လူကြည့်များသော ရုပ်ရှင်များ

မိဘတို့ရဲ့ မေတ္တာကိုအပြည့်အဝဖော်ကျူးထားတဲ့ကားမို့ တစ်ခါကြည့်ဖူးရုံနဲ့တော်တော်များများရဲ့နှလုံးသားကို အပြည့်အဝသိမ်းပိုက်ပြီး ထာဝရနီးပါးအမှတ်ရနေနိုင်တဲ့ကားဖြစ်ပါတယ်… ဇာတ်ကားကောင်းဖြစ်သည့်အပြင် ကျွန်တော်တို့ရဲ့ မင်းသားကြီး Denzel Washington ကအဓိက သရုပ်ဆောင်ထားပါတယ်….. ဇာတ်လမ်းအညွှန်းကို အနည်းငယ်ပြောပြရမယ်ဆိုရင်တော့…ဘဝက မွဲတေ၊ ဘဏ်ကတောင် ကားကို လာသိမ်းသွားတဲ့ အဖြစ်၊ အိမ်တောင်မှ ပေါင်ထားရပြီး ဘယ်နေ့ အသိမ်းခံရမယ် မသိ၊အလုပ်ကလည်း Full time ကနေ Part time အဆင့်ကို လျော့ကျ၊ ဒီလောက်မွန်းကြပ်တဲ့ ဘဝထဲမှာမှတစ်ဦးတည်းသော သားလေးက နှလုံးရောဂါနဲ့ နှလုံး အစားထိုးကုသမှ ရတော့မယ့် အဖြစ်၊အာမခံကလည်း ဒီလောက်ထိတော့ အကာအကွယ်မပေးနိုင်ဘူးဆိုပြီး ညစ်ပတ်…ဒီလိုအခြေအနေမျိုးမှာ ရုပ်ရှင်ကြည့်ပရိသတ်တွေဆိုရင်ရော ဘယ်လိုလုပ်မလဲ… ဒီလိုမွန်းကြပ်တဲ့ အခြေအနေဆိုးတွေကြားမှာ ဖခင်တစ်ယောက်ရဲ့ မေတ္တာကို ဖော်ကြူးရင်းမထင်မှတ်ထားတဲ့ အလှည့်အပြောင်းတွေနဲ့ ရိုက်ပြသွားတဲ့ Denzel Washinton ရဲ့ ဇာတ်ကားကောင်းတစ်ကားပဲ ဖြစ်ပါတော့တယ်… ဒီဇာတ်ကားကိုအညွန်းနဲ့ဘာသာပြန်ပေးသူကတော့ Aung Myat Tun ဖြစ်ပါတယ်

ရဲတပ်ဖွဲ့ရဲ့ဂုဏ်ဆောင် စုံထောက်ဂျွန်​ဟော့ပ်စ်ဟာ နာမည်ဆိုးနဲ့ကျော်ကြားတဲ့ရာဇဝတ်သားတစ်ယောက်ဖြစ်တဲ့ ရိစ်ကို ဖမ်းဆီးပြီး သေဒဏ်ပေးနိုင်ခဲ့တယ်။ ဒါပေမဲ့ သူ့ကိုသေဒဏ်ပေးပြီးနောက်မှာလည်း သူ့ရဲ့အရိပ်တွေက ဟော့စ်နောက်ကို လိုက်နေခဲ့တယ်။ အဲ့ဒီလူသတ်သမားရဲ့လမ်းစဉ်တွေအတိုင်း လူသတ်မှုတွေတစ်ခုပြီးတစ်ခု ထပ်ဖြစ်လာတဲ့အခါ ဒီအမှုတွေကို စုံစမ်းရင်းနဲ့ သူဘယ်တော့မှယုံကြည်ဖို့မဖြစ်နိုင်တဲ့အရာတစ်ခုကို ယုံကြည်ခဲ့ရတယ်။ ဒါပေမဲ့ သူ အဲ့ဒါကိုသိလိုက်ရတဲ့အချိန်မှာ သူချစ်ရတဲ့လူတွေက အသက်အန္တရာယ်ရှိနေပြီ။ ဒါကြောင့် သူက သူ့ကိုယ်သူထက် သူ့မိသားစုဝင်တွေကို ကာကွယ်ဖို့အတွက် သူကိုယ်တိုင်တောင်မယုံကြည်နိုင်တဲ့ ဒီထူးခြားဖြစ်စဉ်ကြီးကို လိုက်လံလေ့လာပြီး ဖြေရှင်းနည်းကိုရှာဖွေခဲ့တယ်။ ဂျွန်ဟော့ပ်စ်တစ်ယောက် သူ တိုက်ထုတ်ဖို့ကြိုးစားနေတဲ့အရာကို အနိုင်ယူနိုင်ပါ့မလားဆိုတာကို အက်ရှင်တွေကြားက သည်းထိတ်ရင်ဖိုဖွယ်ကြည့်ရှုရမှာပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Htwe Htwe ဖြစ်ပါတယ်

ထိုင်းသရဲကားတွေထဲမှာ နာမည်ကြီးတဲ့ Tee Yod ခေါ် Death Whisperer လို့လူသိများကြတဲ့ဇာတ်ကားရဲ့ နောက်ဆက်တွဲ Death Whisperer 2 ထွက်ရှိလာခဲ့ပါပြီ။အထူးပြုလုပ်ချက်တွေကောင်းမွန်ပြီး အရမ်းကြီးဖြဲခြောက်စရာမလိုဘဲ ဇာတ်လမ်းဇာတ်ကွက်တွေကလည်းကောင်းတဲ့အတွက်ကြောင့် လူသိများခဲ့တာဖြစ်ပါတယ်။ဒုတိယဇာတ်ကားမှာလည်း IMDb Rating 7.0 အထိရရှိထားပြီးထုံးစံအတိုင်း အရှိန်မကျဘဲ ဆက်ကြည့်လို့ကောင်းနေတုန်းပါပဲ။ဒီဇာတ်ကားနှစ်ကားလုံးရဲ့အဓိကဇာတ်ကောင် မင်းသားကတော့ ရာ့ခ်ဖြစ်ပြီး ပထမကားမှာတုန်းက ရာ့ခ်က သူ့ညီမကိုမကောင်းဆိုးဝါးပူးကပ်တဲ့အတွက် မိသားစုရှိရာအိမ်ပြန်လာပြီး သူ့ညီမကိုကယ်တင်ပေးဖို့ကြိုးစားခဲ့တာကိုတွေ့ရမှာဖြစ်ပါတယ်။ဒါပေမယ့်ကံမကောင်းစွာနဲ့ပဲ သရဲကအရမ်းအစွမ်းထက်လွန်းတဲ့အတွက် ညီမဖြစ်သူကိုဆုံးရှုံးလိုက်ရပြီး အဲ့ဒီအချိန်ကစလို့ ရာ့ခ်တစ်ယောက် သူ့ညီမအတွက်လက်စားချေပေးဖို့နဲ့ ကျန်တဲ့မိသားစုဝင်တွေကိုထပ်မနှောင့်ယှက်နိုင်အောင် သရဲမုဆိုးလုပ်နေပြီး အဲ့ဒီသရဲမကိုမြေလှန်ရှာနေခဲ့ပါတော့တယ်။ဒီလိုနဲ့တစ်နေ့မှာ ဒွန်ခိုမုတ်ဆိုတဲ့ နာနာဘာ၀တွေ သဘာ၀လွန်အရာတွေကျက်စားတဲ့တောအုပ်ကြီးတစ်ခုထဲမှာ အဲ့ဒီသရဲမကိုနောက်ကွယ်ကထိန်းချုပ်နေတဲ့ဖုတ်ကောင်ရှိမှန်းသတင်းရခဲ့ပြီး ရာ့ခ်နဲ့တခြားသောသူတွေနဲ့အတူတူ အဲ့ဒီတောအုပ်ထဲမှာ ဖုတ်ကောင်ရှာကြပုံတွေ သရဲမကိုနှိမ်နင်းဖို့ကြိုးစားပုံတွေကို စိတ်ဝင်စားစရာဆက်လက်ရှုစားရဦးမဲ့ ဇာတ်ကားကောင်းလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ

