လူကြည့်များသော ရုပ်ရှင်များ

အင်စပတ်တာလိုဖေးဟာ လွန်ခဲ့တဲ့ ၁၀ နှစ်က ဖြစ်ခဲ့တဲ့အမှုတစ်ခုမှာပိတ်မိနေပြီး အတိတ်ကနေ ရုန်းမထွက်နိုင်သူတစ်ယောက်။ ၂၀၀၉ ခုနှစ်တုန်းက ဗုံးပေါက်ကွဲမှုတစ်ခုကြောင့် သူအချစ်ရဆုံးချစ်သူကောင်မလေးနဲ့ သူငယ်ချင်းဖြစ်သူဟာ ဆုံးပါးသွားခဲ့ပြီး တရားခံကို ဖမ်းမမိခဲ့။ ၁၀ နှစ်ကြာပြီးနောက် ၂၀၁၉ ခုနှစ်မှာ သူနဲ့ရင်းနှီးသူ အရာရှိဟောင်းတစ်ယောက်ကပါ သူ့မျက်စေ့ရှေ့နားတင် အသတ်ခံလိုက်တယ်။ ယခုအမှုနဲ့ လွန်ခဲ့တဲ့ ၁၀ နှစ်ကအမှုဟာ တူညီနေပြီး လွန်ခဲ့တဲ့ ၁၀ နှစ်က လူသတ်သမားဟာ တစ်ဖန်ပြန်ပေါ်လာခဲ့ပြီ။ လူသတ်မှုအကြောင်း ရဲတပ်ဖွဲ့သတင်းစာရှင်းလင်းပွဲလုပ်နေတုန်းမှာပဲ ကွန်ပျူတာကို တစ်စုံတစ်ယောက်က ဟက်ခ္ကာ သူဟာ တရားခံ Darker ဆိုသူဖြစ်ပြီး တရားမျှတရေးအတွက် Death Notice ပေးပို့ကာ လူသတ်နေကြောင်း လူသိရှင်ကြားပြောလာခဲ့တယ်။ ထို့နောက်မှာ လိုဖေးဟာ လွန်ခဲ့တဲ့ ၁၀ နှစ်ကအမှုရဲ့တရားခံကို ဖမ်းဆီးနိုင်ဖို့အတွက် အထူးတပ်ဖွဲ့ထဲ ပြန်လည်၀င်ရောက်လာခဲ့တယ်။ Darker ဆိုသူကရော ဘယ်သူလဲ ဘယ်လိုလူတွေက Death Notice အပေးခံရပြီး ဘယ်လိုပုံစံနဲ့ အသတ်ခံရမလဲဆိုတာကို တစ်ကားလုံး ဇာတ်ရှိန်ကျမသွားဘဲ စိတ်၀င်တစား ကြည့်ရှု့ရမယ့် ဟောင်ကောင် Crime/Thriller ရုပ်ရှင်ကားကောင်းတစ်ကားပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ဒီကားလေးကတော့ ဖြစ်ရပ်မှန်ပေါ်အခြေခံထားတဲ့ကားလေးဖြစ်ပါတယ်။ ဆမ်းရယ်ဆိုတဲ့မြို့လေးက ကုန်စုံဆိုင်လေးမှာ အဘွားတစ်ဦးအသတ်ခံလိုက်ရပြီး ၅ရက်အကြာမှာပဲ တရားခံ၃ယောက်ကို ဖမ်းဆီးရမိခဲ့ပါတယ်။ တရားခံတွေကတော့ သူတို့သတ်ခဲ့တဲ့ပုံတွေဝန်ခံခဲ့ပြီး ထောင်ကျခဲ့ပါတယ်။ ဒီလိုနဲ့တစ်နှစ်အကြာမှာ ဟွမ်ဂျွန်းချော ဆိုတဲ့အရာရှိတစ်ဦးဆီကို ကုန်စုံဆိုင်လူသတ်မှုအကြောင်းသတင်းပေးချင်လို့ဆိုပြီး လူတစ်ယောက်ဆက်သွယ်လာပါတယ်။ အဲဒီလူနဲ့သွားတွေ့ခဲ့ပြီး ဒီအမှုမှာ မသင်္ကာစရာတွေရှိတာမလို့ တစ်စပြီးတစ်စဖော်ထုတ်ခဲ့ပေမဲ့ အသတ်ခံရတဲ့အဘွားရဲ့သမီးဖြစ်သူကပါ ခါးခါးသီးသီးငြင်းနေတာမလို့ အမှုကိုဘယ်လိုမှ အစဖော်လို့မရခဲ့ပါဘူး။ ဒီလိုနဲ့ ဟွမ်ဂျွန်းချောတစ်ယောက် အမှုကိုလိုက်ရင်း ဘာတွေနဲ့ကြုံတွေ့လာရမလဲဆိုတာ.... ဒီကားကိုအညွှန်းနဲ့ဘာသာပြန်ဆိုသူကတော့ Huihui ဖြစ်ပါတယ်။

App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ Kingdom 2: Far and Away လေးကိုဘာသာပြန်တင်ဆက်ပေးလိုက်ပါတယ် ဂျပန် manga ပရိသတ်တွေကတော့ Kingdom ရုပ်ပြစီးရီးတွေနဲ့ စိမ်းမယ်မထင်ပါဘူး။ ဒီဇာတ်လမ်းဟာ အဲဒီရုပ်ပြစီးရီးကိုပဲ ရုပ်ရှပ်အဖြစ် အသက်သွင်းထားတာဖြစ်ပြီး ၂၀၁၉ ခုနှစ်က Kingdom ရုပ်ရှင်ရဲ့နောက်ဆက်တွဲလို ဆိုရမှာပါ။ သူ့နောက်မှာ Kingdom 3 နဲ့ 4 လည်း ဆက်ထွက်ထားပါတယ်။ ဇာတ်လမ်းကတော့ သမိုင်းနောက်ခံစစ်ပွဲရုပ်ရှင်မျိုး ဖြစ်ပါတယ်။ ထူးခြားချက်ကတော့ "Alice in Borderland" စီးရီးထဲက ဂျပန်မင်းသားချော Kento Yamazaki ခေါင်းဆောင်ပါ၀င်ထားတာပါပဲ။ ဇာတ်လမ်းအကျဉ်းကတော့ - တရုတ်ပြည်ကြီးမှာ ပေါင်းစည်းရေးမလုပ်နိုင်သေးဘဲ နိုင်ငံငယ်တွေကြား နှစ် ၅၀၀ ကြာအောင် စစ်မက်တွေဖြစ်ပွားနေခဲ့ပါတယ်။ အဲဒီစစ်ပွဲတွေကြောင့် မိဘမဲ့ဖြစ်သွားခဲ့ရသူတွေထဲမှာ ရှင်းဆိုတဲ့ လူငယ်လေးတစ်ယောက်လည်း ပါ၀င်တယ်။ ရှင်းဟာ မိဘမဲ့ကျေးကျွန်တစ်ယောက်ဖြစ်ပေမဲ့ သူ့မှာ အိပ်မက်အကြီးကြီးတစ်ခုရှိပါတယ်။ အဲဒါတော့ လောကမှာအကြီးမြတ်ဆုံး စစ်သူကြီးတစ်ယောက် ဖြစ်လာဖိုပါပဲ။ အဲဒီလို ဖြစ်ဖိုအတွက်လည်း တိုက်ပွဲတွေမှာ သူ့အစွမ်းကို လေ့ကျင့်ပါတော့တယ်။ ဒီလိုနဲ့ လူငယ်‌လေးရှင်းရဲ့ ကြီးမားလွန်းတဲ့ အိပ်မက်ကြီးက တကယ်ဖြစ်လာနိုင်ပါ့မလားဆိုတာကို ရှင်းနဲ့သူ့ရောင်းရင်းစစ်သည်တွေ၊ သူငယ်ချင်းတွေရဲ့ သက်စွန့်ဆံဖျား စွန့်စားခန်းတွေကြည့်ရင်း ဆက်လက်ခံစားကြည့်ရှုလိုက်ရအောင်‌ပါ...

