့ ပရိသတ်အားပေးမှုယဉ်ကျေးမှုကို အမိုက်စား ဟာသနှောပြီး ရိုက်ကူးထားတဲ့ နိုင်ငံရေးသရော်စာ ဇာတ်ကားကောင်းတစ်ကားနဲ့ မိတ်ဆက်ပေးချင်ပါတယ်။ ဒီဇာတ်ကားထဲမှာ အရည်အချင်းမရှိတဲ့ သရုပ်ဆောင်သစ်တစ်ယောက်ကို ရူးရူးမူးမူးအားပေးတဲ့ မြေပိုင်ရှင်သူဌေး ပရိသတ်တစ်ယောက်အကြောင်းကို အဓိကထားရိုက်ကူးထားတာပါ။ အဲဒီပရိသတ်ဟာ သူ့ရဲ့ အိုင်ဒေါ မင်းသား နေရာတစ်နေရာရလာဖို့အတွက် ကိုယ်ပိုင်စည်းစိမ်ဥစ္စာတွေကိုပါ ပုံအောပြီး အရူးအမူး ထောက်ပံ့ပေးခဲ့ပါတယ်။ သရုပ်ဆောင်ညံ့ဖျင်းလွန်းတဲ့ မင်းသားတစ်ယောက် အမာခံပရိသတ်ရဲ့ မျက်ကန်းယုံကြည်မှုနဲ့အတူ စူပါစတားတစ်ယောက်ဖြစ်လာတဲ့အထိ အလွဲလွဲအချော်ချော် ကြိုးစားရုန်းကန်ရပုံတွေကို အူတက်မတတ် ရယ်မောဖွယ်ရာ ကြည့်ရှုရမှာပါ။ ဒါပေမဲ့ ဇာတ်လမ်းက ဒီတင်မကသေးပါဘူး။ အောင်မြင်မှုထိပ်တန်းကို ရောက်သွားတဲ့အခါမှာတော့ အဲဒီမင်းသားဟာ သူ့ရဲ့ သြဇာလွှမ်းမိုးမှုကို အသုံးချပြီး နိုင်ငံရေးလောကထဲကိုပါ ခြေလှမ်းလာပါတော့တယ်။ အာဏာမက်မောမှုနဲ့ အတ္တတွေကြောင့် သူ့ကို ဒီနေရာရောက်အောင် ပံ့ပိုးပေးခဲ့တဲ့ အမာခံပရိသတ်တွေနဲ့ ပြည်သူတွေကို လှည့်စားပြီး နောက်ကျောဓားနဲ့ထိုးဖို့ ဝန်မလေးခဲ့ပါဘူး။ ရုပ်ရှင်နဲ့ နိုင်ငံရေးကြားက အကျည်းတန်တဲ့ အမှန်တရားတွေကို ဟာသရသ၊ နိုင်ငံရေးသရော်စာတွေနဲ့ အကောင်းဆုံး ပေါင်းစပ်တင်ဆက်ထားတာမို့၊ နောက်ဆုံးမှာ မျက်ကန်းပရိသတ်ကြီး အသိတရားရသွားမလား၊ ဒါမှမဟုတ် သစ္စာဖောက်မင်းသ