ကိုယ်ဝန်ဆောင်တစ်ဦးဖြစ်တဲ့ Ruth က ကိုယ်ဝန်ကြောင့်စိတ်ကစဉ့်ကလျားဖြစ်နေတဲ့သူတစ်ယောက်ပါ သူမရဲ့ခင်ပွန်းက တောင်တက်ခရီးစဉ်မှာ မတော်တဆသေဆုံးသွားပြီး သူမကကိုယ်ဝန်နဲ့ကျန်ခဲ့တာမလို့ တစ်ယောက်ထဲဗျာများနေပြီး ဒုက္ခရောက်နေတာပေါ့ အဲ့အချိန်မှာ သူမရဲ့စိတ်ထဲမှာတော့ ဗိုက်ထဲက ကလေးလေးရဲ့စကားသံကိုကြားပြီး သူမကိုထိန်းချုပ်နေသလိုခံစားနေရတာပါ အဲလိုနဲ့သူမကို ဒုက္ခပေးခဲ့တဲ့သူတွေ သူမရဲ့ခင်ပွန်းကိုသတ်ခဲ့တဲ့သူတွေကို ဗိုက်ထဲက ကလေးရဲ့ထိန်းချုပ်မှုနဲ့လိုက်သတ်ဖြတ်ဖို့ ဆုံးဖြတ်လိုက်ပါတယ် သူမကလက်စားချေနေရင်း သူမရဲ့စိတ်ကတဖြည်းဖြည်းပြောင်းလဲလာပြီး ဗိုက်ထဲမှာရှိတဲ့ကလေးကိုပါမွေးဖို့ကြောက်လာခဲ့တယ် ကိုယ့်ရဲ့စိတ်ကိုထိန်းချုပ်ဖို့ခက်ခဲနေတဲ့မိခင်တစ်ယောက် အမှားတွေကျူးလွန်မိပြီး ကိုယ့်အတွက်ရော ကလေးအတွက်ပါ အကောင်းဆုံးဖြစ်မယ့်အရာကိုရွေးချယ်နိုင်ပါ့မလား..... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yuri ဖြစ်ပါတယ်

ဂျင်မီဆိုတာက အာမခံလိုက်ရောင်းတဲ့ ကိုယ်စားလှယ်တယောက်။ သူ့မှာ ဗီဗန်ဆိုတဲ့ ညီလေးတယောက်ရယ် နစ်ကီဆိုတဲ့ ချစ်သူကောင်မလေးတယောက်ရယ် ရှိတယ်။ ​မိဘတွေ မရှိတော့ပေမယ့် ဘဝကို ပျော်ပျော်ဖြတ်သန်းနေတဲ့သူတယောက်။ တရက် ညီဖြစ်သူရဲ့မွေးနေ့မှာ ညဘက် အပြင်မှာစားသောက်ပြီးအပြန် လူတယောက်ကို ကားနဲ့တိုက်မိပြီး ​အဲဒီလူသေဆုံးသွားခဲ့ရာက ကံဆိုးမိုးမှောင် ကျခဲ့ပါတယ်။ ဒါပေမဲ့ အလောင်းကို ပိပိရိရိဖျောက်ဖျက်နိုင်ခဲ့ပြီး ရဲတွေကိုလှည့်စားနိုင်ခဲ့ပေမယ့် သူသတ်လိုက်မိတဲ့သူက မူးယစ်ရာဇာရဲ့လူယုံတယောက်ဖြစ်နေပြီး မူးယစ်ရာဇာက သူ့ကိုခြေရာခံ လိုက်လာခဲ့ချိန်မှာတော့ ဘဝက ကပြောင်းကပြန် ပြန်ဖြစ်သွားခဲ့ပြန်ပါတယ်။ ဂျင်မီနောက်ကို ဘာကြောင့် မူးယစ်ရာဇာက အနံ့ခံလိုက်လာတာလဲ။ သူ သတ်လိုက်မိတဲ့သူက ဘာကြောင့် မူးယစ်ရာဇာအတွက် အရေးကြီးနေတာလဲဆိုတာ ဒီရုပ်ရှင်မှာ ဆက်လက်ရှုစားရမှာပါ.. ဒီရုပ်ရှင်မှာလဲ အိန္ဒိယရုပ်ရှင်တွေမှာ တွေ့မြင်နေကျ ရဲတွေရဲ့အကျင့်ပျက်ခြစားမှုတွေ ပူးပေါင်းကြံစည်မှုတွေနဲ့အပြင် ထင်မှတ်မထားတဲ့ အလှည့်အပြောင်းကိုလည်း မြင်တွေ့ရဦးမှာပါ။ ရုပ်ရှင်ဟာ low budget ဂူဂျာရက်ရုပ်ရှင်ဖြစ်ပေမယ့် သူ့အိုးသူ့ဆန် အတိုင်းအထွာထဲက နိုင်သလောက်ကြိုးစားပြထားတဲ့ မှုခင်းရုပ်ရှင်ဖြစ်တာကြောင့် မှုခင်းရုပ်ရှင်တွေသဘောကျတဲ့သူတွေအတွက်တော့ ၂၀၂၄ ခုနှစ်ထွက် ဒီရုပ်ရှင်က ဖျော်ဖြေမှုပေးနိုင်ဦးမှာပါ.. ဒီဇာတ်ကားကိုအညွန်းနဲ့ဘာသာပြန်ပေးသူကတော့ Tian ဖြစ်ပါတယ်