ဒီတစ်ခါလည်း ဂျိမ်းစဘွန်းရဲ့ တတိယမြောက်နဲ့ နာမည်အကြီးဆုံးကားလေးကိုတင်ဆက်ပါရစေ ဒါဂျိမ်းစဘွန်းတတိယမြောက်ကားဖြစ်ပြီး ဆုရရှိခဲ့တဲ့ ပထမဆုံးကားဖြစ်ပါတယ် ဒီတစ်ခေါက်သူ့မစ်ရှင်ကတော့ goldfinger ဆိုတဲ့ အင်္ဂလန်ဘဏ်သူဌေးနောက်က မှောင်ခိုလုပ်ငန်းတွေအကြောင်းထောက်လှမ်းတာပါ အရင်ကားတွေထက် ဒီကားမှာ ဂျိမ်းစဘွန်းကို ခေတ်မှီလက်နက် ပစ္စည်းတွေနဲ့မြင်ရမှာဖြစ်ပါတယ် ဇာတ်လမ်းအညွှန်းနဲ့ ဘာသာပြန်သူကတော့ Thansin ဖြစ်ပါတယ်။

ဒီဇာတ်ကားမှာတော့ သဘာဝတရားက ပြန်လည်သိမ်းယူပြီး လျှို့ဝှက်ဆန်းကြယ်တဲ့ သတ္တဝါတွေရဲ့လွှမ်းမိုးမှုကိုခံနေရတဲ့ ကမ္ဘာမှာပျောက်ဆုံးသွားပြီး အတိတ်မေ့ရောဂါခံစားနေရတဲ့လူငယ်လေး Ethan က ဘာတွေဖြစ်နေမှန်းမသိဘဲ ကမ္ဘာကြီးရဲ့အဆုံးမှာ ရှင်သန်ဖို့အရမ်းခက်ခဲနေပေမယ့် သူ့ရဲ့ ပျောက်ဆုံးနေတဲ့ ချစ်သူရည်းစားကို ရှာဖွေဖို့ သူ့ကိုကယ်ခဲ့တဲ့ Mae ဆိုတဲ့ ထူးဆန်းတဲ့အသက်ရှင်ကျန်ရစ်သူနဲ့ ပူးပေါင်းခဲ့ပါတယ် Ethan က မနက်နိုးလာတဲ့အခါ အတိတ်မေ့တတ်ပေမယ့် သူ့ကောင်မလေးနဲ့တွေ့ဖို့ပြောထားတဲ့နေရာက မှတ်ဉာဏ်ထဲမှာခဏခဏပြန်ပေါ်လာတတ်ပြီး အဲ့နေရာကိုအသည်းအသန်ရှာရင်း ရင်ဆိုင်ရတဲ့ဒုက္ခတွေကို Mae နဲ့အတူအချင်းချင်းကူညီရင်း ဘယ်လိုဖြေရှင်းကြမလဲဆိုတာ ဇာတ်လမ်းရဲ့မြှုပ်ကွက်လေးတွေနဲ့ စိတ်ဝင်စားဖို့ကောင်းတဲ့ဇာတ်ကားလေးကို ကြည့်လိုက်ရအောင်နော် ဇာတ်လမ်းအညွှန်းနဲ့ ဘာသာပြန်သူကတော့ Phyu ဖြစ်ပါတယ်။

အမေရိကန် မော်ဒယ်တစ်ဖြစ်လဲ ဓာတ်ပုံသတင်းထောက် လီမစ်လာရဲ့ World War II အတွေ့အကြုံကို ရိုက်ကူးထားတဲ့ Biography ရုပ်ရှင်ပါ။ အဓိကဇာတ်ကောင် လီနေရာပါဝင်သရုပ်ဆောင်ထားသူက မင်းသမီးကြီးကိတ်ဝင်းစလက်ဖြစ်ပါတယ်။ တစ်ချိန်တုန်းက မော်ဒယ်အဖြစ်အသက်မွေးခဲ့တဲ့ လီဟာ အသက်ကြီးလာတဲ့အချိန်မှာ ဓာတ်ပုံဆရာအဖြစ် ပြောင်းလဲလုပ်ကိုင်ပြီး သူငယ်ချင်းတွေနဲ့ ပျော်ပျော်နေထိုင်ခဲ့ပါတယ်။ ချစ်သူလည်း ရှိပြီး အတူနေလာရာကနေ ဒုတိယကမ္ဘာစစ်ဖြစ်တဲ့အခါ သူ့အပေါင်းအသင်းတွေအကုန် တကွဲတပြားဖြစ်ကုန်ပါတယ်။ လီကလည်း Vogue မဂ္ဂဇင်းက သတင်းထောက်အဖြစ် ရှေ့တန်းလိုက်ပြီး ဓာတ်ပုံရိုက်ခွင့်ရအောင် ကြိုးပမ်းခဲ့ပါတယ်။ နာဇီတွေလက်အောက်မှာ သူတို့အားလုံး အရှုံးမပေးဘဲ ကျရာတာဝန်ထမ်းဆောင်နေခဲ့တာပါ။ လီရဲ့ဓာတ်ပုံတွေက နာဇီတွေရဲ့ လူမဆန် ဆိုးဝါးရက်စက်တဲ့လုပ်ရပ်တွေကို မြင်သာစေပြီး အမှန်တရားကို သိစေပါတယ်။ လီကိုယ်တိုင်လည်း ငယ်စဉ်တုန်းက အတိတ်ဆိုးရှိတဲ့အတွက် စွန့်စွန့်စားစားနဲ့ မှတ်တမ်းရယူခဲ့တာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