လူသားတို့၏ စိတ်ပိုင်းဆိုင်ရာ ကြောက်ရွံ့မှုများ၊ ယုံကြည်မှုများနှင့် ရိုးရာဓလေ့များကိုအပေါ် အခြေခံထားသော အင်ဒိုနီးရှား ဇာတ်ကားတစ်ကားဖြစ်ပြီး၊ ဒါရိုက်တာ Dimas Djayadiningrat မှ ရိုက်ကူးထားတာလည်း ဖြစ်ပါတယ်။ ဇာတ်လမ်းအကျဉ်းအနေနဲ့ကတော့ ဒီကာ၊ အာဒစ်၊ အင်ဒက်၊ ဗျူး၊ ရေဗက္ကာဆိုတဲ့ သူငယ်ချင်းတစ်သိုက်ရှိကြပါတယ်။ တစ်နေ့မှာတော့ ဒီကာရဲ့အဖေဟာ သူ့ရဲ့ စီးကရက်စက်ရုံ ဒေဝါလီခံလိုက်ရတာကြောင့် စိတ်ကယောင်ခြောက်ခြားဖြစ်သွားတာကို သူငယ်ချင်းတွေ သိသွားတော့ ဘာဖြစ်လို့လဲဆိုတာ စုံးစမ်းကြည့်လိုက်တော့ ဒီကာအဖေဟာ သူ့စီးပွားရေးအဆင်ပြေဖို့အတွက် ဂူနမ်ကာဝီတောင်မှာ သွားပြီး ကျင့်စဉ်တွေကို ကျင့်ခဲ့တယ်ဆိုတာ သိလိုက်ရပါတယ်။ အဲဒီလို ကျင့်စဉ်တွေကျင့်တဲ့အခါမှာ သက်ဆိုင်ရာ ဆိုင်ရာပိုင်ရာ အစောင့်အရှေက်တွေကို တိုင်တည် ကတိထားပြီး ကျင့်ရတာပါ။ အဲဒီတိုင်တည် ကတိတွေပျက်ခဲ့လို့ စိတ်ကယောင်ခြောက်ခြားဖြစ်ပြီး အရူးတစ်ပိုင်းဖြစ်နေတဲ့ အဖေ့ရောဂါကို ကုသဖို့အတွက် သူငယ်ချင်းတစ်သိုက် ဂူနမ်ကာဝီတောင်ကို သွားဖို့ အတွက် အဲဒီမှာ အလုပ်လုပ်ခဲ့ဖူးတဲ့ ဘန်ဂျိုနိုကို လမ်းပြအဖြစ်ခေါ်သွားရာက လမ်းတစ်ဝက်အရောက်မှာ ဘန်ဂျိုနိုက အပေါ့သွားနေတာကို ကြာတယ်ဆိုပြီး သူ့ကိုထားခဲ့ပြီး သူငယ်ချင်းတစ်သိုက် တောင်ပေါ်ကို ဆက်သွားခဲ့ရာမှာ ဘာတွေဆက်ဖြစ်မယ်ဆိုတာကို သည်းထိတ်ရင်ဖိုစွာနဲ့ ဇာတ်ကားထဲမှာပဲ ဆက်ကြည့်လိုက်ကြတော့နော်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ T

အချစ်ကိုရှေ့တန်းတင်ပြီး အချစ်ကြောင့်ဘဝပျက်ခဲ့ရတဲ့ ကောင်လေးတစ်ယောက်အကြောင်းကိုရိုက်ကူးထားတဲ့ အိန္ဒိယ အချစ်ဒရမ်မာဇာတ်လမ်းကောင်းလေးပဲဖြစ်ပါတယ်။ တစ်ခဏတာတွေ့လိုက်ရုံမှာပဲ မိန်းကလေးတစ်ဦးကို ချစ်မိသွားတဲ့ အမ်ဘာ။ မိန်းကလေးလိုအပ်ချက်မှန်သမျှကို နောက်ကွက်ကနေတိတ်တဆိတ်ဖြည့်ဆည်းပေးပြီး တိတ်တိတ်လေးချစ်နေရုံနဲ့ ပျော်ရွှင်နေခဲ့တဲ့အမ်ဘာ၊ ချစ်သူကိုငေးကြည့်နေရရုံနဲ့ကျေနပ်နေခဲ့ပြီး ဖွင့်ဟဝန်ခံဖို့ဝန်လေးနေခဲ့တဲ့အမ်ဘာ ချစ်သူကောင်မလေးကလည်းသူချစ်နေတာကိုသိမှာပဲ အချစ်ဆိုတာတစ်ဦးနဲ့တစ်ဦးခံစားနားလည်နိုင်တဲ့အရာလို့ခံယူထားတဲ့အမ်ဘာက တစ်နေ့မှာချစ်သူဖြစ်သူက လက်ထပ်တော့မယ်ဆိုတာကိုသိလိုက်ရတဲ့နောက် ဘဝကြီးက ဘယ်လိုမျိုးပြောင်းလဲသွားမလဲ။ အရမ်းချစ်တတ်တဲ့သူတွေ အချစ်ကိုနောက်တစ်ကြိမ်ပြန်လည်မွေးဖွားတာမျိုးမရှိဘဲ ဒီအချစ်နဲ့ပဲ ဘဝကိုအဆုံးသတ်လိုက်တဲ့အကြောင်းကို ရိုက်ကူးတင်ဆက်ထားပြီး လွမ်းမောတသဖွယ်ကြည့်ရှုရမယ့် အချစ်ရိုမန့်ဇာတ်လမ်းကောင်းလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

သတင်းထောက်ဆောဂျီဝန်းတစ်ယောက် သတင်းထောက်ဘဝရဲ့ နောက်ဆုံးသတင်းတစ်ပုဒ်အနေနဲ့ ကျောင်းသူလေးတွေ လိင်ပိုင်းဆိုင်ရာနှောက်ယှက်ခံရတဲ့ သတင်းကို ရေးတင်ပြီးနောက်မှာ ခြိမ်းခြောက်မှုတွေ ဆက်တိုက်ခံရလို့ ဖုန်းနံပါတ်ပါပြောင်းပြီး ခြေရာဖျောက်ခဲ့ရပါတယ်... သူငယ်ချင်းဖြစ်သူ ဟိုဂျောင်းရဲ့ ပြန်ပြင်ထားတဲ့အိမ်ကြီးထဲမှာ တစ်ယောက်တည်းရှောင်ပုန်းနေတုန်း သူအသစ်လဲလိုက်တဲ့ ဖုန်းနံပါတ်က ဘယ်ကမှန်းမသိတဲ့ဖုန်းတွေဝင်လာပြီး တော်တော်လေး အာရုံနောက်စရာဖြစ်လာခဲ့ပါတယ်... မိတ်ဆွေတစ်ယောက်ရဲ့ အကူအညီနဲ့ သူလက်ရှိကိုင်နေတဲ့ ဖုန်းနံပါတ်ရဲ့ အရင်ပိုင်ရှင်အဟောင်းတွေအကြောင်း ပြန်လိုက်စုံစမ်းရင်းနဲ့မှ ဘယ်ကခေါ်မှန်း.. ဘာတွေအော်ပြောနေမှန်းမသိတဲ့ အဝင်ဖုန်းတွေအကြောင်းကို ဇာတ်ရည်လည်လာခဲ့ပါတယ်... ဒီကားလေးကို ပုံမှန်ကိုရီးယားသရဲကားတွေလိုမျိုးပဲလို့ တွေးခဲ့မိတာ ကျွန်တော့်အမှားပါ... ဇာတ်လမ်း ဇာတ်အိမ်က အတော်လေးကို အချိတ်အဆက်မိမိနဲ့ ခိုင်မာပြီးတော့ ပဟေဠိဆန်ဆန်တွေလည်း မထည့်ထားသလို ဇွတ်ကြီးခြောက်နေတဲ့ သရဲကားလည်း မဟုတ်ပြန်ပါဘူး... တစ်ကွက်ဆိုတစ်ကွက် တီဗွီကြီး ပြေးပိတ်ချင်မိတဲ့ ကားမျိုးမို့လို့ စိတ်လှုပ်ရှားရတာ ကြိုက်တဲ့သူအတွက်တော့ အတော်လေး အရသာတွေ့မယ့်ကားမျိုးပါလို့ ညွှန်းပါရစေ... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Felix Yan ဖြစ်ပါတယ်

အက်ရှင် ဒရာမာအမျိုးအစားဖြစ်ပြီး ဝေဖန်ရေးတွေများတဲ့ ရုပ်ရှင်ဖြစ်လို့ ကိုယ်တိုင်ကြည့်ပြီး သုံးသပ်နိုင်ပါတယ်။ အမေရိကအထူးတပ်ဖွဲ့ဝင်ဟောင်းဖြစ်ပြီး လက်ရှိမှာ ဒယ်လ်တာတပ်ဖွဲ့ခေါင်းဆောင်ဖြစ်တဲ့ နာမည်ကျော် ပြိုင်ဘက်ကင်း ဗစ်ဟာ ဆယ်ကျော်သက်အရွယ်သူ့သားရှောန်ကို ကောလိပ်မှာသွားကြိုရင်း ပြန်ပေးဆွဲမှုမှာ ဝင်ကယ်ရတဲ့ ဇာတ်အိမ်ဖြစ်ပါတယ်။ ပြန်ပေးဆွဲခံရတာက ရှောန်ရဲ့သူငယ်ချင်း တရားရုံးချုပ်ကတရားသူကြီးသမီး အယ်ရင်ပါ။ မသမာသူတွေက သူ့အဖေကို အကြပ်ကိုင်စရာရှိလို့ သမီးဖြစ်သူကို အဖွဲ့လိုက် ပြန်ပေးဆွဲတဲ့သဘောဖြစ်ပါတယ်။ ရှောန်တို့သားအဖက ဒါကို ကယ်တင်ဖို့ ကြိုးစားရင်း ထိပ်သီးအရာရှိတွေနဲ့ ရင်ဆိုင်ရတာကို ရှုစားရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ရဲဌာနတစ်ခုက ခေါင်းဆောင်ဖြစ်တဲ့ ဝစ်လော့ဟာ အိမ်ထောင်ရေးအဆင်မပြေနေတဲ့လူဖြစ်ပြီး အနားက ဟယ်ရစ်ဆန်ဆိုတဲ့အမျိုးသမီးတစ်ယောက်နဲ့ ဖောက်ပြန်နေသူတစ်ယောက်ပါ ထိုအမျိုးသမီးမှာလည်း တရားဝင်ယောက်ျားရှိပါတယ် တစ်နေ့အဲ့အမျိုးသမီးကကင်ဆာနောက်ဆုံးအဆင့်ဖြစ်လာတော့ ဝစ်လော့က ရဲဌာနကသိမ်းဆည်းထားတဲ့ငွေသန်းချီကို ခိုးယူပြီး အဲ့အမျိုးသမီးကိုကင်ဆာကုဖို့ပေးလိုက်ပါတော့တယ် အဲ့နောက်မှာ သူထောင်ချောက်ထဲကျသွားပြီး သူဘယ်လိုတွေဖြေရှင်းမလဲဆိုတာ စိတ်ဝင်စားဖွယ်ကြည့်ရှုရမယ့်ဇာတ်လမ်းလေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

ဒီတစ်ခါမှာတော့ သားသားမီးမီးတို့အကြိုက်တွေ့စေမယ့် Tiddler ဆိုတဲ့ ကာတွန်းကားလေးနဲ့မိတ်ဆက်ပေးပါရစေ Tiddler က ငယ်ပေမယ့် စိတ်ကူးစိတ်သန်းကြီးမားတဲ့ငါးလေးဖြစ်ပြီး စာသင်ချိန်ကို မကြာခဏနောက်ကျလေ့ရှိတယ် နောက်ကျတဲ့အချိန်တိုင်းမှာလည်း သူ့ရဲ့သူငယ်ချင်းတွေနဲ့ ဆရာမကို သူ့ရဲ့စိတ်ကူးထဲမှာဖန်တီးထားတဲ့ ဇာတ်လမ်းတစ်မျိုးပြီးတစ်မျိုး ပြောပြခဲ့တယ် အဲဒါကို သူ့သူငယ်ချင်းတွေကတော့ မယုံကြပါဘူး တစ်နေ့မှာ Tiddler ကငါးဖမ်းပိုက်ကွန်ထဲ မတော်တဆရောက်သွားပြီး တစ်ယောက်ထဲယောင်လည်လည်ဖြစ်နေချိန် ဘယ်အရာကသူ့ကိုအိမ်ပြန်ပို့ပေးသွားမလဲဆိုတာ စိတ်ဝင်စားဖို့ကောင်းစွာနဲ့ကြည့်ရှုရမယ့် ဇာတ်ကားလေးပဲဖြစ်ပါတယ်နော် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yuri ဖြစ်ပါတယ်

Rating 7.7/10 အထိရထားတဲ့ အကြမ်းအရမ်းတွေနဲ့အက်ရှင်ဇာတ်ကားကောင်းလေး လာပါပြီ ။ လမ်းဘေးကကူလီသမားပွတ်ရ်ပါးဘဝကနေပြီး သစ်ထုတ်လုပ်ရေးအဖွဲ့ရဲ့ခေါင်းဆောင်ဖြစ်လာခဲ့တဲ့ပွတ်ရ်ပါး။ ဇနီးဖြစ်သူရဲ့စကား တစ်ခွန်းနဲ့ပြည်နယ်ဝန်ကြီးချုပ်ရာထူးအထိ ဘယ်လိုပြောင်းလဲခဲ့သလဲ။ ပွတ်ရ်ပါးက သစ်တွေတင်ပို့တဲ့ခေါင်းဆောင်တစ်ဦးဖြစ်ပြီး သာမန်အလုပ်သမားဘဝကနေ ထိပ်ဆုံးရောက်အောင်လှမ်းတက်လာနိုင်သူပါ။ နိုင်ငံတကာအထိ ဖြန့်ကျက် စီးပွားရှာနိုင်ခဲ့ပြီး ဂျပန်ကယာကူဇာတွေနဲ့အထိ ဘယ်လိုတိုက်ခိုက်ကျော်လွှားနိုင်ခဲ့သလဲ။ သူ့ရဲ့သစ်တွေသယ်ပို့ရာမှာ အတားအဆီးဖြစ်တဲ့ရဲအရာရှိ ရှီကာဝဘ်ကို ဘယ်လိုသင်ခန်းစာတွေပေးခဲ့သလဲ။ ပြိုင်ဘက်တွေကြားထဲမှာ သစ်အဖွဲ့အစည်းရဲ့ ခေါင်းဆောင်နေရာကို ဘယ်လိုရအောင်ယူခဲ့သလဲ။ပွတ်ရ်ပါးရဲ့ ကြမ်းကြမ်းရမ်းရမ်းတိုက်ခိုက်မှုတွေနဲ့ ကစားကွက် လှည့်ကွက်တွေကို အသည်းတယားယားနဲ့ကြည့်ရှုရမယ် အိန္ဒိယအက်ရှင်ဇာတ်လမ်းကောင်းတစ်ပုဒ်ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

သဘာဝအရင်းအမြစ်များ ကုန်ဆုံးလာမှု၊ လူဦးရေ အဆမတန်ထူထပ်လာမှုတို့ကြောင့် လူသားတွေက နောက်ထပ်နေထိုင်ရာတစ်ခုအဖြစ် မားစ်ကို ရွေးချယ်ခဲ့ကြပါတယ်။ တယ်ရာဖော်မင်း(မြေမျက်နှာသွင်ပြင် ပြောင်းလဲမှု) ဆိုတာက မားစ်ပေါ်မှာ လူတွေနေထိုင်နိုင်လို့ရအောင် မားစ်ရဲ့ မြေမျက်နှာသွင်ပြင် ပတ်ဝန်းကျင်ကို ပြုပြင်ပြောင်းလဲတဲ့ ပရောဂျက်တစ်ခု ဖြစ်ပါတယ်။ အဲဒီပရောဂျက်အတွက် မားစ်ပေါ်ကို ရေညှိတွေနဲ့အတူ ပိုးဟပ်တွေကိုပါ ပို့ဆောင်ထားခဲ့ကြပါတယ်။ ဒီလိုနဲ့ နှစ် ၅၀၀ ကြာတဲ့အချိန်မှာ မားစ်ရဲ့ မြေမျက်နှာသွင်ပြင်က လူတွေ နေထိုင်လို့ရတဲ့အထိ ကောင်းမွန်လာတဲ့အခါ ပို့ထားခဲ့တဲ့ ပိုးဟပ်တွေကို သုတ်သင်ဖို့အတွက် ဂျပန်အစိုးရက အော်ပရေးရှင်းတစ်ခု ဆောင်ရွက်ခဲ့ပါတယ်။ ပိုးဟပ်သတ်ဖို့ဆိုပြီး မားစ်အပေါ်ကို ရောက်လာကြတဲ့ အော်ပရေးရှင်းအဖွဲ့ တကယ်ရောက်သွားတဲ့အချိန်မှာ မျှော်လင့်မထားတာတွေ ဖြစ်လာတဲ့အခါ ဘာတွေဆက်ဖြစ်လာမလဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Pan ဖြစ်ပါတယ်