သည်းထိတ်ရင်ဖိုမှုခင်းကားကိုမှ ကြိုက်တဲ့လူတွေအတွက် ခပ်ကြမ်းကြမ်း Crime Thrillerဇာတ်လမ်းလေးတစ်ပုဒ်နဲ့ မိတ်ဆက်ပေးပါရစေ... ဒုစရိုက်မှုတွေကနေ ရုန်းထွက်ပြီး ရိုးရိုးသားသားတက္ကစီမောင်းရင်း မိခင်ဖြစ်သူကို လုပ်ကျွေးနေတဲ့ရှိုဟစ်တစ်ယောက် လုပ်ဖော်ကိုင်ဖက်တစ်ယောက်ရဲ့ မူးယစ်ဆေးတွေပါတဲ့ဂျာကင်ကို သိမ်းထားပေးရာက ဂျာကင်ပျောက်သွားတဲ့အတွက် တစ်မိသားစုလုံးခြိမ်းခြောက်ခံခဲ့ရတယ်။ တစ်ဖက်မှာလည်း အာကတ်ရှ်ဆိုတဲ့ လေယာဉ်မှူးဟာ မိန်းမဖြစ်သူဖောက်ပြန်နေတာကို လက်ပူးလက်ကြပ်ဖမ်းဖို့ကြိုးစားရင်း အတူပါလာတဲ့သားဖြစ်သူကို ကော်ဖီဆိုင်က အလုပ်သမားကောင်မလေးဆီမှာ အပ်ထားခဲ့လိုက်တယ်။ ဖြစ်ချင်တော့ အဲ့ဒီကောင်မလေးက ရှိုဟစ်ရဲ့ရည်းစားဖြစ်နေတဲ့အခါ ကလေးကပါ အရှုပ်အထွေးကြီးထဲ ရောပါသွားတော့တာပေါ့။ နောက်တော့ အဲ့ဒီကလေးရဲ့အသက်အန္တရာယ်ပါ ခြိမ်းခြောက်ခံရတဲ့အခါ သူတို့တွေ ဘယ်လိုဆက်ဖြေရှင်းကြမလဲဆိုတာကို သည်းထိတ်ရင်ဖိုကြည့်ရှုရမှာပဲဖြစ်ပါတယ်။ ဒီဇာတ်ကားအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

မင်းသားကြီးရှောင်ကွန်နရီရဲ့ ၄ ကားမြောက် ဂျိမ်းစ်ဘွန်းဇာတ်ကားဖြစ်ပါတယ်။ သိကြတဲ့အတိုင်း ရှောင်ကွန်နရီဆိုရင် ဂျိမ်းစ်ဘွန်းနဲ့ပဲ တွဲမြင်တဲ့အထိ သက်ဝင်အားကောင်းခဲ့ပါတယ်။သူ့ရဲ့ဘွန်းကားတွေဟာ စမတ်ကျတဲ့အပြင် ရယ်စရာ ထေ့လုံး လှောင်လုံးတွေအများဆုံးပါဝင်တာကြောင့်ဘွန်းအဆန်ဆုံးကားတွေလို့ ပြောလို့ရပါတယ်။ ဒီကားဟာဆိုရင်လည်း ဂျိမ်းစ်ဘွန်းရုပ်ရှင်တွေအားလုံးရဲ့ အကောင်းဆုံးကားလို့ပြောရလောက်တဲ့အထိ ချီးကျူးထောပနာပြုခြင်းခံရတဲ့ကားဖြစ်ပါတယ်။ Action သီးသန့်မဟုတ်ဘဲ ဘက်ပေါင်းစုံက တင်ဆက်ထားနိုင်ပြီးသူ့ခေတ်မှာ အတော်ကို အံ့ဩရတဲ့ ဖန်တီးမှုတချို့ပါတင်ဆက်နိုင်ခဲ့ပါတယ်။ ဒီဇာတ်ကားဟာဆိုရင် IMDB rating (7/10) ရရှိထားပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူက‌တော့ Aung Myat Tun ဖြစ်ပါတယ်

ဒီဇာတ်ကားလေးကတော့ အမေရိကန် သမ္မတတစ်ဉီးဖြစ်ခဲ့တဲ့ Ronald Reagan ရဲ့ ဘဝဇာတ်ကြောင်းကို Biographical Drama လေး ရိုက်ထားတဲ့ ဇာတ်ကားအသစ်လေး ဖြစ်ပါတယ် အမေရိကန် သမ္မတ Ronald Reagan ဟာ သမ္မတဖြစ်ခဲ့သည့်အပြင် ရုပ်ရှင်သရုပ်ဆောင်လည်း ဖြစ်ခဲ့ပါတယ် ဒီကားလေးထဲမှာ သူ့ဘဝဇာတ်ကြောင်း သူ့မိသားစု သူ့ရဲ့ သရုပ်ဆောင်ဘဝတုန်းက အခြေအနေတွေ သူ သမ္မတဘယ်လိုဖြစ်ခဲ့လဲ ဆိုတာက အစ သမ္မတဖြစ်လာတဲ့အခါမှာ အမေရိကန်နိုင်ငံအတွက် ကမ္ဘာတစ်ခုလုံးအတွက် ဘယ်လိုမျိုး အံ့ဖွယ်ကိစ္စ တာဝန်ရပ်တွေ ထမ်းဆောင်သွားသလဲ ဆိုတာကို အသေးစိတ် ရိုက်ပြထားတဲ့ အထုပ္ပတ္တိ နိုင်ငံရေး ဇာတ်ကားလေးပဲ ဖြစ်ပါတယ် ဒီဇာတ်ကားကနေ အမေရိကန် သမ္မတရဲ့ အကြောင်း အမေရိကန်ရဲ့ သမိုင်းအကြောင်း တစ်ပိုင်းတစ်စအပြင် နိုင်ငံရေးအကြောင်းအရာတွေကိုပါ ကြည့်ရှု လေ့လာနိုင်မှာ ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Henny ဖြစ်ပါတယ်