ဒီတစ်ခါမိတ်ဆက်ပေးချင်တဲ့ရုပ်ရှင်ကားလေးကတော့ ၂၀၁၄ခုနှစ်မှာထွက်ရှိခဲ့တဲ့ "Whistleblower" (သတင်းပေး)ဆိုတဲ့ mystery ကားလေးပဲဖြစ်ပါတယ်။NBSရုပ်သံလွှင့်ဌာန "PD Chase" သတင်းပရိုဂရမ်ရဲ့ပီဒီဖြစ်တဲ့ အမှန်တရားကိုမြတ်နိုးတဲ့ မဟုတ်မခံဇာတ်ဇာတ်ကြဲသမားယွန်းမင်ချောထံသို့ လူတွေအများကြီးကိုဒုက္ခရောက်စေနိုင်တဲ့အကြောင်းအရာကြီးတစ်ခုကို သတင်းပေးလာခဲ့ပါတယ်။ နိုင်ငံ့သမ္မတနီးပါးချစ်ခင်လေးစားခံရတဲ့ နာမည်ကျော်သုတေသနပါရဂူအီဂျန်ဟွမ်းဟာ လူသားမျိုးနွယ်တစ်ခုလုံးကိုအကျိုးပြုနိုင်မဲ့ မကုသနိုင်တဲ့ရောဂါတွေကိုပါကုသနိုင်တဲ့ ဇီဝနည်းပညာသုတေသနစာတမ်းတစ်ခုကိုထုတ်ဝေခဲ့ရာ ကိုရီးယားအပြင် နိုင်ငံတကာကပါစောင့်ကြည့်ခံရပြီး လေးစားအတုယူစရာအပြည့်ဖြစ်နေခဲ့ပါတယ်။ သို့သော် အဲဒီနောက်ကွယ်မှာတော့ တရားမဝင်စမ်းသပ်ခံသားဥတွေကိုတင်သွင်းပြီး စမ်းသပ်အောင်မြင်ကြောင်းစာတမ်းမှာထည့်ထားတဲ့ပင်မဆဲလ်ဟာအမှန်တကယ်မရှိကြောင်းကြားလိုက်ရတဲ့အခါမှာတော့ ပီဒီယွန်းတစ်ယောက်အမှန်တရားကိုဖော်ထုတ်ဖို့လုပ်ဆောင်ပါတော့တယ်။ တစ်နိုင်ငံလုံးရဲ့ယုံကြည်မှုကိုရထားတဲ့သူတစ်ဦးကိုဆန့်ကျင်ဖို့ရာ အင်မတန်မလွယ်ကူခဲ့သလို သက်သေရယ်လို့တိတိကျကျမတင်သွင်းနိုင်တဲ့အခါ ပြည်သူကရော အထက်ကပါအတင်းဖိအားပေး ပြစ်တင်ဝေဖန်ကြပါတော့တယ်။ နောက်‌ဆုံးမှာ အင်အားကြီးတဲ့လိမ်လည်မှုကပဲအနိုင်ရသွားမလား အမှန်တရားကပဲထိုးဖောက်နိုင်သွားမလားဆိုတာ စိတ်လှုပ်ရှားစွာကြည့်ရမဲ့ကားလေးဖြစ်တာကြောင့် ကြည့်ရှုဖို့တိုက်တွန်းလိုက်ရပါတယ်။

နိုင်ငံတွင်းရုပ်ရှင်ဆုပေးပွဲမှာ ဆုပေါင်း၇၀ ကျော်နဲ့ နိုင်ငံတာရုပ်ရှင်ပွဲတော်မှာ ၃၈ဆု သိမ်းပိုက်နိုင်ခဲ့ပြီး အဘက်ဘက်က ကဏ္ဍစုံကနေဆုတွေရခဲ့တဲ့ ဇာတ်ကားကောင်းတစ်ကားပါ ဇာတ်လမ်းကို စိတ်ကျန်းမာရေးဆေးရုံတစ်ရုံကစထားပြီးတော့ ရုတ်တရက်ပဲ အရာရာပြည့်စုံတဲ့ ကောင်မလေးတစ်ယောက်ရဲ့ နေ့စဥ်ဘဝကို ပြသပြန်ပါတယ် နောက် ကလေးအရွယ်ကောင်မလေး ဆယ်ကျော်သက်အရွယ်.. ဇာတ်ကအဲဒီလိုပြနေပေမယ့် တစ်ကယ်တမ်းတော့ ကောင်မလေးတစ်ယောက်ထဲရဲ့ဘဝပါပဲ သူကတော့စိတ်ရောဂါခံစားနေရတဲ့ စင်ဒူဆိုတဲ့ကောင်မလေးပါ ကြည့်ကာစတော့ အချစ်ရူးနေတဲ့ကောင်မလေးတစ်ယောက်လို ထင်ရပေမယ့် တကယ်အဖြစ်အမှန်ကဘာများလဲ စင်ဒူဘာကြောင့် ဒီလိုတွေဖြစ်သွားရတာလဲ နောက်ဆုံးမှာ အကြောက်တရားကနေ ရုန်းထွက်နိုင်မလား ၂၁ရာစု မိဘတွေအနေနဲ့လည်း ကြည့်သင့်တဲ့ကားတစ်ကားလို့ မှတ်ချက်ပေးပါရစေ ရခဲ့တဲ့ဆုတွေနဲ့ ထိုက်တန်လား ကြည့်ရအောင်ပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Sora ဖြစ်ပါတယ်

တစ်ခါတုန်းက အရှင်သခင်အပေါ် အရမ်းသစ္စာစောင့်သိလွန်းတဲ့ နန်းတော်ရဲ့သော့ထိန်းကြီးဘာရို့စ်ဆိုတဲ့လူတစ်ယောက်ရှိသတဲ့။ နယ်မြေလုပွဲတွေဖြစ်ပြီး အရှင်သခင်တွေ အသက်လုပြေးရမဲ့အချိန်ကျမှ သူ့အရှင်ဟာ ချန်ထားရစ်ခဲ့ရတော့မဲ့ သူ့ရတနာတွေကို ဒီအတိုင်းထားရစ်ခဲ့ရမှာကို​​​​ကြောက်တာကြောင့် မှော်ပညာရှင်တွေကို နည်းလမ်းတစ်ခုထုတ်ခိုင်းခဲ့တယ်။ နောက်တော့ ထွက်လာခဲ့တဲ့ဖြေရှင်းနည်းက သစ္စာအရှိဆုံးလူယုံကို တစ္ဆေတစ်ကောင်အဖြစ်နဲ့ ရတနာတွေကိုစောင့်ရှောက်ဖို့ ထားရစ်ခဲ့ရမယ်တဲ့လေ။ အဲ့ဒီမှာပဲ အရှင်သခင်ဖြစ်သူဟာ ဘာရို့စ်ကိုရွေးချယ်ခဲ့တယ်။ သစ္စာစောင့်သိတဲ့ ဘာရို့စ်ကလည်း ကျေကျေနပ်နပ်လက်ခံခဲ့ပြီး သူ့အရှင်နဲ့ အမွေဆက်ခံသူပြန်လာမဲ့အချိန်ကို ရာစုနှစ်ပေါင်းများစွာစောင့်ဆိုင်းနေပါတော့တယ်။ သစ္စာခံဘာရို့စ်တစ်ယောက် သူ့ရဲ့တာဝန်ကို ကျေပွန်ဖို့အတွက် ဘာတွေပေးဆပ်ခဲ့ရသလဲဆိုတာကို ကြေကွဲဖွယ်ကြည့်ရှုရမှာဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

Rating 8.2/10 အထိရရှိထားတဲ့အိန္ဒိယ ဒရမ်မာအက်ရှင်တော်လှန်ရေးဇာတ်ကားကောင်းတစ်ကားပဲဖြစ်ပါတယ်။ အိန္ဒိယနိုင်ငံရဲ့ လူမျိုးရေးခွဲခြားမှု ဇာတ်နိမ့်ဇာတ်မြင့်ခွဲခြားဆက်ဆံမှုတွေ ၊ အရင်းရှင်ခေတ်မှာ မြေရှင် ယာရှင်တွေရဲ ကျွန်ပြု ခိုင်းစေခြင်းကို ခံရတဲ့အလုပ်သမားတွေ ၊နားချိန်အိပ်ချိန်မရှိ အလုပ်လုပ်ပေးရတဲ့အလုပ်သမားတွေရဲ့ဘဝ၊ စက်ရုံတွေမှာ လုပ်ခလစာနည်းပါးလှတဲ့ အလုပ်သမားတွေရဲ့ဘဝ အဲဒီလိုအဖိနှိပ်ခံဘဝတွေကို လူအခွင့်အရေး တန်းတူညီမျှ အခွင့်အရေးရရှိဖို့အတွက် တော်လှန်ရေးကိုစတင်ကြမယ့် ပီရူမောလ်တို့ဇနီးမောင်နှံ၊ ယခင်ကသာမန်ကျောင်းဆရာဘဝ ဆရာပီရူမောလ်ကနေတစ်ဆင့် သူစာသင်ကြားပေးတဲ့ရွာလေးမှာ သူ့မျက်စိရှေ့မှာပဲ အာဏာရှင်တစ်စုရဲ့ ယုတ်မာမှုကြောင့် အသတ်ဆုံးရှုံးခဲ့ကြရတဲ့ ကာရူပါတို့စုံတွဲကိုမြင်တွေ့ပြီး တော်လှန်ရေးလောကထဲကိုခြေစုံပစ်ဝင်ခဲ့ရာကစလို့ ဘဝရဲ့အခက်အခဲမျိုးစုံကိုရင်ဆိုင်လာရသူတစ်ဦး၊ အာဏာရှင်အစိုးရနဲ့ လက်ပါးစေ ရဲတစ်စုကလည်း အရင်းရှင်တွေဘက်လိုက်ပြီး အမှုဆင်ယုတ်မာကောက်ကျစ်ကြပုံတွေကို အံတကြိတ်ကြိတ်နဲ့ ကြည့်ရှုခံစားရမယ် ဇာတ်ကားကောင်းလေးတစ်ကားဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

ဒီတစ်ခေါက်မှာတော့ ၂၀၂၅မှာ ထွက်ရှိလာတဲ့ "Bleed for Justice"ဆိုတဲ့ အသစ်စက်စက်အက်ရှင်ဇာတ်ကားလေးနဲ့မိတ်ဆက်ပေးချင်ပါတယ် အေးချမ်းသာယာနေသောသုန်ဟိုင်မြို့လေးသည် နိူင်ငံတကာကုန်သွယ်ရေးကုမ္ပဏီရဲ့တရားမဝင်ငွေတိုက်အားစီးနင်း လုယက်ခဲ့သော လူဆိုးနှစ်ယောက် ကြောင့် လှုပ်ခတ်သွားခဲ့ရပါတယ်။ အကျိုးတူစီးပွားဖက်အချင်းချင်းကြားတွင် သစ္စာဖောက်မှုများရှိလာကြပြီး ဒုစရိုက်သမားအချင်းချင်း လုပ်ကြံသတ်ဖြတ်မှုများဖြစ်ပေါ်လာခဲ့တယ်။နိူင်ငံတကာကုန်သွယ်ရေးကုမ္ပဏီရဲ့ တရားမဝင်ငွေတိုက်ကို လုယက်ခံခဲ့ရတာကြောင့် ထိပ်တန်းလုံခြုံရေးအစောင့်နှစ်ယောက်ကို ဌားရမ်းခဲ့ရာ နိုင်ငံတကာက အလိုရှိနေတဲ့ ရာဇ၀တ်သားတွေဖြစ်နေတာကြောင့် အထူးတပ်ဖွဲ့ဝင်တွေသတိထားမိသွားကြပါတယ်။ အဲဒီကတစ်ဆင့် မြေအောက်ငွေတိုက်တွေရဲ့ တရားမဝင်ကုန်သွယ်မှုလုပ်ငန်းတွေကို ခြေရာခံမိသွားပြီး စုံစမ်းစစ်ဆေးမှုတွေကို စတင်လုပ်ဆောင်ခဲ့ကြတယ်။အထူးတပ်ဖွဲ့ဝင်တွေဟာ ပြင်းထန်သောစစ်ဆင်ရေးကို ကြိုးပမ်းလုပ်ဆောင်ခဲ့ကြပြီး ရာဇ၀တ်သားတွေကိုရှင်းလင်းရာမှာ အောင်မြင်စွာ ဖမ်းဆီးနိုင်ပါ့မလား နိုင်ငံတကာကုန်သွယ်ရေးလုပ်ငန်းစုကြီး၏ တရားမဝင်ပိုင်ဆိုင်မှုတွေ လွှဲပြောင်းရန် ကြိုးပမ်းမှုကို တားဆီးနိူင်ပါ့မလားဆိုတာ ကြည့်ရှု့ခံစားပေးကြပါဦးနော်။ အညွှန်းနဲ့ ဘာသာပြန်သူကတော့ NayChii ဖြစ်ပါတယ်။