Zombie ဇာတ်ကားပရိသတ်တွေအတွက် ဖိလစ်ပိုင်ဖုတ်ကောင်ဇာတ်ကားအသစ်ထွက်ရှိလာပါပြီ။ဒီကြားထဲ Zombie ဇာတ်ကားတွေထွက်တာနည်းနေတော့ မျှော်နေတဲ့သူတွေအတွက်ကတော့ကွက်တိပါပဲ။ဇာတ်ကားနာမည်ကိုတော့ Outside လို့ပေးထားပြီး လက်ရှိ IMDb Rating 5.1 အထိရရှိထားပါတယ်။Zombie ကားဖြစ်တဲ့အတွက်ဇာတ်လမ်းအစမှာတော့ထုံးစံအတိုင်း ကမ္ဘာကြီးကဖုတ်ကောင်တွေနဲ့ပျက်စီးနေပြီး အသက်ရှင်ကျန်ခဲ့တဲ့လူနည်းစုတွေကလည်း ဟိုတစ်စု ဒီတစ်စုနဲ့ပုန်းကွယ်နေထိုင်နေရပါတယ်။အဲ့ဒီအသက်ရှင်ကျန်ခဲ့သူတွေထဲမှာဖရန်စစ် အိုင်းရစ် ဂျော့ရှ် လူးကပ်စ်တို့ရဲ့မိသားစုလည်းအပါအဝင်ပါပဲ။ဂျော့ရှ်က ဖရန်စစ်ရဲ့မယားပါသားဖြစ်ပေမဲ့သူတို့မိသားစုလေးက မိသားစုအရင်းတွေလိုပဲပျော်ပျော်ရွှင်ရွှင်စည်းစည်းလုံးလုံးနေထိုင်ကြပါတယ်။ဒါပေမယ့်ကြာလာတဲ့အခါမှာတော့ အစာရေစာရှားပါးလာပြီး ရှေ့ဆက်ဖို့ခက်ခဲလာတဲ့အတွက် အမေဖြစ်သူအိုင်းရစ်က အသက်ရှင်ကျန်သူတွေရှိတယ်လို့ကြားထားတဲ့မြောက်ပိုင်းကိုသွားဖို့ဖျောင်းဖြပါတော့တယ်။မိန်းမကမရမကပူဆာတာကြောင့်ဖရန်စစ်ကလိုက်ပို့ပေးခဲ့ရပေမဲ့ လမ်းမှာဖုတ်ကောင်အန္တရာယ်တွေကြုံတွေ့ရတဲ့အတွက်အိမ်ကိုပဲပြန်လှည့်လာရပါတော့တယ်။ဒီလိုနဲ့သူတို့မိသားစု ၄ ယောက်အိမ်ထဲမှာဆက်နေဖြစ်ခဲ့ပြီး နောက်ပိုင်းမှာ အစာရေစာကပိုမိုရှားပါးလာပြီး ဖရန်စစ်ကလည်းမိသားစုကိုအိမ်ထဲမှာပဲဆက်နေစေချင်တဲ့အတွက် ဖုတ်ကောင်တွေနဲ့သူတို့မိသားစုဘာတွေဆက်ဖြစ်မယ်ဆိုတာကိုစိတ်ဝင်စားစရာကြည့်ရှုရမဲ့ဇာတ်ကားတစ်ကားပဲဖြစ်ပါတယ်။ ဒီဇာတ်ကားကို

ဒီတစ်ခါမှာတော့ ထိုင်းသရဲကားကောင်းနဲ့ညွှန်းပေးချင်ပါတယ်။ ပင်းဆိုတဲ့ကောင်မလေးဟာ သူ့ရဲ့အမြွာအစ်မသေဆုံးပြီးတဲ့နောက်မှာသူ့ကြောင့်အစ်မဖြစ်သူသေဆုံးရတယ်လို့ခံစားရတာကြောင့် ကိုရီးယားကို ပြောင်းရွှေ့အခြေချနေထိုင်ခဲ့ပါတယ်။ ဒီလိုနဲ့ တစ်ရက်နေ့မှာ အမေဖြစ်သူ သတိမေ့မြောပြီးကိုမာဝင်သွားတာကြောင့် ရုတ်တရက် အစ်မဖြစ်သူသေဆုံးခဲ့ရာ ထိုင်းနိုင်ငံသို့ပြန်သွားဖို့အကြောင်းပေါ်လာတဲ့အခါ ဘာတွေဆက်ဖြစ်သွားမလဲဆိုတာကိုကြည့်ရှုရမှာဘဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ May Myat Noe Naing ဖြစ်ပါတယ်

Netflix မှ ထပ်မံတင်ဆက်လာတဲ့ ဒီပိုလန်ရုပ်ရှင်ဟာဆိုရင် ဖြစ်ရပ်မှန်ကိစ္စရပ်အပေါ် အခြေခံပြီး ရုပ်ရှင်ဖန်တီးသူက စိတ်ကူးဉာဏ်ကွန့်မြူးကာ တင်ဆက်ထားတာပဲဖြစ်ပါတယ်။ ၁၉၉၀ ပြည့်နှစ်အစောပိုင်းမနက်ခင်းတစ်ခုမှာ ဘဏ်စာရေးမလေး ၃ ယောက်က သူတို့ရဲ့ လုပ်ဖော်ကိုင်ဖက် တစ်ယောက်ရဲ့ မွေးနေ့ဖြစ်တာကြောင့် ဘဏ်ကို အစောကြီးရောက်လာခဲ့ပါတယ်။ ဘဏ်ထဲရောက်မှ သိလိုက်ရတာက ဘဏ်ထဲမှာ သူတို့ထက်အရင်ရောက်နေတဲ့ ဓားပြတွေရှိနေတာပါပဲ။ အဲ့ဒီမနက်ခင်းဟာ သူတို့အတွက် ပျော်စရာမနက်ခင်းလေးတစ်ခုဖြစ်ရမယ့်အစား ငရဲကျသွားသလိုပါပဲ။ ဘဏ်စာရေးမလေး ၃ ယောက်လုံး ရက်ရက်စက်စက် သတ်ဖြတ်ခံခဲ့ရပါတယ်။ အဲ့ဒီခေတ်နိုင်ငံရေးအခြေအနေအရ ဒီအမှုကို အစိုးရက မီဒီယာကိုမသိစေချင်တဲ့အတွက် အမြန်ဆုံးဖော်ထုတ်မှရပါမယ်။ ဒီတော့ ထောက်လှမ်းရေး အလုပ်ကို ကျွမ်းကျွမ်းကျင်ကျင်နဲ့ လုပ်ခဲ့ဖူးသူ ဗိုလ်မှူးရာထူးအဆင့် ရှိခဲ့ပေမယ့် ကွန်မြူနစ်ဝါဒီတွေနဲ့ ပတ်သက်ဆက်ယှက်မှုရှိတာကိုတွေ့ခဲ့တဲ့အတွက် အလုပ်နားခံထားရသူ ‘ဂါဒက်’ ကို အစိုးရက ပြန်ဆက်သွယ်ပြီး ဒီအမှုကို ဖြေရှင်းခိုင်းပါတော့တယ်။ မက်လုံးကတော့ အရင်ပြစ်မှုတွေကို ခဝါချပြီး ရာထူးနေရာပြန်ပေးပါမယ်တဲ့။ ဒီတော့ သူနဲ့ အသက်ငယ်ငယ် တွဲဖက်ရဲမေတို့က အမှုကို ဖြေရှင်းကြပါတော့တယ်။ ထောက်လှမ်းရေးအရာရှိပီပီ စကားနည်းနည်းပါးပါး အစ်အောက်လိုက်တာနဲ့ ဘယ်သူက အမှုကို ကျူးလွန်ခဲ့တယ်ဆိုတာကို ဂါဒက်တစ်ယောက် သိပါတယ်။ ဒီဇာတ်လမ်းရဲ့တင်ဆက်ပုံမှာ ရဲဘက်က ဘယ်သူတွေဘဏ်

Horror ကိုမှ အကြမ်းစား မညှာမတာသတ်ဖြတ်မှုတွေပါဝင်ပြီး fiction ဆန်ဆန်ကြည့်ရမယ့် အမျိုးအစားဖြစ်ပါတယ်။ မိသားစုအဖိုးတန်အချိန်လေးရချင်လို့ အားလပ်ရက်အပန်းဖြေခရီးထွက်လာတဲ့ သားအမိသားအဖလေးယောက်က ကံဆိုးပြီး လူသတ်ပွဲလုပ်မယ့် ဟိုတယ်မှာ တည်းမိသွားတဲ့အဖြစ်ပါ။ ကီနန်တို့မိသားစုတည်းတဲ့ ဟိုတယ်ကို ညဘက်မှာ lockdown ချလိုက်ပြီး လူတစ်စုက လူသတ်တဲ့ဂိမ်းကစားကြတာပါ။ ဒီဂိမ်းမှာ ကစားသမား4ယောက်ပါဝင်ပြီး ဧည့်သည်တွေအားလုံးကို ရက်ရက်စက်စက် လိုက်သတ်ပါတယ်။ ဒီဂိမ်းကို လော့ဝုဒ်ဆိုတဲ့လူက အစအဆုံးကြိုးကိုင်နေပြီး Streams ဆိုတဲ့ app ကနေ တိုက်ရိုက်လွှင့်ပေးပါတယ်။ကြည့်ရှုသူပရိသတ်ကလည်း အများအပြားပါပဲ။ လူတွေ တစ်ယောက်ပြီးတစ်ယောက်သေကုန်ပြီး ကီနန်ရဲ့ဇနီးပါ အသတ်ခံလိုက်ရတဲ့အချိန် သားနဲ့သမီးကို ကာကွယ်ဖို့ ကီနန်က ကစားပွဲမှာပါဝင်ရပါတော့တယ်။ သူ့ရဲ့အားထုတ်မှုက အရာထင်မလားဆိုတာကတော့.... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

Safira ဇာတ်ကားကတော့ မင်းသားကြီးAshay Kumarသရုပ်ဆောင်ထားတဲ့ Deccan လေကြောင်းလိုင်းအကြောင်းရိုက်ပြထားတဲ့ ဖြစ်ရပ်မှန်ကားတစ်ကားဖြစ်တယ်။ဇာတ်လမ်းအကျဉ်းကတော့ လေတပ်အရာရှိတစ်ယောက်ဖြစ်တဲ့ ဗီလ်ဟာ ဈေးကြီးလှတဲ့အိန္ဒိယရဲ့ လေယာဉ်လက်မှတ်တွေကြောင့် တပ်ကနေ အိမ်ကိုအမှီမပြန်လာနိုင်ခဲဘဲနဲ့ အဖေဖြစ်သူကို နောက်ဆုံးနှုတ်ဆက်ခွင့်တောင်မရ ဈာပနာတောင်ကျင်းပခွင့်တောင်မရခဲ့ပါဘူး။ဒါကြောင့်ဗီလ်ဟာ လေတပ်ကထွက်ကာ သာမန်ပြည်သူတွေတက်နိုင်တဲ့ ဈေးပေါတဲ့လေကြောင်းလိုင်းတစ်ခုတည်ထောင်ဖို့ ကြိုးစားခဲ့တယ်။လေကြောင်းလိုင်းတည်ထောင်ဖို့ ရင်းနှီးမြုပ်နှံသူတွေကို လိုက်ရှာနေရင်း သူ့လိုဘဲ မုန့်ဆိုင်ဖွင့်ဖို့ အိမ်မက်ရှိတဲ့ ရာလ်နီဆိုတဲ့မိနိးကလေးနဲ့ ချစ်ကြိုက်ကာ လက်ထပ်ခဲ့ကြတယ်။ဗီလ်နဲ့ ရာလ်နီတို့ နှစ်ယောက် အိမ်မက်တွေကို အကောင်အထည်ဖော််ဖို့ ကြိုးစားနေပေမဲ့ ဗီလ်ရဲ့ လေကြောင်းလိုင်းသာပေါ်လာရင် လူဆင်းရဲတွေလဲ လေယာဉ်စီးနိုင်မှာကို သဘောမကျတဲ့ အိန္ဒိယလေကြောင်းလုပ်ငန်းပိုင်ရှင်သူဌေးကြီးပါရာကတ်ရှ်က ဗီလ်ရဲ့ အစီအစဉ်တွေကို လိုက်လံဖျက်စီးပါတော့တယ်။သာမန်လူတစ်ယောက်ဖြစ်တဲ့ ဗီလ်က သူ့အိမ်မက်တွေကို အကောင်အထည်ဖော်နိုင်ပါ့မလားဆိုတာကို ကြည့်ရှုကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

ဒီတစ်ခါဇာတ်လမ်းလေးကတော့ ဂျိမ်းစဘွန်းဆိုတဲ့ကာရိုက်တာ ပထမဆုံးစရိုက်တဲ့ဇာတ်လမ်းလေးဖြစ်ပါတယ် သူတို့အဖွဲ့အစည်းက စုံထောက်နဲ့အတွင်းရေးမှူးတစ်ယောက် သေသွားတဲ့အမှုကို စုံစမ်းရာကနေ ဒေသခံတွေတောင်မသွားရဲ မကပ်ရဲကြတဲ့ ရောက်ဖူးသူတိုင်း ပြန်မလာနိုင်တဲ့ တရုတ်ပိုင်ကျွန်းတစ်ခုက သေသွားတဲ့စုံထောက်နဲ့ပတ်သတ်နေတဲ့အခါ ဂျိမ်းစဘွန်းတစ်ယောက် ကျွန်းကိုသွားပြီးစုံစမ်းရာက ဘာတွေတွေ့ရှိမလဲဆိုတာ ကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