အမေရိကန်ပြည်ထောင်စုရဲ့သမိုင်းမှာ အမေရိကန်တွေ အသည်းနာရဆုံးဖြစ်ရပ်တစ်ခုဖြစ်တဲ့ 9/11 အကြမ်းဖက်တိုက်ခိုက်မှုအကြောင်းကို ရိုက်ကူးတင်ဆက်ထားတဲ့ Documentary တစ်ခုဖြစ်ပါတယ်။ ကမ္ဘာ့ကုန်သွယ်ရေးအဆောက်အအုံကြီးကို လေယာဉ်ဝင်တိုက်ချိန် အဲဒီနေ့မှာဖြစ်ပျက်ခဲ့တဲ့အရာတွေကို ပြည်သူတွေရဲ့အမြင်ဘက်ကနေ တင်ဆက်ထားတာဖြစ်ပါတယ်။ 9/11 တိုက်ခိုက်မှုဆိုတာကတော့ ၂၀၀၁ ခုနှစ် စက်တင်ဘာ ၁၁ ရက်နေ့မှာ အိုစမာဘင်လာဒင်ဦးဆောင်တဲ့ အယ်လ်ကေးဒါး အကြမ်းဖက် အဖွဲ့အစည်းက အမေရိကန်ပြည်ထောင်စုကို တိုက်ခိုက်ခဲ့တဲ့ အသေခံတိုက်ခိုက်မှုတွေကိုပြောတာဖြစ်ပါတယ်။ အဲဒီမနက်မှာ အယ်လ်ကေးဒါး အကြမ်းဖက်သမား ၁၉ ယောက်ဟာ ခရီးသည်တင် လေယာဉ် ၄ စင်းကို ပြန်ပေးဆွဲခဲ့ပြီး လေယာဉ် ၂စင်းကို ကမ္ဘာ့ကုန်သွယ်ရေး အဆောက်အအုံဖြစ်တဲ့ အမြွှာညီနောင်တာဝါကြီးနှစ်ခုကို ရည်ရွယ်ချက်ရှိရှိဖြင့် ဝင်တိုက်ခဲ့တာကြောင့် လေယာဉ်ပေါ်မှာ ပါလာတဲ့ခရီးသည်အားလုံး သေဆုံးခဲ့ရုံသာမက အဆောက်အဦးအတွင်း အလုပ်လုပ်နေသူများလည်း သေဆုံးခဲ့ကြရတာဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Aung Myat Tun ဖြစ်ပါတယ်

ဖြစ်ရပ်မှန်ဇာတ်လမ်းလား ထင်မှတ်မှားရလောက်အောင် ရင်တထိတ်ထိတ်နဲ့ အရမ်းကြည့်လို့ကောင်းတဲ့ action/thriller ရုပ်ရှင်ဇာတ်လမ်းတစ်ပုဒ်နဲ့ မိတ်ဆက်ပေးချင်ပါတယ်။ ဇာတ်အိမ်ကောင်းသလို John Travolta နဲ့ Denzel Washington တိုကို နာမည်ကျော်မင်းသားကြီးတွေ အပြိုင်ကြဲထားတာမို့ ရှာမှရှားတဲ့ ‌ရုပ်ရှင်တစ်ကားပါ။ ဇာတ်လမ်းမှာတော့ ဂါဘာဟာ အလုပ်မှာ ပြဿနာတစ်ခုတက်ပြီး ရာထူးကြီးပိုင်းကနေ ရာထူးချခံထားရသူပါ။ သူ့ရဲ့လက်ရှိအလုပ်က ရထား၀န်ထမ်းတွေနဲ့ ဆက်သွယ်ပြီး ရထားထွက်ချိန်နဲ့ မြေပြင်၀န်ထမ်းတွေအတွက် လိုအပ်ချက်တွေကို ညှိနှိင်းဆောင်ရွက်ပေးရသူ ဖြစ်ပါတယ်။ တစ်နေ့ သူကြီးကြပ်ပေးနေရတဲ့ ရထားဟာ လက်နက်ကိုင်လူတစ်စုရဲ့ အပိုင်စီးခြင်းကို ခံလိုက်ရပါတယ်။ အဲဒီအခါ ဂါဘာဟာ ရထားကိုဆက်သွယ်ရာက ပြန်ပေးသမားခေါင်းဆောင်နဲ့ စကားပြောမိရာက ဓားစာခံညှိနှိင်းရေးမှူးဖြစ်မှန်းမသိ ဖြစ်လာပါ‌တော့တယ်။ ပြန်ပေးသမားဟာ တွဲတစ်တွဲစာ ခရီးသည်တချိုကို ဓားစာခံခေါ်ထားပြီး ဒေါ်လာ ၁၀ သန်း တောင်းဆိုခဲ့ပါတယ်။ အဲဒီလိုနဲ့ ဂါဘာတစ်ယောက် ပြန်ပေးသမားတွေကို ဘယ်လိုကိုင်တွယ်သွားမလဲ၊ ဓားစာခံတွေရော အသက်ရှင်လွတ်မြောက်ကြပါ့မလား၊ အဲဒီရထားအပိုင်စီးမှုရဲ့နောက်ကွယ်မှာ ဘယ်လိုအကြောင်းတွေ ရှိနေမလဲဆိုတာကို ဇာတ်ရှိန်တစ်စက်မှမကျဘဲ ရင်တထိတ်ထိတ် ကြည့်ရှုကြရမှာ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Katie ဖြစ်ပါတယ်

ဗီဒီယိုကို ကြည့်မိတာနဲ့ သရဲမ ဆာဒါကိုဆီက ဖုန်းဝင်လာပြီး နှစ်ရက်နေရင် သေရမယ်ဆိုတဲ့ ကျိန်စာနဲ့ ကျိန်စာသင့်ဗီဒီယို.... အိမ်ထဲကိုဝင်တာနဲ့ သရဲမ ကာဒါကိုရဲ့ ကျိန်စာသင့်စေတဲ့ ကြောက်စရာ အိမ်အိုကြီး.... ယူရီနဲ့ နာဆုမိတို့ သူငယ်ချင်းနှစ်ယောက် မထင်မှတ်ဘဲ ကျိန်စာသင့်ဗီဒီယိုကို ကြည့်မိတဲ့အခါ ဒီကျိန်စာဟာ တကယ်လား သူတို့ ကျိန်စာကနေ လွတ်မြောက်နိုင်မှာလား.... မိဘတွေရဲ့ အလုပ်ကြောင့် ကျိန်စာသင့်အိမ်ကြီးရှေ့ ပြောင်းလာရတဲ့ ဆုဇုကာတို့မိသားစုရော ကျိန်စာနဲ့ ကင်းကင်းနေနိုင်မှာလား လွတ်မြောက်နိုင်ပါ့မလား သဲထိတ်ရင်ဖိုရုပ်ရှင်ချစ်သူတို့အကြိုက် ရင်တထိတ်ထိတ်နဲ့ စီးမျောခံစားရမယ့် ဂျပန်သဲထိတ်ရင်ဖို ဇာတ်လမ်းကောင်း တစ်ပုဒ်ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ taku-chan ဖြစ်ပါတယ်