မင်းသားကြီးရှောင်ကွန်နရီရဲ့ ၂ ကားမြောက် ဂျိမ်းစ်ဘွန်းဇာတ်ကားဖြစ်ပါတယ်။ သိကြတဲ့အတိုင်း ရှောင်ကွန်နရီဆိုရင် ဂျိမ်းစ်ဘွန်းနဲ့ပဲ တွဲမြင်တဲ့အထိ သက်ဝင်အားကောင်းခဲ့ပါတယ်။သူ့ရဲ့ဘွန်းကားတွေဟာ စမတ်ကျတဲ့အပြင် ရယ်စရာ ထေ့လုံး လှောင်လုံးတွေအများဆုံးပါဝင်တာကြောင့်ဘွန်းအဆန်ဆုံးကားတွေလို့ ပြောလို့ရပါတယ်။ဒီကားဟာဆိုရင်လည်း ဂျိမ်းစ်ဘွန်းရုပ်ရှင်တွေအားလုံးရဲ့ အကောင်းဆုံးကားလို့ပြောရလောက်တဲ့အထိ ချီးကျူးထောပနာပြုခြင်းခံရတဲ့ကားဖြစ်ပါတယ်။ Action သီးသန့်မဟုတ်ဘဲ ဘက်ပေါင်းစုံက တင်ဆက်ထားနိုင်ပြီးသူ့ခေတ်မှာ အတော်ကို အံ့ဩရတဲ့ ဖန်တီးမှုတချို့ပါတင်ဆက်နိုင်ခဲ့ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Aung Myat Tun ဖြစ်ပါတယ်

ဂျန်းဝူနဲ့အွန်းဂျီတို့မောင်နှမ၂ယောက်ဟာ မိဘတွေဆုံးပြီးကတည်းက တစ်ယောက်ကိုတစ်ယောက်စောင့်ရှောက်ရင်းနေလာကြပါတယ်။ ဂျန်းဝူက အစ်ကိုကြီးပီပီ အလုပ်ကိုကုန်းရုန်းလုပ်ပြီး ညီမလေးအွန်းဂျီကျောင်းတက်ဖို့ကို ထောက်ပံ့ပေးခဲ့ပါတယ်။ အွန်းဂျီကတော့ ကောလိပ်ဆက်တက်ဖို့ကို စိတ်မဝင်စားဘဲ ဆံပင်အလှပြင်ဆိုင်တစ်ခုမှာ အလုပ်ခိုးဝင်လုပ်ပြီး ပိုက်ဆံရှာဖို့ကိုပဲ အားသန်နေခဲ့ပါတယ်။ အွန်းဂျီတစ်ယောက် အလုပ်ခိုးလုပ်တာကို သူ့အစ်ကိုမိသွားပြီး မောင်နှမ၂ယောက်စကားများပြီး အစ်ကိုဖြစ်သူက သူ့ကိုတံခါးသော့ခတ်ပိတ်ထားပြီး အပြင်ထွက်သွားပါတယ်။ သူပြန်ရောက်လာတဲ့အချိန်မှာ သူ့ညီမဖြစ်သူကိုမတွေ့တော့ဘဲ လူပျောက်တိုင်ထားခဲ့ပေမဲ့ရှာမတွေ့ပါဘူး။တစ်ရက်ကျ ရပ်ကွက်ထဲက ရှေ့ဖြစ်မြင်ရတယ်ဆိုတဲ့ အီရှီအွန်းဆိုတဲ့ကောင်မလေးတစ်ယောက် သူ့ဆီကိုရောက်လာပြီး ဘာတွေဆက်ဖြစ်လာမလဲဆိုတာ... ဒီကားကိုအညွှန်းနဲ့ဘာသာပြန်ဆိုသူကတော့ Huihui ဖြစ်ပါတယ်။

နယ်လာနဲ့ဂျိုးက အန်ဂျွိုင်းဆိုတဲ့ဘလော့ချန်နယ်လေးကို စထောင်ခဲ့တဲ့ ဆိုရှယ်မီဒီယာမှာလူတိုင်းအားကျရတဲ့ ဆယ်လီအတွဲပေါ့။ဘလော့ဂါဆယ်လီအတွဲပီပီ ဘလော့ရိုက် ဈေးရောင်းရင်းနဲ့ပဲဘဝကို ဖြတ်သန်းနေတာပေါ့လေ ။ဒီလိုနဲ့ ချစ်သူသက်တမ်း ၅ နှစ်ပြည့်မှာ နယ်လာတစ်ယောက် လိုက်ဖ်လွှင့် ဂျိုးကိုစပရိုက်စ်သွားအတိုက်မှာဟိုက စပရိုက်အကြီးကြီးနဲ့ ကြိုဆိုလိုက်ပါသတဲ့။အဲဒါကတော့ ဘုရားစူး သူငယ်ချင်း လုပ်ဖော်ကိုင်ဖက်လေးနဲ့ ဂျိုးတစ်ယောက်ပါတီမှာ အနမ်းချင်းဖလှယ်နေတာကို နယ်လာကတန်းမြင်သွားတာပါပဲ။ တွဲခဲ့တဲ့အချိန်တွေလည်းကြာပြီမလို့လူနေမှုဘဝမှာရော အလုပ်မှာ ဘလော့ဂ်မှာ ဆိုရှယ်မီဒီယာမှာ ဂျိုးရဲ့အရိပ်တွေက စိုးမိုးနေတဲ့အပြင်ပါတီမှာသောင်းကျန်းခဲ့တဲ့နယ်လာရဲ့လိုက်ဖ်ကြောင့် လူတိုင်းက ဂျိုးဘက်ကပါနေကြလို့ဘဲကပစ် အလုပ်ကမပြေ အထီးကျန် ဒီပျက်ရှင်ကောင်မဇိုးလေးဖြစ်နေရင်းကနေctrlapp.inဆိုတဲ့Chat Bot AIတစ်ခုနဲ့ အာရုံပြောင်းဖို့လုပ်ရာက…. ဘယ်လိုတွေ ဆက်ဖြစ်မလဲဆိုတာ ဇာတ်လမ်းလေးထဲမှာ ကြည့်လိုက်ပါဦး ဒီဇာတ်ကားကိုအညွန်းနဲ့ဘာသာပြန်ပေးသူကတော့ Lemon ဖြစ်ပါတယ်

Horror fanတွေအနေနဲ့ကြည့်ရတာတန်စေမယ့် horrorကားကောင်းလေးတစ်ကားလို့ပြောလို့ရပါတယ်။ ဇာတ်လမ်းအစမှာတော့ တန်ဆိုတဲ့ကောင်လေးက accidentဖြစ်ပြီး အတိတ်မေ့သွားခဲ့ပါတယ်။ သူ့နာမည်တစ်ခုကလွဲလို့ ကျန်တာဘာမှမမှတ်မိတော့ပါဘူး။ သူဟာသူဘယ်သူလဲ၊ဘယ်ကလာလဲဆိုတာကိုလိုက်ရှာရင်း တစ်နေ့မှာ နာမည်ကြီးဗိသုကာပညာရှင်တစ်ယောက်သတ်သေသွားတဲ့သတင်းကိုတွေ့ပြီး သူဟာအဲ့သူရဲ့တစ်ဦးတည်းသောသားဖြစ်နေတာကိုသိသွားပြီး အဲ့အိမ်ကိုလိုက်သွားတဲ့အခါမှာ ထူးခြားဆန်းကြယ်တဲ့အရာတွေနဲ့ကြုံတွေ့ရပါတော့တယ်။ ဒီတော့ တန်အနေနဲ့အဲ့ဒီအိမ်မှာဘယ်လိုအရာတွေကြုံတွေ့ရမလဲဆိုတာကို ရင်တဖိုဖိုနဲ့ကြည့်ရှုရမှာဘဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူက May Myat Noe Naing ဖြစ်ပါတယ်

ဒီတစ်ခေါက်မှာတော့ တံငါလုပ်ငန်းနဲ့ လှိုင်းကြမ်းလှေကြမ်းတဲ့ပင်လယ်ပြင်ကိုနောက်ခံထားတဲ့ အက်ရှင်ဒရမ်မာဇာတ်လမ်းကောင်းလေးတစ်ခုနဲ့မိတ်ဆက်ပေးပါရစေ မန်နူရယ်ဟာ အာဏာရှိတဲ့လူတစ်ယောက်နဲ့ အချင်းများရန်ဖြစ်ရာက အန်ချူသန်ဂူမြို့လေးပေါ်ကနေ ရှောင်ပြေးဖို့အတွက် ငါးဖမ်းစက်လှေတစ်စီးနဲ့ ပင်လယ်ထဲလိုက်သွားခဲ့တယ်။ ဖြစ်ချင်တော့ အဲ့ဒီစက်လှေက ငါးဖမ်းစက်လှေမဟုတ်ဘဲ မူးယစ်ဆေးမှောင်ခိုလုပ်ငန်းကို အဓိကလုပ်ကိုင်တဲ့လုပ်ငန်းဖြစ်နေတဲ့အခါ မန်နူရယ်တစ်ယောက် ပင်လယ်ပြင်ထဲကိုရောက်မှ ပိုဆိုးတဲ့ပြဿနာတွေနဲ့ ကြုံရပါတော့တယ်။ ဒါပေမဲ့ တကယ်တမ်း မန်နူရယ်ကလည်း အကြံအစည်တစ်ခုနဲ့ လှေပေါ်ကိုလိုက်လာခဲ့တယ်ဆိုတာကို သင်္ဘောပေါ်ကလူတွေသိသွားကြတဲ့အခါ ဘာဆက်ဖြစ်ကြမလဲဆိုတာကို ရင်တထိတ်ထိတ်နဲ့ကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ The Emperor in August လေးကိုဘာသာပြန်တင်ဆက်ပေးလိုက်ပါတယ် ဩဂုတ်လဟာ ဂျပန်တိုအတွက် ထူးခြားတဲ့လတစ်လပါ။ အကြောင်းကတော့ ၁၉၄၅ ခုနှစ်၊ ဩဂုတ်လ ၁၅ ရက်နေ့မှာ ဂျပန်ဧကရာဇ်ကိုယ်တိုင်က ဒုတိယကမ္ဘာစစ်မှာ ဂျပန်တိုလက်နက်ချကြောင်း ပြည်သူတွေကို ရေဒီယိုကတဆင့် အသံလွှင့်ကြေညာခဲ့လိုဖြစ်ပါတယ်။ ဂျပန်တိုရဲ့သမိုင်းကြောင်းမှာ မမေ့နိုင်စရာ နေ့ရက်တစ်ရက်ဆိုရင်လည်း မမှားပါဘူး။ The Emperor in August ဆိုတဲ့ရုပ်ရှင်ကတော့ ၁၉၆၇ ခုနှစ်က Japan's Longest Day ရုပ်ရှင်ကို ပြန်လည်ရိုက်ကူးဖန်တီးထားတာ ဖြစ်ပါတယ်။ဇာတ်လမ်းထဲမှာ ဒုတိယကမ္ဘာစစ်မှာ ဂျပန်ဧကရာဇ်နဲ့ အထက်လူကြီးတွေ၊ အောက်ခြေအရာရှိတွေကြားက အငြင်းပွားမှုတွေ၊ ဂျပန်တိုရဲ့တိုင်းပြည်ချစ်စိတ်၊ အညံ့မခံလိုတဲ့ မာန၊ အသေသာခံမယ် အရှုးမပေးဘူးဆိုတဲ့ စိတ်ဓာ‌တ်တွေကို ကွက်ကွက်ကွင်းကွင်း ရိုက်ပြထားတာပါ။ ဇာတ်လမ်းအကျဉ်းကတော့ - ဒုတိယကမ္ဘာစစ်အတွင်း ဂျပန်တိုစစ်ရှုးလာချိန်မှာ ဂျပန်ဧကရာဇ်က ပြည်သူတွေကို ဆက်မနစ်နာစေလိုတာကြောင့် မာနအားလုံးခဝါချ၊ သူ့စစ်သည်တွေရဲ့ဆန္ဒကိုဆန့်ကျင်ပြီး မဟာမိတ်တွေနဲ့ စစ်ပြေငြိမ်းဖို လက်နက်ချဖို ဆုံးဖြတ်လိုက်ပါတယ်။ ဒါကိုမကျေနပ်ကြတဲ့ စစ်တပ်အရာရှိတွေက စစ်အောင်နိုင်တဲ့အထိ ဆက်တိုက်ခွင့်ရဖိုအတွက် အမိန့်ကိုဖီဆန်ဖို ကြိုးပမ်းကြပါတော့တယ်။ အဲဒီအခါမှာ ဧကရာဇ်နဲ့ဗိုလ်ချုပ်ကြီးတွေက တစ်ဖက်၊ အရှုးမပေးလိုတဲ့ စစ်တပ်အရာရှိတချိ

လိမ်ပုံလိမ်နည်းပေါင်းစုံတတ်တဲ့ ကျားဖြန့်တွေနဲ့ အလိမ်ခံလိုက်ရလို့ ဘ၀ပျက်သွားရတာကို သုတရော ရသပါမြောက်အောင် ရိုက်ပြထားတဲ့ ဇာတ်ကားကောင်းကြီး။ လူတွေက အယုံလွယ်လို့လည်း အလိမ်ခံရတယ်။ လောဘကြီးလို့လည်း အလိမ်ခံရတယ်။ အယုံလည်းမလွယ် လောဘလည်းမကြီးတော့ ငါတော့ အလိမ်မခံရလောက်ပါဘူးဆိုသူတွေလည်း အလိမ်ခံရတယ်။ ဒီဇာတ်ကားထဲမှာ အလိမ်ခံရသူတွေဟာ တုံးအသူတွေ ပညာမတတ်တဲ့သူတွေ မဟုတ်ကြဘဲ မသမာသူတွေရဲ့ထောင်ချောက်ထဲကို ပုံစံမျိုးစုံနဲ့ကျရောက်ရပုံကို ပြထားပါတယ်။ ပါ၀င်တဲ့ သရုပ်ဆောင်တွေအားလုံးကောင်းကြပေမယ့် အားလုံးထဲကချီးကျူးစရာအကောင်းဆုံးနှစ်ယောက်က ကျားဖြန်ကြီးတွေ ဖြစ်နေတယ်။ အရမ်းကောင်းတဲ့ဇာတ်ကားမလို့ လက်လွှတ်မခံသင့်ပါဘူး ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