Stephen Chow ရဲ့ဇာတ်ကားဆိုတာနဲ့ ဘာကားလာလာ ကြည့်မှာပဲဆိုတဲ့သူတွေ ရှိကိုရှိပါတယ်။ ကြည့်တဲ့သူတိုင်းကို စိတ်မပျက်စေရလေအောင် ဖျော်ဖြေပေးနိုင်တာ မဟုတ်ပါလား။ ဒီတစ်ခေါက်တင်ဆက်ပေးလိုက်တာကတော့ Fist of Fury 2 ပါ။ သိုင်းဆရာ လျိုကျင်းဟာ ‌ကြိုးဝိုင်းထဲမှာ ဂိုဏ်တစ်ဂိုဏ်းက လူတစ်ယောက်နဲ့ထိုးကြရင်း နောက်ပိုင်းမှာ ထိုလူဟာ ဒဏ်ရာတွေကြောင့် သေဆုံးခဲ့ရပြီး မသေခင်မှာ အစ်ကိုဖြစ်သူကို လျိုကျင်းရဲ့ညာလက်ကို သတိထားဖို့မှာထားခဲ့တယ်။ အစ်ကိုဖြစ်သူဟာ ညီအတွက် လက်စားချေဖို့ကို ဆုံဖြတ်ပြီးသားဖြစ်နေပြီ။ သိုင်းဆရာဖြစ်နေပေမဲ့ အဘက်ဘက်မှာ အလွဲအချော်တွေနဲ့ အိုးနင်းခွက်နင်းဖြစ်နေတဲ့သူ့ဘ၀ကို နျို့မျိုးနွယ်တစ်ယောက်က သူ့ဆီတပည့်လာခံလေတော့ ဘယ်လို‌ေတွဆက်ပြီး အလွဲတွေဖြစ်နေကြဦးမလဲ။ လူတစ်ယောက်က ကိုယ့်ကို အငြိုးထားနေမှန်းမသိတဲ့ လျိုကျင်းကရော ဘာတွေဆက်ဖြစ်လာမလဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ဒီတစ်ခေါက်မှာတော့ 2012မှာထွက်ရှိခဲ့တဲ့ "Pluto"ဇာတ်ကားလေးနဲ့ မိတ်ဆက်ပေးချင်ပါတယ်။ နာမည်ကျော်တဲ့ဒိတ်ဒိတ်ကြဲကျောင်းကြီးရဲ့ အဆင့်တစ်ကျောင်းသားယူဂျင်းတေလာဆိုသူအသတ်ခံရပြီးနောက် သံသယရှိသူအနေနဲ့ ဂင်ဂျွန်းဆိုတဲ့ဆင်းရဲသားကျောင်းသားလေးဟာခေါ်ယူမေးမြန်းခံရပါတော့တယ်။ သေဆုံးသူနဲ့ဆက်‌ဆံရေးမကောင်းဘူး‌ဆိုတဲ့ကောလဟာလတွေကိုနားယောင်တဲ့ရဲတွေဟာ သူ့ကိုသာလူသတ်တရားခံအနေနဲ့သံသယရှိနေခဲ့ပါတယ်။ သို့သော်သက်သေမရှိတဲ့နောက်ဆုံးလွှတ်ပေးလိုက်ရပါတယ်။ အချုပ်ကလွတ်လာပြီးနောက် ဒီလိုဖြစ်အောင်‌ချောက်ချပြီးတွန်းပို့ခဲ့တဲ့ ကျောင်းရဲ့ထိပ်တန်းကျောင်းသားအုပ်စုကိုလက်စားချေဖို့လုပ်ပါတော့တယ်။ ငွေရှိရင်ဘာမဆိုဖြစ်နေတဲ့လောကကြီးမှာ တော်ခြင်းတတ်ခြင်းကိုလည်းပိုက်ဆံနဲ့ကြေးဖြတ်နေတဲ့ကျောင်းကြီးထဲ နာမည်ကြီးဂိုက်ဆရာတွေကိုမှမခေါ်နိုင်ရင်အဆင့်ကောင်းကောင်းမရနိုင်တာကြောင့် ဆိုးလ်တက္ကသိုလ်ရဲ့ဇီဝသိပ္ပံမေဂျာတက်ချင်ခဲ့တဲ့ဂင်ဂျွန်းဟာ ကြိုးစားသမျှအရာမထင်ဖြစ်ခဲ့ရပါတယ်။ ငယ်စဥ်ကတည်းက ဆင်းရဲဒဏ်ခံရတဲ့ဂင်ဂျွန်းဟာ ဆင်းရဲတွင်းထဲကလွတ်ဖို့ ပညာရေးနဲ့အစွမ်းကုန်တိုးတက်ဖို့ကြိုးစားချင်ခဲ့ပေမဲ့ ငွေကြေးကပဲပညာရေးအတွက်အတားအဆီးဖြစ်နေခဲ့ပြန်တယ်။ ငွေနဲ့အာဏာကိုပဲသိကြတဲ့ကျောင်းကြီးထဲမှာ သူဘယ်လိုရုန်းကန်ခဲ့ရမလဲ။ လူသတ်မှုရဲ့တရားခံအစစ်တွေကရော ဘယ်သူဖြစ်နေမလဲ။ ငွေကုံထံအသိုင်းအဝိုင်းရဲ့မျိုးဆက်တွေဖြစ်ပြီး ညစ်ပတ်ယုတ်မာကြတဲ့ထိပ်တန်းကျောင်းသားတွေရဲ့သရုပ်‌မှန်ကိုထိထိမိမိဖော်ပြထားတဲ့ဇာ

ကဲ အားလုံးပဲစောင့်မျှော်နေကြတဲ့ Moana 2 ကိုတင်ဆက်ပေးလိုက်ပါပြီ။Moana ဆိုတာကတော့ 1 ထွက်ရှိကတည်းက The Rock ကြီးရဲ့အသံသရုပ်ဆောင်တွေ ဇာတ်လမ်းဇာတ်ကွက်ကောင်းပုံတွေကြောင့် လူကြီးလူငယ်မရွေး မိတ်ဆက်ပေးစရာမလိုအောင်ကိုအောင်မြင်မှုတွေရရှိထားပြီးသားဖြစ်ပါတယ်။ဒီတစ်ခေါက်ဆက်လက်ထွက်ရှိလာတဲ့ Moana 2 မှာလည်း IMDb Rating 7.0 အထိဆွတ်ခူးထားနိုင်ပြီး တစ်ကားထွက်ပြီးမပုပ်သွားတဲ့ ကောင်းမြဲကောင်းနေဆဲဂုဏ်ကို ဆက်ထိန်းထားနိုင်တုန်းပဲဖြစ်ပါတယ်။အားလုံးပဲသိထားပြီးတဲ့အတိုင်း 1 မှာတုန်းက မိုအာနာက မာဝီနဲ့အတူတူစွန့်စားခန်းတွေထွက်ခဲ့ပြီးနောက်ပိုင်း မိုအာနာတို့ရွာလည်း ပင်လယ်ထဲပြန်ထွက်လာခဲ့ကြပြီး တဖြည်းဖြည်းနဲ့စိုပြည်စိမ်းလန်းလာခဲ့ပါတယ်။မိုအာနာကတော့လမ်းကြောင်းရှာဖွေသူအနေနဲ့ မတွေ့ဖူးသေးတဲ့ ကျွန်းတွေကိုဆက်လက်ရှာဖွေနေပြီး သူတို့လူမျိုးတွေအပြင် တခြားလူတွေကိုရှာဖို့စိတ်ဆန္ဒပြင်းပြနေတုန်းပါပဲ။ဒီလိုနဲ့သိပ်မကြာခင်မှာ တိုတိုင်ဆိုတဲ့ဂုဏ်ပုဒ်ရထားတဲ့ သူ့ရှေ့ကကြီးမြတ်တဲ့လမ်းကြောင်းရှာဖွေသူရဲ့ခရီးစဉ်ကို ဆက်နှင်ဖို့ဖြစ်လာပါတော့တယ်။အဲ့ဒီခရီးစဉ်ကဘာလဲဆိုရင်တော့ သူလိုက်ရှာနေတဲ့လူတွေနဲ့သူတို့ကို နတ်ဘုရားတစ်ပါးက ကျိန်စာတိုက်ပြီးခွဲခြားထားတဲ့အတွက် အဲ့ဒီနတ်ဘုရားဖွက်ထားတဲ့ကျွန်းကြီးကိုရှာဖွေရမှာပဲဖြစ်ပါတယ်။ဒီလိုနဲ့မိုအာနာတစ်ယောက် ဘိုးဘေးတွေပေးအပ်တဲ့တာဝန်ကို ထမ်းဆောင်ဖို့ရွက်လွှင့်ရင်း မာဝီနဲ့ရောဘယ်လိုပြန်ဆုံကြမလဲ သူ့ရဲ့တာဝန်ကြီးကိုရော အောင်မြင်