အက်ရှင်လည်းကြိုက် ဆိုင်ကယ်လည်းချစ်တဲ့ပရိသတ်တွေအတွက် အက်ရှင်ကားကောင်းလေးတစ်ကားကိုထပ်မံတင်ဆက်ပေးလိုက်ပါပြီ။ဇာတ်ကားနာမည်ကတော့ Jackdaw ဖြစ်ပြီး IMDb Rating 5.0 အထိရရှိထားပါတယ်။ဇာတ်လမ်းအစမှာဂျက်ဒေါဆိုတဲ့တောင်တက်ဘီးချန်ပီယံ စစ်ပြန်ကြီးကို ဆိုင်းလက်စ်ဆိုတဲ့မူးယစ်ဆေးရောင်းဝယ်ရေးသမားက ပစ္စည်းသွားယူဖို့အတွက်ပိုက်ဆံပေးခိုင်းနေတာကိုတွေ့ရမှာဖြစ်ပါတယ်။ဂျက်ဒေါမှာညီတစ်ယောက်ရှိပြီး ညီအစ်ကိုနှစ်ယောက်တည်းရှိတဲ့အတွက် အစ်ကိုကြီးအဖရာဆိုသလို သူ့ညီကိုစောင့်ရှောက်ပေးနေရတဲ့အတွက် ဒီလိုပိုက်ဆံလွယ်လွယ်ရမဲ့အလုပ်မျိုးကတော့လက်လွတ်မခံသင့်တဲ့အတွက်လက်ခံလိုက်ပါတယ်။ဒါပေမယ့်ဒီအလုပ်ကိုလွယ်လွယ်ကူကူပစ္စည်းပို့ပေးရမဲ့အလုပ်လို့ထင်လိုက်မိတာသူ့အမှားပါပဲ။ဘာလို့လဲဆိုတော့ အဲ့ဒီပစ္စည်းကိုသွားယူပြီးကတည်းက သူ့နောက်ကိုလူတွေတပြွတ်ကြီးလိုက်လာပြီး အသက်မနည်းလုထွက်ပြေးနေရလို့ပါပဲ။အဲ့ဒီအပြင်ကိုမှအဲ့ဒီပစ္စည်းကြောင့်သူ့ညီလည်းပြန်ပေးဆွဲခံလိုက်ရတဲ့အတွက် ပိုက်ဆံမရတဲ့အပြင် ညီကိုပါဆုံးရှုံးလိုက်ရလို့ ဂျက်ဒေါတစ်ယောက်တော်တော်တိုင်ပတ်နေပါတော့တယ်။အဲ့ဒါကြောင့်ပစ္စည်းနဲ့သူ့ညီကိုလဲဖို့စီစဉ်ခဲ့ပြီးနောက်မှာ မထင်ထားတဲ့ဘယ်လိုလှည့်ကွက်တွေဆက်လက်ကြုံတွေ့ရမယ်ဆိုတာကိုကြည့်ရမဲ့ အက်ရှင်ဇာတ်ကားကောင်းတစ်ကားဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

Vedaaဇာတ်ကားမှာတော့ ဗီလ်ဒါဟာ မျိုးရိုးဇာတ်နိမ့်က မွေးဖွားလာတဲ့ မိန်းကလေးတစ်ယောက်ဖြစ်ပေမဲ့ လက်ဝှေ့ချန်ပီယံဖြစ်ချင်တာကြောင့် ကောလိပ်လက်ဝှေ့အသင်းထဲဝင်ခွင့်ရဖို့ ကြိုးစားခဲ့တယ်။ဒါပေမဲ့မျိုးရိုးဇာတ်နိမ့်တဲ့သူကို ဘယ်သူကမှ အဖွဲ့ထဲက လက်မခံတဲ့အပြင်ရွာကောင်စီခေါင်းဆောင်ရဲ့ညီကလဲ ဗီလ်ဒါကို လိုက်လံနှောင့်ယှက်နေခဲ့သေးတယ်။အဲ့အချိန်မှာရွာကို အခုမှရောက်လာတဲ့ လက်ဝှေ့လက်ထောက်နည်းပြအာဟီလ်ဆိုတဲ့လူက ဗီလ်ဒါကိုလက်ဝှေ့ထိုးနည်းသင်ပေးခဲ့တယ်။တစ်နေ့မှာတော့ ဗီလ်ဒါအကိုဟာ မျိုးရိုးမြင့်ထဲက မိန်းကလေးတစ်ယောက်နဲ့ ချစ်နေပြီး ခိုးရာလိုက်ပြေးသွားတာကြောင့်ရွာကောင်စီခေါင်းဆောင်က ဗီလ်ဒါရဲ့အကိုနဲ့အမကို ရက်ရက်စက်စက်သတ်ဖြတ်လိုက်ပြီး ဗီလ်ဒါကိုလဲ သတ်ဖြတ်ဖို့ လိုက်လံဖမ်းဆီးနေခဲ့တယ်။ဗီလ်ဒါတစ်ယောက် အာလ်ဟီကို အကူအညီသွားတောင်းချိန်မှာတော့ အာလ်ဟီဟာ သာမန်လက်ထောက်နည်းပြတစ်ယောက်မဟုတ်ဘဲနဲ့ စစ်တပ်အရာရှိဟောင်းတစ်ယောက်ဖြစ်နေတာကို သိသွားပြီးတော့ရွာကောင်စီခေါင်းဆောင်တို့တစ်ဖွဲ့လုံးက ဗီလ်ဒါနဲ့ အာဟီလ်တို့ကို လိုက်လံသတ်ဖြတ်ပါတော့တယ်။စစ်တပ်အရာရှိတစ်ယောက်ဖြစ်တဲ့ အာလ်ဟီကရော ဒီမြို့လေးကို ဘာကြောင့်ရောက်လာရတာလဲ။ဗီလ်ဒါကရော အသက်ရှင်ထွက်ပြေးနိုင်ပြီးတော့ သူ့မိသားစုအတွက် လက်စားချေနိုင်ပါ့မလားဆိုတာကို ကြည့်ရှူကြပါအုံး။ ဇာတ်လမ်းအညွှန်းနဲ့ ဘာသာပြန်သူကတော့ Nora ဖြစ်ပါတယ်။